Խտրական մոտեցում. երբ մաքսայինը ծառայում է մաքսանենգներին

27/05/2019 schedule10:05

Տպագրվել է «Հայկական Ժամանակ» օրաթերթի՝ 2006 թվականի մայիսի 27-ի համարում

Մեր թերթի գործունեության ընթացքում տասնյակ անգամներ մեր թղթակիցները փորձել են ՀՀ կառավարությանն առընթեր մաքսային կոմիտեից պարզել տարբեր ապրանքների ներկրող ընկերությունների անունները, նրանց ներկրման ծավալները: Ամեն անգամ Մաքսայինից տրվել է նույն պատասխանը. ընկերությունների անունները եւ նրանց ներկրման թվերը չեն հրապարակվում: Մեզ տրամադրել են միայն ապրանքի ներկրման ընդհանրացված թիվը: Նման գաղտնապահությունը Մաքսային կոմիտեի պատասխանատուները, որպես կանոն, պատճառաբանել են այն հանգամանքով, որ ընկերությունների անունները եւ նրանց ներկրման ծավալները առեւտրային գաղտնիք են, չեն կարող հրապարակվել: Սակայն առեւտրային գաղտնիքը Մաքսային կոմիտեին չէր խանգարել, որպեսզի նրանք սերժանտական թերթին տրամադրեին բջջային հեռախոսներ ներկրող ընկերությունների անունները եւ նրանցից յուրաքանչյուրի ներկրած հեռախոսների քանակը:

Նախօրեին մենք կրկին դիմեցինք Մաքսային կոմիտեի մամուլի քարտուղար Նելլի Մանուչարյանին` խնդրելով մեզ տրամադրել, ասենք, Հայաստան ձեթ (ապրանքատեսակի ընտրությունը պատահական էր) ներկրող ընկերությունների անունները եւ նրանց ներկրման թվերը: Կրկին լսեցինք մեզ հայտնի պատասխանը՝ անուն առ անուն իրավունք չունենք տրամադրել: Այսպիսով, մենք ճշտեցինք այն, ինչ մեզ հարկավոր էր: Մեզ անհրաժեշտ էր կրկին անգամ փաստով ապացուցել, որ ՄԿ-ն խտրական մոտեցում է դրսեւորում, եւ օրենքների մասին այստեղ հիշում են ըստ անհրաժեշտության, ավելին, օրենքներն, ըստ անհրաժեշտության, տարբեր առիթներով տարբեր կերպ են մեկնաբանվում: Բանն այն է, որ «ՀԺ»-ն այս տարվա մարտին Մաքսային կոմիտեից խնդրել էր իրեն տրամադրել 40 հազար դոլար եւ ավել արժեցող ավտոմեքենաներ ներկրողների անունները, ներկրված ավտոմեքենաների քանակը, դրանց մակնիշները եւ մաքսազերծումից գանձված գումարների չափերը:

Մեզ տրված պատասխանում, որը ստորագրել է անձամբ Մաքսային կոմիտեի տխրահռչակ նախագահ Արմեն Ավետիսյանը, նշված է, թե ներկրողների անունները եւ ամեն մեկի ներկրման տվյալներն իրենք չեն կարող հրապարակել, քանի որ Մաքսային օրենսգրքի 16-րդ հոդվածը արգելում է այդ անել: ՄՕ նշված դրույթը արգելում է առեւտրային գաղտնիքի հրապարակումը: Բայց ստացվում է, որ Մաքսային կոմիտեում առեւտրային գաղտնիքի մասին հիշում են ըստ տվյալներ պահանջողի ով լինելու: Եթե տվյալները անհրաժեշտ են «ՀԺ»-ի թղթակցին, ապա դրանք առեւտրային գաղտնիք են: Եթե տվյալները անհրաժեշտ են իշխանական  PR-ի համար, ապա տվյալների տրամադրումը վայրկյանների գործ է:

Հ.Գ. Երբ Մաքսային կոմիտեի մամուլի քարտուղարից հետաքրքրվեցինք, թե սերժանտական մամուլին  ինչպես են ընկերությունների անունները եւ նրանց յուրաքանչյուրի ներկրման չափը տրամադրել, մեզ առաջարկեցին հարցի պատասխանը ստանալու համար գրավոր դիմել: Իսկ երբ առաջարկեցինք ցույց տալ սերժանտների ուղարկած այն գրությունը, որով տրամադրվել են հրապարակված` բնույթով խայտառակ տվյալները, մեզ կրկին առաջարկեցին գրավոր դիմել: Ի դեպ, սերժանտական մամուլը` Լարիսկայի աջակցությամբ, երեկ նույնպես Սեդրակ Քոչարյանի եւ բջջային հեռախոսների շուկայի հետ կապված թեման փորձել է շարունակել: Մենք պնդում ենք մեր նախկին հրապարակումները: Ընթերցողներին խնդրում ենք մեր այդ երկու հրապարակումները ընդունել որպես մեր ամբողջական եւ անբեկանելի դիրքորոշում տվյալ խնդրի կապակցությամբ:     

Վահագն Հովակիմյան

Տպել
683 դիտում

Աղբահանության նորաստեղծ հիմնարկի տնօրենը կվարձատրվի այնքան, որքան քաղաքապետը՝ 850 հազար դրամ, հավաքարը՝ 200-300 հազար

Տեղի է ունեցել ՀՅԴ-ԲՀԿ կուսակցությունների հանդիպում

ԵՄ-ն կարող է սառեցնել Թուրքիայի հետ մաքսային միության հարցով բանակցությունները

NTV-ն հրապարակել է Ջիգարխանյանի նախկին կնոջ եւ Էլինա Մազուրի ծեծկռտուքի ամբողջական տեսանյութը

Մահացել է Եգիպտոսի նախկին նախագահ Մուհամմեդ Մուրսին

ՃՏՊ Նորավան գյուղի մոտակայքում. կան տուժածներ

Վարչապետն այցելել է վերակազմավորված կրթության, գիտության, մշակույթի և սպորտի նախարարություն

Արցախի և ԵԱՀԿ ՄԽ երկրների երկխոսությունը հակամարտության վերջնական լուծման պայմաններ կստեղծի. ԱՀ ԱԳՆ

Հնդկաստանում շոգերի պատճառով 70 մարդ է մահացել. օդի ջերմաստիճանը +50-ի է հասել

Հրդեհ Եռաբլուր պանթեոնի մոտակայքում. հայտարարվել է բարդության «1-ԲԻՍ» աստիճան (լուսանկարներ)

Հենրիխ Մխիթարյանի բարեկամները գնացել են՝ մասնակցելու նրա հարսանիքին (լուսանկար)

Տեղի է ունեցել Շրջակա միջավայրի նախարարության և KfW բանկի պատվիրակությունների աշխատանքային հանդիպումը

Մշակույթի ոլորտում հայտնվել են պաշտոնյաներ, որոնց հետ անհամատեղելի եմ համարում իմ հետագա աշխատանքը. Նիգոյան

Քոչարյանի անվան հետ կապվող հիմնադրամին 405 հազար դրամով 1000 հեկտար տարածք են տվել, որպես որսատեղի. Գալստյան

Վալերի Օսիպյանը պարգևատրել է զինված անձին վնասազերծած ոստիկանին ու ՊՊԳՎ ծառայողին (տեսանյութ)

«Նիկոյանի հետ մտերիմ ես», «իմպոտենտ հայտարարություններ են». «փոխհրաձգություն» Մարությանի եւ Խաժակյանի միջեւ

Զինվորին կրակելու կասկածանքով ձերբակալվել է ծառայակիցը, հարուցվել է քրեական գործ

«Սեւան» մարզական ՀԿ-ի աշխատողներին պայմանագրի լուծարման ծանուցագիր է եկել

ՌԴ դեսպանը հրավիրվել է ԱԳՆ՝ Քոչարյանի հետ հանդիպման համար. հորդորել են չխառնվել ՀՀ ներքին գործերին. Ռուբինյան

Վեճի ժամանակ հրազենային վիրավորում ստացած զինվորի վիճակը բավարար է, գտնվում է հոսպիտալում