Դա Վիտալի Բալասանյանի սեփական կարծիքն է, պետության կարծիքը չէ. Դավիթ Բաբայան

Պարոն Բալասանյանը քաղաքական գործիչ է, ինքը պետական պաշտոնյա չէ եւ անկախ ամեն ինչից դա իր սեփական կարծիքն է: Այս մասին «Հայկական ժամանակ»-ի հետ զրույցում ասաց Արցախի նախագահի մամուլի խոսնակ Դավիթ Բաբայանը՝ անդրադառնալով Արցախի անվտանգության խորհրդի նախկին քարտուղար Վիտալի Բալասանյանի հայտարարություններին:

Հիշեցնենք, որ ՀՀ կառավարությունը օգոստոսի 22-ին որոշեց Արցախում 2019 թվականի սեպտեմբերին կայանալիք տեղական ինքնակառավարման մարմինների ընտրություններին քաղաքացիական հասարակության կողմից դիտորդական առաքելություն իրականացնելուն աջակցելու նպատակով կառավարության պահուստային ֆոնդից 33 մլն 680 հազար դրամ հատկացնել «Իրազեկ քաղաքացիների միավորում» ՀԿ Ստեփանակերտի գրասենյակին եւ «Թրանսփարենսի ինթերնեյշնլ» հակակոռուպցիոն կենտրոնին: Այս որոշումը, սակայն մի քանիսի կողմից ոչ միանշանակ ընդունվեց: Սույն որոշումից որոշ ժամանակ անց Վիտալի Բալասանյանը «Առավոտ»-ին տված հարցազրույցում հայտարարել էր, որ դա անմիջական միջամտություն է Արցախի սուվերենությանն ու Սահմանադրությանը: Բալասանյանը խոսելով հեղափոխության օրերի մասին նշել էր, թե ՀՀ-ի ե՛ւ խորհրդարանն է բռնազավթվել, ե՛ւ իշխանությունը, ե՛ւ 2018 թվականի ԱԺ ընտրությունները եղել են անօրինական: Բալասանյանի խոսքով՝ բոլոր այն գործողությունները, որոնք կատարել է Նիկոլ Փաշինյանը, քրեորեն հետապնդելի արարքներ են:

Թեմայի վերաբերյալ ՀԺ-ի զրույցը ԱՀ նախագահի խոսնակ Դավիթ Բաբայանի հետ ստորեւ.

- Պարոն Բաբայան, վերջին շրջանում քննարկման առարկա է դարձել այն հանգամանքը, որ Արցախում կայանալիք ՏԻՄ ընտրությունների ժամանակ ՀՀ-ից 2 կազմակերպություն պետք է դիտորդական առաքելություն իրականացնի: Պաշտոնական Ստեփանակերտը որեւէ խնդիր տեսնո՞ւմ է այդտեղ, կամ որեւէ հարց առաջացնո՞ւմ է դիտորդների այցը:

- Չեմ կարծում, որ որեւէ խնդիր կա: Եթե ինչ-որ բան էլ լինի զուտ տեխնիկական հարցեր են: Որեւէ այլ խնդիր չկա: Մենք ընդհանրապես միշտ նշել ենք, որ պատրաստ ենք բոլոր դիտորդներին ընդունել, ավելին՝ Արցախում միշտ օրինակելի ընտրություններ են տեղի ունեցել՝ համեմատած իհարկե տարածաշրջանի: Բազմաթիվ այլ երկրներից էլ առաջ ենք անցել այդ ամենով նույնիսկ՝ ճանաչված երկրներից: Մենք միշտ էլ շահագրգռված ենք եղել, որպեսզի տարբեր դիտորդներ գան: Սա նախ եւ առաջ լավ առիթ է ամբողջ աշխարհին ցույց տալու մեր պետության զարգացման աստիճանը, այն որ Արցախը կա՝ կայացած երկիր է: Իհարկե, սա նաեւ կարեւոր է, որպեսզի ծանոթանանք իրենց կարծիքներին, իրենց փորձին, իրենց առաջարկները տեսնենք: Այսինքն՝ բոլոր տեսակետներից էլ ճիշտ է եւ նման դիտորդական առաքելությունների այցելությունը Արցախ՝ միշտ ողջունել ենք:

- Արցախի անվտանգության խորհրդի նախկին քարտուղար Վիտալի Բալասանյանը բացասական է արտահայտվել դիտորդների Արցախ գալու մասին, նշելով, որ դա միջամտություն է Արցախի սուվերենությանն ու Սահմանադրությանը: Ինչպե՞ս կմեկնաբանեք սա:

- Պարոն Բալասանյանը քաղաքական գործիչ է, ինքը պետական պաշտոնյա չէ եւ անկախ ամեն ինչից դա իր սեփական կարծիքն է: Դուք գիտեք՝ ժողովրդավարական երկրներում տարբեր կարծիքներ են լինում: Լինում են երբեմն նաեւ կոշտ քննադատություններ իշխանություններին: Բայց դա իր կարծիքն է, դա պետության կարծիքը չէ: Եւ առհասարակ իմ խորին համոզմամբ, մենք չպետք է որեւէ ձեւով վախենանք այլ ուժերից: Առաջին հերթին մենք պետք է փորձենք մեր սեփական արատների դեմ պայքարել, իսկ այդպիսի արատներ կան: Հախվերդյանի պես մարդ կա մեր հասարակությունում, որը ղարաբաղցիներին համարում է թուրք: Այս ֆոնին վախենալ ինչ-որ դիտորդներից...: Իհարկե, ավելի ճիշտ կլինի մենք կենտրոնանանք եւ մեր իմունային համակարգն այնքան ուժեղ լինի, որ մենք որեւէ մեկից չվախենանք, թող գան՝ տեսնեն: Բայց այն, որ ունենք ներքին խնդիրներ այ այդպես՝ հախվերդյանատիպ մտածող մարդիկ...: Մեկն էլ դուրս է եկել ասում է Ամուլսարն ավելի կարեւոր է քան Արցախը, Արցախը դարձնում են մանրադրամ: Արցախը ինչ-որ կեղտոտ խաղերի մեջ ներառելը, կարծում եմ, սրբապղծություն է եւ դրա վրա մենք պիտի ամենամեծ ուշադրությունը դարձնենք եւ մեր իմունային համակարգն ուժեղացնենք:

- Վիտալի Բալասանյանը լինելով Արցախի հերոս, Հայաստանի եւ Արցախի իշխանությունների միջեւ տարանջատման փորձ անող հայտարարություններ է արել: Նշել է, որ վարչապետ Նիկոլ Փաշինյանի գործողությունները քրեորեն հետապնդելի են: Այս հայտարարություններին ինչպե՞ս եք վերաբերվում:

- Դա իր անձնական կարծիքն է: Ես չեմ ուզում մեկնաբանել, որովհետեւ ինքը պետական պաշտոնյա չէ: Մնացածը, կարծում եմ, ճիշտ կլինի իրենից ճշտել: Ես համոզված եմ, որ մենք ամեն ինչ պետք է անենք, որ մեր հայկական միասնականությունը միշտ պահպանենք: Բոլորիս պարտքն է անել ամեն ինչ, որպեսզի որեւէ ձեւով մեր հայկական միասնականությունը չխարխլվի:

- Այսպիսի տարանջատող հայտարարությունները կարո՞ղ են որեւէ կերպ ազդեցություն ունենալ Արցախի ժողովրդի վրա:

- Արցախի ժողովրդի երազանքն է՝ միշտ լինել միասնական Մայր Հայաստանի հետ: Տարբեր քաղաքական գործիչների հայտարարությունները կարող են տարբեր լինել: Ընդհանուր առմամբ, մեր այդ միասնականության, այդ մեկ ընդհանուր հայրենիքի գաղափարը, տարանջատման անթույլատրելի բաժանումը՝ հայաստանցիների-ղարաբաղցիների, Արցախի բնակչության մեծամասնության համար անընդունելի է՝ բացարձակ մեծամասնության համար:

- Ամեն դեպքում ինչ-որ փոքր շրջանակներ այնուամենայնիվ փորձում են տարանջատման փորձե՞ր անել:

- Գիտեք՝ ամեն հասարակությունում էլ կա: Կրկնում եմ՝ Հախվերդյան կա, այլ մարդիկ: Կան չէ՞ այդպիսի մարդիկ, ովքեր անընդհատ փորձում են ինչ-որ բան անել: Բայց մեր իմունային համակարգը պիտի ուժեղ լինի, որ այդ գաղափարներն առհասարակ՝ որեւէ ձեւով, պարարտ հող չգտնեն:

Տպել
3384 դիտում

Մայրն ասաց՝ աղջիկը կրկին սկսել է երազել․ «UPSHIFT Իջևան»-ն ամփոփեցին ՀՀ-ում ԱՄՆ դեսպանը, ՅՈՒՆԻՍԵՖ-ն ու Գյումրու ԵՆԿ-ն

Ոտնաձայներ լսելով՝ մտածել է, թե մոտեցողը հակառակորդն է և ինքնաձիգից կրակահերթ է արձակել ծառայակցի ուղղությամբ․ ՔԿ

Քննարկվում է հայ-ադրբեջանական սահման ԵԱՀԿ առաքելություն ուղարկելու հարցը

Արցախում կապի տարբեր միջոցների օգտագործմամբ խարդախությամբ քաղաքացիներից հափշտակվել է ավելի քան 31մլն դրամ

«Նորքի տուն-ինտերնատ»-ն առաջիկայում կունենա նոր վերանորոգված մասնաշենք

Շարունակվում է ՏԻՄ ընտրություններին քարոզչություն կատարելուն հարկադրելու վարույթի նախաքննությունը

14 տոկոս աճը բավականին դրական ցուցանիշ է. տնտեսության ո՞ր ոլորտներն են տուժում սահմանային լարումների հետևանքով

ՊՆ-ն հանրային վայրերում զինծառայողների համար իրերի հավաքագրման և սոցցանցային դրամահավաքի դեպքերով կդիմի իրավապահներին

Վահագն Խաչատուրյանը հանդիպել է Հայաստանի արդյունաբերողների և գործարարների միության նախագահի հետ

Բերքառատում այրվում է մոտ 1000 հակ պահեստավորված անասնակեր

Երեք ամսում խոսել, կարդալ և գրել հայերեն․ մեկնարկել է հայրենադարձների համար անվճար դասընթացների այս տարվա վերջին փուլը

Հայ-կիպրական միջպետական հարաբերություններն առանձնանում են դաշնակցային բնույթով․ վարչապետի ուղերձը Նիկոս Անաստասիադիսին

100-ամյակները բոլորած ու անցած Ասանեթը, Մարգարիտը, Վարդն ու Խանումը․ Շիրակի մարզը երկարակյաց 4 բնակիչ ունի

Դաշտադեմ գյուղում այրվում է մոտ 20 հա խոտածածկույթ

Արցախի Հանրապետության Անվտանգության խորհրդի նիստ կհրավիրվի․ առաջարկը խորհրդարանական ուժերի կողմից է

Ինչ ունեցվածք է հայտարարագրել Էդմոն Մարուքյանը

Վյաչեսլավ Վոլոդինի հրավերով Ալեն Սիմոնյանը պաշտոնական այցով կմեկնի Մոսկվա

21-ամյա վարդենիսցին բակ է մտել ցանկապատի վրա անցք բացելով, իսկ տուն՝ պատուհանը կոտրելով

Ներկայացվել են «Հայավտոկայարան»-ը կոնցեսիոն կառավարման հանձնելու, 3 դոպլերային ռադիոլոկատոր ձեռք բերելու և այլ ծրագրեր

Տարեցների միջազգային օրը ևս մեկ հնարավորություն է մեծարելու մեր ավագ սերնդին, ընդգծելու նրանց անփոխարինելի դերը և արժեքը

«Զիլ»-ը բախվել է մեկ այլ մեքենայի և վրաերթի ենթարկել 33-ամյա կնոջը

24-ամյա հետախուզվողը ներկայացվել է դատարան

Անկարան չի ճանաչի Դոնեցկի և Լուգանսկի, Խերսոնի և Զապորոժիեի մարզերի միացումը Ռուսաստանի Դաշնությանը

Պլանային ջրանջատում Երևանի Քանաքեռ-Զեյթուն, Արաբկիր և Կենտրոն վարչական շրջաններում

Վահրամ Դումանյանը Մեխիկոյում հանդիպել է Հունաստանի գործընկերոջ և Կիպրոսի մշակույթի նախարարի տեղակալի հետ

Աննա Հակոբյանի նամակը՝ դեռ չծնված հայ աղջկան

«ԱՐՄԵԴ» համակարգի պացիենտները իրենց հետազոտությունների արդյունքները կկարողանան տեսնել առցանց

Փանիկցիները «Տելեգրամ»-ով թմրանյութ էին ձեռք բերել, տարբեր վայրերում տեղադրել ու բռնվել

ՀՀ փոխվարչապետը և Ճապոնիայի դեսպանը ընդգծել են երկկողմ հարաբերություններում ներուժի իրացման անհրաժեշտությունը

Գայ գյուղի բնակիչը ջերմատանը կանեփ է աճեցրել

Ստացվել է 6 ահազանգ՝ հանրապետության տարբեր տարածքներում բռնկված հրդեհների վերաբերյալ

Չինաստանի հետ հարաբերությունների հետագա զարգացումը առաջնահերթ կարևորություն ունեն Հայաստանի համար․ ՀՀ վարչապետ

Սուբվենցիոն ծրագրերի տեմպերից գոհ չեմ, հորդորում եմ լինել առավել զգոն․ Նազելի Բաղդասարյան

Մարտական դիրքում հրազենային վիրավորումով հայտնաբերվել է պարտադիր ժամկետային զինծառայողի դի

Աշոցք-Վարդաղբյուր ճանապարհին ավտոմեքենա է շրջվել․ տուժածներից մեկի վիճակը ծանր է

Ասում են՝ չեն կռվի այդ հրամանատարության ներքո, բայց հանկարծ սկսում են բահ ու քլունգ գնել, ի՞նչ փոխվեց. Հովհաննիսյան

Կրթվելու և մշակույթին էլ ավելի մոտ լինելու «խրամատը» ևս ամուր պետք է լինի․ կայացավ գրքի երևանյան փառատոնի բացումը

Հայ-ադրբեջանական սահմանին իրադրության փոփոխություն չի արձանագրվել. ՊՆ

ՀԱՊԿ-ում նույնպես արձանագրվել է, որ Հայաստանում կառույցի նկատմամբ հանրային որոշակի տրամադրություններ են փոխվել. Փաշինյան

«ԳեոՊրոՄայնինգը» շարունակում է համայնքներում համալրել կոմունալ ծառայությունների սպասարկման տեխնիկական պարկը