Դպրոցում դանակահարության մասնակից պատանիները մտերիմ ընկերներ են, դեպքից հետո էլ շարունակ միմյանց մասին են հարցրել

Հոկտեմբերի 7-ին Արարատի մարզի Այնթապ գյուղի Բյուզանդ Մարգարյանի անվան հ.2 միջնակարգ դպրոցում հասակակից տղաների միջեւ վիճաբանություն է սկսվել, ինչի հետեւանքով Ա. Հ.-ն ձեռքին եղած դանակով հարվածներ է հասցրել Դ. Գ.-ի կրծքավանդակի և որովայնի շրջաններում՝ պատճառելով վնասվածքներ։

15-ամյա պատանուն Մասիսի շտապօգնության բժիշկների հերթապահ խումբը «Սուրբ Աստվածամայր» բժշկական կենտրոն է տեղափոխել «կրծքավանդակի ձախ կեսի եւ ձախ գոտկային շրջանի կտրած ծակած վերքեր» ախտորոշմամբ։

Հիվանդանոցից մեր հարցին ի պատասխան՝ նշեցին, որ տղային իրենց մոտ տեղափոխելիս վիճակը եղել է միջին ծանրության, վերջինս լուրջ վնասվածքներ չի ունեցել։ Համապատասխան բուժօգնություն ստանալուց հետո այսօր նախատեսվում է դուրս գրել նրան:

Անսպասելի դեպքը, որի պատճառը, ըստ դպրոցի տնօրեն Ալվարդ Սահակյանի, իր եւ ամբողջ ուսուցչական կազմի համար հանելուկ է, կատարվել է ժամը 13։00-ի սահմաններում՝ դասամիջոցի ժամանակ։ Տղաները վիճել են դպրոցի ներսում՝ 2-րդ հարկի միջանցքում: «Կռիվն այնքան ակնթարթային է եղել, որ ոչ ոք չի հասկացել։ 2-րդ հարկի դահլիճ տանող անկյունը մի փոքր թաքնված է, տեսանելի չէ. ուսուցիչներից ոչ ոք չի նկատել»,- մեզ հետ զրույցում նշեց Ալվարդ Սահակյանը՝ ավելացնելով, որ մինչեւ դա, ամբողջ օրվա ընթացքում տարօրինակ ոչինչ չեն նկատել՝ ոչ կռիվ, ոչ վիճաբանություն։ Ուսուցիչների հավատը հիմա էլ չի գալիս. տղաներն այնքան մտերիմ են եղել։ Երկուսն էլ հետաքրքրվում են մաթեմատիկայով, «Թումո» ստեղծարար տեխնոլոգիաների կենտրոն են հաճախում։

Կատարվածի մասին բացատրություն ներկայացնելու նպատակով՝ Ա. Հ.-ն հրավիրվել է Մասիսի ոստիկանություն, այնուհետեւ ազատ է արձակվել։ Ոստիկանությունից հայտնեցին, որ գործի հետ կապված այժմ նյութեր են նախապատրաստում:

Տնօրենն առանձին-առանձին 2 պատանիների հետ խոսել է թե՛ ոստիկանությունում, թե՛ հիվանդանոցում, սակայն միջադեպի պատճառների մասին դեռ ոչինչ չի պարզել։

Տղաներից մեկը՝ հիվանդանոցից, մյուսը ոստիկանությունից անընդհատ հետաքրքրվել են մեկը մյուսի վիճակով, անհանգստացել միմյանց համար։ Ալվարդ Սահակյանի խոսքով՝ Ա.Հ.-ն (դանակող հարվածողը) այժմ դասի է գալիս. ամբողջ օրն ընկերոջից է տեղեկություն հարցնում:

Տպել
1001 դիտում

Մենք բոլորս էլ գոհ չենք այն իրավիճակով, որը մեզ մոտ ձևավորվել է, բայց պետք է հասկանալ, թե ինչ այլընտրանք կա. վարչապետ

Կորոնավիրուսի հետեւանքով եւս 38 մահ է գրանցվել. հաստատվել է 1563 նոր դեպք

Քարվաճառն այսօրվանից անցնում է ադրբեջանական վերահսկողությանը. Արցախի ցուցանակն ապամոնտաժվել է

Հանրությունը ունի պատասխանը՝ Ծառուկյանը գործարա՞ր է, թե՞ պատգամավոր. Հարությունյանը ՍԴ-ից ակնկալում է հստակ ազդակ

Նաիրա Մարգարյանն ազատվել է էկոնոմիկայի նախարարի տեղակալի պաշտոնից

Ստեփանավանը նոր քաղաքապետ ունի. վարչապետը ստորագրել է որոշումը

Արայիկ Հարությունյանը նշանակվել է վարչապետի գլխավոր խորհրդական

Նոյեմբերի 26-ին կիրականացվի Դոնի Ռոստով-Երևան չարտերային թռիչքը

Դեպի հաղթանակ լավագույն ճանապարհը սեփական հնարավորությունները ճիշտ գնահատելն է. Սարգսյանը՝ Ամմանում

Այսօր փակվելու է Աշտարակ քաղաքի աջ և ձախ հատվածները միացնող կամուրջը և արգելվելու է երթևեկությունը

ՀՀ տարածքում ավտոճանապարհներն անցանելի են

Շենկանի գյուղում հրդեհի հետեւանքով այրվել է մոտ 270 հակ անասնակեր

Երևանի և 3 մարզի որոշ հասցեներում մի քանի ժամով լույս չի լինի

Հայաստանի ներդրումային քաղաքականությունը պետք է արմատական փոփոխությունների ենթարկվի. Քերոբյան

Թրամփը հրահանգել է կազմակերպել Բայդենին իշխանության փոխանցման գործընթացները, թեպետ դեռ պայքարում է

Մասիս Մայիլյանը ԿԽՄԿ առաքելության բարձրաստիճան ներկայացուցչի հետ քննարկել է պատանդների վերաբերյալ մի շարք հարցեր

Ամենայն Հայոց Կաթողիկոսը ցավակցագիր է հղել Սերժ Սարգսյանին

Լուսաղբյուր համայնքում 30-35 հեկտարով կավելանա ոռոգվող հողերի մակերեսը

Արտակարգ իրավիճակների արձագանքման ծրագրեր և միջոցառումներ Շիրակի մարզում՝ Արցախից տեղահանված ընտանիքների համար

Հայաստանի պատմության թանգարանը հավաքագրում է Արցախյան պատերազմի նահատակների լուսանկարներն ու իրերը (տեսանյութ)