Խաղերը, դասերը, սնվելը՝ սոցիալական հեռավորություն պահելով. ըստ դաստիարակների՝ առավել դժվար կլինի կրտսեր խմբերում

«Գնալու եմ ընկեր Մարինեին ամուր-ամուր գրկեմ, գնալու եմ ընկեր Մարինեին ամուր-ամուր գրկեմ»,- շուրջս անընդմեջ պտտվելով ու թռչկոտելով՝ երգում է:

«Չի կարելի»,- ասում եմ:

«Ի՞նչ, ի՞նչ, ի՞նչ»,- զարմանում է՝ իր համար կարանտինն ավարտվածի զգացողությամբ:

Ու ես հստակ պատկերացնում եմ՝ այսօր որքան դժվար է լինելու ընկեր Մարինեի ու մյուս բոլորի համար բացատրել փոքրիկներին, որ այսքան երկար բաժանումից հետո չի կարելի իրեն գրկել, ընկերներին գրկել էլ չի կարելի, իրար հետ հեռվից են խաղալու, ճաշելու են առանձին սեղանների մոտ նստած, ու սիրելի խաղալիքների մեծ մասն էլ չկա՝ «փիսոն տարել է»:

Այսօր Երեւանում վերաբացվեցին մանկապարտեզները: Դարպասի մոտ չափում են երեխաների ջերմությունը, ախտահանիչներով մաքրում ձեռքերը եւ ընդունում ուրախությամբ ու կարոտած, բայց՝ ոչ գրկաբաց: Փոքրիկներն ընկերներին ողջունում են սոցիալական հեռավորության վրա:  

Նախորդ երկու օրերին մանկապարտեզներում ախտահանման-մաքրման աշխատանքներ են իրականացրել համայնքները: 

Գծանշվել են բակերը. սոցիալական հեռավորության մասին այստեղ հիշեցում կա ամեն քայլի: Մանկապարտեզները գործելու են նոր կարգով՝ երեխաները ջերմաչափվելու են ընդունման պահին եւ օրվա ընթացքում եւս մեկ անգամ: Խաղալու, ուտելու ու սովորելու են՝ պահպանելով սոցիալական հեռավորություն: Սպասքն ու երեխաների հպման տիրույթում առկա բոլոր մակերեսներն ախտահանվելու են թե՛ օրվա ընթացքում եւ թե՛ օրվա վերջում: Ծնողների մուտքը մանկապարտեզի տարածք արգելվում է:

Նախկինում շուրջ 35 երեխայից կազմված խմբերը հիմա ավելի քան երեք անգամ փոքր են. դաստիարակները երկու հարցում էին անցկացրել ծնողների շրջանում, եւ մոտ 31 հազար երեխայի համար կատարված հարցումների տվյալների համաձայն՝ մոտ 11 հազար երեխայի ծնող է ցանկություն հայտնել երեխային բերել վերաբացվող մանկապարտեզ: 8-10 հոգանոց խմբերը կազմվել են՝ առաջնահերթություն տալով աշխատող եւ հեռավար աշխատանքի հնարավորություն չունեցող ծնողներին:

Մանկապարտեզի աշխատանքի նոր կանոններից այս օրերին առավելապես քննադատության է արժանանում երեխաների միջեւ սոցիալական հեռավորություն պահելով՝ խաղեր կազմակերպելու դրույթը. շատերը դա անիրականանալի են համարում: «Ինչպե՞ս եք կազմակերպելու»,- հարցրի դաստիարակներին: «Դժվար է, բայց անհնար չէ»,- ասաց միջին խմբի դաստիարակներից մեկը:

«Մերն ավագ խումբ է, շատ դժվար չէ, երեխաներն արագ են կանոններին վարժվում. ավելի շատ բակային խաղեր պիտի անենք, կավճանկար: Եթե եղանակն այսպես լավը լինի, դասերն էլ կարող ենք մաքուր օդին՝ տաղավարում անել, սակայն առավել փոքրիկների՝ կրտսեր խմբերում հազիվ թե հնարավոր լինի սոցիալական հեռավորությունը մշտապես պահել. 2-3 տարեկանները դեռ չեն կարող դա հասկանալ, ընդունել»,- հավելեց մյուս դաստիարակը:

«Կարգն այդպես է, պիտի փորձենք առավելագույնս պահել»,- անվստահ ասաց փոքրիկների խմբի դաստիարակը՝ գրկելով պարտեզ գալու դեմ պայքարող երեխային: Մայրիկը, որը չցանկացավ, որ լուսանկարեմ լացող երեխային, մեր զրույցում նշեց, որ երբ դեռ նոր էր մտցվել արտակարգ դրությունը, տղան հաճախ էր հարցնում՝ երբ է բացվելու պարտեզը, որ գա ընկերների հետ «ավտոներով խաղալու, ճաշիկ ուտելու», բայց վերջերս արդեն այլեւս չէր ուզում. «Լրիվ հետ է վարժվել, կարծես նորից սկսենք սովորել պարտեզ գալուն. այս տարիքի համար (երեք տարեկան ենք) ընդմիջումը շատ մեծ էր»:

Թեպետ պարետի որոշման մեջ նշվում էր, որ ցանկալի է՝ ծնողները երեխայի հետ սնունդ ուղարկեն մանկապարտեզ, այսօր ինձ հանդիպած երեխաներից ոչ ոք սնունդ չէր բերել: Այս առումով ծնողներն ու մանկապարտեզի պատասխանատուները համակարծիք են, որ թե՛ թարմության եւ թե՛ հիգիենիկ նորմերի անվտանգության առումով առավել հարմար է, որ բոլոր երեխաներն ուտեն այստեղ պատրաստված ուտելիքը: «Լսել էի, որ նման բան կա, բայց դժվարացա ընտրել մի էնպիսի ուտելիք, որ էդպես եփեմ-դնեմ ամանի մեջ, ու փոքրիկս հետո ցանկանա դա ուտել. սառչելու է, համը փոխվի, տեսքից ընկնի, նա էլ չուտող երեխա է: Ես դպրոցական երեխա էլ ունեմ, իր հետ բրդուճներ դնելիս միշտ մի քանի հատ ավելին եմ դնում, որովհետեւ երեխա են, դասընկերները կողքից տեսնում են, ախորժակները քաշում է, իրար հետ կիսվում են: Դա նույնիսկ շատ ճիշտ է՝ իրար հետ կիսվել են սովորում, բայց այստեղ ճիշտ չէ այդ հաշվարկով դնել, մյուս կողմից, էլի երեխա են, ինչքան էլ իրենց տարածը լավը լինի, մյուսինը տեսնելիս դա են ուզելու», «Հո, երեք անգամվա համար բրդուճ չե՞ս դնի: Կամ ի՞նչ դնես, որ առավոտ ութից մինչեւ երեկոյան չորսը չփչանա: Չէ՛, դա շատ սխալ որոշում է: Եթե այստեղ ուտելու հնարավորություն կա, թող այստեղ ուտեն»,- ասացին աշխատանքի շտապող մայրիկները:

Հիշեցնենք, որ նախակրթարանների աշխատանքի նոր կանոնները սահմանվել են կորոնավիրուսային հիվանդության (COVID-19) տարածման կանխարգելման նպատակով։ Երեխաները թեպետ այս հիվանդության ռիսկի խմբում չեն, սակայն համարվում են ակտիվ տարածողներ:

Լուսանկարները ՀԺ-ի և Դավթաշեն վարչական շրջանի ֆեյսբուքյան էջից

Տպել
3317 դիտում

Որոշ կազմակերպություններ և անհատներ փորձեցին ուղղորդել ջավախքցիների քվեները․ հորդորում ենք կատարել ազնիվ ընտրություն

Առանց մամուլի ու փակ դռների հետևում. Բայդենն ու Էրդողանն առաջին դեմ առ դեմ հանդիպումն են անցկացրել

ԲՀԿ-ի մի խումբ երիտասարդներ փորձել են խոչընդոտել Նիկոլ Փաշինյանի գլխավորած երթը

Անհայտ անձինք ՄԻՊ-ի անունից մոտենում են մարդկանց՝ հարցերով, թե քաղաքական որ ուժին կամ անձին են ձայն տալու

Նուբարաշենի աղբավայրում շարունակվում են հրդեհաշիջման աշխատանքները (տեսանյութ)

Հրդեհ է բռնկվել Զաքյան փողոցում

Կոտայքի և Արագածոտնի մարզերում մեկնարկել է անտառային վնասատուների և հիվանդությունների դեմ ավիացիոն-քիմիական պայքարը

Կապանի քաղաքապետարանի մշակույթի կենտրոնի տնօրենը viber-ում աշխատակիցներին հրահանգել է մասնակցել Քոչարյանի քարոզարշավին

«Ոչ մի բախում». ըստ քաղաքագետի, «եթե ոմանք ընտրություններից հետո իրենց տեղը հանգիստ չնստեն, ուրիշ տեղ կնստեցնեն»

Ուզում ենք տեսնել առաջընթաց գրանցող Հայաստան․ Անահիտ Ավանեսյանը հանդիպել է Լին Թրեյսիի հետ

Ինչո՞վ ենք մենք երախտապարտ ցեղասպան Ռուսաստանին, քա՞ղցր է սպանողի ձեռքը. Վարուժան Ավետիսյան

Հայաստանի հանրային հեռուստաընկերության՝ ԿԸՀ-ին հասցեագրված գրության վերաբերյալ Հանաձնաժողովը դիրքորոշում է հրապարակել

Հեղափոխությունից հետո ես բերել եմ 20 մլրդ դոլար վարկ 1 տոկոսով, որը չեն ընդունել. Ծառուկյան

Քավոր-սանիկ լինելու փաստը շատ է շահարկվում, բայց մոռանում են՝ որպես թիմ ինչ հալածանքներ ենք կրել. Տավուշի մարզպետ

Բաքուն ինքնահաստատվում է ֆուտբոլի հաշվին. անպատժելիության հետևանքները

Մարտունու շրջանում չոր խոտատարածկ է այրվել․ կրակը տարածվել և մասնակի այրել է նաեւ բնակիչներից մեկի գարու արտը

Աստված ինձ երեք անգամ է կյանք տվել.19-ամյա Էրիկ Խաչատրյանն 8 ամսվա գերությունից հետո Հայաստան վերադարձածներից մեկն է

5 անշարժ գույք, «Niva-2121». ընտրակաշառքի գործով կալանավորված ԲՀԿ պատգամավորի թեկնածուի ունեցվածքը

Կառավարման համակարգը թևակոխել է թվայնացման նոր փուլ․ Տիգրան Ավինյան

ՀՀ ոստիկանության պետն իրավունք ունի պարգևատրելու բացառապես ոստիկանության ծառայողներին․ ոստիկանության պարզաբանումը

ԱԻ նախարարի մոտ քննարկվել են պետական ֆինանսավորմամբ հոգեբանական աջակցության ծրագրի առաջին փուլի արդյունքները

Արտակ Բեգլարյանը ԿԽՄԿ առաքելության ղեկավարի հետ քննարկել է Արցախում իրականացվող մարդասիրական ծրագրերը

Ընտրակաշառքի գործով կալանավորված Արմավիրի նախկին քաղաքապետը 55 հազար դոլար եւ 4 մլն դրամ ունի

Մարտունի ԲԿ-ից Ինֆեկցիոն հիվանդանոց տեղափոխվածների թիվը ավելացել է. նրանց վիճակը գնահատվում է թեթև և միջին ծանրության

Տեղի է ունեցել «Ա. Սպենդիարյան-150» հոբելյանական նամականիշի մարման հանդիսավոր արարողություն

Վազգենի արածն անելն այս փուլում եւ ընդհանրապես շատ դժվար գործ է. Արամ Սարգսյան

67-ամյա տղամարդը ձերբակալվել է 7-ամյա աղջնակի նկատմամբ սեքսուալ բնույթի բռնի գործողություններ կատարելու կասկածանքով․ ՔԿ

Հանքավանի հանգստյան գոտիներից մեկում՝ փոքր, կեղտոտ վանդակում, բանտարկված արջ է պահվում. ահազանգ (լուսանկար)

Առուշան Առուշանյանի վերաբերյալ գործի նախաքննությունն ավարտվել է (տեսանյութեր)

Ուսումնական հաստատություններում արգելվում է իրականացնել քաղաքական գործունեություն կամ քարոզչություն. ԿԳՄՍՆ

Վարդենիս-Մեծ Մասրիկ ավտոճանապարհին ավտոմեքենա է այրվել․ տուժածը տարբեր աստիճանի այրվածքներով հոսպիտալացվել է

Կրթական հաստատությունների ավարտական փաստաթղթերը շուտով այլեւս թղթային տարբերակով չեն լինի. Արտակ Պողոսյան

Երևանի կենդանաբանական այգում ծնվել է եվրոպական արու եղնիկ

Հունիսի 15-ին ՔՊ-ի քարոզարշավը կշարունակվի Սյունիքում․ Հանրապետության հրապարակից նախատեսվում է ավտոերթ

Քաղաքացիներն իրենց քվեարկությամբ կարող են ստիպել «Հոկտեմբերի 27-ի» գործի կազմակերպիչներին պատասխան տալ. Փաշինյան

ՏԻՄ ներկայացուցիչներն այցելել են դիրքեր (լուսանկարներ)

Երևանի տրանսպորտային բոլոր թունելների լուսավորությունն արդիականացվել է

Վաղը 3751 դիմորդ միասնական քննություն կհանձնի «Հայոց լեզու» առարկայից

Մայր Աթոռն արձագանքել է Նիկոլ Փաշինյանի հայտարարություններին

Ինչու են ընտրությունները կենաց-մահու կռվի վերածվել. քաղաքագետը՝ 2-րդ փուլի հավանականության, հնարավոր բախումների մասին