Հին աշխարհը քանդվում է, եւ մենք նոր աշխարհում պետք է հանդես գանք նոր ուժով, նոր իմիջով․ վարչապետ

Հարկային արձակուրդի գաղափարը վատն ենք համարում: Այս մասին ՀՀ կառավարության այսօրվա նիստում հայտարարեց վարչապետ Նիկոլ Փաշինյանը:

«Որովհետեւ ասում են՝ կառավարությունն այս ծախսը պետք է անի, այն ծախսը պետք է անի, նույն նախադասության մեջ ասում են՝ կառավարությունը բոլորին պետք է հարկային արձակուրդ տա: Բա, եթե պետք է հարկային արձակուրդ տա, այդ ծախսերն ինչո՞վ պետք է իրականացնի: Դրա համար մենք ասում ենք, որ մարդիկ պետք է պատրաստ լինեն իրենց սովորական հարկերը, վճարումներն անել: Իհարկե, ճգնաժամը չենք կարող արհամարհել, դրա համար կառավարությունը միջոցներ է ներդնում, այսինքն՝ քաղաքացու հետ մասնակցում ենք հարկերի վճարմանը: Պայմանավորվել ենք, որ բանկերը վարկերի հետ կապված պետք է անհատական աշխատեն իրենց հաճախորդների շրջանակների հետ: Այո՛, մենք համարում ենք, որ կարող են լինել որոշակի սոցիալական ճգնաժամային երեւույթներ, դրա համար նախատեսել ենք 25 մլրդ դրամի չափով սոցիալական աջակցության փաթեթ, բայց այս փաթեթը պետք է լինի հասցեական, որ հասնի նրանց, որոնք դրա կարիքն իրականում ունեն»,- ասաց վարչապետը:

Նա ընդգծեց՝ կառավարությունը խուճապի չի մատնվելու, էմոցիոնալ, չհաշվարկված որոշումներ չի կայացնելու։

Նիկոլ Փաշինյանն ասաց, որ կառավարությունը սովորաբար ծրագրերը գնահատելիս շատ ավելի հեշտ է տրվում քաղաքական մարմինների էմոցիոնալ ճնշումների, եւ կարող են դրա հետեւանքով գումարները ոչ արդյունավետ օգտագործելու գայթակղությանը տրվել։

«Մեզ պետք է ծրագրերը գնահատող մասնագիտացված եւ ոչ էմոցիոնալ մարմին, որը պատրաստ լինի ծրագրի որոշակի ռիսկ վերցնել եւ որոշակի գնահատում իրականացնել: Տնտեսական հակաճգնաժամային գործողություններ իրականացնող խումբ կա ձեւավորված, որը կառավարության տնտեսական բլոկն է, ԱԺ պատգամավորներ կան ներգրավված, եւ մատը պահելու են տնտեսության զարկերակի վրա»,- ասաց նա:

ՊԵԿ նախագահ Դավիթ Անանյանն էլ նշեց, որ բացի նախատեսված ծրագրերից, նաեւ համակարգային կամ համակարգաստեղծ ընկերությունների հետ հասցեական աշխատանք պետք է տանեն:

Վարչապետը նշեց, որ բոլոր գործողությունների հիմքում պետք է ունենան ոչ թե տնտեսությանը հումանիտար օգնություն ցուցաբերելը, այլ տնտեսության մրցունակությունը պետք է բարձրացնեն։ Նա ընդծգեց՝ որեւէ ծրագիր, որը դա չի անելու, իրենց համար հետաքրքիր չպետք է լինի:

«Ես ամեն օր նամակներ եմ ստանում խուճապային բովանդակությամբ: Կառավարությունը էմոցիոնալ, չհաշվարկված որոշումներ չի կայացնելու: Հիմա զարգացման ռազմավարություններ մեկնարկելու ամենահարմար պահն է Հայաստանի Հանրապետության համար, քանի որ աշխարհը վերափոխվում է, հին աշխարհը քանդվում է, եւ մենք նոր աշխարհում պետք է հանդես գանք նոր ուժով, նոր իմիջով»,- ասաց նա:

Վարչապետն ասաց, որ ոլորտներ կան, որոնք մեկ ամսվա ընթացքում ամենաշահութաբեր ոլորտներից մեկն են դարձել, եթե աջակցության կարիք ունեն աշխարհում իրենց դիրքերը գրավելու առումով, նրանց եւս պետք է աջակցել:

Տպել
396 դիտում

ՌԴ դեսպանատունն իր քաղաքացիներին խորհուրդ է տալիս օգտվել ապրիլի 3-ին Երեւան-Սոչի չվերթից

Մահացած երգչուհին պատրաստվում էր կորոնավիրուսի թեստավորում անցնել. քույրը վատառողջ է, նրանց շփման շրջանակը պարզվում է

IDBank-ը երկարաձգում է վարկային արձակուրդը մինչև մայիսի 17-ը և հայտարարում հաճախորդներին աջակցման երկրորդ փուլի մասին

Անցած 1 օրում Հայաստանում գրանցվել է 3 տրանսպորտային պատահար, կա 3 վիրավոր

«Վարդաշեն» ՔԿՀ-ի Պահպանության բաժնի աշխատակիցներից 5-ի մոտ ախտորոշվել է COVID-19

23:59-ից հետո անձանց տեղաշարժը ՀՀ ոստիկանությունը կսահմանափակի. հայտարարություն Արցախ մեկնելու մասին

Զինվորի ծնողը նրան բանակ ուղարկելուց հետո չպետք է ստիպված լինի հոգ տանել, որ որակյալ սնունդ ուղարկի նրան․ վարչապետ

Ցերեկային խնամքի կենտրոններում երեխայի ճանապարհածախսը կհոգա պետությունը

ՀՀ կառավարությունը հաստատեց Վանաձորի Հ․ Թումանյանի անվան պետական համալսարանի ռեկտորի ընտրության արդյունքները

Մինչեւ 18 տարեկան երեխաներ ունեցող ընտանիքներին աջակցություն կտրամադրվի․ կառավարությունը հաստատեց նախագիծը

Միանվագ աջակցություն կցուցաբերենք նաեւ օրավարձով աշխատող մեր հայրենակիցներին. վարչապետ

Արցախում բնակվող 440 միայնակ քաղաքացիներին պետությունը տրամադրում է մեկ ամսվա պարենամթերք և հիգիենիկ պարագաներ

Սիրելի՛ հայրենակիցներ, ես խնդրում եմ այդքան հանգիստ մի վերաբերվեք էս պրոբլեմին․ վարչապետ

Քաղաքացիներին վերահսկելու անհրաժեշտություն են ունենում այն կառավարությունները, որոնք չունեն լեգիտիմություն․ Փաշինյան

«Ֆլայ Արմենիա Էյրվեյզ» ՍՊԸ-ին օդանավի շահագործման վկայական չի տրամադրվել թերությունները չվերացնելու պատճառով

«Սուրբ Գրիգոր Լուսավորիչ» ԲԿ-ն ամբողջությամբ կդատարկվի եւ կծառայի որպես կորոնավիրուսի դեմ պայքարի հիվանդանոց․ Թորոսյան

Խաղաղությունը հնարավոր է այնտեղ, որտեղ դրան հավատում են. Աննա Հակոբյանը՝ ապրիլյան քառօրյայի մասին

2020 թվականի բյուջեի եկամուտները առաջին եռամսյակի տվյալներով գերակատարվել են 8.9 մլրդ դրամով․ վարչապետ

Ախտահանվում է Բագրատաշենի սահմանային կետը. ՍԱՏՄ աշխատակիցները կաշխատեն արտահագուստով

Կարծում եմ, որ Արցախում տեղի են ունեցել բարձր որակի ընտրություններ․ վարչապետ