Լուսավոր տոնի փոքրիկ ստվերը. հանրային կարծիքի վրա հիմնվելն այնքան էլ ձեռնտու չպիտի լինի Քոչարյանի կողմնակիցներին

Արցախյան պատերազմում տարած հաղթանակի 25-ամյակի տոնական միջոցառումներն ինչ-որ չափով ստվերվեցին։ ԼՂՀ նախագահ Բակո Սահակյանն ու նախկին նախագահ Արկադի Ղուկասյանը համատեղ ուղերձով դիմել էին ՀՀ գլխավոր դատախազ Արթուր Դավթյանին՝ մայիսի 9-ին ընդառաջ Ռոբերտ Քոչարյանի խափանման միջոցը փոխելու խնդրանքով (ինչը միասնականության եւ համերաշխության ազդակ կդառնար ամբողջ աշխարհի համար), գլխավոր դատախազն էլ տեղեկացրել էր, որ այդ հարցը դատախազության լիազորությունների տիրույթում չէ։ Դժվար է ասել՝ ԼՂՀ ներկա եւ նախկին նախագահներին չէի՞ն հուշել այս իրավական նրբությունները, թե՞ կարեւորը բուն ուղերձի փաստն էր, բայց ամեն դեպքում՝ միջադեպը որոշակի անցանկալի նստվածք թողեց։

Իհարկե, Արցախի հետ կապված ցանկացած հարցում մեր միասնականությունն ամբողջ աշխարհին ցուցադրելն իսկապես չափազանց կարեւոր է, եւ իսկապես շատ ավելի ազդեցիկ կլիներ, եթե տոնական այդ օրը կողք կողքի կանգնած լինեին բոլոր նրանք, ովքեր ծանրակշիռ ներդրում են ունեցել հաղթանակի կերտման գործում։ Ու երեւի չարժե «մանրանալ» եւ հարցնել, օրինակ, թե այդ դեպքում ինչո՞ւ այդ նույն միասնականության ուղերձի շրջանակներում պաշտոնական հրավեր չէր ուղարկվել նաեւ այդ տարիների ՀՀ նախագահին։ Ըստ երեւույթին հարցը պետք է դիտարկել այլ տեսանկյունից։

Եթե հարցին նայում ենք այն տեսանկյունից, որ «անարդար է, որ արցախյան հաղթանակում մեծ ավանդ ունեցող գործիչը տոնական այդ օրը գտնվի կալանքի տակ» (իսկ Քոչարյանի կողմնակիցները նաեւ այդպիսի շեշտադրումներ են անում), ապա պիտի հաշվի առնենք նաեւ հասարակական կարծիքը ե՛ւ Հայաստանում, ե՛ւ Արցախում։ Իսկ կոնկրետ Ռոբերտ Քոչարյանի նկատմամբ հանրային կարծիքը ե՛ւ Հայաստանում, ե՛ւ Արցախում (հատկապես Արցախում) առավելապես հետեւյալն է՝ «այո, Ռոբերտ Քոչարյանը մեծ դերակատարում է ունեցել հաղթանակի կերտման գործում, բայց եթե նա իր կուտակած անձնական հարստության կեսի կեսը ծախսեր 150 հազար բնակչությամբ Արցախի վրա, այսօր Արցախը տնտեսապես կլիներ Շվեյցարիա, ռազմական առումով՝ Իսրայել»։ Հարյուր տոկոսանոց ճշմարտություն է սա, թե ոչ՝ այլ հարց է, բայց հանրային կարծի՛քն է այդպիսին։ Հետեւաբար՝ այս հարցում հանրային կարծիքի (էմոցիաների) վրա հիմնվելն այնքան էլ ձեռնտու չպիտի լինի Քոչարյանի կողմնակիցներին։

Իսկ եթե հարցին նայում ենք զուտ իրավական տեսանկյունից, ապա ԼՂՀ ներկա եւ նախկին նախագահները երեւի պիտի հստակեցնեն՝ իրենց կարծիքով Հայաստանի Հանրապետությունում բոլորը օրենքի առջեւ հավասա՞ր պիտի լինեն, թե՞ ոմանց դեպքում կարելի է նաեւ բացառություններ անել՝ հաշվի առնելով նախկինում նրանց մատուցած ծառայություններն ու անցած ուղին։

Սա անձնական հարաբերությունների հարց չէ, սա շատ ավելի կարեւոր եւ, ի դեպ, արցախյան խնդրի ապագայի վրա անմիջական ազդեցություն ունեցող խնդիր է։ Վստահաբար՝ որեւէ մեկի համար գաղտնիք չէ, որ հնարավոր չէ հասնել արցախյան խնդրի արժանապատիվ կարգավորման՝ առանց թիկունքում ունենալու հզոր եւ ժամանակակից Հայաստան։ Իսկ դրան հասնելու համար Հայաստանն առաջին հերթին պիտի լինի օրենքի գերակայության երկիր, օրենքի առջեւ բոլորը պիտի հավասար լինեն, պիտի ժողովրդավարություն լինի, տնտեսական ազատ մրցակցություն լինի, համակարգային կոռուպցիան ու կլանային հարաբերություններն արմատախիլ արվեն, եւ այլն։ Պարզ ասած՝ օրենքի առջեւ բոլորի հավասարության սկզբունքը քմահաճույք չէ, դա այն միակ ճանապարհն է, որով մենք պիտի հասնենք մեր բոլոր խնդիրների, այդ թվում՝ նաեւ արցախյան խնդրի կարգավորմանը։ Իսկ ցանկացած բացառություն դառնալու է այն «ցեցը», որը հետագայում կամաց-կամաց ժանգի պես քայքայելու է այն հիմքերը, որոնց վրա փորձ է արվում կառուցել նոր Հայաստանը։

Այլընտրանք չկա, նույն ճանապարհով պիտի ընթանա նաեւ Արցախը։ Եվ նախագահ Բակո Սահակյանն, ի դեպ, շատ լավ գիտակցում է դա ու օրինականության հաստատման տեսանկյունից տարիներ շարունակ մի քանի քայլ առաջ էր Հայաստանի իր պաշտոնակիցներից։ Իսկ օրինականության հաստատման հարցում Հայաստանի եւ Արցախի գործողությունների համաձայնեցվածությունն, ի դեպ, ամբողջ աշխարհին մեր միասնականությունը ցուցադրելու ավելի ազդեցիկ միջոց է։

Տպել
2148 դիտում

Չափազանց թանկ կվճարեն, եթե ռազմական «ավանտյուրաներ»-ի դիմեն. Թրամփը սպառնում է Իրանին

Վլադիմիր Զելենսկին 11 դեսպանների է ազատել աշխատանքից, այդ թվում՝ ՀՀ-ում Ուկրաինայի դեսպանին

Ոստիկանությունը բացահայտել է «Սևան» ազգային պարկի կապալառուի կողմից 24 միլիոն 630 դրամի յուրացում

2019-ի առաջին կիսամյակում գրանցված հանցագործությունների ընդհանուր թիվն աճել է 9 տոկոսով

Զորամասի հրամանատարի դրդմամբ մոտ 9 մլն դրամի հափշտակության մասին քրգործը 8 անձի մեղադրանքով դատարանում է

ՀՀ հավաքականի ֆուտբոլիստ Կարապետյանը պատմել է, որ գերմանական անձագրով խնդիրներ չի ունենում

Երեւանում եւ մարզերում միայն այսօր 43.63 հա խոտածածկ տարածք է հրդեհվել

ՀՀ ֆուտբոլի Բարձրագույն խմբի 2019-20 մրցաշրջանը կմեկնարկի օգոստոսի 1-ին

Նախորդ տարիների համեմատ աննախադեպ աճել են արտակարգ դեպքերը. կայացել է ԱԻՆ օպերատիվ խմբի առաջին նիստը

Բեյոնսեի կատարմամբ «Առյուծ արքան» ֆիլմի սաունդթրեքի դիտումները ժամ առ ժամ ավելանում են (տեսանյութ)

Իջեւանում գործել է մի խումբ, որը եղել է ոգելից խմիչքի ազդեցության տակ. Սիփան Փաշինյան

Սա այն բարեփոխումն է, որից մենք ակնկալում ենք կոնկրետ արդյունքներ. վարչապետը՝ Հակոբ Արշակյանին

Անշարժ գույքի առքուվաճառքի գործարքներն աճել են 11.1%-ով. Նիկոլ Փաշինյան

Հայաստանի, Ռուսաստանի եւ Բելառուսի ՔԿ ղեկավարները համագործակցության ծրագիր են կնքել

Ադրբեջանցիները ժամանակին սպառնացել են ՀՀ հավաքականի ֆուտբոլիստ Ալեքսանդր Կարապետյանին

Ռաֆիկ Գրիգորյանը նշանակվել է արդարադատության նախարարի առաջին տեղակալ

«Ես ճամփորդ դեսպան եմ». Պյոտր Սվիտալսկի

Հրդեհ` Հաղթանակ զբոսայգու մոտակայքում, հայտարարվել է հրդեհի բարդության «1-ԲԻՍ» կանչ

Արմեն Սարգսյանը ստորագրել է Ազգային ժողովի ընդունած 6 օրենքներ

«Յուվեի» սկաուտները Երեւանում բացահայտել են «Բարսայի» տաղանդին. ուզում են գնել