Քաղաքապետն անջատել տվեց «Լույս» խմբակցության անդամի բարձրախոսը, Խաժակյանը բարկացավ

Այսօր Երեւանի ավագանու արտահերթ նիստի ընթացքում Երեւանի քաղաքապետ Հայկ Մարությանն անջատել տվեց ավագանու «Լույս» խմբակցության անդամ Թեհմինա Վարդանյանի բարձրախոսը: Վարդանյանն իր խոսքում անդրադառնում էր Երեւանի քաղաքապետի նախորդիվ հնչած ելույթին՝ նշելով, որ Մարությանը կոպտագույն սխալ է թույլ տվել եւ ձեռնոց նետել մի ամբողջ առողջապահական ոլորտին ու նախարարությանը:

Թեհմինա Վարդանյանին ձայն տալով՝ քաղաքապետը զգուշացրեց ելույթ ունենալ քննարկվող թեմայի շուրջ: Ավագանու անդամն ի պատասխան հայտարարեց, թե վերջում կբերի, կկապի օրակարգային հարցին: 

«Պարո՛ն քաղաքապետ, երբ ասում էիք, որ վտանգավոր թափոնները տարվում են Նուբարաշենի աղբավայր, սա ուղղակի անթույլատրելի է, որովհետեւ կան կազմակերպություններ, որոնք ուղղակիորեն զբաղվում են այդ աղբի վերամշակմամբ»,- ասաց ավագանու անդամը:

Սա լսելով՝ Երեւանի քաղաքապետը սկսեց ծիծաղել, ինչը նյարդայնացրեց Թեհմինա Վարդանյանին: Հայկ Մարությանը պարզաբանեց, որ վտանգավոր թափոնները միայն բժշկական թափոնները չեն: «Վտանգավոր կարող են լինել ակումուլյատորները, համակարգիչները, էկրաններն ու այլ տեսակի տեխնիկան»,- ասաց նա:

Ինչ վերաբերում է Թեհմինա Վարդանյանի բարձրախոսն անջատելուն, քաղաքապետը վկայակոչեց գործող կանոնակարգը, որի համաձայն ելույթները պետք է լինեն քննարկվող հարցի վերաբերյալ: Առաջարկեց, փոխել կանոնակարգը, եթե ավագանու անդամները ցանկանում են այլ աշխատանքային սկզբունք որդեգրել. բայց շարժվել միայն օրենքով: 

Գործընկերոջ բարձրախոսն անջատելու փաստը խիստ բարկացրեց «Լույս» խմբակցության անդամներին: Նրանք սկսեցին տեղից բղավել: Խմբակցության ղեկավար Դավիթ Խաժակյանն արտահերթ ելույթի իրավունք խնդրեց ու չսպասելով իր հերթին՝ մոտեցավ ամբիոնին:

«Ես թույլ չեմ տալու, որ ավագանու անդամների խոսքը գրաքննվի, ու դուք որոշեք, թե այդ թեմայի շուրջ կարո՞ղ ենք մենք խոսել, թե՞ ոչ: Դա չի եղել երբեւէ: Ընդդիմության խոսքը ընդհատելու երեւույթ չի եղել անգամ Հանրապետական կուսակցության ժամանակ: Ո՛չ Ազգային ժողովում, ո՛չ էլ ավագանու նիստերի ընթացքում ելույթները երբեւէ չեն ընդհատվել: Որեւէ մեկդ, եթե հաջորդ անգամ փորձի մեր խոսափողը անջատել՝ թեմայից դուրս խոսելու պատրվակով, մեզանից չնեղանաք»,- հայտարարեց նա:

Տպել
2614 դիտում

Մահացել է Լեւոն Արոնյանի կինը՝ Արիանա Կաոլին

ՀՀ ԱԳՆ հայտարարությունը հայ-ադրբեջանական սահմանին ռազմական միջադեպի վերաբերյալ

Կորոնավիրուսային հիվանդությամբ հաստատված դեպքով ծանր վիճակում գտնվող 2 պացիենտի մոտ դրական դինամիկա կա. Թորոսյան

Իրաքի նոր վարչապետը կոչ է արել վերացնել Իրանի դեմ պատժամիջոցները

ԵՄ-ն 37 միլիարդ եվրո կտրամադրի կորոնավիրուսի համաճարակից տուժած իր անդամներին՝ վերականգնման համար

Վիրավորում ստացած երկու զինծառայողի վիճակը կայուն է, նրանց կյանքին վտանգ չի սպառնում. Շուշան Ստեփանյան

Տիգրան Խաչատրյանը հանդիպել է վերամշակող ընկերությունների ներկայացուցիչներին

Ասկերանում մեկնարկել է բժշկական դիմակների պատրաստման գործընթացը. 1500 դիմակ արդեն պատրաստ է

Գյումրեցիները Շիրակ գյուղից գողացած անասունը վաճառել են Արմավիրի մարզում

Ոսկեւանում վիրավորում ստացած երեխային տեղափոխում են Երեւանի «Սուրբ Աստվածամայր» ԲԿ. Ալինա Նիկողոսյան

Շուրջ 250 մարդ դուրս է եկել մեկուսացումից

Վրաստանում պարետային ժամ և կարանտին է սահմանվում երկրի ողջ տարածքում. 21:00-ից հետո դուրս գալ արգելվում է

Պարետը 6 ժամով 5 տնտեսվարողի գործունեությունն արգելելու որոշում է կայացրել

Ucom-ը դարձնում է հեռավար ուսուցումը հասանելի բոլորի համար

Գնդակը նախ դիպել է պատին, այնուհետեւ՝ երեխային․ Տավուշի մարզպետը՝ ոսկեւանցի երեխայի մասին

ՀՀ տարածքում ավտոճանապարհները հիմնականում անցանելի են. ԱԻՆ

Ադրբեջանական կողմը ձեռնարկել է դիվերսիոն ներթափանցման փորձ. թեթեւ վիրավորում է ստացել երկու զինծառայող

Անցկացվել է ցուցադրական մարտավարական զորավարժություն . ՊՆ

Ուսուցիչների եւ աշակերտների համար համակարգչային սարքերի հավաքագրմանը միացել են ե՛ւ անհատներ, ե՛ւ կազմակերպություններ

ԿԲ նախագահի պաշտոնում «Իմ քայլը» խմբակցությունն առաջադրել է Մարտին Գալստյանի թեկնածությունը․ Մանուկյան