Պարը՝ հեռավար․ բեմի, տարածքի, կենդանի շփման բացակայությունն այլեւս խոչընդոտ չի, 130+ պարողներից միայն 3 %-ը չի միանում

Տարածքը սահմանափակ է, պտույտներ, մեծ թռիչքներ չի ստացվում կատարել, ձող էլ չկա, աթոռ են օգտագործում, իսկ դա էլ շարժվում է։

Պարուհիներն այժմ բեմի ու կենդանի շփման փոխարեն հեռախոսների էկրաններից եկող, երբեմն կտրատվող ձայնն են լսում։ Արտակարգ դրությունն ու կորոնավիրուսը, սակայն, սիրելի զբաղմունքից չեն կարող կտրել։

Իրինա Սմոյանը՝ Ղազարոս Սարյանի անվան արվեստի դպրոցի սաներից մեկը, շաբաթական 2 անգամ պարի պարապմունքերի է հաճախում, տնից դուրս գալ էլ հարկավոր չէ, հեռախոսն է միացնում։

Նրա խոսքով՝ շատ շարժումներ չեն կարողանում անել․ բնակարաններում տարածքը սահմանափակ է, իսկ հավասարությունը պահելը շատ դժվար․ պարուսույցը պատկերները  միեւնույն ժամանակ չի տեսնում, եւ բոլորին հետեւելու գործը բարդանում է։

Սաները բեմական ժամերը չեն կարող անել տանը, քանի որ դրա համար անհրաժեշտ է տեսնել ուսուցչին, նոր բեմադրությունների մասին էլ չասած։ Այս պատճառով դասերի ժամանակն ահագին կրճատվել է, իրենց 3-4 ժամ պարապմունքներին փոխարինել են 1-1․5 ժամանոցները։

Պիտի գոնե այսպես աշխատեն, չանել չի լինի։

«Մեր մկանները միջին վիճակում ենք պահում եւ չենք բռնվի, եթե երկար ընդմիջումից հետո կրկին վերադառնանք։ Եթե ոչ 100 %-ով, ապա գոնե 40-50 %-ով մեր մարմնի վիճակն առաջվանն ենք պահում»,-նշեց Իրինան։

Տեսախցիկներով պարապելը ոչ բոլորին է դուր գալիս։ Իրինայի խոսքով՝ իրենց խմբից Էլինան միշտ խուսափում է, հիմա էլ երբ ինչ-որ բան պետք է քննարկեն, որոշեն, ձայնն ու պատկերը փակում է, իսկ դասի ժամին այնպես անում, որ ոչ ոք դեմքը չտեսնի։

Մեկ տնից՝ տարբեր սարքերով

Իրենց խմբի դասերի ժամանակ պարուսույց Անահիտ Մկրտչյանի տնից դասին 2 հոգով են միանում՝ Մկրտչյանը եւ սաներից մեկը՝ իր աղջիկը։ Նրանք երբեմն տարբեր սենյակներից են աշխատում, երբեմն էլ մի սենյակից՝ տարբեր սարքերով։

Պարուսույցը, որը նաեւ Ղ. Սարյանի անվան արվեստի դպրոցի պարարվեստի բաժնի ղեկավարն է, պատմեց, որ սկզբում, երբ դպրոցի բոլոր բաժիններում սկսել են քննարկել հեռավար կազմակերպումը, ամենաանհավանականը եւ մտահոգիչն իրենց բաժնի հարցն էր։

Խնդիրն այն է, որ գործ ունեին տարբեր տարիքային խմբերի հետ՝ սկսած հինգ տարեկանից։ Շարժումները ճիշտ կատարելու եւ ուղղելու գործընթացն առցանց կերպով արդյունավետ չէր կարող լինել։ Պարապմունքները սովորաբար անցկացվում են կենդանի նվագակցությամբ, իսկ առցանց դասերի ժամանակ դա անհնար էր թվում։ Մեկ այլ խանգարող հանգամանք էին հանրակրթական դպրոցում խառը գրաֆիկով իրականացող դասերը։ Այնուամենայիվ, սկսվեց կազմակերպչական աշխատանքը։ 

«Երկրորդ կիսամյակում հաշվետու համերգների վրա է աշխատանքը կենտրոնացվում՝ բեմադրություններ, բեմական փորձեր եւ այսքանից ելնելով՝ շատերը թերահավատորեն էին մոտենում այս գործընթացի իրականացմանը»,- պատմեց պարուսույցը՝ նշելով, որ երկկողմանի համագործակցություն ստանալու նպատակով՝ մի ամբողջ բաժին էր վերահսկում։

Արվեստի դպրոցում ուսումնասիրվող պարերը մի քանիսն  են՝ դասական, հայկական, ազգագրական, ժամանակակից-պարահանդեսային եւ այլն։ Յուրաքանչյուր առարկա մի մասնագետ է դասավանդում, եւ սկզբնական շրջանում այդքանը հարմարացնելն ու առցանց հարթակ տեղափոխելն ուղղակի անհնար էր թվում։

Թիմային աշխատանքի արդյունքում հավաքվեցին խմբերը, դասավորվեցին ժամերը։ Նվագակցողները շտապեցին միանալ դասերին եւ այսպիսով՝ մեկնարկը տրվեց մարտ ամսվա երրորդ շաբաթից։ Աշխատում են «Zoom» ծրագրով։ Մկրտչյանի կարծիքով՝ ամեն ինչ հաջողվեց նաեւ դպրոցի տնօրեն Սուսաննա Սուքիասիանի ջանքերի շնորհիվ։

Այժմ պարապմունքներին պարարվեստի բաժնի 130+ պարողներից միայն 3 %-ը չի միանում։ Մի դեպքում տան անհարմարավետությունն է պատճառը, մյուս դեպքում՝ ծնողը չի հավատում առցանց դասերի արդյունավետությանը։

Անահիտ Մկրտչյանը հիմնական դժվարությունը կապի խնդիրներն է համարում․ «Պարուսույցի ձայնը տարբեր ժամանակահատվածում է հասնում ամեն մի երեխայի, եւ շարժումը տարբեր ժամանակահատվածում է արտաբերվում։ Պարուսույցը պետք է շատ ուշադիր լինի դասապրոցեսին, որ կարողանա սխալների ուղղում կատարել»։

Իսկ դրականը՝ երեխաների մասնակցությունն է․ «Պահպանվում է կապը գեղագիտական ուսուցման հետ, պահպանվում է սիրելի պարուսույցների հետ շփումը։ Ինչպես ասում են․ առողջ մարմնում՝ առողջ հոգի»։

Տպել
1111 դիտում

Սևան քաղաքի բոլոր մուտքերն ու ելքերը փակ են. ոստիկանության արտակարգ ծառայությունը Սևանում (տեսանյութ)

Վանաձորի Շիրակացի փողոցի հանրակացարանի տանիքի պոկված ճաղավանդակները հեռացվել են

Հասարակության «լրջության կորագիծը»

ԱՄԷ-ում գտնվող ՀՀ քաղաքացիները կարող են Հայաստան վերադառնալ Դուբայ-Թբիլիսի չվերթով

Կիևում լույս է տեսել նոր հայագիտական ժողովածու, որն ընդգրկել է 30 ուկրաինացի գիտնականների աշխատություններ

23–ամյա վարորդն Աբովյանում Opel-ով վրաերթի է ենթարկել 48-ամյա հետիոտնին. նրան հոսպիտալացրել են

ՔՏՀԱ տեսչական մարմինը արտակարգ ռեժիմով վերահսկում է հանրային տրանսպորտի գործունեությունը

Վեդի քաղաքում այրվել է մոտ 30 հակ կուտակած անասնակեր

ՍԱՏՄ-ը շարունակում է մշտադիտարկումները հանրային սննդի օբյեկտներում. կասեցվել է մի շարք տնտեսվարողների աշխատանքը

Հայաստանում սպասվում է առանց տեղումների եղանակ, ջերմաստիճանը կբարձրանա 2-4 աստիճանով

Կորոնավիրուսի հետեւանքով մահացել է Սարհատ Պետրոսյանի մայրը՝ Ռուբինա Ղազարյանցը

KFS, «Փարվանա» ռեստորան, «Թումանյանի շաուրմա». կասեցվել է մի շարք տնտեսվարողների գործունեությունը (տեսանյութ)

Սիլիկյան թաղամասի 5-րդ փողոցում ճանապարհահատվածը փլուզվել է, դարձել մասամբ երթեւեկելի

Քննադատելու բարոյական իրավունքը

Արայիկ Հարությունյանը՝ Լանզարոտեի կոնվենցիայի շուրջ կեղծ պնդումների մասին (տեսանյութ)

Հոգեկան առողջության պահպանման ազգային կենտրոնում կորոնովիրուսի 8 դեպք կա. 1-ը՝ կենտրոնի հիվանդներից

«Մեյմանդար» շուկայի գյուղմթերք վաճառողները չեն կրել դիմակներ. խախտումները կներկայացվեն պարետատուն

Ուժեղացված ստուգայցեր մայրաքաղաքի Կենտրոն, Էրեբունի և Նորք-Մարաշ վարչական շրջաններում

Այսօր կիրականացվեն Մինսկ-Երևան-Մինսկ եւ Մոսկվա-Երևան չվերթները. քաղավիացիա

Նոր Նորք վարչական շրջանում տեղակայվել են անցակետեր․ ոստիկանություն (տեսանյութ)