Միս ու արյունից մարդիկ ենք. տարբեր տեղերում մենք եւս թույլ ենք տվել վրիպակներ, որի համար ցավում ենք. Էդմոն Մարուքյան

Միքայել Մինասյանի հետ ոչ մի շփում չի եղել: ԱԺ-ում ճեպազրույցների ժամանակ այսօր հայտարարեց «Լուսավոր Հայաստան» խմբակցության ղեկավար Էդմոն Մարուքյանը:

«ԼՀԿ-ն ոչ մի կապ չունի ո՛չ Միքայել Մինասյանի, ո՛չ էլ նրանց թվարկած նախկինների հետ: Այսուհետ երբեւէ «Լուսավոր Հայաստան» կուսակցության որեւէ ներկայացուցիչ չի պատասխանելու նախկինների հետ կապի մասին որեւէ հարցի: Այս օրերի ընթացքում մենք սպասում էինք հայտարարությունները հիմանվորող ապացույցի, դա չեղավ: Այսուհետ եթե մեկը նման պնդում կանի, նրանից պահանջեք թող հիմնավորի»,- լրագրողների հարցերին ի պատասխան՝ մեկնաբանելով իրենց վերագրվող կապերը՝ հայտարարեց Մարուքյանը:

Խոսելով ԱԺ-ում իր մասնակցությամբ տեղի ունեցած ծեծկռտուքի մասին՝ նկատեց.

«Ինչպես տեսաք, խորհրդարանում կիրառված բռնությունից հետո ես իմ ելույթում նշեցի, որ այն, ինչ տեղի է ունեցել, առաջին հերթին քաղաքական է, եւ մենք ակնկալում ենք քաղաքական հետեւանքներ՝ գնահատական, դատապարտում, որից հետո, ցավոք, վարչապետն իր ելույթով, ըստ էության, լեգիտիմացրեց խորհրդարանում տեղի ունեցած բռնությունը, եւ, ընդհակառակը, սկսեց մի արշավ, որը միտված է բռնության զոհին դարձնել բռնություն կատարող կամ հիմնական մեղավոր: Այդ արշավն այսօր էլ չի կանգնել եւ մեծ թափ է հավաքում, եւ դրա մեջ կա խորքային մի հանգամանք. խորհրդարանում հնչած այլընտրանքային, քննադատական, սուր խոսքը որակել որպես սադրանք»:

Մարուքյանը ընդգծեց, սակայն, որ դրանով իշխանությունը դրեց իր վերջի սկիզբը, որովհետեւ այն իշխանությունը, որը  բռնությունը արդարացնում է, այն էլ՝ խորհրդարանում, այդ իշխանությունը չի կարող լավ ապագա ունենալ:

Խոսելով խորհրդարանում իր օգտագործած բառամթերքի մասին՝ «Լուսավոր Հայաստան» խմբակցության ղեկավարը նշեց. «Բնականաբար, միս ու արյունից մարդիկ ենք, եւ տարբեր իրավիճակներում մի տեղ նյարդերդ են տեղի տալիս, մի տեղ համբերության բաժակ է լցվում: Տարբեր տեղերում մենք նույնպես թույլ ենք տվել որոշակի վրիպակներ, որի համար մենք էլ ենք ցավում, բայց հարցը քաղաքական է, հարցի հիմքը քաղաքական է, եւ պետք է շահարկումները հանվեն, եւ քննարկվի քաղաքական եւ իրավական հետեւանքներով ու երաշխիքներով, որ այլեւս երբեք ընդդիմադիր, ալտերնատիվ խոսքի նկատմամբ բռնություն չի կիրառվելու»:

Պատգամավորը ներողություն խնդրեց նաեւ այն խոսքերի համար, որոնք որպես վիրավորանքներ են դիտարկվել քաղաքական գործիչների սրբությունների կողմից:

Գալով Սասուն Միքայելյանի հետ հեռակա բանավեճին եւ հնչած սպառնալիքներին՝ Մարուքյանը այդ ամենը պայմանավորեց վարչապետի կողմից դատապարտող հայտարարության չհնչելով.

«Բա, պարո՛ն վարչապետ, որ խոսեցիք ամբիոնից, դատապարտեցի՞ք մեջքից, թիկունքից խփողներին, ո՛չ, դատապարտեցի՞ք մեզ վրա հարձակվողին, ո՛չ: Օրեր են անցնում, սպառնալիքները քանի գնում, թեժանում են, արդեն զինված սպառնալիքներ… Ինչ-որ ազատամարտիկներ են դատապարտում մեզ: Մտովի հետ եմ գնում 2008-2009 թվական, հիշում եմ՝ երբ որ ես այցելում էի Սասուն Միքայելյանին, այդ ազատամարտիկները Մանվել Գրիգորյանի հետ էին: Նրանք էսօր ինձ դատապարտում են՝ իբր թե պաշտպանում են Սասուն Միքայելյանին, որը նրանց պաշտպանության կարիքը չունի, այդ թվում՝ մեզանից»,- հայտարարեց Մարուքյանը:

Նա արձագանքեց նաեւ «Իմ քայլը» խմբակցության ղեկավարի հայտարարություններին, թե ԼՀԿ-ի վերջին շրջանի պահվածքը պայմանավորված է ապօրինի գույքի բռնագանձման մասին օրենքով:

«Իշխանությունները սուտ են խոսում, ձեզ մոլորեցնում են, մոլորեցնում են ամբողջ հայությանը, որ իբր ԼՀԿ-ն պայքարում է ապօրինի գույքի բռնագնաձման մասին օրենքի պատճառով»,- ասաց Մարուքյանը՝ ընդգծելով, որ Ալեն Սիմոնյանի հետ բանավեճը սկսվել է նրանից, երբ ԱԺ փոխխոսնակը հայտարարել է, թե հեղափոխության օրերին հաղորդագրություն է գրել «Լուսավոր Հայաստան»-ի պատգամավորներին, դուրս կանչել, սակայն նրանք դուրս չեն եկել:

Մարուքյանի խոսքով՝ դա սուտ է, ինչից էլ ինքը վրդովվել է:

Անդրադառնալով վարչապետի եւ «Իմ քայլ»-ի դիտարկումներին, թե Մարուքյանը իրեն ոչ մի իշխանության օրոք նման կերպ չի պահել՝ ԼՀԿ ղեկավարը պատասխանեց.

«Նախորդ պառլամենտում ոչ ոք մեզ հետեւողական ձեւով չի վիրավորել, իմ կողքին նստած կնոջը սեռական բնույթի վիրավորանք չի տվել, որ ես ստիպված լինեմ հունից դուրս գալ եւ էդ ձեւով պատասխանել, բայց էլի ես սխալ եմ արել»:

Եվ քանի որ ԱԺ-ում միջադեպից հետո «Լուսավոր Հայաստան» խմբակցությունը լքեց նիստերի դահլիճը՝ սպասելով տեղի ունեցածի դատապարտման, լրագրողներից մեկը հետաքրքրվեց նաեւ, թե այս ճեպազրույցով դո՞ւրս են գալիս բոյկոտից.

«Մենք բոյկոտ չենք հայտարարել, մենք բոյկոտ չենք անում, դա կարող է ինչ-որ մարդկանց երազանքն է, որ մենք բոյկոտենք, մենք չենք բոյկոտել, սպասում ենք, որ լինի երաշխիք, որ խորհրդարանում բռնություն չի լինելու: Եթե չլինի էլ էդ երաշխիքը, մենք գալու ենք խորհրդարան»:

Տպել
1338 դիտում

Գյումրիում հստակեցնում են շենքերի կրած վնասները. նախնական տվյալով 48 շենք է վնասել, ևս 53-ի մասին ահազանգեր կան

Դեղձուտի մոդուլային դպրոցի կառուցման համար մրցույթ է հայտարարվել

ԱԱՏՄ արձանագրած խախտումների հիմքով՝ կասեցվել է շուրջ 650 տնտեսվարողի գործունեություն

Դմիտրի Պեսկովը կորոնավիրուսից բուժվել եւ դուրս է գրվել հիվանդանոցից

Սյունիքից հակահեղափոխություն չի սկսվելու. իրավապահ համակարգը տիրապետում է իրավիճակին եւ կոշտ է արձագանքելու. պատգամավոր

Խոշոր ավտովթար Լոռիում. Բախվել են Mersedes-ն ու բեռնատարը. Mersedes-ի վարորդին դուրս են բերել փրկարարները(լուսանկարներ)

Կորոնավիրուսից ավելի հաճախ տղամարդիկ են մահանում. 70-ից բարձր անձինք քիչ են վարակվում, բայց մեծ մասամբ մահացու ելքով

ԳՇ զորքերի ծառայության վարչության աշխատանքային խումբը հանկարծակի ստուգումներ է իրականացրել մի շարք զորամասերում

Գյումրու ինֆեկցիոն հիվանդանոցում կորոնավիրուսով 47 հիվանդ է բուժվում. տնային ինքնամեկուսացման ցուցում ունի 304 քաղաքացի

ԱԱԾ տնօրեն Էդուարդ Մարտիրոսյանն այցելել է պետական սահմանը վերահսկող ուղեկալներ

Արտակարգ դրությամբ պայմանավորված, Լարսը բաց է միայն բեռնատարների համար

Կորոնավիրուսի հետ զուգահեռ ապրելու համար առաջնահերթ պետք է դրսևորել անհատական բարձր պատասխանատվություն. վարչապետ

Ոչ հերքում եմ, ոչ չեմ հերքում, չեմ մեկնաբանում. Արթուր Վանեցյանը հրավիրվել է ՀՔԾ

Ռուբեն Հայրապետյանի որդին չի կալանավորվի. դատարանը մերժել է միջնորդությունը

Շիրակի մարզի 8 գյուղական բնակավայրում անօթևանների համար 55 բնակարան կկառուցվի

Ոստիկանությունը հորդորում է առաջիկա ոչ աշխատանքային օրերին զերծ մնալ մասսայական միջոցառումներից

Կորոնավիրուսի պատճառով հետաձգվել է Չեռնոգորիայի նախագահ Միլո Ջուկանովիչի ծրագրված պաշտոնական այցը Հայաստան

Կապանում ձերբակալված երրորդ քաղաքացին եւս ազատ արձակվեց. նրա ձերբակալումը ճանաչվել է ոչ իրավաչափ

Մայիսի 27-ին դեպի Երեւան 3 չվերթ կիրականացվի՝ Մինսկից, Դամասկոսից, Սանկտ-Պետերբուրգից

Հայաստանը NBA-ի մանկապատանեկան մրցաշար անցկացնելու բացառիկ հնարավորություն է ստացել