Եթե բոլորին տանք օգնություն, կնշանակի, որ ռեսուրսը օգտագործում ենք նաեւ նրանց համար, որոնք դրա կարիքը չունեն․ վարչապետ

Աջակցության ծրագրերում մեզ համար ամենակարեւոր խնդիրը հասցեականությունը ապահովելն է։ Այս մասին ֆեսյբուքյան ուղիղ եթերի ընթացքում հայտարարեց ՀՀ վարչապետ Նիկոլ Փաշինյանը։ Պատասխանելով քաղաքացու հարցին, թե ինչո՞ւ օգնությունները բոլորի համար չեն, վարչապետը պատասխանեց՝ որովհետեւ երեխաներ կան,որ այդ օգնության կարիքը չունեն այն չափով, ինչ չափով, որ մյուս երեխաները։ Քաղաքացին իր հարցում մասնավորապես նշել էր․«Ինչո՞ւ նոր նախագծում որոշվեց, որ միանվագ ստանան այն մայրերը, ովքեր չեն աշխատում և նպաստառու չեն։ Իսկ եթե օգտվեին բոլոր երեխաները ավելի նպատակահարմար չէ՞ր։ Թող չլինի 100 հազար  լինի 20 հազար, բայց բոլորն օգտվեն։ Ամեն դեպքում ծանր վիճակը բոլորի համար է ծանր։ Երեխան երեխա է, բոլորն էլ ուտել են ուզում։ Օրինակ ՝կան մարդիկ, ովքեր հեռացված չեն աշխատանքից, բայց մատնվել են հարկադիր պարապուրդի եւ ունեն անչափահաս երեխա: Այդ դեպքում բա՞»։

Վարչապետն պատասխանեց, որ եթե բոլորին են տալիս օգնություն, նշանակում է, որ այդ ռեսուրսը օգտագործում են նաեւ նրանց համար, որոնք դրա կարիքը չունեն։ «Ես բերեմ իմ օրինակով․ ես 4 երեխա ունեմ, 2-ը չափահաս են, բայց իմ 2 փոքր երեխաները չեմ կարծում, որ պետք է օգտվեն այդ աջակցությունից։ Շատ են ասում, որ մարդկանց բաժանում եք խմբերի, նույնիսկ մեղադրանք կա, որ բաժանարար գծեր եք տանում։ Ես ուզում եմ բացատրել, թե ինչու ենք մենք խումբ-խումբ իրականացնում աջակցության մասին որոշումները․ հասցեականությունն ապահովելու համար»,- ասաց Փաշինյանը՝ հավելելով, որ գուցե կան երեխաներ, որոնց ծնողների եկամուտը ոչ միայն չի նվազել, այլ նաեւ աճել է։ Ըստ նրա՝ եթե պետությունը բոլորին բաժանի օգնություն, կնշանակի, որ ավելի պակաս կկարողանա օգնել այն մարդկանց, որոնք ունեն այդ օգնության կարիքը։

«Մենք տարբեր խավերի օգնությունների ծրագրեր ենք իրականացնում․ օգնում ենք այն մարդկանց, որոնք ազատվել են աշխատանքից այս ընթացքում, որոնք որոշակի ոլորտների աշխատողներ են եւ հարկադիր արձակուրդում են եւ չեն վճարվում։ Իհարկե, կանխավարկածն այն չէ, որ մենք բոլորին գտնում ենք, բայց մենք համարում ենք, որ կան ընտանիքներ, որ եթե մեկը մի ծրագրին չի համապատասխանում, մյուսը կարող է մյուս ծրագրին համապատասխանել։ Եթե մեկը ոչ մի ծրագրից չի օգտվում, մեծ է հավանականությունը, որ ապրում է մի ընտանիքում, որտեղ կա երեխա այս չափանիշներով, կամ ապրում է մի ընտանիքում, որտեղ մեր ութերորդ ծրագրից օգտվող քաղաքացի կա»,- ասաց վարչապետը։

Նա նաեւ չբացառեց, որ կան մարդիկ, որոնք արձակուրդում են եւ չեն վճարվում։ «Այսօր ՊԵԿ-ի բազաներում այդ հանգամանքը դեռեւս չի երեւում։ Դա կերեւա ապրիլի 20-ին, երբ եկամտահարկի հաշվետվությունները լինեն։ Այդ ժամանակ մենք հստակ կտեսնենք՝ ինչքան մարդ է, որ հարկադիր արձակուրդում է գտնվել եւ չի վճարվել, եւ ինչքան մարդ է վճարվել։ Այստեղ մենք հնարավորություն կունենանք առավել կարիքավորներին օգնել շատ հասցեական»,- եզրափակեց Փաշինյանը։

Տպել
1144 դիտում

Հոսպիտալացման խնդրի պատճառով այսօր ունեցել ենք մահվան առաջին դեպքը. մենք արդեն քայլում ենք դժոխքի եզրով. վարչապետ

ՊԲ հրամանատար Ջալալ Հարությունյանի նախագահությամբ անց է կացվել ՌԽ հեռավար նիստ

72 ժամով կասեցվել է ռեստորանային համալիրի գործունեությունը. մոտ 50 հանրային սննդի օբյեկտի աշխատանքը՝ 24 ժամով

Վարչապետը շնորհավորական ուղերձ է հղել Շվեդիայի վարչապետին՝ երկրի ազգային տոնի առթիվ

Գավառի արյունալի միջադեպերի հետեւանքով տուժած 5 անձինք ապաքինվել են եւ դուրս գրվել հիվանդանոցներից

«Սուրբ Հովհաննես» մատուռ բարձրանալիս քաղաքացին ընկել և վնասել է ոտքը. օգնել են փրկարարները

Քաղաքացիների ահազանգերը՝ տնտեսավարողների կասեցման հիմք․ ԱԱՏՄ-ն շարունակում է անակնկալ ստուգայցերը և կասեցումները

Ձորագյուղի մուտքի ու ելքի սահմանափակումները կգործեն այսօր, ժամը 18:00-ից սկսած՝ 2 շաբաթ շարունակ

Փոխվարչապետ Տիգրան Ավինյանը աշխատակազմին է ներկայացրել ՊԵԿ նորանշանակ նախագահին

Մնացել են փեսայի կեղծ մատնագրերի հույսին

Արցախի 10 համայնքների համար կիրառվող սահմանափակումները շարունակում են գործել, դրանք հանվել են մի շարք համայնքներում

Եսայան եղբայրները հերքում են ԱԱԾ հրավիրվելու մասին լուրը

Վանաձորի տներից մեկի բակում ականանետային արկ է հայտնաբերվել (լուսանկարներ)

Արմեն Սարգսյանը շնորհավորական ուղերձ է հղել Շվեդիայի թագավոր Կարլ Գուստավ Տասնվեցերորդին` երկրի ազգային տոնի առթիվ

Պարետի որոշմամբ կարգելափակվեն Ձորագյուղի ելքերն ու մուտքերը. 1 անձը վարակել է թաղման մի քանի տասնյակ մասնակցի. վարչապետ

Կմեկնարկի Արցախը մայր հայրենիքին կապող նոր մայրուղու շինարարությունը. պաշտոնյաները հարավային թեւում են

Կոլորադոյի Ներկայացուցիչների պալատը միաձայն ընդունել է դպրոցներում Հայոց ցեղասպանության ուսուցման մասին օրինագիծ

Այսօր ուժեղ կարկտահարություն է եղել Գորիսում (տեսանյութ)

Ոստիկանության ուժեղացված ստուգայցերը շարունակվում են. հունիսի 5-ին հայտնաբերվել է 1058 իրավախախտում

Կապամոնտաժվի Մարգարյան փողոցի բանուկ հատվածում ինքնակամ տեղադրված կրպակը. Հակոբ Կարապետյան