Սյունիքի մարզի Լիճք բնակավայրի դպրոցը 2 աշակերտ ուներ, հիմա դա էլ չունի. դպրոցը փակվել է

Սյունիքի մարզի Մեղրի խոշորացված համայնքի Լիճք բնակավայրի բնակչությունը վերջին 20 տարում գրեթե չորս անգամ կրճատվել է: Այս մասին լրագրողների հետ զրույցում ասաց Լիճքի ղեկավար Հովիկ Միրզոյանը. «20 տարի առաջ գյուղում այլ պատկեր էր. մոտ 270 ընտրող ունեինք միայն, իսկ այսօր 120 ընտրող ունենք, որոնց մեծ մասը պարզապես գրանցվածներն են գյուղում: Փաստացի այսօր անգամ 70 ընտրող չունենք… ամբողջ բնակչությունը 65 հոգի է: Նախ տարեցները կյանքից հեռացան, ահագին մարդիկ, միանշանակ, դուրս եկան գյուղից՝ աշխատանք փնտրելու՝ Կապան, Մեղրի եւ Քաջարան… թողեցին, հեռացան գյուղից»,- ասաց նա:

Գյուղում կողպված դռներով տներ շատ կան, որոնց մեծ մասն արդեն փլուզման եզրին է: Գյուղը դատարկվել է, տները՝ փլվել: Շուրջ 20 տարվա համայնքապետն ասում է, որ գյուղից շատերը, աշխատելով Քաջարանում կամ Կապանում, մշտական բնակություն են հաստատել այնտեղ:

Լիճքի դպրոցում վերջին 2 տարում 2 աշակերտ է սովորել, այսօր արդեն դպրոցը չի գործում: Աշակերտների ընտանիքները տեղափովել են Քաջարան, ինչի հետեւանքով դպրոցը փակվել է սեպտեմբերի 1-ից. «2 երեխայի ծնողներն էլ գնացին Քաջարան: Ընդհանրապես դպրոցահասակ երեխա չունենք Լիճքում»:

Լիճքը, ինչպես Մեղրու տարածաշրջանի բոլոր բնակավայրերը, գազաֆիկացված չէ ու չի էլ եղել: Գյուղապետը լրագրողներին է փոխանցում իր ու բնակչության բողոքը՝ ապրելով անտառի մեջ ու անտառի կողքին՝ այսօր չեն կարողանում վառելիքի հարց լուծել. խիստ է ամեն ինչ, անգամ թափուկ չեն թողնում դուրս բերել. «Բնակիչը պատրաստ է անգամ վճարել, մեզ մոտ բիզնես չկա, մեզ մոտ տունը տաքացնելու խնդիր կա: Այսօր ճանապարհ չկա, որ թափուկը բերես, բոլորը դրել-փակել են: Նախկինում գնում, պետական վճար էին անում, իրենց վառելիքը հանում, այսօր ամեն ինչ արգելել են: Նախկինում գոնե քննարկում էինք, սոցիալապես անապահով ընտանիքներին 6-8խմ տալիս էինք, բայց էսօր էս գյուղացին փաստի առաջ է կանգնել»:

Գյուղապետն առաջարկում է թույլատրել մտնել անտառ՝ խնդրելով՝ հատուկ մարդիկ նշանակեն գյուղացու հետ, որ ո՛չ անտառը տուժի, ո՛չ էլ գյուղացին. «Ո՛չ գազ են տալիս, ո՛չ փայտ են տալիս, էլեկտրասյուներն էլ այնքան հին են, որ օրերով հոսանքազրկված է մնում գյուղը»:

Լիճքի բնակիչ Վրույր Մարգարյանն ապրում է կնոջ հետ, ասում է՝ տարիներ շարունակ փայտով են տաքացրել բնակարանը, այս տարի, սակայն, փաստի առաջ են կանգնել. «Երեխեքս դուրս են եկել, ուրիշ տեղ են ապրում, վերմակները շատացել են, մի քանի հատ ավելի կգցենք վրաներս, կտաքանանք»:

Հոդվածը պատրաստվել է միգրացիոն քաղաքականության մշակման  միջազգային կենտրոնի կազմակերպած մեդիատուրի շրջանակներում:

Տպել
372 դիտում

Շանն ուղղված կրակոցից տուժած 32-ամյա կինը հողամասում աշխատում էր. կրակողը դեռ չի բացահայտվել

Կանայք կազմում են բնակչության կեսը, նրանք պետք է զբաղեցնեն որոշումներ կայացնող պաշտոններ․ Լենա Նազարյան

Նյութերի նախապատրաստման ընթացքում անհրաժեշտություն է առաջացել բացատրություն վերցնել Թովմասյանի մոտ ազգականներից. ԱԱԾ

ՍԴ դատավորները հետևում են Հրայր Թովմասյանի և նրա ընտանիքի անդամների հետ կապված զարգացումներին

Ինչպես բարձրացնել կուսակցությունների թափանցիկությունը, հրապարակայնությունն ու հաշվետվողականությունը․ Արմեն Մազմանյան

Ալավերդի քաղաքի տարածքով անցնող հատվածում մեկնարկել են հին կոյուղագծերը նորով փոխարինելու աշխատանքները

ՍԴ նախագահ Հրայր Թովմասյանի հայրը հրավիրվել է ԱԱԾ

Լոռու մարզի Սվերդլով բնակավայրի մի շարք թաղամասեր 1 ամիս է՝ ջուր չունեն. բնակիչ

Կառավարությունում տեղի է ունեցել Հայաստանի ինովացիոն զարգացմանը նվիրված հանդիպում

Աշոտ Ղուլյանն ու ՀՀ հանրային կապերի և տեղեկատվության կենտրոնի ներկայացուցիչները քննարկել են համագործակցության հարցեր

Կարող ենք պատասխանել բոլոր զրպարտանքներին, բայց գործով կատարվում է նախաքննություն եւ կսպասենք. Հանրապետական ծննդատուն

Արսեն Թորոսյանին նորից դատի են տվել. պահանջում են հերքում, ներողություն եւ մինչեւ 3 մլն դրամ փոխհատուցում

Հայ-վրացական սահմանով ՀՀ մտնող մեքենաները մաքսազերծվելու են Հյուսիսային ավտոմաքսատանը՝ անկախ բերվող երկրից. ՊԵԿ

Ջրօգտագործման ոլորտում կոռուպցիոն չարաշահումների քրգործերով պետությանը պատճառվել է 5,7 միլիարդ դրամի վնաս

ՊՆ փոխգնդապետին ծեծի ենթարկելու կասկածանքով կալանավորված Վայոց ձորի նախկին մարզպետի օգնականն ազատվել է աշխատանքից

«Փոխանցիր հեշտ, ստացիր արագ». ակցիա ՀԱՅԲԻԶՆԵՍԲԱՆԿԻ կողմից

Վարչապետի գլխավորությամբ տեղի է ունենում Անվտանգության խորհրդի նիստ

Ի՞նչ կարող է տալ Հայաստանին Երեւանի՝ Booking.com-ի ամենաթրենդային քաղաքների 10-նյակում հայտնվելը

Հարուցվել է քրգործ՝ Ավանում տեղի ունեցած կրակոցների դեպքի առթիվ. հայտնաբերվել է 3 կրակված պարկուճ, 1 գնդակ

Պետք է փոխվեն հաստատված «խաղի կանոնները», երբ հաղթողը ստանում է ամեն ինչ․ մեկնարկել են խորհրդարանական լսումները