Ձեր տեսակը դատական հայցերի ժամանակ շատ արագ հիվանդացող, երգիչներից ստորագրություն խնդրող տեսակ է. Ալեն Սիմոնյան

ՀՀ իշխանությունն այսօր շատ ուժեղ դիրքերում է եւ գնում է ամենամեղմ եւ ամենաիրավական ճանապարհով: Այս մասին այսօր ԱԺ-ում լրագրողների հետ զրույցում ասաց ԱԺ փոխնախագահ Ալեն Սիմոնյանը՝ օրինակ բերելով այն փաստը, որ ձեռք էին մեկնել ՍԴ դատավորներին վաղ կենսաթոշակի օրինագծով:

«Մեզ մեղադրում են, որ մենք չափից շատ փափուկ ենք եւ մեղմ, որ հենց դա է պատճառը, որ մենք ՀՀ-ում ունենք խնդիրներ: Մենք երբեւէ ուրիշ տարբերակներ չենք էլ քննարկել, բացի իրավական ճանապարհով գնալուց»,- ասաց Սիմոնյանը:

Տեսակետը, որ հասարակության շրջանում իշխող կուսակցության վարկանիշն այնքան էլ բարձր չէ, Սիմոնյանը չի կիսում: «Հասարակության շրջանում կան, եղել են ու միշտ կլինեն մարդիկ, որոնք այլ կարծիք ունեն, միշտ կլինեն մարդիկ, որոնք «Իմ քայլին» չեն ընտրել, միշտ կլինեն մարդիկ, որոնք կընտրեն հակառակ կուսակցությանը։ Խորհուրդ եմ տալիս՝ դուրս եկեք «Ֆեյսբուք»-ից, դուրս եկեք այն մարդկանց շրջանակից, որոնք վճարվում են՝ ՀՀ բարձրագույն իշխանությանը վիրավորելու, ինչ-որ ձեւով վարկաբեկելու համար, դուրս եկեք եւ տեսեք՝ ՀՀ ժողովրդին ով է գազազեցնում։ ՀՀ ժողովրդին ջղայնացնում է այն ամենը, ինչ արվում է Նիկոլ Փաշինյանի եւ իշխող կուսակցության նկատմամբ։ Ատելության մթնոլորտ կա այն մարդկանց մեջ, որին որեւէ մեկը չի սիրում, որը նույնիսկ իր տանը, իր շրջապատում ատելի է։ ՀՀ իշխանությունը՝ ես, իմ գործընկերները, որեւէ մեկին չենք ատում։ Մենք ուժեղ ենք, մենք հաղթող ենք, մեր հետ մեր ժողովուրդն է, մենք սիրում ենք մեր ժողովրդին, մենք սիրում ենք մեր աշխատանքը եւ այնքան ուժեղ ենք, որ որեւէ մեկին ատելու նպատակ չունենք։ Դա սերմանում են իրենք՝ մի պարզ պատճառով, որպեսզի մեզանից սարքեն այն հրեշը, որն իրենք կան»,- հայտարարեց ԱԺ փոխնախագահը։

Նրա պնդմամբ՝ ակնհայտ է, որ Հայաստանը երբեւէ որեւէ զեկույցում նման ցուցանիշներ չի գրավել: Ինչպես նշեց Սիմոնյանը, բոլոր միջազգային զեկույցներում ՀՀ-ն ամենաբարձր գնահատականներին է արժանանում, իսկ վարկանիշը բոլոր տեղերում միայն բարձրանում է: «Բայց քաղաքական առումով այն փոքրիկ պարտիզանական խմբերը, որոնք գործում են ՀՀ-ում եւ պատկանում են Միքայել Մինասյանի, Ռոբերտ Քոչարյանի, Սերժ Սարգսյանի թողած բեկորներին, մեծ գումարներ են ծախսում եւ փորձում են ՀՀ-ի եւ քաղաքացիների վարկանիշը գցել ոչ միայն երկրի ներսում, այլ նաեւ՝ երկրից դուրս: Գնում են օտարերկրյա պաշտոնյաների դռան դիմաց նստում են, որ բողոքեն ու պատմեն, թե որքան են դժբախտ, որ կորցրել են իշխանությունը: Բայց այդ պաշտոնյաներն էլ միամիտ չեն, դրա համար էլ իրենց հայտարարություններում շատ զգույշ են եւ երկկողմանի կոչեր են անում»,- նկատեց Սիմոնյանը:

Անդրադառնալով երեկ Ռուբեն Հայրապետյանի լրագրողների հետ զրույցին՝ Սիմոնյանն ասաց. «Երբ երեկ խոսվում էր տեսակի մասին, հայտնի տխրահռչակ մարդիկ ասում են՝ մենք այդ տեսակը չենք: Ես եւ ՀՀ քաղաքացիները գիտենք, թե դուք որ տեսակն եք, դուք զինվորական բժշկին թիկնապահներով, քացիներով ծեծող տեսակ եք, մարդ առեւանգող, տարածքներ խլող, ընտրություններ կեղծող տեսակ եք: ՀՀ-ի իշխանությունն ու քաղաքացին այդ տեսակը չեն, եւ նրանց մոտ չի ստացվելու մեզ այդ տեսակը սարքել: Իսկ նրանց տեսակը վերացող տեսակ է, նրանց տեսակը դատական հայցերի ժամանակ շատ արագ հիվանդացող տեսակ է, նրանց տեսակը բոլոր երգիչ-երգչուհիներին հեռախոսազանգերով ստորագրություն խնդրող տեսակ է: Նրանց տեսակներից է մեկը, որ հեռուստաընկերություններից մեկին հարցազրույց տալու ժամանակ, երբ ընդդիմադիր գործիչ Նիկոլ Փաշինյանը մոտենում է այդ հեռուստաընկերությանը, ուղիղ եթերում գույնը գցում է»,- ասաց Սիմոնյանը՝ հավելելով, որ եթե այսօր «Ռուբեն Հայրապետյանների» եւ մնացածի վրա ՀՀ ժողովուրդն իր կոշիկները չի մաքրում, միակ պատճառը ՀՀ վարչապետ Նիկոլ Փաշինյանն է:

«Որովհետեւ մենք իրենց տեսակը չենք: Որովհետեւ մենք մարդակեր, մարդ սպանող եւ ծեծող, առեւանգող տեսակը չենք: Այդ տեսակը մերժվել է ՀՀ քաղաքացիների կողմից, եւ իրենք ատելով ատում են բոլորին եւ որոշել են, որ մնացած բոլորն էլ են ատում»,- ասաց Սիմոնյանը՝ կոչ անելով ՀՀ քաղաքացիներին չտրվել այս սադրանքներին եւ վստահ լինել, որ ՀՀ իշխանությունը ուժեղ է, քան երբեւէ:

«ՀՀ-ում գործում է օրենք, եւ այդ օրենքի հետեւանքով նրանք ոչ միայն կոշիկների հետ կապված, այլ ընդհանուր առմամբ շատ ու շատ խնդիրներ են ունենալու»,- եզրափակեց Սիմոնյանը:

Տպել
4887 դիտում

Բանակը ապաղաքականացված կառույց է, յուրաքանչյուր զինծառայող՝ ազատ իր ընտրության մեջ. հայտարարություն

Արցախի զորամասերից մեկում սննդի ապահովման նոր համակարգով ճաշարան է բացվել (լուսանկարներ)

Կառավարությունում քննարկվել են սոցիալական առանձին խմբերին միանվագ աջակցության միջոցառումները

Հայաստանի 3 մարզերում ձյուն է տեղում. ճանապարհներն հիմնականում անցանելի են

Կորոնավիրուսը կապ չունի մարդկային գործոնի հետ, «չի փախել» ոչ մի լաբորատորիայից. ռուս պրոֆեսորի դիտարկումները

Վանաձորի, Սիսիանի, Արմավիրի, Գորիսի, Երեւանի մի շարք սուպերմարկետներ փակվել են 6 ժամով. ներկայացվում են պատճառները

Հրդեհ Զաքարիա Քանաքեռցու փողոցում. այրվել է մեքենայի շարժիչի հատվածը

Արցախում ժամանակավորապես դադարեցվել է մի շարք երթուղիների սպասարկումը

Պատրիկ Դևեջյանի մահն անամոքելի վիշտ է հայ-ֆրանսիական բարեկամության համար․ Ն. Փաշինյանը ցավակցական հեռագիր է հղել

Այսօր 158 անձի նկատմամբ կազմվել է վարչական իրավախախտման վերաբերյալ արձանագրություն. ոստիկանություն

Այս մեկ շաբաթը փորձություն կլինի բոլորիս համար

Երևանի քաղաքապետարանը ԱԻՆ-ի հետ համատեղ ամենօրյա ռեժիմով կատարում է ախտահանիչ միջոցառումներ

ՀՀ որոշ տարածքներում ձյուն է տեղում. Լարսը բաց է միայն բեռնատարների համար

ՀՀ ոստիկանապետ Արման Սարգսյանը հանձնարարել է ստուգել քաղաքացուն խոշտանգելու ահազանգի մանրամասները. ՄԻՊ

Հիվանդությունների վերահսկման և կանխարգելման կենտրոնի 14 աշխատակցի մոտ եւս կորոնավիրուս է հայտնաբերվել

3 ավիաընկերություններ այսօր կիրականացնեն Մոսկվա-Երեւան չվերթներ՝ տեղափոխելով ՀՀ քաղաքացիների

Ով ինչպես է օգտագործում կորոնավիրուսը

Վիշտն անսահման է. Ֆրանսիայում ՀՀ դեսպանը ցավակցել է Պատրիկ Դևեջյանի մահվան կապակցությամբ

Մահացել է լեհ մեծանուն կոմպոզիտոր, դիրիժոր և մանկավարժ Քշիշտոֆ Պենդերեցկին

Ցնցված եմ ֆրանսիահայ ականավոր գործիչ Պատրիկ Դեւեջյանի մահվան բոթից. Նիկոլ Փաշինյան