Վարչապետ Նիկոլ Փաշինյանը զինծառայությունից խուսափածներին կոչ է անում ինքնաթիռի տոմս գնել եւ վերադառնալ Հայաստան

12/12/2019 schedule11:45

ՀՀ կառավարության այսօրվա նիստում որոշվեց «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» Հայաստանի Հանրապետության օրենքի գործողության ժամկետը 2020 թվականի հունվարի մեկից չերկարաձգել:

Օրենքը հնարավորություն է տալիս 27 տարին լրացած, պարտադիր զինվորական ծառայությունից խուսափած քաղաքացիներին սահմանված ժամկետում մուծել օրենքով սահմանված դրույքաչափերին համապատասխան վճարը, եւ վերադառնալով հայրենիք՝ ազատվել քրեական հետապնդումից: 

Նախագիծը ներկայացրեց պաշտպանության նախարար Դավիթ Տոնոյանը՝ նշելով, որ այդ օրենքը ուժը կորցրած կճանաչվի հունվարի մեկից: 

«Օրենքը հանդիսացել է կոնկրետ ժամանակահատվածում, կոնկրետ քաղաքական-տնտեսական հիմնավորվածության շրջանակներում պետության կողմից դրսեւորված խրախուսական ակտ: Օրենքի գործունեության ժամանակային ընթացքը ցույց է տվել, որ այն փաստացի դարձել է պարտադիր զինվորական ծառայությունից խուսափելու միջոց, որի արդյունքում 18 տարին լրացած շատ քաղաքացիներ, հույսը դնելով օրենքի պարբերաբար երկարաձգումների վրա, նախընտրում են Հայաստանը լքելու միջոցով խուսափել զորակոչից, այնուհետ՝ տարիքը լրանալուց հետո, վճարել համապատասխան գումարը, ինչն արդարացի չէ իրենց սահմանադրական պարտականությունը կատարած Հայաստանում ապրող քաղաքացիների նկատմամբ»,- ասաց նախարարը:

Տոնոյանը նշեց, որ խոսքը 1992 թ.-ին ծնված քաղաքացիների մասին է, որոնք առաջին անգամ զորակոչից խուսափել են 2010 թ.-ին։ «Պատկերացնո՞ւմ եք, 2010 թ.-ին ինչ-որ անձնավորություն խուսափել է ծառայությունից, եւ 9 տարի հետո մենք թույլ ենք տալիս նրան դարձյալ ազատվել»,- ասաց նախարարը՝ հավելելով, որ կառավարությունը նպատակահարմար չի գտնում օրենքի ժամկետը երկարաձգել եւ առաջարկում է սահմանափակել 2019-ի դեկտեմբերի 31-ով։

Տոնոյանի տվյալներով՝ մինչեւ այդ ժամկետի ավարտն օրենքը կիրառելի է շուրջ 3000 մարդու նկատմամբ, որոնք կարող են մինչեւ տարեվերջ օգտվել այդ իրավունքի ընձեռած հնարավորությունից։ Նա հավելեց, որ նախարարությունն արդեն մեծ թվով դիմումներ է ստացել այդ անձանցից:  

Վարչապետ Նիկոլ Փաշինյանն ընդգծեց, որ օրենքի երկարացում չի լինելու, սակայն մինչ հունվարի մեկը օրենքն ուժի մեջ է. «Այն սիրելի հայրենակիցները, ովքեր համարում են՝ լավ չի, որ այս օրենքի ուժը չեն երկարաձգելու, հնարավորություն ունեն այսօր ինքնաթիռի տոմս առնել, այս բոլոր պրոցեդուրաներն անցնեն եւ Նոր տարին էլ Հայաստանում նշեն»:

Տպել
1402 դիտում

Քծնում, շողոքորթում էր ինձ, հետո՝ Աննային, դիմում բացառապես «պարոն վարչապետ ջան»-ով. Ն. Փաշինյանը՝ Հ. Թովմասյանի մասին

Սպաներին հորդորում ենք զերծ մնալ շանտաժի կամ այլ հակաօրինական միջոցով իրավունքները պաշտպանելու փորձերից. Հովհաննիսյան

Եթե ՀՀ սահմանը հատող անձի մոտ առկա են վարակիչ հիվանդություններին բնորոշ ախտանշաններ, ուղեւորը մեկուսացվում է․ԱԱՏՄ

Արմեն Սարգսյանը շնորհավորական ուղերձ է հղել Հնդկաստանի նախագահին՝ Ազգային տոնի առթիվ

Աշոտ Ղուլյանն ու Մասիս Մայիլյանն արձագանքել են Արցախի կարգավիճակի մասին Փաշինյանի խոսքերին

Առաջիկա օրերին ԵՊՀ-ում նիստ կհրավիրվի եւ կհայտարարվի ռեկտորի մրցույթ. թեկնածուին առաջադրվելիք պահանջները վերանայվում են

Ավելի լավ է այդ հարցն ուղղեք Սամվել Կարապետյանին. «Դալմա Գարդեն մոլի» շենքն ընդլայնում են

Առաջիկա 3 օրերին կտաքանա 8-10 աստիճանով, տեղումներ չեն սպասվում

Թուրքիայում գրանցված երկրաշարժի զոհերի թիվն աճել է. տուժել է մի քանի հազար մարդ (լուսանկարներ)

Արմավիրում սահմանային անցակետի փշալարերով արգելված վայր անցած 2 զինված քաղաքացի է հայտնաբերվել

Լիահույս եմ, որ նոր լիցք կհաղորդենք մեր հարաբերություններին. Նիկոլ Փաշինյանը շնորհավորել է Ավստրալիայի վարչապետին

Արգելվել է կենդանական ծագման մթերքի և հումքի ներմուծումը Չինաստանից

Վարչապետը շնորհավորական ուղերձ է հղել Հնդկաստանի վարչապետին՝ երկրի ազգային տոնի առթիվ

2019-ին ունենք հրադադարի ռեժիմի խախտումների զգալի նվազում, ՊԲ արդյունքները գոհացնում են. ՊԲ հրամանատար (տեսանյութ)

Երեւանի Մետրոպոլիտենում տեղի է ունեցել տեխնիկական խափանում․ խնդիրը վերացվել է

Փեսան համընդհանուր զորահավաք է հայտարարում

Էլեկտրաէներգիայի անջատումներ կլինեն Երևանում և մի շարք մարզերում

Վարդենյաց լեռնանցքը փակ է բեռնատարների համար, Սոթք-Քարվաճառը՝ բոլոր մեքենաների համար դժվարանցանելի

Ա. Սարգսյանը անձնակազմերին է ներկայացրել ոստիկանության նորանշանակ ԵՔՎ պետին և ՊՊԾ գնդի հրամանատարին (տեսանյութ)

Արմեն​ Սարգսյանը​ և​ Նունե Սարգսյանն այցելել​ են​ Երուսաղեմի​ Սուրբ​ Հարության​ տաճար