«ՈՉ»-ի ճամբարը կորցնելու բան չունի, իսկ «ԱՅՈ»-ի կողմը շատ բան ունի կորցնելու՝ չհաղթելու դեպքում. քաղտեխնոլոգ

Ապրիլի 5-ին Հայաստանում սպասվող Սահմանադրական հանրաքվեին ընդառաջ քաղաքական դաշտում վերադասավորումներ եւ դիրքավորումներ են տեղի ունենում: Եթե գրեթե պարզ է, թե ովքեր են լինելու «Այո»-ի շտաբում, ապա «Ոչ»-ի հարցն այնքան էլ հստակ չէ: Երեկ փաստաբան Ռուբեն Մելիքյանը հայտարարեց «Ոչ»-ի նախաձեռնություն ձեւավորելու հարցով խորհրդակցություններ սկսելու մասին: 

Քաղտեխնոլոգ Վիգեն Հակոբյանը կարծում է, որ ընդդիմադիր ուժերը խուսափում են իրենց վրա վերցնել «Ոչ»-ի շտաբի պատասխանատվությունը սեփական ռեսուրսների վրա վստահ չլինելու պատճառով: Բացի այդ, ըստ նրա, խորհրդարանական ընդդիմությունը, օրինակ, չի ցանկանում մի դաշտում հայտնվել նախկին իշխանության ներկայացուցիչների հետ՝ այդ թեմայով տարածվող տեղեկությունները չհաստատելու համար:

Ստորեւ մեր զրույցը՝ Վիգեն Հակոբյանի հետ.

- Պարո՛ն Հակոբյան, ըստ Ձեզ, ո՞ր ուժերը կլինեն «Ոչ»-ի ճամբարում՝ ակնհայտ կամ թաքնված կերպով:

- Բավական լայն սեգմենտ կարող է լինել «Ոչ»-ի կողմնակիցների դաշտում, եւ, իսկապես, դա կարող է լինել ե՛ւ ֆորմալ, ե՛ւ ոչ ֆորմալ առումով: Մենք տեսնում ենք արդեն, որ մի շարք ուժեր, որոնք իշխանական ճամբարում չեն, հայտարարում են, որ իրենք չեն զբաղվելու «Ոչ»-ի շտաբով, կոչ են անում բոյկոտի: Բոյկոտի մասին հայտարարողներն իրականում օգնում են «Ոչ»-ի հաղթանակին: Որովհետեւ եթե իրենք չեն քարոզում «Այո»-ն, ստացվում է՝ պայքարում են «Այո»-ի հաղթանակի դեմ: Եթե պայքարում են հաղթանակի դեմ, ստացվում է՝ օգնում են «Ոչ»-ի կողմնակիցներին: Իշխանությունը եւս հենց այս «սպիտակի» ու «սեւի» տրամաբանության մեջ է ուզում քարոզարշավը տանել: Դա ակնհայտ է Նիկոլ Փաշինյանի հայտարարություններից, որը պնդում է՝ հեղափոխությունը շարունակվում է՝ նախորդ ռեժիմի վերջին բաստիոնը ճեղքելու համար: Այս դիրքավորումը տրամաբանական է իշխանության համար, որովհետեւ միայն այսպես է հնարավոր մոտիվացնել մարդկանց եւ ապահովել մասնակցությունը: Այլապես հանրաքվեի դրվող հարցը լայն հանրության համար այնքան առաջնահերթ չէ, որ դրա համար պայքարեն: Այս համատեքստում նախկին իշխանությանը ներկայացնող քաղաքական ուժերը, որոնք ասոցացվում են սեւի հետ, պետք է գոնե բացահայտ կերպով չմասնակցեն այս պրոցեսին, որովհետեւ այդ դեպքում իրենք ծառայություն են մատուցում իշխանություններին՝ վերահաստատելով, որ «սեւի» ու «սպիտակի» մասին վարչապետի կարգախոսը դեռ արդիական է:

- Իսկ ի՞նչ կարող եք ասել ԲՀԿ-ի դիրքորոշման մասին:

- Դժվար է որեւէ բան ասել, որովհետեւ դեռ հասկանալի դիրքորոշում չունի ԲՀԿ-ն, լղոզված են դիրքորոշումները: ԲՀԿ-ն դեռեւս փորձում է շոշափել տրամադրություններ, հասկանալ, թե ովքեր են լինելու գլխավոր խաղացողներն ընդդիմադիր սեգմենտում: ԲՀԿ-ն, առհասարակ, միշտ բավականին զգույշ է բացում իր խաղաքարտերը, ինչը, իմ կարծիքով, հասկանալի է՝ հաշվի առնելով այդ կուսակցության խոցելիությունը: Դա կապված է բիզնեսների հետ:

- Նորից վերադառնալով «Ոչ»-ի ճամբարին, ըստ Ձեզ, ո՞րն է շտաբ ձեւավորելու հարցում խուսափողականություն դրսեւորելու պատճառը. քննարկվող տեսակետներից մեկի համաձայն՝ համենայն դեպս խորհրդարանական ընդդիմությունը չի ուզում ՀՀԿ-ի, նախկին իշխանությունների, Քոչարյանի կողմնակիցների հետ հայտնվել մի շտաբում՝ դրանով չհաստատելով իրենց համագործակցության մասին լուրերը:

- Պարզ է, որ «Լուսավոր Հայաստանը» չի ուզում նույն դաշտում լինել, եթե հանկարծ նախկին իշխանությունները փորձեն ակտիվ դեր խաղալ «Ոչ»-ի ճամբարում: Բայց կա նաեւ այլ խնդիր. գուցե համապատասխան ռեսուրս չունեն, որ իրենց վրա վերցնեն պատասխանատվություն «Ոչ»-ի հաղթանակի համար: Եթե ինչ-որ մեկը որոշում է «Ոչ»-ի շտաբ ղեկավարել, նա իր վրա է վերցնում պատասխանատվություն արդյունքի համար: Ես այդպես եմ կարծում:

- Այդքան ակնհա՞յտ է, որ «Լուսավոր Հայաստանը» չի ուզում նախկին իշխանությունների հետ լինել նույն ճամբարում, նույն շտաբում:

- Դատելով իրենց հայտարարություններից՝ ես այդպես եմ կարծում: Նրանք խուսափում են նախկին իշխանությունների հետ իդենտիֆիկացիայից եւ նույնիսկ շփումից:

- Արդյոք դրա պատճառն ա՞յն է, որ այդ մասին ժամանակ առ ժամանակ խոսվում է: ԼՀԿ-ի վերջին հայտարարություններից հետո համացանցում շրջանառվում էր «Միշիկի Էդմոնը» արտահայտությունը:

- Նաեւ՝ դա, իհարկե: Նաեւ հենց այդ պատճառով: Վարչապետը, Քաղաքացիական պայմանագրի ներկայացուցիչներն այդ մասին գրեթե բացահայտ ակնարկում են: Օրերս ԱԺ փոխխոսնակն է նման ակնարկներ արել: Ես չեմ կարող դա պնդել կամ հերքել, բայց Քաղաքացիական պայմանագիրը, որպես «Ելք» դաշինքում «Լուսավոր Հայաստանի» նախկին գործընկեր, երեւի ինչ-որ մի բան ավելի շատ գիտի, քան մենք, եթե նման պնդումներ է անում:

- Պարո՛ն Հակոբյան, երկուշաբթի օրվանից մեկնարկում է հանրաքվեի քարոզարշավը. ըստ Ձեզ՝ այս պահին ո՞ր թեւն է ավելի շահեկան վիճակում: «Այո»-ի համար հե՞շտ է լինելու:

- Ես կարծում եմ, որ բարդ է լինելու. այնպես չէ, որ հանրաքվեի տարբերակը իշխանության համար ամենաերազած տարբերակն էր, որովհետեւ դա իր մեջ վտանգներ է պարունակում՝ ռեսուրսների, ռեյտինգի առումով: Շուրջ 645 հազար ձայն է հարկավոր «Այո»-ի հաղթանակի համար, ինչը դժվար է՝ պայմանավորված հանրաքվեի դրվող հարցի ոչ այդքան պոպուլյար, հրատապ լինելու հանգամանքով: Հենց սա է պատճառը, որ իշխանությունը փորձելու է այդ ամենը ներկայացնել՝ որպես հեղափոխության շարունակություն: Նույն բարդության առջեւ է լինելու նաեւ ընդդիմությունը, որովհետեւ զուտ միայն բոյկոտի կոչերով, քննադատությամբ, նրանք չեն կարող հասնել իրենց ցանկացած արդյունքին: «Ոչ»-ի ճամբարի դեպքում միակ տարբերությունն այն է, որ նրանք մեծ բան չունեն կորցնելու: Իսկ իշխանությունը շատ բան ունի կորցնելու:

- Երեւի ավելի շատ՝ ապացուցելու, ապացուցելու, որ ընտրություններից ավելի քան 1.5 տարի անց շարունակում են վայելել հասարակության վստահությունը:

- Պատկերացրեք, որ չհավաքեն այնքան ձայն, որքան վերջին ընտրություններին ստացել են: Դա թույլ կտա ընդդիմությանը նոր քաղաքական օրակարգով հանդես գալ, ասել, որ իշխանության ռեյտինգը իջել է:

- Չասացիք, թե ով է ավելի շահեկան դիրքում այս պահին:

- Եթե այդ մասին հարցնեք քարոզարշավից 5 օր հետո, միգուցե կարողանամ ասել՝ հիմնվելով քարոզչական մարտավարության եւ մի շարք այլ հանգամանքների վրա: Շատ բան կախված է լինելու քարոզչությունից, կախված է լինելու նրանից, թե ով ավելի շատ ինստիտուցիոնալ կառույցներ ունի ամբողջ երկրում: Քարոզչության առաջին շաբաթը ցույց կտա, թե ինչ է լինելու, այդ թվում՝ «Ոչ»-ի շտաբում: Սա նաեւ նրանց համար է լավ շանս, որ փորձեն մեծ օրակարգի շուրջ համագործակցեն, համախմբվեն եւ ձեւավորեն իսկապես ընդդիմադիր դաշտ:

Տպել
1084 դիտում

Երկրաշարժ է գրանցվել Քարվաճառ քաղաքից 33 կմ դեպի հյուսիս-արևելք. էպիկենտրոնում ցնցման ուժգնությունը կազմել է 3 բալ

Հաստատվել են օլիմպիական խաղերի ժամկետները. պաշտոնական

Արմեն Սարգսյանը նամակ է հղել ՉԺՀ նախագահ Սի Ծինփինին

«Քոնթուրգլոբալ հիդրոկասկադ» ՓԲԸ-ն հայտարարում է մրցույթ

«Մենք որոշեցինք դիտորդական առաքելությունը չկասեցնել». Արցախ մեկնած դիտորդները թեստեր են հանձնել եւ անվտանգ են

ՀԱՊՀ-ն գործարկել է iUniversity հայկական առաջին համալսարանական առցանց հարթակը

ԱԺ-ն առաջին ընթերցմամբ ընդունեց անձնական տվյալներին հասանելիություն ունենալու մասին օրինագիծը

«ՔոնթուրԳլոբալ Հիդրոկասկադ» ՓԲԸ-ն հայտարարում է մրցույթ

Արցախ մեկնող պատգամավորներից որեւէ մեկի մոտ կորոնավիրուսի առկայություն չի հաստատվել․ Արարատ Միրզոյան

Դորտմունդի «Բորուսիան» վերսկսում է մարզումները. The Daily Mail

Վաղվա ընտրությունը կազմակերպում ենք ոչ ստանդարտ պայմաններում. համոզված եմ՝ գիտակցում եք պահի լրջությունը. ԱՀ ԿԸՀ նախագահ

Հայաստանի պետական սիմֆոնիկ նվագախմբի կատարումը՝ նվիրված բուժաշխատողներին (տեսանյութ)

Մի քանի օր առաջ նկարահանեցինք, 4 հոգով էինք, ամբողջ օրը հակագազով եմ եղել. Հայկ Ստվերը նոր տեսահոլովակ է թողարկել

Ի՞նչ կլիներ, եթե ընդհանրապես միջամտություններ չիրականացվեին․ մանրամասնում է Ռուստամ Բադասյանը

Ա. Սարգսյանը ՀՀ-ում Հնդկաստանի դեսպանի հետ տեսակապով քննարկել է նոր կորոնավիրուսի հետևանքով ստեղծված իրավիճակը

Հնարավոր է ուղղակի բիզնեսին դրամաշնորհներ տրամադրել, բայց դա ժամանակավոր եւ անարդյունավետ է․ փոխվարչապետ

Իսրայելի վարչապետ Բենյամին Նեթանյահուի խորհրդականը վարակվել է կորոնավիրուսով. The Times of Israel

Մխիթարյանն «Արսենալի» ներկայացուցիչների հետ հեռախոսազրույցի ընթացքում հայտնել է, որ ուզում է մնալ «Ռոմայում»

Սոցիալական գործիքներից մեկով շահառուների թիվը գերազանցում է 100 հազարը․ Մհեր Գրիգորյան

ԱՀ ՍԱՊԾ-ը կորոնավիրուսի տարածումը կանխելու միջոցառումների շրջանակում այցելել է Ստեփանակերտի պարենային խանութներ