Որեւէ մեկի մոտ թող կասկած չլինի. դատական համակարգը վերջին բաստիոնն է նախկին իշխանության. Ալեն Սիմոնյան

Ազգային ժողովն այսօր՝ ժամը 16:00-ին, կքննարկի «Իմ քայլը» խմբակցության պատգամավոր Վահագն Հովակիմյանի առաջարկած օրենքի նախագծի համար արտահերթ նիստ հրավիրելու հարցը։ Այս մասին այսօր լրագրողների հետ զրույցում ասաց ԱԺ փոխնախագահ Ալեն Սիմոնյանը:

Հիշեցնենք, որ նախագծով առաջարկվում է մինչեւ Սահմանադրության փոփոխությունների ընդունումը նախագծի սահմանադրականությունը որոշելու նպատակով Ազգային ժողովի կողմից ՍԴ դիմելը դարձնել ոչ պարտադիր։

«Նախագծում, բացի տեխնիկական շտկումներից, ոչ մի փոփոխություն չի եղել, եւ երեկվա հետաձգման պատճառն էլ դա է եղել»,- ասաց Սիմոնյանը՝ անդրադառնալով այն փաստին, որ երեկ տեղի չունեցավ նախագծի համար արտահերթ նիստ գումարելու հարցի քննարկումը:

Նա նաեւ նշեց, որ նիստի հետաձգումը կապ չուներ վարչապետի եւ նախագահի հանդիպման հետ՝ կոչ անելով ինտրիգներ չփնտրել: «Ես ներկա չեմ եղել հանդիպմանը, չեմ կարող ասել, թե ինչ է քննարկվել, իսկ ձեզ խորհուրդ եմ տալիս մշտապես վստահել վարչապետի խոսքին, որովհետեւ ինքը երբեւէ առիթ չի տվել՝ մտածելու, որ իր խոսքը որեւէ ձեւ իրականությանը չի համապատասխանում»,- ասաց Սիմոնյանը։

Տեսակետը, որ նախքան նման օրինագիծը պետք է քննարկում լիներ Վենետիկի հանձնաժողովի հետ, Ալեն Սիմոնյանը չի կիսում:

«Չեմ կարծում, որ ԱԺ պատգամավորը պետք է Վենետիկի հանձնաժողովի հետ խորհրդակցի: ՀՀ իշխանությունը հաշվետու է եւ մի ընտանիք է կազմում ՀՀ ժողովրդի հետ, այն մարդկանց, որոնք մեզ քվեարկել են: Եթե ՀՀ իշխանությունը նպատակահարմար կգտնի, իրավական առումով ճիշտ կգտնի Վենետիկի հանձնաժողովի կամ որեւիցե մեկ այլ մարմնի խորհրդակցական կարծիք հարցնել, մենք դա կանենք, մնացած բոլոր պարագաներում մենք հաշվետու ենք ՀՀ ժողովրդի առաջ»,- ասաց Սիմոնյանը։

Հարցին՝ արդյոք հաշվի՞ է առնվել Հայաստանի ժողովրդի կարծիքը, Սիմոնյանը պատասխանեց, որ երբ քվեարկության է դրվել ԱԺ պատգամավորների ցանկը եւ ՀՀ իշխող կուսակցության ծրագիրը, ժողովուրդն իրենց ձայն է տվել։ «Ժողովուրդը մեզ ձայն է տվել, որ մենք ՀՀ-ում առկա իրավիճակը լուծենք, եւ դատական իշխանությունում առկա ճգնաժամը, որը ֆիքսվում եւ փաստվում է բոլոր կողմերից, լուծվելու է. դրա համար մենք ստացել ենք մանդատ»,- ասաց Սիմոնյանը՝ հավաստիացնելով, որ շատ մոտ ապագայում դատական համակարգում առկա իրավիճակը լուծվելու է ամբողջովին, եւ ՀՀ ժողովուրդը նաեւ իշխանության մասնակցությամբ դրա անմիջական մասնակիցն է լինելու։

«Կարող է մի նախադասությամբ պայմանավորված փոքր փոփոխություններ լինեն նախագծում, բայց բովանդակային իմաստով օրինագիծը նույնն է լինելու: Այնուամենայնիվ, ես չեմ բացառում իրավական առումով այլ զարգացումներ, որոնք տեղ կգտնեն նախագծում, եւ որի նպատակը կլինի ՍԴ իրավիճակը լուծելը։ Որեւէ մեկի մոտ թող կասկած չլինի. դատական համակարգը վերջին բաստիոնն է նախկին իշխանության: Հայաստանի Հանրապետությունն իր բոլոր՝ 3 ուժերով ամբողջովին զավթված է եղել, եւ մենք հերթականությամբ ազատագրում ենք դրանք, եւ այդ պրոցեսը կարծում եմ՝ այս տարի ավարտին կհասցնենք եւ վերջնականապես կմոռանանք այն ամենը, ինչ եղել է անցած 30 տարիների ընթացքում»,- հայտարարեց ԱԺ փոխնախագահը։

Տպել
1272 դիտում

Վերջին 1 ժամում Նորքի հիվանդանոցում կորոնավիրուսից 2 մահվան դեպք է արձանագրվել. նախարար

Ժամը 21:00-ի դրությամբ Հայաստանում հաստատված է կորոնավիրուսի 407 դեպք

Երևանում հարբած վարորդը մարմնական վնասվածք է պատճառել ոստիկանին. տղամարդը ձերբակալվել է

ՌԴ նոր սահմանափակումների որոշումը Հայաստանի վրա չի ազդի. Նիկոլ Փաշինյան

Ժամը 19:30-ի դրությամբ թոքաբորբով 13 պացիենտ է գտնվում ինֆեկցիոն հիվանդանոցի ինտենսիվ թերապիայի բաժանմունքում

Գյուրջյան փողոցում ծառը վնասվել է. առկա է եղել ընկնելու վտանգ

«Սոցիալական շտապօգնություն». Գյումրիում պարենի ծանրոցներ կստանան ստեղծված իրավիճակում օրվա հացից զրկված ընտանիքները

Մայր Աթոռ Սուրբ Էջմիածնում Հանրապետական մաղթանք է կատարվում. դուրս է բերվել Սուրբ Գրիգոր Լուսավորչի Աջը (ուղիղ)

Պարետի որոշմամբ՝ վեց ժամով արգելվել է սուպերմարկետների մի շարք խոշոր ցանցերի որոշ մասնաճյուղերի գործունեությունը

Մոտ կես միլիոն դրամի հագուստի գողության դեպքը բացահայտվել է. (տեսանյութ)

Նուբար Աֆեյանը գարնանը կորոնավիրուսի պատվաստանյութի փորձարկումից արդյունք ստանալու հույս հայտնեց

Ոստիկանները վարդերի փնջերը ձեռքերին գողերի են բռնել

Մարտի 28-ի ժամը 15-ի դրությամբ ոստիկանությունը 361 արձանագրություն է կազմել

Ալաշկերտում «ԳԱԶ-3110» մակնիշի ավտոմեքենա է այրվել

Վաղն Արցախում ըտրարշավի վերջին օրն է. Արմեն Սարգսյանը հեռախոսազրույց է ունեցել Բակո Սահակյանի հետ

ԱԻՆ-ը վարակազերծման միջոցառումներ է իրականացրել հանրապետության 666 հանրային վայրերում (տեսանյութ)

Հայ խաղաղապահները ներկայացնում են զորախմբերի ներկա վիճակն ու կորոնավիրուսի հետ կապված առկա տվյալները (ուղիղ)

Ոստիկանությունը փողոցում ոչ թե դիմակ ու ձեռնոց է պահանջում, այլ՝ անձնագիր ու տեղաշարժման թերթիկ

ՃՏՊ Մարգարա-Վանաձոր ավտոճանապարհին. կա տուժած

«COVID-19. առերեսվելով համաշխարհային վախին». առցանց քննարկմանը նաեւ Արսեն Թորոսյանն է մասնակցում (ուղիղ)