Չեմ կարծում, որ վեթինգի իրականացումը նվաստացուցիչ է․ իրավաբան Կարեն Զադոյան

Միայն դատական համակարգում վեթինգ իրականացնելու մասին վարչապետի առաջարկությունը համակարգային չէ։ Այս մասին այսօր Ազգային ժողովում անցումային արդարադատության վերաբերյալ կազմակերպված լսումների ժամանակ հայտարարեց «Իրավաբանների հայկական ասոցիացիայի» նախագահ Կարեն Զադոյանը:

Վերջինս նշեց, որ վեթինգ պետք է իրականացնել դատական եւ իրավապահ մարմիններում․

«Եթե մենք մտնում ենք վեթինգի տակ, ապա պետք է կարողանանք այդ գնահատումը իրականացնել մինիմում իրավապահ մարմիններում եւս, որը պետք է զուգորդվի դատաիրավական խորը բարեփոխումների իրականացմամբ»,- նկատեց իրավաբանը:

Անդրադառնալով լյուստրացիային, որի մասին այդքան խոսվում է, Զադոյանն ասաց, որ այդ մեխանիզմն ավելի խոցելի է, քանի որ խոսքը կոլեկտիվ մեղքի եւ պատասխանատվության մասին է։

Ըստ իրավաբանի՝ վեթինգն ավելի ընդունելի է, քան լյուստրացիան, որը Մարդու իրավունքների եվրոպական դատարանի կողմից համարվում է մարդու իրավունքների խախտում․

«Այս փուլում ավելի անխոցելի է իրականացնել վեթինգ՝ գնահատում, եւ մենք առաջարկում ենք այն իրականացնել դատական եւ իրավապահ մարմիններում, չնայած վարչապետի կողմից առաջարկ է եղել միայն դատական համակարգում իրականացնել»,- նշեց Զադոյանը:

Ինչ վերաբերում է խոսակցություններին, թե վեթինգը ստորացուցիչ է, իրավաբանն ասաց, որ ինքն այդպես չի կարծում․

«Չեմ կարծում, որ վեթինգի իրականացումը նվաստացուցիչ է, հակառակը` մեր դատական օրենսգիրքը պարունակում է դրույթներ, որ հինգ տարին մեկ դատավորները ենթակա են գնահատման, այդ թվում`մասնագիտական, էթիկայի կանոնների վերաբերյալ: Ասեմ ավելին` նաեւ հնարավորություն է տալիս, որ դատավորներն իրենք տարին մեկ անգամ դիմեն ու գնահատվեն: Սա նշանակում է, որ առաջին հերթին հարկավոր է դատավորներին, որովհետեւ վեթինգի պրոցեսից իրենք դուրս են գալիս շատ ավելի ուժեղացված, վստահություն ստացած, որովհետեւ վեթինգը տալիս է հնարավորություն բարձրացնել կամ պահել դատավորների բարի համբավը հանրության շրջանում»:

Կարեն Զադոյանն ասաց, որ մենք պետք է այլ երկրների փորձերից դասեր քաղենք, բայց այն համակարգը, որը պետք է ընդունենք, դա պետք է լինի հայկական անցումային արդարադատության համակարգ․

«Դա պետք է լինի սուվերեն մեր երկրի համակարգը, այն պետք է իրականցնեն մեր ազգային փորձագետները, կարող են ներգրավվել սփյուռքահայ փորձագետները, իսկ միջազգային փորձագետների համար մենք բաց ենք լինելու, իսկ պատկան մարմինները՝ տվյալ դեպքում վեթինգի հանձնաժողովը, կորոշեն թե ինչ չափով դա կօգտագործեն»,-եզրափակեց իրավաբանը։

Տպել
497 դիտում

Մահացել է Եգիպտոսի նախկին նախագահ Մուհամմեդ Մուրսին

ՃՏՊ Նորավան գյուղի մոտակայքում. կան տուժածներ

Վարչապետն այցելել է վերակազմավորված կրթության, գիտության, մշակույթի և սպորտի նախարարություն

Արցախի և ԵԱՀԿ ՄԽ երկրների երկխոսությունը հակամարտության վերջնական լուծման պայմաններ կստեղծի. ԱՀ ԱԳՆ

Հնդկաստանում շոգերի պատճառով 70 մարդ է մահացել. օդի ջերմաստիճանը +50-ի է հասել

Հրդեհ Եռաբլուր պանթեոնի մոտակայքում. հայտարարվել է բարդության «1-ԲԻՍ» աստիճան (լուսանկարներ)

Հենրիխ Մխիթարյանի բարեկամները գնացել են՝ մասնակցելու նրա հարսանիքին (լուսանկար)

Տեղի է ունեցել Շրջակա միջավայրի նախարարության և KfW բանկի պատվիրակությունների աշխատանքային հանդիպումը

Մշակույթի ոլորտում հայտնվել են պաշտոնյաներ, որոնց հետ անհամատեղելի եմ համարում իմ հետագա աշխատանքը. Նիգոյան

Քոչարյանի անվան հետ կապվող հիմնադրամին 405 հազար դրամով 1000 հեկտար տարածք են տվել, որպես որսատեղի. Գալստյան

Վալերի Օսիպյանը պարգևատրել է զինված անձին վնասազերծած ոստիկանին ու ՊՊԳՎ ծառայողին (տեսանյութ)

«Նիկոյանի հետ մտերիմ ես», «իմպոտենտ հայտարարություններ են». «փոխհրաձգություն» Մարությանի եւ Խաժակյանի միջեւ

Զինվորին կրակելու կասկածանքով ձերբակալվել է ծառայակիցը, հարուցվել է քրեական գործ

«Սեւան» մարզական ՀԿ-ի աշխատողներին պայմանագրի լուծարման ծանուցագիր է եկել

ՌԴ դեսպանը հրավիրվել է ԱԳՆ՝ Քոչարյանի հետ հանդիպման համար. հորդորել են չխառնվել ՀՀ ներքին գործերին. Ռուբինյան

Վեճի ժամանակ հրազենային վիրավորում ստացած զինվորի վիճակը բավարար է, գտնվում է հոսպիտալում

Կապանում 54 հատ նոր աղբամաններ կտեղադրվեն

Ասկերանի մարտական դիրքերում զինվորների վեճն ավարտվել է կրակոցներով. մեկը ծանր վիրավոր է

Ամենայն Հայոց Կաթողիկոսը հանդիպեց միաբանական համագումարի մասնակիցների հետ

Արամ Հարությունյանի գործով մաս է անջատվել եւ օժանդակողների վերաբերյալ նախաքննության ավարտ հայտարարվել