Ադրբեջանական ագրեսիայի հետեւանքով սեպտեմբերի 28-ից մինչ օրս ՀՀ-ում սպանվել է 11, վիրավորվել՝ 8 անձ․ Ռ․ Վարդանյան

2020 թվականի սեպտեմբերի 28-ին եւ դրան հաջորդող օրերին Ադրբեջանի Հանրապետության ռազմաքաղաքական ղեկավարությունը ականանետային եւ հրթիռահրետանային միջոցների կրակահերթերի, ավիացիոն եւ անօդաչու թռչող սարքերի կիրառմամբ ագրեսիվ պատերազմ է սանձազերծել նաեւ Հայաստանի Հանրապետության նկատմամբ։

Քննչական կոմիտեում այսօր հրավիրված ասուլիսի ժամանակ ասաց ՀՀ ՔԿ քրեագիտության վարչության պետ Ռաֆայել Վարդանյանը՝ նշելով, որ դրա հետեւանքով սպանվել են 11 անձինք, վիրավորվել՝ 8-ը։ Նրանց թվում ոչ միայն խաղաղ բնակիչներ են, այլեւ ռազմական գործողություններին որեւէ մասնակցություն չունեցող, մարտական առաջադրանք չիրականացնող ՀՀ զինված ուժերի զինծառայողներ․

«Ադրբեջանի զինված ուժերը, օգտագործելով պատերազմ վարելու արգելված մեթոդներ, չտարբերակելով քաղաքացիական բնակիչներին զինծառայողներից, համակարգված, կանխամտածված եւ նպատակաուղղված գրոհների թիրախ է դարձրել խորը թիկունքում եւ մարտական գործողություններին չմասնակցող 16 խաղաղ բնակավայրերի»,- ասաց Վարդանյանը։ Այդ բնակավայրերը գտնվում են ՀՀ 4 մարզերի՝ Գեղարքունիքի, Սյունիքի, Տավուշի եւ Կոտայքի տարածքներում։ Դրանք են Գեղարքունիքի մարզի Վարդենիս քաղաքը, Գեղամասար համայնքի Սոթք, Նորաբակ, Կութ բնակավայրերը, Վարդենիկ, Արծվանիստ, Մեծ Մասրիք համայնքները, Կոտայքի մարզի Կապուտան, Կոտայք համայնքները, Սյունիքի մարզի Կապան եւ Գորիս համայնքների ընդհանուր չորս բնակավայրերը, Տավուշի մարզի Այգեպար համայնքը, Վայոց Ձորի մարզի Կեչուտ բնակավայրը․ «Թիրախավորվել են խիտ բնակեցված այս շրջաններում ապրող քաղաքացիական բնակչությանը, կարևորագույն քաղաքացիական ենթակառուցվածքները՝ շինությունները, ճանապարհները, բնակելի տները, ուսումնական հաստատությունները եւ այլ ենթակառուցվածքները, մարդատար ավտոբուս,  առանձին քաղաքացիական անձինք։ Ականանետային-հրթիռահրետանային միջոցների եւ ԱԹՍ-երի կիրառմամբ գրոհները հանգեցրել է դիտավորությամբ առանձնապես խոշոր չափերով մասնավոր եւ պետական գույքի կանխամտածված ոչնչացմանը՝ պատճառելով առանձնապես խոշոր չափերով գույքային վնաս»,- նշեց նա։

Վարդանյանը հիշեցրեց, որ վերոնշյալից բացի Ադրբեջանի զինված ուժերի զինծառայողների հանցավոր գործողությունների արդյունքում 2020 թվականի սեպտեմբերի 29-ին ՀՀ օդային տարածքում՝ Վարդենիս համայնքի մոտակայքում, խոցվել է ՀՀ պաշտպանության նախարարությանը պատկանող ՍՈՒ 25 օդանավը, որի հետեւանքով զոհվել է օդանավի օդաչու, մայոր Վալերի Դանելինը․ «Քննչական կոմիտեի ծառայողներն առաջին իսկ օրերից մեկնել են Արցախի Հանրապետություն և ստացված փաստական տվյալների հիման վրա Ադրբեջանի Հանրապետության ռազմաքաղաքական ղեկավարության կողմից Արցախի Հանրապետության դեմ ագրեսիվ պատերազմ սանձազերծելու եւ վարելու, վարձկանության, ռազմական գործողություններում միջազգային պայմանագրով արգելված միջոցներ եւ մեթոդներ կիրառելու, զինված ընդհարումների ժամանակ միջազգային մարդասիրական իրավունքի նորմերի լուրջ խախտումներ կատարելու, զինված ընդհարման ժամանակ հանցավոր հրաման արձակելու առերևույթ հանցավոր արարքներ կատարելու դեպքերով ՀՀ քննչական կոմիտեում հարուցվել է քրեական գործ, որը միացվել է ահաբեկչության փաստի առթիվ հարուցված գործին»,-ասաց նա՝ հավելելով, որ հարուցված գործերով ՀՀ քննչական կոմիտեի նախագահի որոշմամբ ստեղծվել է ավելի քանի 50 քննիչից բաղկացած քննչական խումբ, որոնց կազմում ընդգրկված են նաեւ ՀՀ ազգային անվտանգության ծառայության քննիչներ։

Տպել
327 դիտում

«Մանկական Եվրատեսիլ - 2020»-ում հաղթող է ճանաչվել Ֆրանսիայի մասնակիցը (տեսանյութ)

Երեւանից դեպի Ստեփանակերտ ուղեւորվող ավտոբուսները վատ եղանակի պատճառով վաղը չեն մեկնի

Վերսկսվում են Մոսկվա-Գյումրի-Մոսկվա երթուղով չվերթները

Կիմ Բալայանը դադարեցրել է հացադուլը

ՀՀ ՊՆ և ԱՀ ԱԳ նախարարները կարևորել են հայ զինծառայողների վերադարձի աշխատանքները

Վթար Գառնի գյուղ տանող ավտոճանապարհին. վարորդները հոսպիտալացվել են

Նիկոլ Փաշինյանը մանրամասնել է՝ ինչ է խոսել Պուտինի հետ հոկտեմբերի 19-ին եւ ինչ պայմաններ են առաջարկվել

Հայաստանի 5 մարզերում ձյուն է տեղում, Վարդենյաց լեռնանցքում մերկասառույց է

Քիմ Քարդաշյանը հայտնել է արցախցի երեխաներին ուղղված ամանորյա նախաձեռնության մասին

Այսօր ու վաղը ձյանն ու ձնախառն անձրևներին կհաջորդի առանց տեղումների եղանակը

«Ի՞նչ անել», եւ «ո՞վ է մեղավոր»

Դաշնակահար Սվետլանա Նավասարդյանն արժանացել է «Համագործակցության աստղեր» միջպետական մրցանակի

Պետական մարմինները պարտավոր են բոլոր լծակները կիրառել անհետ կորածների ու գերիների հարազատների հետ հաղորդակցության համար

Ստեփանակերտում և Մխիթարաշեն գյուղի մերձակայքում տեղի կունենա չպայթած ականների վնասազերծում. Արցախի ԱԻՊԾ

Պատերազմից հետո զինծառայողների հանգստի հարցը շուտով կլուծվի. հանդիպում ՊՆ-ում՝ զինվորների հարազատների եւ ծնողների հետ

Յուրաքանչյուր հայ Հայաստանի մասին պետք է մտածի՝ որպես իր տան. Ա.Սարգսյանը հանդիպել է ռուսաստանահայ համայնքի անդամներին

Զարուհի Բաթոյանը ներկայացրել է իր պաշտոնավարման ընթացքում կատարված աշխատանքների մասին հաշվետվություն

Յուրաքանչյուր զինվոր, որտեղ էլ լինի, մեր երեխան է. Արսեն Գրիգորյան

«Օդալեն» ռեստորանի խոհանոցի առաստաղը փլուզվել է․ կա զոհ

Անցյալի եւ ապագայի առջեւ