«Թող սրանով վերջանան բոլոր վշտերը». Երեւանում բացվեց Մարտի 1-ի զոհերի հիշատակին նվիրված առաջին հուշաքարը

Երեւանի Մալաթիա-Սեբաստիա համայնքում այսօր տեղի ունեցավ Մարտի 1-ի զոհերի հիշատակին նվիրված հուշակոթողի բացումը: Հուշակոթողի տեղադրումը նախաձեռնել էր զոհերից Արմեն Ֆարմանյանի հայրը՝ Վաչագան Ֆարմանյանը: Հուշակոթողը տեղադրվեց Ֆարմանյանի տան բակում՝ նրա ծննդյան 45-ամյակի օրը: Սա Մարտի 1-ի զոհերի հիշատակին նվիրված առաջին հուշակոթողն է:

«Մեր բոլորի նպատակը կատարվեց իրոք: Արդարությունը չի մահանում, կենդանանում է: Արմենն ապրեց 33-34 տարի, գնաց՝ մեր ժողովրդի համար: Բոլոր զոհերին հավերժ փառք: Անցորդը թող մի բաժակ սառը ջուր խմի եւ հիշի մեր զավակներին: Ցանկանում ենք, որ այսուհետեւ առողջություն, համերաշխություն լինի, նախկին իշխանությունները թող իմանան, որ հայ ժողովուրդը կանգնած է արդարության կողքին: Թող սրանով վերջանան բոլոր վշտերը»,- հուշակոթողի բացման ժամանակ հայտարարեց Վաչագան Ֆարմանյանը:

Այնուհետեւ լրագրողների հետ զրույցում Ֆարմանյանն ասաց, որ վաղուց էին մտածել հուշակոթող բացելու մասին, սպասում էին, որ իշխանափոխություն լինի: «Եթե հեղափոխությունը չլիներ, հավանական է՝ սա չէր էլ լինի: Կառավարության աջակցությամբ է իրականացվել եւ մեր բոլոր զոհերի հարազատների համաձայնությամբ»,- նկատեց Ֆարմանյանը:

«Մենք բոլորս ապրում ենք բնակարաններում, միայն Արմեն Ֆարմանյանի տունն էր առանձնատուն, դրա համար էլ այստեղ բացվեց հուշաքարը»,- նկատեց Մարտի 1-ի զոհերից Գոռ Քլոյանի հայրը՝ Սարգիս Քլոյանը: Նա հիշեցրեց, որ առաջիկայում Մարտի 1-ի զոհերին նվիրված հուշարձան է բացվելու նաեւ Երեւանի քաղաքապետարանի հարակից այգում: Քլոյանն ասաց, որ ինքը տեսել է տարբեր էսքիզներ, շատ հավանել է տարբերակներից մեկը:

Մեր զրույցում նա անդրադարձավ նաեւ Մարտի 1-ի գործով այս պահին ընթացող դատավարությանը: «Դատի ընթացքը կարող եմ երկու կողմի բաժանել. դատավոր Դանիբեկյանը (Ռոբերտ Քոչարյանի գործը քննող դատավոր –խմբ.) պետք է հրաժարվի բոլոր ինքնաբացարկներից եւ անցնի հիմնական փուլին: Պարոն Ալումյանը (Քոչարյանի պաշտպաններից-խմբ.) նշում է, որ եթե դատն այսպես շարունակվի, կտեւի 5 տարի: Ես ուզում եմ պարոն Ալումյանին ասել՝ ձեր բախտն ո՞վ ունի, դրախտ եք ընկել, 5 տարում էդ 5-6 փաստաբաններով կդառնաք մուլտիմիլիոնատեր: «Քոչարյան՝ հերոս» գոռացողներն էլ աշխատավարձ կստանան: Երեւի դրա համար են ձգձգում: Ասում են՝ ինչո՞ւ չեք ուզում բացահայտվի, թե կոնկրետ ով է սպանել ձեր որդիներին: Ես ասում եմ՝ թողեք հասնենք դատական փուլ եւ կիմանանք: Սրան էլ է վերջ լինելու»,- ասաց Քլոյանը:

Հուշաքարի բացմանը մասնակցում էին նաեւ ՀԱԿ կուսակցության ներկայացուցիչներ: Արամ Մանուկյանը լրագրողների հետ զրույցում անդրադարձավ Մարտի 1-ի գործի քննությանը:

«Ոչ մեկը երկու տարի առաջ չէր պատկերացնի, որ Ռոբերտ Քոչարյանը կլինի իրեն արժանի վայրում, մի մասը կդատվեն նրա կողքին, մյուս մասը փախուստի մեջ կլինեն՝ կարծես խոստովանելով, որ իրենք Մարտի 1-ի չակերտով հերոսներն են»,- ասաց Մանուկյանը՝ այնուամենայնիվ հավելելով, որ գործի քննությունն իրենց ուզած արագությամբ չի ընթանում:

Հիշեցնենք, որ 11 տարի առաջ՝ 2008 թվականի մարտի 1-ին, Երեւանի կենտրոնում տեղի ունեցած արյունալի իրադարձությունների հետեւանքով զոհվեց 10 մարդ՝ 2 ոստիկան եւ 8 քաղաքացիական անձ, վիրավորվեցին հարյուրավոր մարդիկ: Մայրաքաղաքում հաստատվեց արտակարգ դրություն 1 ամիս ժամկետով:

Մարտի 1-ին զոհվեցին Տիգրան Խաչատրյանը, Գոռ Քլոյանը, Դավիթ Պետրոսյանը, Սամվել Հարությունյանը, Գրիգոր Գեւորգյանը, Տիգրան Աբգարյանը, Հովհաննես Հովհաննիսյանը, Համլետ Թադեւոսյանը, Արմեն Ֆարմանյանը, Զաքար Հովհաննիսյանը:

Տպել
929 դիտում

Վարդենիսի մարզադաշտից 62-ամյա քաղաքացի է բերման ենթարկվել

ԱՄՆ 19 նահանգից հայ ուսանողներն ու աշակերտները տեղափոխվել են Չիկագո, այնուհետ Դոհա-Թբիլիսի չվերթով հասել Հայաստան

Oնլայն Ռոքեթ Վարկ՝ հրթիռային արագությամբ IDBank-ից

ՌԴ-ից վերադարձած և ինքնամեկուսացման մեջ գտնվող գյումրեցի տղամարդն ինքնասպանության փորձ է արել

Էլ սուտ թաղում Նորատուսում, էլ աղջիկների հետ Դիլիջան՝ մամային բերելու. մարզպետը պոստից հետաքրքիր դրվագներ է հրապարակում

ՊԵԿ աշխատակիցները բացահայտել են թմրանյութի մաքսանենգության հերթական դեպքը

Գիտական աստիճանաշնորման համակարգը թափանցիկ է դառնում․ նոր կայքը թույլ կտա ասպիրանտների քննություններն անցկացնել առցանց

«Փնթփնթո՞ց, թե՞ կյանք` անկախ նրանից, թե որքանով է կյանքը շռայլ մեր հանդեպ»

ԱՄՆ ՄԶԳ-ն Շիրակի մարզպետարանին է տրամադրել բազմաֆունկցիոնալ բժշկական մահճակալներ և 50 հատ հեղուկացիր

Մեղադրանք է առաջադրվել ՀՀ գյուղատնտեսության նախարարության «Սերմերի գործակալություն» ՊՈԱԿ-ի տնօրենին. ՔԿ

Կոտայքում գարնանացանի աշխատանքներն ընթացքի մեջ են. այս տարի 200 հա-ով ավելի գարնանացան կիրականացվի

Հակաճգնաժամային միջոցառումների կարևոր բաղադրիչ պետք է լինի մարդկանց հեռանկարներ ցույց տալը. վարչապետ

Երթևեկության կազմակերպման փոփոխություն՝ Արշակունյաց պողոտա-Գարեգին Նժդեհի փողոց խաչմերուկում

Անցկացվել են կրակի կառավարման վարժանքներ. ՊՆ

Ակնալիճ գյուղում 18-ամյա երիտասարդը դանակահարել է իր 25-ամյա համագյուղացուն

Հղի կանանց աջակցության ծրագրով վճարումներն սկսված են

Արժույթի միջազգային հիմնադրամը նախատեսում է ավելացրել Հայաստանին տրամադրվելիք օժանդակությունը մինչեւ 280 մլն դոլար

Հայաստանում կկառուցվի COVID-19-ից մահացած անձանց համար դիահերձարան

Ալեքսանդր Կարապետյանի ու Էրիկ Վարդանյանի «Սոչին» կրճատել է ֆուտբոլիստների աշխատավարձը

29-ամյա քաղաքացու ինքնասպանության փորձը կանխվել է