«Հայամերիկյան» օպտիկական խաբկանք. անվճար վճարովի ակնոցներ

15/09/2019 schedule10:00

Տպագրվել է «Հայկական Ժամանակ» օրաթերթի՝ 2006 թվականի սեպտեմբերի 15-ի համարում

«Միայն մեզ մոտ անվճար ակնոցներ»: Այսպես է գրված բնակելի շենքի առաջին հարկում տեղակայված «Օպտիկա» հայ-ամերիկյան ասոցիացիայի պատին փակցված պաստառի վրա: Այդ «Օպտիկայում» տրամադրվող անվճար ակնոցների մասին գովազդվում է նաեւ հեռուստաալիքներից մեկի վազող տողով: Ա՛յ քեզ ուրախություն, ակնոց գնելու հնարավորություն չունեցող եւ տեսողության հետ կապված խնդիրներ ունեցող մարդիկ միանգամից կլուծեն այդ հարցը: «Օպտիկա» այցելելով` իմանում ես, որ իսկապես ակնոցներն այստեղ անվճար են, իսկ ահա տեսողությունը ստուգելու համար պետք է վճարել 2500 դրամ: Քանի դեռ սա չի գովազդվում, որեւէ խնդիր չի կարող ծագել: Բայց ինչպես արդեն նշեցինք, «անվճար ակնոցների» մասին գովազդը լայնատարած բնույթ է կրում, ինչը արդեն նշանակում է, որ խախտվում է, մասնավորապես, ՀՀ «Գովազդի մասին» օրենքի 7-րդ հոդվածը, որում սեւով սպիտակի վրա գրված է.

«Արգելվում է այն գովազդը, որում խախտվում է գովազդի հավաստիությունը, եւ որը վերաբերում է՝ ...վճարման լրացուցիչ պայմաններին...»:  «Օպտիկայի» խիստ «բարեհամբույր» աշխատակցուհին հարցիդ ի պատասխան չի ասում, որ իրենք ակնոց տալիս են` միայն իրենց մոտ տեսողությունդ ստուգելու պայմանով: Այսինքն` ստացվում է, որ նրանք 2500 դրամով վաճառում են ակնոցը: Իսկ երբ պարզաբանումներ ստանալու համար ցանկություն ես հայտնում տեսնել տնօրենին, անմիջապես իջնում  է բերանիդ. «Տնօրենն ըստեղ նստած քեզ չի սպասում»: Ի դեպ` այսպես, իր կարծիքով, նա խոսում էր այցելուի հետ` դեռեւս չիմանալով, որ հոդվածի համար ենք հետաքրքրվում: Իմանալուց հետո` «Գրի, որ չի ասում»,- շատ ինքնավստահ տոնով առաջարկեց նա: Իսկ «անվճար ակնոց» այս «բարեգործական» ակցիայով գայթակղվածները բավականին շատ էին. մեկը դեռ դուրս չեկած` մյուսն էր գալիս:

Այդպես կարճ ժամանակի ընթացքում հերթ էր գոյանում: Դե, իսկ գալուց հետո մարդիկ հետ չեն գնա. միեւնույն է, ուրիշ տեղ էլ ակնոցի համար են վճարելու: Թերեւս, հենց դա էլ հաշվարկել է օպտիկայի ղեկավարը, եւ գայթակղման այդ ձեւը կարծես ավելի շահագրգռող է: Մեզ հանդիպած մարդիկ, որոնք եկել էին ակնոց վերցնելու, մեծ մասամբ որեւէ այլ օպտիկայում չէին հետաքրքրվել պայմանների մասին: Դե, ի՞նչ հետաքրքրվեին, անվճարից էժան ակնո՞ց էին գտնելու: Եւ ուրեմն` նրանք հիմնականում գոհ էին ստացած լավությունից` «վճարում ենք բժշկի աշխատանքի դիմաց» ասելով:

Իսկ, օրինակ, Կարենը, որը ցանկացել էր հիվանդ զոքանչի համար ակնոց վերցնել, «Օպտիկայում» ասելով, թե ստուգման կարիք չկա, եւ ինքը գիտի, թե նրան ի՞նչ համարի ակնոց է պետք, պատասխանել էին, որ ամեն դեպքում պետք է վճարել այդ 2500 դրամը: Իսկ այցելուներից մեկի` Մնացականի «նվեր ստացած» ակնոցը մենք փորձեցինք պարզել, թե ի՞նչ արժե այլ օպտիկաներում: Այդ տիպի շրջանակով ակնոցն արժեր 2500 դրամ: Իսկ երբ այս «Օպտիկայում» փորձեցինք հասկանալ, թե ինչո՞ւմ է կայանում ԱՄՆ-ի հետ ունեցած նրանց կապը, «Բարեհամբույրը» պատասխանեց. «Կայանում ա նրանում, որ հայ-ամերիկյան ա»:

Աննա Զախարյան

Տպել
364 դիտում

Արա Բաբլոյանին մեղադրանք է առաջադրվել, ներկայացվել է միջնորդություն՝ կալանավորելու համար. ՀՔԾ

«Վանաձորի օր» տոնակատարության ծրագիրը պատրաստ է. «Գաթա բենդ», Արամ MP3, հրավառություն

Նախագիծ, որով զինծառայողն իրավունք կունենա իրեն տրված կարգապահական տույժը բողոքարկել. արդյո՞ք սա կգործի

Շատ ուրախ եմ, որ իմ լավ ընկերը հաղթեց ընտրություններում եւ շարունակելու է ղեկավարել բարեկամ Կանադան. վարչապետ

74-ամյա Եվգենի Պետրոսյանը մարզվում է 30-ամյա սիրելիին դուր գալու համար (տեսանյութ)

Նախարարների աշխատավարձ-պարգեւավճարը կկազմի 1.5 մլն դրամ, փոխնախարարներինը՝ 1 մլն դրամ. Կարապետյան

Ռոմանոս Պետրոսյանը դիմել է դատարան Քասախի ավագանու անդամների լիազորությունները դադարեցնելու համար

ՀՊՏՀ ռեկտորի պաշտոնակատարի եւ ուսանողների պայքարը շարունակվում է. Դիանա Գալոյանը կդիմի՞ վարչապետին

Ակնհայտ անշահավետ գործարքի արդյունքում պետությանը պատճառվել է 15․488․000 դրամի վնաս (տեսանյութ)

Գերմանիան շարունակելու է աջակցությունը Հայաստանում բարեփոխումներն առաջ մղելու նպատակով. հանդիպում Գերմանիայի դեսպանի հետ

Անվերջանալի «ապահարզան». ինչո՞ւ Մեծ Բրիտանիան չի կարողանում լքել ԵՄ-ն

Սուրեն Պապիկյանն ընդունել է Լիոնի փոխքաղաքապետ Ժորժ Կեպենեկյանին

37 տարեկան հասակում կյանքից հեռացել է դատախազության միջազգային-իրավական համագործակցության վարչության դատախազը

ԱԻՆ ճգնաժամային կառավարման ազգային կենտրոնի պետ Հովհաննես Խանգելդյանն ազատման դիմում է գրել. նախարարի հետ խնդիր չունի

ՊԵԿ-ն իրազեկում է ավտոմեքենաների նախնական մաքսային հայտարարագրման կիրառման հնարավորության մասին

Նախագծի շնորհիվ Էապես կնվազեն ջերմոցային գազերի արտանետումները. Հակոբ Կարապետյանը՝ քաղաքապետարանի նոր ծրագրի մասին

Հաջորդ մենամարտից հետո հայ բռնցքամարտիկը պայմանագիր կկնքի Top Rank-ի հետ, որի հետ աշխատել է Մուհամեդ Ալին

Ավտոմեքենայում դանակի սպառնալիքով Չեխիայի քաղաքացուց պահանջել են հեռախոսը եւ գումար. ավազակային հարձակում Երևանում

Երեւանի Լենինգրադյան փողոցի շենքերից մեկում հայտնաբերվել է դի

Նաիրի Հունանյանը դիմել է վաղաժամկետ ազատ արձակման խնդրանքով. 80-օրյա ժամկետում այն կքննարկվի