Երևան
27 °C
Երեւանի քաղաքապետարանը Գյումրիում հաջողված ծրագրի հեղինակ դարձավ: Լեփ-լեցուն դահլիճով, վստահ ծափերով աճեմյանական բեմում տրվեց «Երեւանի օրերը Գյումրիում» մշակութային ծրագրի փակման վերջին ակորդը:
Նոյեմբերի 8-ին «Երեւանի օրերը Գյումրիում» ծրագիրը բացվեց Ստեփան Ալիխանյանի անվան պետական տիկնիկային թատրոնում Թումանյանի անվան պետական թատրոնի «Անխելք մարդը» ներկայացմամբ: Իսկ երեկոյան դասական արվեստի ունկնդիրներին ողջունեցին Հայաստանի պետական կամերային նվագախումբն ու պետական կամերային երգչախումբը (գեղարվեստական ղեկավար եւ գլխավոր դիրիժոր Ռոբերտ Մլքեյան):Համերգի ավարտին Մլքեյանը հուզվեց: Ասաց՝ ոչ թե առիթից է օգտվում, որ Գյումրիում է, դրա համար է ասում, այլ միշտ է ասել, որ աշխարհում իր ամենասիրելի քաղաքը հենց Գյումրին է, հետո նոր գալիս է Փարիզը եւ մյուս քաղաքները: «Էս վերջերս Գյումրին ինձ մի անգամ էլ երես տվեց, կախեց դոշիս մի մեծ շքանշան, ինձ կարգեց Գյումրու պատվո քաղաքացի: Բոլորիցդ շնորհակալ եմ, խոնարհվում եմ: Ինչ-որ իմ գլխին բերել եք, քիչ եք արել, շարունակեք»,- կատակեց Մլքեյանը՝ արժանանալով հոտնկայս տեւական ծափահարությունների: «Համերգը ֆանտաստիկ էր»,- ասաց Ազգային ժողովի «Իմ քայլը» խմբակցության ղեկավար Լիլիթ Մակունցը: «Ինչպես միշտ, մաեստրո Մլքեյանն անասելի վարպետություն ցույց տվեց ոչ միայն գյումրեցիներին, այլեւ Երեւանից ու այլ մարզերից այստեղ ժամանած ունկնդիրներին: Կարծում եմ, որ այն նախաձեռնությունը, որը քաղաքապետարանը ստանձնել է ունենալ Երեւանի օրեր ոչ միայն արտերկրում, այլեւ ՀՀ տարբեր քաղաքներում, շատ կարեւոր է, քանի որ սա յուրօրինակ կամուրջ է, որը կապում է ոչ միայն Երեւանը մարզերի հետ, այլ նպաստում է, որ կյանքն ամենուր ակտիվանա՝ նաեւ մշակութային առումով»,- ՀԺ-ի հետ զրույցում ասաց Մակունցը:
Ով թեկուզ մեկ անգամ գալիս է Գյումրի, ըստ Լիլիթ Մակունցի, նրա հետ ինչ-որ բան է տեղի ունենում. «Մարդկանց մի մասը չի կարողանում այն բացատրել, մյուս մասը կարողանում է: Բայց միանշանակ է մի բան, որ ջերմությամբ ու մշակույթով համեմված Գյումրին մշտապես յուրօրինակ ճաշակ է թելադրում, որին պարբերաբար մենք ականատես ենք լինում»:
ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահ Մխիթար Հայրապետյանը գոհ է այս նախագծից, նրան հատկապես ոգեւորել էր դահլիճում ներկաների վերաբերմունքը: «Դահլիճն ամբողջ ընթացքում վայելում էր կատարումները, դա անչափ կարեւոր էր: Սա շատ լավ նախաձեռնություն է, որը հաջողել է ինչպես ՀՀ սահմաններից դուրս, այնպես էլ մեր երկրում»,- զրույցի ընթացքում ասաց Մխիթար Հայրապետյանն ու ավելացրեց՝ անշուշտ ծրագիրը պետք է շարունակական լինի նաեւ հաջորդ տարվա համար:
«Երեւանի օրերը Գյումրիում». օր 2. Աճեմյանի անվան պետական դրամատիկականի բեմում Հրաչյա Ղափլանյանի անվան պետական դրամատիկական թատրոնն էր՝ «Փարիզյան դատավճիռ» ներկայացմամբ: Դեպքերը ծավալվում էին 1981 թ. սեպտեմբերի 24-ին հաջորդած օրերին: Այդ օրը Հայաստանի Ազատագրության Հայ Գաղտնի Բանակ-ի՝ ASALA-ի «Եղիա Քեշիշյան» անվանումը կրող մարտախմբի կողմից Փարիզի թուրքական հյուպատոսարանի գրավման եւ դրան հետեւած դատավարության փաստացի պատմությունը ներկայացվեց: Վազգեն Սիսլյան, Գևորգ Գյուզելյան, Արամ Բասմաջյան ու Հակոբ Ջուլֆայան. նրանց մարմնավորած հերոսներին գյումրեցի հանդիսատեսն ընդունեց մեծ ոգեւորությամբ: Դահլիճը, սակայն, պայթեց ծափերից, երբ տեղի ունեցավ անսպասելին: Բեմ բարձրացան այս ներկայացման իրական հերոսները, ASALA-ի մարտիկներ Վազգեն Սիսլյանն ու Հակոբ Ջուլֆայանը: Երկար ժամանակ դահլիճը չէր հանդարտվում: Պատմության եւս մեկ էջ էր վերակենդանացել մշակույթի միջոցով:«Երեւանի օրերը Գյումրիում» ծրագրի երրորդ՝ վերջին օրն ավարտվեց դասական շքեղ գալա-համերգով: Դրամատիկականի բեմում էր Հայաստանի ազգային ֆիլհարմոնիկ նվագախումբը: Գեղարվեստական ղեկավար եւ գլխավոր դիրիժոր՝ Էդուարդ Թոփչյան: «Մշակույթն ունի ծարավ, բայց չունի հագուրդ: Իսկ այդ երկուսի մեջտեղում կարոտն է: Այս երեք օրերի ընթացքում մենք հնարավորություն ունեցանք այդ կարոտին հագուրդ տալու: Շատերդ չեք հիշում, բայց շատ վաղ անցյալում՝ օգոստոսին՝ մեր Գորկի սադում, հատուկ եմ մեր բարբառով ասում, զբոսնում էին Հայաստանի ֆիլհարմոնիկ նվագախմբի երաժիշտները՝ սպիտակ վերնաշապիկներով: Նրանք սպասում էին իրենց ունկնդիրներին, արվեստը հարգող գյումրեցիներին, որոնք գալու էին՝ համերգն ունկնդրելու: Իսկ այդ համերգը ոչ թե մեկ օր էր, այլ 10 օր: Պետք է ասեմ, որ նվագախմբի փողային կազմի մեծ մասը Լենինականի տղաներն էին»,- ելույթի իր խոսքում ասաց ՀՀ արվեստի վաստակավոր գործիչ, Գյումրու քաղաքապետի խորհրդական Հասմիկ Կիրակոսյանը:
Նա բոլորի անունից շնորհակալություն հայտնեց Երեւանի քաղաքապետ Հայկ Մարությանին, աշխատակազմին, այն մարդկանց, ում ուղեղի մեջ, ըստ Հասմիկ Կիրակոսյանի, «խուտուտ է տվել» նման միջոցառման անցկացումը: «Իմ քաղաքի թանձր արվեստ ունեցող մակերեսի վրա թեւեր առած 3 օր է՝ ճախրում են երեւանյան հրաշալի արվեստն ու մարդիկ, եւ այդ ճախրանքի մեջ արագացել է մեր սրտի տրոփը, որը մեզ առավել երիտասարդացնում, առավել երջանկացնում է: Եվ թող որ բոլորիս կարոտը հագուրդ ունենա մեր հանրապետության ներսում, մեր փոքրիկ Հայաստանում: Այս միջոցառումը թող դառնա ամենամյա, մայրաքաղաքն անպայման սիրով կգա նորից Գյումրի, եւ սա կլինի փոխադարձ, քանզի Գյումրին եւս շատ բան ունի ներկայացնելու»,- ասաց Հասմիկ Կիրակոսյանը:Երեւանի քաղաքապետարանի մշակույթի վարչության պետ Գոշ Սարգսյանը գյումրեցիներին շնորհակալություն հայտնեց եռօրյա ջերմ ընդունելության համար: Ասաց 2020 թվականի Երեւանի մշակութային կյանքը Շիրակում առավել ակտիվ կլինի:«Երեւանի օրերը Գյումրիում» իրականացվեց 14 մլն 900.000 դրամի շրջանակներում: Գյումրին Երեւանի քաղաքապետարանի այս նախաձեռնության վերջին կանգառն էր: Ծրագիրը մեկնարկել էր Սանկտ-Պետերբուրգից, հասել Թբիլիսի, Ստեփանակերտ, Վանաձոր: Համերգային ծրագրերից բացի, իրականացվել են նաեւ բազմաբնույթ այլ միջոցառումներ եւ փորձի փոխանակում մշակութային ոլորտի տարբեր հաստատություններում:
Արմենուհի Մինասյան
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին
Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա
Երևանում ապամոնտաժվել է շուրջ 10.500 ինքնակամ գովազդ (տեսանյութ)
ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը
Երևանում փակ փողոցներ չկան․ ՆԳՆ ոստիկանություն
Ծեծկռտուք Երևանի դպրոցներից մեկում․ 14-ամյա տղաները ծեծել են համադասարանցուն, վերջինս տեղափոխվել է հիվանդանոց
Ինչպես օտարերկրյա քաղաքացիները պետք է մուտք գործեն «Ֆիզիկական անձանց էլեկտրոնային ծառայությունների միասնական համակարգ»
Նավուրի ճանապարհին իրականացվելու են հորատապայթեցման աշխատանքներ
Հայաստանում նոր ԱԷԿ-ի կառուցման հետազոտություններին ներգրավված են նաև ամերիկյան կազմակերպություններ. ՏԿԵ փոխնախարար
Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը. ԱԳՆ
Ոստիկանություն դիմած ռուս կանայք հայտնել են, թե «Հաղթանակ» զբոսայգու սեփականատերը հարվածել է իրենցից մեկին, թքել դեմքին
Վանաձորի նախկին քաղաքապետը կշարունակի մնալ կալանքի տակ
Պուտինը վերընտրվելուց հետո առաջին պաշտոնական այցը կկատարի. նա նշել է՝ որ երկիր է մեկնելու
Կոնվերս Բանկը միացել է Career City Fest-ին
Արաբական երկրները մերժել են Գազայի հարցով Թուրքիայի առաջարկը
Բարեկարգվել է Երևանի այգիներից ևս մեկը (տեսանյութ)
© 2024 Հայկական ժամանակ