«Ես շարունակում եմ աշխատել, ոչ մի խնդիր չկա». Հովհաննես Մովսիսյանը՝ աշխատանքից ազատվելու, ֆեյքերի գոյության մասին

Շուրջ 2 տարվա պաշտոնավարման ընթացքում ՀՀ վարչապետ Նիկոլ Փաշինյանի որոշմամբ երկրորդ մամուլի խոսնակն ազատվեց աշխատանքից: 2019 թվականի հունվարի վերջին այդ պաշտոնին նշանակված Վլադիմիր Կարապետյանն այսօր մեր զրույցում հրաժարվեց նշել մեկ տարի անց աշխատանքից ազատվելու պատճառները:

ՀՀ վարչապետի որոշման մեջ եւս դրանք բացակայում են: Կառավարության Տեղեկատվության եւ հասարակայնության հետ կապերի վարչության պետի պաշտոնակատար Արմեն Խաչատրյանն այդ մասին մեր հարցին ի պատասխան ասաց. «Առանց մեկնաբանության»: Հիշեցնենք, որ հեղափոխությունից հետո ՀՀ վարչապետը մամուլի խոսնակ էր նշանակել Արման Եղոյանին: Վերջինս եւս պաշտոնավարեց շուրջ 1 տարի:

Երեկվանից լուրեր են տարածվում, որ Վլադիմիր Կարապետյանից հետո աշխատանքից ազատվելու է նաեւ ՀՀ վարչապետի աշխատակազմի հանրային կապերի եւ տեղեկատվության կենտրոն ՊՈԱԿ-ի ղեկավար Հովհաննես Մովսիսյանը: Վերջինս մեզ հետ զրույցում ասաց. «Շարունակում եմ աշխատել, ամեն ինչ բնական ընթացքով գնում է, ոչ մի խնդիր չկա»: Նա նաեւ հերքեց տարածված լուրերը, թե հնարավոր է փոխարինի Վլադիմիր Կարապետյանին՝ վարչապետի մամուլի խոսնակի պաշտոնում:

Մովսիսյանին եւս մի քանի հարց ուղղեցինք՝ ՊՈԱԿ-ի աշխատանքի հետ կապված.

- Պարոն Մովսիսյան, նախկինում ՀՀ վարչապետի աշխատակազմի հանրային կապերի եւ տեղեկատվության կենտրոն ՊՈԱԿ-ի կազմում կային ֆեյք էջեր վարող աշխատակիցներ, որոնք զբաղված էին ազատ մամուլի հրապարակումները եւ ընդդիմադիր գործիչների աշխատանքները սեւացնելով: Կառույցը նույնիսկ հայտնի էր «ֆեյքերի» ՊՈԱԿ անունով: Հիմա կա՞ն նման աշխատակիցներ, որոնց գործառույթը ֆեյք էջ վարելն է:

- ՊՈԱԿ-ը նման գործառույթ չունի, նման գործունեությամբ չի զբաղվում: Դա բացառվում է միանշանակ: Դա պրոֆեսիոնալ գործունեությանը դեմ է: Իսկ թե նախկինում եղել են ՊՈԱԿ-ում ֆեյքեր, թե չէ, նաեւ ՊՈԱԿ-ի նախկին աշխատակից, ներկայիս պատգամավոր Տաթեւ Հայրապետյանն  է հայտարարել, որ այո ՊՈԱԿ-ում եղել են ֆեյքեր, կարող եք իր հետ խոսել այդ մասին: Ես ՊՈԱԿ-ում աշխատանքի եմ ընդունվել հեղափոխությունից հետո, հեղափոխությունից հետո նման բան չկա:

- Համացանցում նկատելի է, որ իշխանության դեմ աշխատող ֆեյքեր կան: Հնարավո՞ր է, որ դուք կամ ՊՈԱԿ-ի ավելի հին աշխատողները ճանաչում են նրանցից ոմանց՝ որպես նախկինում այդ ՊՈԱԿ-ում աշխատողների:

- Ես առանձնապես չեմ արժեւորում ու կարեւորում ֆեյքերի գործունեությունը, որպեսզի դա հասկանամ, ու կարծում եմ՝ տեսնում եք, որ երբ ֆեյքերի գործունեության հետ կապված Ազգային անվտանգության խնդիր է լինում՝ ԱԱԾ-ն շատ հեշտությամբ բացահայտում է, թե ովքեր են այդ մարդիկ: ՊՈԱԿ-ը նման գործունեությամբ չի զբաղվում, ոչ էլ գուշակությամբ ենք զբաղվում, թե ով ով է:

- Օրերս վարչապետի անունից «Ֆեյսբուք» սոցիալական ցանցում «Դիանա Հարությունյան» անվամբ հանդես եկող երիտասարդը կեղծ տեկատվություն էր հրապարակել, որը հետո տեղ էր գտել իրանական ու ադրբեջանական ԶԼՄ-ներում: Հնարավո՞ր է, որ օրինակ «Դիանա Հարությունյան»-ը, նախկինում ՀՀ վարչապետի աշխատակազմի հանրային կապերի եւ տեղեկատվության կենտրոն ՊՈԱԿ-ի աշխատակից եղած լինի, որն այժմ ընդդիմադիր գործունեություն է ծավալում:

- Ես նման տեղեկատվություն այս պահին չունեմ, գիտեմ, որ ԱԱԾ-ում գործ է հարուցվել, իրենք զբաղվում են, երեւի թե իրենց պետք է ուղղվի այդ հարցը, որովհետեւ դա արդեն ԱԱԾ-ի տիրույթում է, ոչ թե մեր կառույցի:

- Պարոն Մովսիսյան, ի՞նչ է անում ձեր ղեկավարած ՊՈԱԿ-ը ապատեղեկատվական հոսքերին դիմագրավելու համար:

- Ի՞նչ նկատի ունեք:

- Լինում է ընթացք, երբ որ մի անձի, մի երեւույթի նկատմամբ տեղեկատվական հոսք է սկսվում, որի ճիշտ կամ սուտ լինելը հասարակ քաղաքացին դժվարանում է տարբերակել: Ձեր անձի մասով եւս նույնն է տեղի ունենում այս օրերին: Նման դեպքերում ի՞նչ  է անում ՊՈԱԿ-ը:

- Անցած տարվա ընթացքում մեր կառույցը ստեղծեց տեղեկատվության ստուգման կենտրոնը, որն ակտիվորեն արձագանքում է, երբ որ ապատեղեկատվություն է հրապարակվում, իհարկե միայն Կառավարության եւ նախարարությունների գործունեության մասով: Տեղեկատվության ստուգման կենտրոնը ունի նաեւ կայք (https://infocheck.am/am): Այնտեղ պարբերաբար հրապարակումներ են լինում, ամփոփումներ են լինում տարածվող ապատեղեկատվությունների մասին, դրանք նաեւ լրատվամիջոցներին են ուղարկվում:

«infocheck.am» կայքում հայտնված վերջին հրապարակումը վերնագրված է այսպես. «Հայազգի օդաչուն կապ չունի Սոլեյմանիի սպանության հետ․ իսրայելցի քաղաքագետը կեղծիք է տարածում»:

Հիշեցնենք, որ Մովսիսյանի ղեկավարած ՊՈԱԿ-ն ունի 145 հոգանոց հաստիքացուցակ: Այս կառույցի նպատակը Կառավարության աշխատանքը առավել թափանցիկ դարձնելը, տարբեր մոնիտորինգներ ու վերլուծություններ իրականացնելն է: ՊՈԱԿ-ի նախաձեռնությամբ 2019-ին բացվել է «Օրբելի» կենտրոնը, որի նպատակը հայկական վերլուծական միտքը աշխարհին հասցնելն է: «Օրբելի» կենտրոնում իրենց հետազոտություններն ու վերլուծություններն են հրապարակում 100-ից ավելի փորձառու մասնագետներ: 

Տպել
2482 դիտում

«Յուքոմի» հիմնադիրներ Հայկ եւ Ալեքսանդր Եսայանները հաղորդագրություն են տարածել

Հեքիաթ կորոնավիրուսի թեմայով՝ 6-11 տարեկան երեխաների համար․ ծնողներին այն առաջարկում է ԱՀԿ-ն

Արցախում թանկացել է «Բաղրամյան» տեսակի ալյուրը

Ոստիկանության Տավուշի բաժնի ծառայողներն ապօրինի հրազեն են հայտնաբերել (տեսանյութ)

Հայաստանը խաչքար է նվիրաբերել Վաշինգտոնի «Սուրբ գիրք» թանգարանին

Վարդենիսի մարզադաշտից 62-ամյա քաղաքացի է բերման ենթարկվել

ԱՄՆ 19 նահանգից հայ ուսանողներն ու աշակերտները տեղափոխվել են Չիկագո, այնուհետ Դոհա-Թբիլիսի չվերթով հասել Հայաստան

Oնլայն Ռոքեթ Վարկ՝ հրթիռային արագությամբ IDBank-ից

ՌԴ-ից վերադարձած և ինքնամեկուսացման մեջ գտնվող գյումրեցի տղամարդն ինքնասպանության փորձ է արել

Էլ սուտ թաղում Նորատուսում, էլ աղջիկների հետ Դիլիջան՝ մամային բերելու. մարզպետը պոստից հետաքրքիր դրվագներ է հրապարակում

ՊԵԿ աշխատակիցները բացահայտել են թմրանյութի մաքսանենգության հերթական դեպքը

Գիտական աստիճանաշնորման համակարգը թափանցիկ է դառնում․ նոր կայքը թույլ կտա ասպիրանտների քննություններն անցկացնել առցանց

«Փնթփնթո՞ց, թե՞ կյանք` անկախ նրանից, թե որքանով է կյանքը շռայլ մեր հանդեպ»

ԱՄՆ ՄԶԳ-ն Շիրակի մարզպետարանին է տրամադրել բազմաֆունկցիոնալ բժշկական մահճակալներ և 50 հատ հեղուկացիր

Մեղադրանք է առաջադրվել ՀՀ գյուղատնտեսության նախարարության «Սերմերի գործակալություն» ՊՈԱԿ-ի տնօրենին. ՔԿ

Կոտայքում գարնանացանի աշխատանքներն ընթացքի մեջ են. այս տարի 200 հա-ով ավելի գարնանացան կիրականացվի

Հակաճգնաժամային միջոցառումների կարևոր բաղադրիչ պետք է լինի մարդկանց հեռանկարներ ցույց տալը. վարչապետ

Երթևեկության կազմակերպման փոփոխություն՝ Արշակունյաց պողոտա-Գարեգին Նժդեհի փողոց խաչմերուկում

Անցկացվել են կրակի կառավարման վարժանքներ. ՊՆ

Ակնալիճ գյուղում 18-ամյա երիտասարդը դանակահարել է իր 25-ամյա համագյուղացուն