Էրդողանն իր պանթյուրքական շքեղ երեւակայության մեջ հույս ունի իրականություն դարձնել նոր օսմանյան կայսրության երազանքը

29/09/2020 schedule19:58

Կանադահայ հայտնի դերասանուհի Արսինե Խանջյանն իր էջում խոսել է հայ-ադրբեջանական սահմանային բախումների մասին՝ նշելով, որ Թուրքիան Հայաստանին մեղադրում է տարածաշրջանն ապակայունացնելու մեջ, սակայն իրականում այս ավտոկրատ, ազգայնական իսլամիստ առաջնորդը՝ Էրդողանն է, որ պանթյուրքիստական իր շքեղ երեւակայությամբ հույս ունի ստեղծել մի նոր օսմանյան կայսրություն:

Դերասանուհին հիշեցրել է, որ The Guardian-ը բացահայտել է, որ Թուրքիան սիրիացի զինյալներ է վարձում՝ Ադրբեջանում աշխատելու առաջարկով. «Սիրիացի ապստամբ մարտիկները գրանցվել են մասնավոր թուրքական անվտանգության ընկերությունում, որ Ադրբեջանում որպես պահակազոր աշխատեն. սրա մասին ասել են Սիրիայի ապստամբների վերջին հենակետում գտնվող զինյալները: Եվ դա կատարվում է այն ժամանակ, երբ Բաքվի եւ հարեւան Հայաստանի երկարատեւ հակամարտությունը ցույց է տալիս դրա սրացման վտանգավոր նշաններ»:

Արսինե Խանջյանը նշել է, որ ադրբեջանական ուժերը հարձակվում են Արցախի վրա, մինչդեռ Թուրքիայի նախագահ Էրդողանը կեղծ տեղեկատվություն է տարածում եւ պնդում, որ Հայաստանն է սպառնալիք տարածաշրջանում:

«Սա նույն մեգալոմանյակալ (իշխանության անզուսպ ձգտմամբ – խմբ.), ավտոկրատ, ազգայնական իսլամիստ առաջնորդն է, որը մի քանի օր առաջ բերման ենթարկեց տեղական Քրդական բանվորական կուսակցության ավելի քան 60 անդամների, որոնք ուղղակի դատական կարգով դիմել էին, որ պատգամավորներից մի քանիսը զրկվեն պատգամավորական անձեռնմխելիությունից: Պատճա՞ռը. Քոբանիի՝ 4 տարի առաջվա հետաքննություններն են: Եվ այժմ իր պանթյուրքական շքեղ երեւակայության մեջ նա հույս ունի աջակցել Ադրբեջանին ռազմական եւ ռազմավարական բոլոր միջոցներով, որ իրականություն դարձնի նոր կամրջի եւ հյուսիսային Կովկասի բոլոր թյուրքական խմբերին միավորող նոր օսմանյան կայսրություն ստեղծելու իր երազանքը:

Ադրբեջանն Արցախում սեփական հավակնություններն ունի եւ հայերի դեմ պատերազմ է մղում դրանց համար՝ սպասարկելով Թուրքիայի շահերը, Թուրքիայի արեւմտյան դաշնակիցների շահերը եւ, ընդհանուր առմամբ, աշխարհաքաղաքական եւ տնտեսական անբարեխիղճ շահեր, որոնք Եվրոպան եւ Հյուսիսային Ամերիկան կապում են երկու հայտնի բռնապետերի՝ Ալիեւի եւ Էրդողանի հետ, որ հայտնի են արժանապատիվ քաղաքացու ու մարդու իրավունքների ամեն տեսակի ոտնահարումներով»:

Հայտնի դերասանուհին հավաստում է, որ հայերը համառորեն պահանջելու են, որ կեղծավոր ու ագահ գերտերությունները դադարեցնեն այս անամոթ եւ վայրենի հարձակումներն իրենց նախնիների հողերի վրա: «Մենք հազարամյակներ շարունակ եղել ենք բնիկ ժողովուրդն այս հողի, որը կոչվում է Հայաստան եւ Արցախ: Եվ մինչեւ 1915 թվականը մենք բնակվում էինք Անատոլիայում գտնվող մեր պատմական երկրում: 20-րդ դարի առաջին արխետիպային ցեղասպանության ժամանակ Թուրքիան սպանեց իմ բազմահազարամյա նախնիներին՝ 1.5 միլիոն հայի, շատերին հանեց իրենց տներից՝ օրինական տերերից բռնագրավելով հողերն ու ունեցվածքը: Հիմա Ադրբեջանը հավակնում է նույնն անել Արցախում: Եվ չի գիտակցում ոչ մի ավտոկրատ՝ անկախ իր մութ, հանցավոր հավակնություններից եւ ռազմավարությունից, որ պատմությունը հայերի դաշնակիցն է: Թուրքեր կամ ադրբեջանցիներ չեն եղել, երբ հայերը հազարավոր տարիներ խաղաղ ապրել եւ բարգավաճել են իրենց հայրենիքում: Այո, մենք պետք է այդքան հետ գնանք՝ սեփականության իրավունքը հաստատելու համար»,- ամփոփել է Արսինե Խանջյանը:

Տպել
1072 դիտում

Ադրբեջանի հարձակման, ռուսական ջանքերի, թուրքական միջամտության եւ խաղաղ կարգավորման մասին. Պուտինի անդրադարձը՝ ամբողջական

Կամավորագրումն իր մեջ սիմվոլիկա է պարունակում. Էջմիածնի քաղաքապետը որոշել է ղեկավարել կամավորների ջոկատը

Մեծ Մասրիկի հրետակոծության հետեւանքով վիրավորված բնակիչը հիվանդանացում մահացել է․ մարզպետ

Դիվերսիոն տարբեր խմբեր ներթափանցում են մեր ռազմաճակատային գոտու բնակավայրեր՝ հաճախ ընդամենը նկարվելու համար.Հովհաննիսյան

Զոհերի մասին ընդհանրացված թվեր են տրվել, չէր կարող կոնկրետ թվեր ասվել ՌԴ նախագահի կողմից, դա բացառվում է. Հովհաննիսյան

«Ես էլ հասա մեր արծիվ տղերքին». Վարդան Բադալյանը մեկնել է առաջնագիծ (լուսանկար)

Եթե ինչ-որ նեղ տեղերում տեսնում են Արաքս գետը, դա չի նշանակում լիարժեք վերահսկում են. Արծրուն Հովհաննիսյան

Մեկի 18 տարին է լրացել, շտապում է ընկերների կողքին լինել, մյուսը 20 տարվա վրեժ ունի. խնդրում են իրենց տանել առաջնագիծ

Առողջապահության համակարգը կարող է հայտնվել կոլապսի առջեւ. համաճարակաբան

Հակամարտության գոտում վարձկան ահաբեկիչների ներկայության մասին վկայող նոր տեսագրություն

Մեր կոչը Վրաստանի իշխանություններին է, որոնք չպիտի աջակցեն թուրքին․ վիրահայերի ցույցը Թբիլիսիում

Ռուսաստանը հուսով է՝ ԱՄՆ-ին կհաջողվի ղարաբաղյան հակամարտության հարցում հասնել հաջողության

Արցախի միջազգային ճանաչման ժամը հնչած է. Արամ Ա

«Բոմբ պեն»՝ արցախցի երեխաների համար․ կազմակերպվում են տարբեր դասընթացներ ու այցեր

Կենտրոնական բնակավայրերի ուղղությամբ մարտական գործողությունները շարունակվում են. Արծրուն Հովհաննիսյան

Հրապարակվել են հայրենիքի պաշտպանության համար մղվող պայքարում զոհված եւս 26 զինծառայողի անուններ

Ադրբեջանական դիվերսիոն խմբերի գործողություները միտված են առաջին հերթին խուճապի տարածմանը. Հովհաննիսյան

Շատ կարևոր է, որպեսզի կոնկրետ խաղաղապահ ուժերը կայունացնեն տարածաշրջանը, այլ ոչ թե՝ հակառակը. վարչապետ

Եթե 30 տարի շարունակ ղարաբաղյան բանակցություններն արդյունք չեն տալիս, չի նշանակում, որ կարելի է կրակել. Պուտին

Ցավոք, փաստ է, որ Սումգայիթում, ապա նաեւ Ղարաբաղում հայ ժողովրդի դեմ կոշտ հանցագործություններ են իրականացվել. Պուտին