Ես վստահաբար ասում եմ՝ ոչ մի օլիգարխ մեզ չի ֆինանսավորում. ԵԿՄ վարչության անդամ

Չնայած, որ «Երկրապահ» կամավորականների միությունը մի քանի հազար անդամներով մասնակցում է սեպտեմբերի 24-ից մինչեւ հոկտեմբերի 5-ը տեւած ՀՀ պաշտպանության նախարարության կողմից կազմակերպված լայնածավալ զորավարժություններին, սակայն, այնուամենայնիվ, կառույցի մասին բացասական տեսակետներ հնչում են: Մանվել Գրիգորյանից հետո ընտրվեց նոր վարչություն, նոր նախագահ՝ Սասուն Միքայելյանի գլխավորությամբ, սակայն ԱԺ պատգամավոր Արման Բաբաջանյանը վերջերս տեսակետ էր հայտնել, որ ԵԿՄ-ին նոր վարչություն եւ նոր նախագահ է պետք:

«Հայկական ժամանակ»-ը ԵԿՄ-ի հետ առնչվող մի շարք հարցերի վերաբերյալ զրուցեց ԵԿՄ վարչության անդամ, «Արաբո» ջոկատի հրամանատար Մանվել Եղիազարյանի հետ:

- Պարոն Եղիազարյան, ԵԿՄ նոր վարչության ձեւավորումից անցել է շուրջ 5 ամիս: Ի՞նչ քայլեր է իրականացրել կառույցն այս ամիսներին:

- Մենք համարում ենք, որ հրաշալի արդյունք ենք ցույց տալիս, քանի որ զորահավաքի ժամանակ կարողացանք գրեթե 7 հազար մարդու տանել զինկոմիսարիատներ, որոնք պատրաստ են պաշտպանել իրենց հայրենիքը: Դա այն դեպքում, երբ որ ԵԿՄ-ն այս պահին այդքան էլ լավ վիճակում չի գտնվում՝ հնարավորությունների առումով: Ծայրաստիճան ծայրահեղ վիճակի մեջ ենք, սակայն մարդիկ մեզ վստահում են: Բավականին մեծ փոփոխություններ են եղել, ոգեւորվածություն կա, վստահություն կա: Գիտե՞ք՝ ինչն է կարեւորը՝ բամբասանք չկա մեր հասցեին, քանի որ մենք ոչ մի տեղից միջոցներ չենք ունենում, որ վատնենք կամ չարաշահենք: Մարդիկ տեսնում են, որ մենք ազնվաբար անում ենք այն, ինչը որ պետք է մեր հայրենիքին: Կարեւորը մեր հայրենիքի անվտանգությունն է, դա մենք արել ենք, ու, ես կարծում եմ, որ մեր տղաները, մեր թիմը շատ լավն է եւ մենք կարողանում ենք իրար լրացնելով՝ աշխատել: Մենք մեկս մյուսին զարմացնելու բան չունենք, միայն հարգանքով ենք: Ով կարող է ավելի շատ հարգել իր մարտական ընկերոջը, իր աշխատակցին, դրանով էլ կարող է զարմացնել մեզ:

- Մանվել Գրիգորյանի ժամանակվա ԵԿՄ-ից տարբերվող միությո՞ւն է հիմա:

- Տարբերվում է, թե չէ՝ հասարակությունը այդ գնահատականը կտա: Ես չեմ ուզում ընդարձակվել: Ես կարող եմ միայն իմ տեղը պատասխան տալ եւ ոչ թե գնահատական տալ այն մարդկանց, որի մեջ ես չեմ եղել: Ես Մանվել Գրիգորյանի ժամանակ չեմ եղել ԵԿՄ անդամ, եւ իրենք չգիտեմ՝ ինչ գործունեություն են ծավալել՝ դրա համար ձեռնպահ եմ մնում գնահատականներ տալուց:

- ԵԿՄ-ում ինչքա՞ն անդամ կա գրանցված:

- Նախկինում եղել է 28-30 հազար, բայց մենք նորից վերանայում ենք, վերահաշվարկ ենք իրականացնում: Ստույգ չեմ կարող ասել, բայց կարող եմ ասել, որ 6540 մարդ օրերս գնացել էին զորավարժության:

- Նախկին ցուցակից հանե՞լ եք այն մարդկանց, որոնք պատերազմի հետ որեւէ կապ չեն ունեցել:

- Տեղեր կան, որ գրանցված էր 600 մարդ, այդ 600 մարդուց 300-ը մարտական ուղիներ չունեն, ուղղակի ազգանուններն է գրված: Այդպիսի դեպքեր շատ-շատ կան, որի մասին շուտով, կարծում եմ, հնարավորություն կընձեռվի խոսելու:

- ԱԺ պատգամավոր Արման Բաբաջանյանը կարծում է, որ ԵԿՄ-ին նոր վարչություն եւ նոր նախագահ է պետք: Ինչպե՞ս կմեկնաբանեք սա:

- Մենք միշտ էլ սովոր ենք մեկի հասցեին խոսել: Այդ խոսքերն ասելուց առաջ Արման Բաբաջանյանը պետք է մի հատ գար «Երկրապահ», նայեր, տեսներ՝ այդտեղ ինչ վիճակ է: Բոլորը մարտական գործողություններին մասնակցած տղաներ են, մեկս մյուսի նկատմամբ հարգանքով: Մենք հավաքվել ենք իրար գլխի, այդտեղ շատ լավ մթնոլորտ է: Իսկ արդյունքը այդ զորահավաքն է, որն այս մի քանի ամսվա ընթացքում կարողացանք ստեղծել: Առանց ֆինանսավորման այդպիսի գործ անելը շատ դժվար է: Ես չեմ ուզում խորանալ, ես չեմ ուզում ասել՝ վայ, գիտեք՝ ինչ կա՝ մենք գումարներ չունենք: Մենք սա արել ենք առանց ֆինանսավորման, առանց ինչ-որ մեկին շահագրգռելու: Այստեղ ի՞նչ թայֆայական կամ ախպերական մթնոլորտ կա: Դա ընդամենը զուտ մարտական ընկերների հավաք է, որտեղ կա վստահություն: Ամեն ինչ էլ կարելի է ասել, բայց հիմնավոր կերպով ես կարող եմ ասել, որ այդպիսի բան չկա: Եթե այդպես լիներ, ես այնտեղ չէի լինի:

- ԵԿՄ-ն այս պահին իր նպատակին որքանո՞վ է ծառայում: Ազատամարտիկների խնդիրները լուծել ստացվո՞ւմ է:

- Ինչքան կարողանում ենք՝ օգնում ենք: Ես, օրինակ, գրեթե 20 մարդու տեղավորել եմ աշխատանքի: Իմ խնդրանքով՝ մարդիկ օգնել են: Մարդիկ կան, որոնց օգնել են անգամ Ռուսաստանում՝ աշխատանքային հարցեր են լուծել: Ինչքանով է դա իր նպատակին ծառայում, պետք է հասարակությունն ասի: Մենք առանց աշխատավարձի աշխատում ենք, մեր գումարներն ենք ծախսում՝ օգնում ենք մարդկանց: 3 հազար երեխա այս տարի Մարտունու մեր ճամբարում հանգստացան, գրեթե 300-ից 400-ն Արցախից էին, մնացածը՝ Հայաստանից: Մենք մեր միջոցներով խնդրում ենք մեր ընկերներին, նրանք, ասենք, մի 2 տոննա ձմերուկ են ուղարկում, մի քանի տոննա մրգեղեն են ուղարկում, ինչ հնարավորություն ունենք, անում ենք: Ես չգիտեմ՝ դա ծառայո՞ւմ է իր նպատակին, թե՞ ոչ:

- Մանվել Գրիգորյանի ժամանակ որոշ օլիգարխներ հովանավորում էին կառույցին: Հիմա այդպիսի բան կա՞:

- Ես վստահաբար ասում եմ՝ ոչ մի օլիգարխ մեզ չի ֆինանսավորում: Խնդրում ենք հայկական համայնքի մեր ընկերներին, ասենք, Զապորոժիեից, մարդիկ օգնում են: Մի 2-3 ամիս առաջ այդպիսի դեպք եղավ. մարդը եկել, 4 մլն դրամ էր տվել ու գնացել: Ես վստահաբար կարող եմ ցուցակը հանել, Սասուն Միքայելյանի հրահանգով ցուցակը դրվել է սեղանին, եւ այնտեղ ոչ մի օլիգարխի անուն ազգանուն չկար, պատահական մարդիկ էին: Մեկը մեր ընկերն էր, մյուսը մեր մարտական ընկերոջ որդին էր եւ այլն: Ով իմ խոսքի արժեքը գիտի, կհասկանա, ես վստահաբար ասում եմ, որ օլիգարխներից հովանավորում գոյություն չունի:

- ՊՆ-ի հետ բացի այս զորավարժությունից, այլ շրջանակներում համագործակցո՞ւմ է միությունը:

- Այո՛, ՊՆ-ն բնական է ե՛ւ հագուստով է օգնում մեր պատանի երկրապահներին, ե՛ւ մեզ է օգնում: Երբ որ մենք երեխաներին ճամբարում պահում էինք, սննդի մի մեծ մասը ՊՆ-ն էր տալիս: Մրգեղենը, ջրեղենը, քաղցրավենիքը մենք էինք հոգում:

Տպել
365 դիտում

Թշնամու ցանկացած գործողություն ի սկզբանե տապալված է. հետևե՛ք տեղեկատվական հիգիենայի կանոններին. Արմեն Գրիգորյան

Արցախի նախագահը հայտարարել է ռազմական դրություն և համատարած զորահավաք (տեսանյութ)

Ադրբեջանական տանկերի և կենդանի ուժի ոչնչացումը (տեսանյութ)

Երևանում և Ստեփանակերտում ստեղծվում են տեղեկատվական շտաբներ, կլինեն բրիֆինգներ

Ոչի՛նչ, ոչի՛նչ, որեւէ բան մեզ ետ չի կանգնեցնի Արցախի ժողովրդի Ազատությունն ու Իրավունքը պաշտպանելու ճանապարհին. վարչապետ

Ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ունի զրահատեխնիկայի կորուստներ. ԱՀ ՊՆ

Այս պահին կամավորագրման անհրաժեշտություն չկա. ՀՀ ՊՆ

Մի վայրկյան չկասկածեք՝ հաղթելու ենք. Աննա Հակոբյան

Մարտունու շրջանում երկու անձ է զոհվել՝ մեկ կին ու մեկ երեխա, կա երկու վիրավոր. Արցախի ՄԻՊ

Դիմում եմ մեր բոլոր հավատացյալ զավակներին. երկու ժամը մեկ աղոթք անել և զորավիգ լինել մեր բանակին.Պարգև սրբազան

Գարեգին Բ-ն ընդհատում է Հռոմի Պապի հետ հանդիպումը եւ վերադառնում հայրենիք

ԱԱԾ-ն հորդորում չհրապարակել պատկան մարմինների հետ չճշտված տեղեկություններ և ոչ պաշտոնական մեկնաբանություններ

Սա կենաց մահու կռիվ է, որն ընդունում ենք ազգովի և ազգովի հաղթանակ ենք տանելու. Արցախի նախագահ (տեսանյութ)

Ադրբեջանի հարձակման հետևանքով կան կորուստներ խաղաղ բնակչության շրջանում. Արցախի ՄԻՊ

Ադրբեջանում արգելափակվել են գրեթե բոլոր սոցիալական մեդիաները, բացի Twitter-ից. Սամվել Մարտիրոսյան

Կենաց-մահու պատերազմ է. Արցախի Հանրապետության նախագահը քիչ հետո ուղերձով կդիմի ժողովրդին. ԱՀ նախագահի խոսնակ

ՀՀ ՊՆ-ն ԶԼՄ-ներին և սոցցանցերի օգտատերերին կոչ է անում զերծ մնալ չստուգված տեղեկատվություն տարածելուց

Ադրբեջանը թիրախավորել է նաև խոր թիկունքում տեղակայված բնակավայրերը. Արցախի ՊՆ

Ադրբեջանի ՊՆ-ն պաշտոնապես հայտարարել է «հակահարձակում» սկսելու մասին. սադրանքը նախապես ծրագրված էր. ՀՀ ՊՆ խոսնակ

Տավուշի սահմանամերձ բնակավայրերում և դիրքերում իրավիճակը կայուն և վերահսկելի է. Հայկ Չոբանյան