Հայաստանյան գիտնականները ուսումնասիրում են նորահայտ կորոնավիրուսը

Հայաստանցի գիտնականները սկսել են հետազոտել արդեն շուրջ 1400 մարդու կյանք խլած նոր կորոնավիրուսը:

Դրանով զբաղվում են ՀՀ գիտությունների ազգային ակադեմիայի մոլեկուլային կենսաբանության ինստիտուտի հակավիրուսային պաշտպանության մեխանիզմների ուսումնասիրման խմբի գիտաշխատողները:

Ինչպես մեզ հետ զրույցում նշեց այդ խմբի գիտական ղեկավար Հովակիմ Զաքարյանը, իրենք ուսումնասիրում են մարդու կորոնավիրուսների (SARS, MERS) եւ դրա նոր տեսակի (COVID-19) սպիտակուցների կառուցվածքային հատկանիշները։

«Հայտնի է, որ շատ սպիտակուցներ կամ դրանց առանձին հատվածներ չունեն հստակ 3D կառուցվածք, նմանատիպ սպիտակուցները կամ հատվածներն ունեն ֆունկցիոնալ նշանակություն, օրինակ՝ սպիտակուց-սպիտակուց փոխազդեցությունների համար»,- իր խոսքում նշեց վիրուսաբանը՝ ընդգծելով, որ շատ վիրուսներ՝ ՄԻԱՎ, պապիլոմավիրուս, Զիկա եւ այլն ունեն մեծ թվով նմանատիպ սպիտակուցներ։

«Մենք, օգտագործելով կենսաինֆորմատիկայի որոշակի մեթոդներ, փորձում ենք պարզել՝ արդյոք մարդու կորոնավիրուսների մոտ նույնպես կան նման սպիտակուցներ կամ դրանց հատվածներ, եւ եթե կան, արդյոք ունե՞ն կարեւոր նշանակություն վիրուսի վիրուլենտության՝ այսինքն օրգանիզմին վնասելու հարցում»,- ընդգծեց Զաքարյանը:

Վերջինս հրաժարվեց իրենց ուսումնասիրության մասին առավել մանրամասն խոսել՝  նշելով, որ տեղեկատվություն կհաղորդի ավելի ուշ, երբ արդեն կլինեն որոշակի արդյունքներ:

Նկատենք, որ կորոնավիրուսի նոր տեսակը հայտնաբերվել է ընդամենը 2019 թվականի դեկտեմբերին՝ Չինաստանում: Վիրուսի բուժման կոնկրետ մեթոդ առայժմ մշակված չէ: Չկա հիվանդության վրա մեծ արդյունավետությամբ ազդող դեղամիջոց ու նաեւ պատվաստանյութ: Մասնագիտական հանրությունն այս առումով դեռ փնտրտուքի մեջ է:

Առողջապահության համաշխարհային կազմակերպությունում, հիշեցնենք, հունվարի 30-ին, արտակարգ իրավիճակների կոմիտեի նիստ էր հրավիրվել, որտեղ էլ նոր կորոնավիրուսի բռնկումը ճանաչվել էր արտակարգ իրավիճակ հանրային առողջապահության ոլորտում, որն ունի միջազգային նշանակություն:

Հավելենք, որ ըստ «worldometers.info»-ի անընդմեջ թարմացվող տվյալների՝ կորոնավիրուսի պատճառով ամբողջ աշխարհում մահերի թիվը երեկվա դրությամբ հասել է 1,384-ի, իսկ վարակվածներինը՝ 64,471-ի: 

Տպել
1770 դիտում

Կարծում եմ՝ լինելու են արտահերթ ընտրություններ․ քաղաքագետը՝ Փաշինյանի ակնարկների, սպասվող զարգացումների մասին

Մահացել է բանաստեղծ Եղիշե Չարենցի թոռնուհին՝ բանաստեղծուհի Հասմիկ Չարենցը

Ում հասանելի կլինեն եւ որքան կարժենան կորոնավիրուսի դեմ պատվաստանյութի տարբեր տեսակները

Լոռու մարզի 18 դպրոցում կտեղադրվեն արևային վահանակներ, կկառուցվեն ջերմոցներ, ինտենսիվ այգիներ

Այս տարի Վայոց ձորում աննախադեպ է եղել խաղողի բերքը․ տեղեկություններ մթերումների մասին

Ադրբեջանում գտնվող գերիների վերաբերյալ ողջ տեղեկատվությունը տրամադրվել է ՄԻԵԴ-ին, նաեւ ԱԳՆ, ՊՆ եւ Կարմիր խաչին

Հավատում ենք խաղաղությանն ու պայծառ ապագային. ԱՄՆ ՄԶԳ/Հայաստանի աշխատակիցներն այցելել են Արցախից տեղահանված երեխաներին

Հիմնանորոգվում է Գառնի-Լանջազատ ճանապարհը

Շուտով կավարտվի Արմավիր քաղաքի Երևանյան փողոցի ճանապարհահատվածի հիմնանորոգումը

Տեղի է ունեցել Գերիների, պատանդների և անհայտ կորած անձանց հարցերով զբաղվող միջգերատեսչական հանձնաժողովի նիստ

81-ամյա կինը մահացել է որդու հարվածների հետևանքով.43-ամյա տղամարդը կալանավորված է

Երազանք էր նրա դեմ խաղալը. Ռազմիկ Գրիգորյանն ու Խորեն Հովհաննիսյանը վերհիշում են Մարադոնայի հետ հանդիպումները

Գիշերային շրջիկ ծառայության ժամանակ ոստիկաններն ապօրինի թմրաշրջանառության դեպք են բացահայտե լ(տեսանյութ)

ԿԽՄԿ ներկայացուցիչը վարչապետին տեղեկատվություն է տրամադրել հայ գերիների հետ հանդիպումների մասին

Սարալանջ գյուղի մոտակայքում մոտ 3 հա բուսածածկույթ է այրվել

«Արմավիր» ՔԿՀ-ում կանխվել է նույն անձին թմրամիջոց փոխանցելու 3-րդ դեպքը

Մայիսյանում թեթև և ծանր տեխնիկայի կայանման սպասարկման կենտրոն է կառուցվում. ստեղծվում է 5 հիմնական աշխատատեղ

Էդուարդ Հարությունյանը կգործուղվի Մոսկվա՝ նախապատրաստելու վարչապետ Նիկոլ Փաշինյանի այցը

ՀՀ պաշտպանության նախարարն ընդունել է ՌԴ խաղաղապահ զորախմբի հրամանատարին

Ֆրանսիայից Հայաստան է ժամանել արցախահայությանը տրամադրված հումանիտար օժանդակության երկրորդ ինքնաթիռը (տեսանյութ)