Հայաստանի ֆուտբոլի ազգային հավաքականի համար մշտական գլխավոր մարզիչ ունենալը կարծես իսկական երազանք է դարձել: Վերջին տարիներին գրեթե ոչ մի մարզիչ ամբողջական ցիկլ չի անցկացնում թիմի հետ, իսկ անցած 3 ամիսների ընթացքում ընտրանին ընդհանրապես ավելի երկար ժամանակ է լինում առանց մարզչի, քան մարզիչ ունենալով: Աբրահամ Խաշմանյանի ու ՀՖՖ-ի միջեւ համագործակցության դադարեցումից հետո կրկին փնտրտուքների փուլ է սկսվել:

Այս մասնագետի հեռանալն այնքան մեծ աղմուկ չբարձրացրեց, որքան նրանից առաջ Արմեն Գյուլբուդաղյանցի հրաժարականը: Գուցե նորությանը զուգահեռ տեղի ունեցող քաղաքական իրադարձությունները կամ ըմբշամարտի Եվրոպայի 2020թ. առաջնությունում հաղթանակները շեղեցին մարզասերների ուշադրությունը: Կամ էլ հնարավոր է 9:1-ից հետո դա պարզապես սպասելի զարգացում էր:

Խաշմանյանն աշխատանքն ստանձնել էր հայկական ֆուտբոլի համար բավական բարդ ժամանակահատվածում ու գլխավորել էր ոչ նախանձելի վիճակում գտնվող թիմ: Մի կողմից ՀՖՖ նախկին նախագահ Արթուր Վանեցյանի հետ կապված իրադարձությունները երբեմն ոչ ֆուտբոլային թեմաները բերում էին ֆուտբոլ: Մյուս կողմից, ինչպես գործկոմի նախկին անդամ Մարինա Թաշչյանն էր նշել ՀՖՖ նախագահի ընտրությունների օրը, ինչ-որ տարաձայնություններ կային պաշտոնյաների շրջանում: Ի հավելումն՝ այն բանից հետո, ինչ Եվրո 2020-ի որակավորման փուլի ընթացքում մի քանի հաղթանակներից հետո ուղեգրի հույս էր առաջացել եւ այդ հույսը հօդս էր ցնդել, երկրպագուները բավական զայրացած ու հիասթափված էին, եւ ամեն հերթական սխալի պատճառով անխնա քարկոծելու էին պատասխանատուներին:

Հերթականն էլ պարզապես սխալ չէր: Պատմական էր: 1:9 հաշվով պարտություն, ու անկախ նրանից, որ մրցակիցն աշխարհի քառակի չեմպիոն Իտալիան էր, սա ոչ ոք չէր ներելու: Ամենաշատ քննադատությունը բաժին հասավ գլխավոր մարզչին: Վերջինիս բացատրությունն էլ զայրացրեց ոչ միայն ֆուտբոլասերներին, որոնք դժգոհ էին նրա տակտիկական որոշումներից, այլեւ ֆուտբոլիստներին: Եվ եթե երկրպագուների սիրտը կարելի է շահել հետագա տպավորիչ հաղթանակներով, ապա հրապարակայնորեն հարաբերություններ պարզելուց հետո մարզչի ու ֆուտբոլիստների համատեղ աշխատանքը բարդ է պատկերացնել: Եվ հաշվի առնելով նաեւ, որ այս մարզչի մնալու դեպքում թե խաղացողների, եւ թե երկրպագուների համար 9:1-ը մոռանալն ավելի բարդ էր լինելու, թերեւս ՀՖՖ-ի ու Խաշմանյանի որոշումը տրամաբանական էր:

Բայց ի՞նչ կարող էր անել Խաշմանյանը, երբ նշանակվեց: Թիմն արդեն գործնականում կորցրել էր ամեն ինչ: Պարզապես պետք է ավարտին հասցներ որակավորման փուլն ու սպասեր նոր շրջափուլի մեկնարկին: Իսկ ի՞նչ կարող էր անել Գյուլբուդաղյանցը, որը հեռացավ նրանից առաջ: Նա, ինչպես արդեն բացատրել է, ամենեւին էլ Եվրոյի եզրափակիչ փուլ դուրս գալու առաջադրանք չի ունեցել: Իսկ ի՞նչ պետք է անի ապագա մարզիչը ու ընդհանրապես ո՞վ պետք է նա լինի:

Շուտով կրկին կակտիվանան ֆուտբոլասերների՝ սովորական դարձած նույն քննարկումները, որ անհրաժեշտ է օտարերկրացի կամ արտասահմանից եկած հայ մասնագետ, հատկապես, որ Խաշմանյանով սպառվեցին Հայաստանում հավաքականի մարզիչ գտնելու տարբերակները: Հաշվի առնելով իսպանացի հայտնի տեխնիկական տնօրեն Խինես Մելենդեսի գործոնը՝ հիմա կպահանջեն, որ նոր մարզիչը նաեւ անվանի լինի: Արդեն 1-2 հայտնի անուններ մամուլում շրջանառվում են: Արդյունքների վերաբերյալ սպասելիքներում էլ դժվար թե փոփոխություններ լինեն՝ Եվրոպայի կամ աշխարհի առաջնությունների եզրափակիչ փուլ: Եթե այս ձեւաչափով շարունակվի, ամենայն հավանականությամբ, հետեւանքներն էլ կրկնվեն. ինչ-որ մարզիչ, որը հրաշքներ չի գործի, կհեռանա, ու կրկին նույն քննադատությունները կհնչեն նրա ու ֆեդերացիայի հասցեին:

Բայց, եթե այս նույն պատմությունը կրկնվել է անընդհատ ու արդյունքը միշտ եղել է վատը, գուցե արժե՞ փոխել մոտեցումը: Գուցե արժե՞ առանց էմոցիաների ու սառը գլխով դատել, թե իրականում ինչի է ընդունակ հավաքականը: Իհարկե սպորտում ընդունված չէ ասել, որ մենք այսինչ գերնպատակին հասնելու պոտենցիալ չունենք: Բավական է նման արտահայտություն, ու հրաժարականների պահանջի տարափ կտեղա, չէ՞ որ կա համոզմունք, որ մեծ ցանկության, նվիրվածության ու անձնվիրության հաշվին ամեն ինչ էլ հնարավոր է:

Բայց այս հատկանիշների շնորհիվ ֆուտբոլում հաջողության հասնելը բացառությունների շարքից է, իսկ օրինաչափությունը տարիների, տասնամյակների ընթացքում հստակ ու համակարգված աշխատանքի, մանկապատանեկան ֆուտբոլի զարգացման ու ազգային լավ առաջնություն ունենալու միջոցով նվաճումներ ունենալն է: Ու քանի դեռ Հայաստանում այս հարցերում բացեր կան, մեծ ցանկությունը դժվար թե բավարար լինի, առավել եւս, որ այն հավաքականները, որոնց կողքին հայ երկրպագուներն իրենց թիմին պատկերացնում են Եվրոպայի ու աշխարհի առաջնությունների եզրափակիչ փուլերում, ե՛ւ նվիրված ու անձնվեր խաղացողներ ունեն, ե՛ւ համակարգված աշխատանք:

Հետեւաբար գուցե արժե՞, որ 1 անգամ հավաքականի պատասխանատուները գնան քննադատվելու այդ ռիսկին ու բացահայտորեն ասեն, որ իրատեսական է ոչ թե այն մեծ, այլ այս փոքր նպատակին հասնելը: Գուցե արժե՞, որ ժամանակ չկորցնեն աստղային մասնագետների հետ բանակցելու վրա, որոնք հնարավոր է հրաժարվեն գալ՝ վախենալով, թե ինչ կլինի իրենց իմիջի հետ անհաջողության դեպքում: Գուցե արժե՞, որ գտնեն ոչ թե թանկարժեք ու աստղային մարզիչ, այլ ինչ-որ մեկին, ով փոքր հավաքականների հետ աշխատելու ու նրանց քիչ ներուժի համապատասխան հաջողությունների հասնելու փորձ ունի: Մինչեւ մանկապատանեկան ֆուտբոլում իրականացվող փոփոխությունները կսկսեն արդյունք տալ...

Տպել
1806 դիտում

Սյունիքում կորոնավիրուսով վարակված 4 հոգի ծայրահեղ ծանր վիճակում է, 26 հոգի՝ միացված թթվածնային սարքին

Պատվաստումների մեկնարկից ի վեր ՀՀ-ում արձանագրվել է 69.807 քովիդի և 1843 մահվան դեպք, որը կազմում է բոլոր մահերի 27%-ը

Հայաստանի և Ուկրաինայի ՄԻՊ-երը Ծիծեռնակաբերդում հարգանքի տուրք են մատուցել Հայոց ցեղասպանության զոհերի հիշատակին

Թուրքական լիրայի արժեզրկման հերթական ռեկորդն է գրանցվել

Գործարկվելու է Ախուրյան բնակավայրի շչակը

Համաժողովը հիանալի հարթակ է վեր հանելու խնդիրները, որոնց լուծումը կխթանի տարածաշրջանային համագործակցությանը. Սանոսյան

Դատարանները մերժել են վարույթ ընդունել ապօրինի ծագման գույքի բռնագանձման գործերով գլխավոր դատախազության դեմ հայցերը

ԿԸՀ-ն այսօր կվերահաշվարկի 1 ընտրատարածքի ընտրության արդյունքները

Դավիթ Տոնոյանի փաստաբանական խումբը նոր հայտարարությամբ է հանդես եկել

Մհեր Գրիգորյանի գլխավորած պատվիրակությունը կմեկնի Մոսկվա

Վարդանյան եղբայրների՝ 300 մլն դրամ աջակցության շնորհիվ Հայաստանում 150 անապահով ընտանիք կերջանկանա (տեսանյութ)

Ռուսաստանը Հայաստանի հիմնական առևտրային գործընկերն է. ՀՀ վարչապետը ուղերձ է հղել հայ-ռուսական համաժողովի բացմանը

Ստեփանակերտ-Ասկերան ճանապարհին մարդատարը բախվել է համընթաց մեքենային, այնուհետև՝ արգելապատնեշին. կա տուժած

Հանրային քննարկման է ներկայացվել նախադպրոցական հաստատությունների տնօրենների հավաստագրման կարգը. ԿԳՄՍՆ

Արթուր Ղազինյանը 8-րդ անգամ չընտրվեց պաշտպանության և անվտանգության հանձնաժողովի փոխնախագահի պաշտոնում

Նորվեգիայի Թագավորության նորանշանակ դեսպանն իր հավատարմագրերի պատճենն է հանձնել ԱԳ նախարարի տեղակալին

Ողբերգական դեպք Կոտայքում. ննջարանում հայտնաբերվել են ամուսինների դիերը, ինչպես նաև երկտող

Կորոնավիրուսի մեկօրյա մահերի թիվը դարձյալ բարձր է. գրանցվել է մահվան 37 նոր դեպք

Վրաերթ Երևան-Արմավիր ճանապարհին. տղամարդը հիվանդանոցում մահացել է

Ալբերտ Հովհաննիսյանին հետմահու շնորհվել է «Արցախի հերոս» բարձրագույն կոչում

ԱԱԾ-ն բերման է ենթարկել ՊԵԿ 4 պաշտոնատար անձի և նրանց 1 միլիոն դրամ կաշառք տված ևս 3 մարդու (տեսանյութ)

ՊԵԿ նախագահն ու վրաց պաշտոնյան քննարկել են հարկային և մաքսային ոլորտներին առնչվող հարցեր

Ոստիկանությունը պարզաբանում է անձնագրերի հետ կապված՝ օրենքներում նախատեսվող փոփոխությունները (տեսանյութ)

Մեքենաներից ազատ ևս մեկ հրապարակ. որպես ավտոկայանատեղի և գյուղմթերքի շուկա ծառայող տարածքը բարեկարգվում է (տեսանյութ)

ՀՀ կառավարությունը հաստատել է Արցախի տեղահանված կամ տունը կորցրած քաղաքացիներին դրամական օգնություն տրամադրելու որոշումը

Ռուսաստանը դադարեցնում է ՆԱՏՕ-ում իր առաքելության աշխատանքը. սառեցվում են դիվանագիտական բոլոր կապերը

Մի քանի ժամ լույս չի լինելու Երևանի և 5 մարզերի մի շարք հասցեներում

Էջմիածնից Մասիս տանող ավտոճանապարհին տրակտորը շրջվել է մոտակա փոսը. վարորդին հոսպիտալացրել են

Վաղը Երևանի, Կոտայքի և Արմավիրի մարզերի մի շարք հասցեներում 36 ժամով կդադարեցվի ջրամատակարարումը

ՄԱԿ-ի Արդարադատության միջազգային դատարանում մեկնարկել են Ադրբեջանն ընդդեմ Հայաստանի գործով լսումները

Կամարիս համայնքում ավարտվել են կառավարության 2021 թվականի 3 սուբվենցիոն ծրագրերը

Կորոնավիրուսից մահացել է ԵՊՀ պրոֆեսոր Յուրիկ Գաբրիելյանը

Ջիլ գյուղում մոտ 8 տոննա անասնակեր է այրվել

ԱԱՏՄ-ն բազմապատկված ուժերով խստացված ստուգայցեր է իրականցրել․ վերահսկողություն է կատարվել 478 տնտեսավարողների մոտ

Դալարիկում մարզի առաջնահերթ խնդիրների լուծման ծրագրով փոխվել են մանկապարտեզի դռներն ու պատուհանները

Արշակ Կարապետյանը հանդիպել է զոհված, անհայտ կորած, գերության մեջ հայտված զինծառայողների և կամավորականների հարազատներին

Շուշիում այսօր տեղի ունեցած բանակցությունների արդյունքում Ադրբեջանը հայկական կողմին է փոխանցել ևս մեկ աճյուն

ԵԽ նախարարների կոմիտեի ժողովրդավարության հարցերով զեկուցողների խմբի պատվիրակությունն այցելել է Զինվորի տուն

Սառնաղբյուր գյուղում այրվել է պահեստավորած անասնակերը

ՊՆ ռազմական ոստիկանությունում ամփոփվել են կատարված աշխատանքները