«Ավրորա»-ի միջոցառումները մեկնարկեցին Շուշիում 155 տարվա պատմություն ունեցող «Գոհար տիկնոջ Վերին մզկիթ»-ի վերաբացմամբ

Այսօրվանից մեկնարկում են «Ավրորա» ֆորումի միջոցառումները: Մասնավորապես հոկտեմբերի 14-ին Արցախի Շուշի քաղաքում տեղի կունենա պատմական հուշակոթողի՝ 155 տարվա պատմություն ունեցող «Գոհար տիկնոջ Վերին մզկիթ»-ի վերականգնման աշխատանքների ավարտին նվիրված միջոցառումը:

Սատարելով Արցախի կառավարության նախաձեռնությանը՝ «Արեւելյան պատմական ժառանգության վերածնունդ» (Revival of Oriental Historical Heritage Foundation) հիմնադրամը 2014 թվականին ձեռնարկել էր Վերին մզկիթի վերականգնման ծրագիրը, որն իրականացվում է «Հայաստանի զարգացման նախաձեռնություններ» (IDeA) հիմնադրամի՝ Արցախի զարգացման ծրագրի շրջանակում:

Ծրագրի արդյունքում ամբողջությամբ վերականգնվել է «Գոհար տիկնոջ Վերին մզկիթ»-ը՝ պահպանելով նրա առաջնային տեսքը: Հիմնովին վերականգնվել է նաեւ մզկիթի հարեւանությամբ գտնվող Մեդրեսեի շենքը (հոգեւոր վարժարան), ընդլայնվել եւ բարեկարգվել է մզկիթի հարակից տարածքը, կառուցվել է պուրակ: 

Մզկիթի բուն վերականգման աշխատանքներին մասնակցելու համար Իրանից հրավիրվել է աղյուսի հետ աշխատելու եւ իսլամական հոգեւոր կառույցների վերականգնման աշխատանքների հարուստ փորձ ունեցող 12 մասնագետ:

Շուշիի «Գոհար տիկնոջ Վերին մզկիթ»-ը ներկայիս տեսքով կառուցվել է 1864-1865 թթ. Գոհար տիկնոջ հովանավորությամբ եւ կրում է նրա անունը: Շուշին Արցախի յուրահատուկ վայրերից մեկն է, իսկ Վերին մզկիթը՝ Շուշիի հին քաղաքի մշակույթի եւ հարուստ պատմական անցյալի անբաժանելի մասը: Մզկիթը չի գործում դեռեւս խորհրդային ժամանակներից, այդ տարիներին այն վերածվել էր թանգարանի: Արցախյան պատերազմի ժամանակ, Շուշիի ազատագրումից հետո թանգարանը ևս դադարել է գործել, եւ մզկիթի շենքը լքվել է:

Շուշիի XIX դարի ճարտարապետական-կրոնական համալիրի` «Գոհար տիկնոջ Վերին մզկիթ»-ի վերականգնումն ու պահպանումը կարող են նպաստել նաեւ վերջինիս օգտագործմանը՝ որպես կրթամշակութային կենտրոնի:

«Արևելյան պատմական ժառանգության վերածնունդ» (Revival of Oriental Historical Heritage Foundation) հիմնադրամի ջանքերով վերջերս ավարտվել են նաեւ Սուրբ Թադևոսի վանքի տանիքի վերակառուցման աշխատանքները: Սբ. Թադևոսի վանական համալիրը, որը գտնվում է հյուսիս-արևմտյան Իրանում, բացառիկ հոգևոր նշանակություն ունի Հայ առաքելական եկեղեցու համար և համաքրիստոնեական եզակի ուխտատեղի է: 2008 թվականին վանքը գրանցվել է ՅՈՒՆԵՍԿՕ-ի համաշխարհային ժառանգության օբյեկտների ցանկում:

Շուշիի միջոցառման մասնակիցները կծանոթանան նաեւ հիմնադրամի մյուս ծրագրերին, որոնք ուղղված են հոգևոր եւ պատմամշակութային ժառանգության պահպանությանը: Նրանց թվում են Հայաստանի Տաթեւի վանական համալիրը, Վրաստանի Սուրբ Գեւորգ եկեղեցական համալիրը, Արցախի Սուրբ Աստվածածին եկեղեցին եւ Սինգապուրում Սուրբ Գրիգոր Լուսավորիչ եկեղեցին:  

Հիմնադրամը իրականացնում է առաջին միջոցառումներից մեկը «Ավրորա» ֆորումի շրջանակում, որը կանցկացվի Հայաստանում եւ Արցախում հոկտեմբերի 14-21-ը՝ միավորելով աշխարհի առաջատար մասնագետներին սոցիալական, կրթական, մարդասիրական եւ գիտատեխնիկական նորարարության ոլորտներից:

Հիշեցնենք, որ հոկտեմբերի 14-21-ը Հայաստանում տեղի կունենա «Ավրորա» ֆորումը, որի ընթացքում մի շարք միջոցառումներ են լինելու Երեւանում, Դիլիջանում, Գյումրիում, Տաթեւում եւ Շուշիում: «Ավրորա» ֆորումն արդեն ունի 156 Բարի կամքի դեսպան աշխարհի 39 երկրից, որոնք ներկայացնում են 17 ոլորտ: Միջոցառումներին մասնակցելու նպատակով Հայաստան են ժամանելու աշխարհի տարբեր երկրների ներկայացուցիչներ: Հայաստան են ժամանելու նաեւ «Ավրորա» 2019 թ. երեք հերոսները, որոնց անունները հրապարակվել են ապրիլի 24-ին:

Տպել
483 դիտում

Սուր դանակը մեզ պետք է հաց կտրելու, ոչ թե վնասելու համար․ պատգամավորը՝ դատավորների բարեվարքության ստուգման նախագծի մասին

Իրավապաշտպանների անգործությունը կամ ինչպես դառնալ միլիոնատեր ուրիշի անձնագրով. ֆեյսբուքյան օգտիրոջ պատմությունը

Նոյեմբերի 25-ից ավտոմեքենաների մաքսազերծման գործառույթն ամբողջովին կտեղափոխվի Գյումրի քաղաք

«Խառը զգացմունքներ». պրեմիերա Երեւանի Կ. Ստանիսլավսկու անվան ռուսական թատրոնում

Հարկերի մասին մատչելի տեղեկատվությունն արդեն հասանելի է էլեկտրոնային հարթակում

Եվրասիական զարգացման բանկը նպատակ ունի ընդլայնել իր գործունեությունը Հայաստանում. էկոնոմիկայի նախարարություն

Փաշինյանին տեղեկություն տվողները կամ գիտությունից բան չեն հասկանում, կամ ակադեմիայի թշնամիներն են. Ռադիկ Մարտիրոսյան

Սիմֆոնիկ նվագախումբը կներկայացնի Ջեքսոնի հիթերը դասական մոտեցմամբ. համերգը նախորդ տարի հետաձգվել էր

ԱՄՆ Սենատում երկրորդ անգամ է վետո դրվել Հայոց ցեղասպանությունը ճանաչող բանաձևի վրա

Նոր օրինագծով հայոց լեզվի քննությունը բուհ ընդունվելիս պարտադիր կլինի, իսկ մինչ այդ խախտվում է «Լեզվի մասին» օրենքը

Չարենցավանի բժշկական կենտրոնի շուրջ 15 տարի լքված մասնաշենքը հիմնանորոգվել է

Իսրայելի գործող վարչապետ Բենյամին Նեթանյահուին պաշտոնական մեղադրանք է առաջադրվել

Փոքր եւ միջին ջերմատնային տնտեսությունների ներդրման պետական աջակցության ծրագիրը բացասական կողմեր չունի. գյուղատնտես

ԱԻՆ գլխավոր քարտուղար Վահագն Օհանյանը շրջայց է կատարել հրշեջ-փրկարարական ջոկատներում. ԱԻՆ

Քննարկվել են «Կուսակցությունների մասին» ՀՀ օրենքում առաջարկվող փոփոխությունները

ԱԻՆ-ում տեղի ունեցավ պաշտոնների նշանակման և հերթական կոչումների շնորհման հանդիսավոր արարողություն

Աղմուկ հանած եւ Կինոկենտրոնից 16 միլիոն դրամ ստացած «Չնչիկ»-ն այս տարի էլ մեծ էկրան չի բարձրանա

Վանաձորի՝ անձրեւի ժամանակ հեղեղվող դպրոցի տանիքը վերջապես կփոխվի (լուսանկարներ)

Նախագահ Արմեն Սարգսյանը հանդիպել է Ուկրաինայի վարչապետ Օլեքսի Հոնչարուկին

Խաշմանյանը պետք է ներողություն խնդրեր երկրպագուներից ու հրաժարական տար. Լեւոն Պաչաջյան