ՔՈ-ն դեմ է եղել արտախորհրդարանական ուժերի ձևաչափին. Միսկարյանը մանրամասնեց՝ ինչ տարաձայնություն է ունեցել Սահակյանի հետ

«Քաղաքացու որոշում» կուսակցության ղեկավար կազմի երկու կարկառուն ներկայացուցիչներ երեկ հանդես եկան հայտարարությամբ՝ տեղեկացնելով, որ դադարեցնում են այդ կուսակցությանը իրենց անդամակցությունը:

ՔՈ հիմնադիր անդամներն իրենց հայտարարություններում հեռանալու վերաբերյալ որեւէ կոնկրետ պատճառ չէին նշում: Ակնարկներ, սակայն, կային:

Նախ հայտարարությամբ հանդես եկավ Սուրեն Սահակյանը:

«Ըստ իս, եթե մինչեւ ընտրությունները պետք էր յուրաքանչյուր քաղաքական թիմ իր աջակցության մասին օբյեկտիվ պատկեր ստանա, ապա ներկայումս մեծ միավորումների ժամանակն է։ Սա երկար է քննարկվել թե՛ մինչեւ ընտրությունները, թե՛ դրանից հետո, եւ այս որոշումը պահի տակ կայացված որոշում չէ»,- «Ֆեյսբուքի» իր էջում հեռանալու մասին գրում էր նա:

Թե ի՞նչ մեծ միավորման մասին է խոսքը, Սահակյանը չէր մանրամասնում: Նա վստահեցնում էր, որ լրացուցիչ կտեղեկացնի, թե ինչպես է շարունակելու իր քաղաքական ճանապարհը։

«Խնդրում եմ ըմբռնումով մոտենալ, որ այս պահին ո՛չ ՔՈ մասին, ո՛չ ապագայի մասին որեւէ այլ մեկնաբանության պատրաստ չեմ։ Այս պահին ուղղակի երախտագիտությունս եմ հայտնում մարդկանց, որոնք աջակցել են ՔՈ կուսակցությանը, որեւէ մասնակցություն են ունեցել նրա գործունեությանը, հարազատ են համարել այն, քվեարկել են։ Ես ձեր հավերժ պարտապանն եմ, մարդիկ»,- ասված էր գրառման մեջ:

«Քաղաքացու որոշում» կուսակցության անդամները չցանկացան մեկնաբանել Սահակյանի հեռանալը: Միքայել Նահապետյանը, որը ՔՈ գործադիր մարմնի անդամն է եւ մամուլի խոսնակը, մեր զրուցում ասաց, որ այս պահին անձամբ իր կողմից քաղաքական մեկնաբանություն տալը նպատակահարմար չի համարում: 

Ընդգծեց՝ առաջիկայում պարզ կլինի, թե ինչու:

«Կարո՞ղ է դուք էլ եք դուրս գալիս կուսակցությունից»,- հետաքրքրվեցինք: «Առանց մեկնաբանությունների»,- արձագանքեց Նահապետյանը:

Գարեգին Միսկարյանը, Վլադիմիր Հովհաննիսյանը առաջարկեցին մեկնաբանության համար դիմել գործադիր մարմնի քարտուղար Գոռ Հակոբյանին

Վերջինս մեր զրույցում ասաց, որ հիմա որեւէ մեկնաբանություն չի անի, առաջիկայում գործադիր մարմնի նիստ են ունենալու, որտեղ հայտարարությամբ հանդես կգան, տեղի ունեցող գործընթացների մասին կտեղեկացնեն: 

Հարցին, թե ե՞րբ է լինելու այդ նիստը, Հակոբյանը պատասխանեց. «Դա մեզ համար հանկարծակի որոշում չէ, այս շաբաթվա մեջ կլինի ԳՄ նիստ...: Կուսակցությունում ներքին գործընթացներ են տեղի ունենում, որոնք մինչեւ իրենց տրամաբանական ավարտին չհասնեն, որեւէ մեկնաբանություն չենք անելու»: 

ԳՄ քարտուղարը չպատասխանեց մեր այն հարցին, թե այս պահին քանի՞ դիմում կա կուսակցությունից դուրս գալու: 

Փոքր-ինչ անց պարզվեց՝ Գարեգին Միսկարյանը եւս հեռացել է կուսակցությունից: Նա եւս այդ մասին հայտնեց գրառմամբ, որի առիթը հավանաբար լրագրողների հարցերն էին Սուրեն Սահակյանի մասին:

«Սիրելի լրագրողներ եւ ընկերներ, քանի որ ՔՈ ՍԴԿ կուսակցությունից իմ հեռանալու որոշման մասին կուսակցությանը տեղեկացրել էի օրեր առաջ, այդ իսկ պատճառով կուսակցության երեկվա ընդհանուր հավաքին ներկա չեմ եղել (մի քանի րոպեով մտել եմ գրասենյակ, անդամությունս կասեցնելու դիմումը հանձնել եմ ԳՄ քարտուղարին ու դուրս եմ եկել): Այդ իսկ պատճառով տեղյակ չեմ, թե ինչ զարգացումներ են եղել, եւ կուսակցությունից Սուրենի հեռանալու երեկվա հայտարարությունն ինձ համար էլ անակնկալ էր այնքան, որքանով ձեզ համար։ Սուրենի հետ անձնապես չեմ զրուցել եւ պատճառների մասին տեղյակ եմ այնքանով, որքան դուք եք տեղյակ իր գրառումից։ Խնդրում եմ Սուրենի հետ կապված հարցերով կապվել Սուրենի հետ։ Ես պատասխանատու եմ միայն իմ որոշումների համար։ Շնորհակալություն ըմբռնումով մոտենալու համար»,- ասված էր Միսկարյանի գրառման մեջ:

Ավելի ուշ զրուցեցինք արդեն նախկին ՔՈ-ական Գարեգին Միսկարյանի հետ.

- Պարոն Միսկարյան, Սուրեն Սահակյանն ակնարկում է ինչ-որ «մեծ միավորումների ժամանակի» մասին: Կարծիքներ կան, որ նրա հեռացումը պայմանավորված է նրանով, որ կուսակցությունը դեմ է արտահայտվել Նիկոլ Փաշինյանի մասնակցությամբ արտախորհրդարանական ուժերի ձեւաչափին, որոնցից մեկին Սահակյանը մասնակցել է:

- Այո՛, կուսակցությունը դրան դեմ է եղել: Բայց ես չգիտեմ՝ Սուրեն Սահակյանը դրա պատճառո՞վ է դուրս եկել:

- Իսկ ո՞րն է ձեր դուրս գալու պատճառը:

- Կուսակցությունից իմ դուրս գալու պատճառը եղել է անձնական: Իմ նպատակները՝ քաղաքական դաշտը առողջացնելու, ենթադրում են ավելի լայն գործունեություն, քան զուտ մեկ կուսակցության շրջանակներում է: Դա է պատճառը, որ ես ինձ ազատություն շնորհելու համար գնացել եմ նման վատ քայլի, բայց դա նաեւ արել եմ հանուն կուսակցության: Եթե կուսակցությունը մնաց, չփլուզվեց, դա նշանակում է, որ այնտեղ կա այնքան ներուժ, որ կարող է առանց ինձ եւ Սուրեն Սահակյանի զարգանալ: Ես կողքից ամեն կերպ աջակցելու եմ:

- Իսկ ձեր ասած ավելի լայն գործունեությունը ի՞նչ է ենթադրում:

- Ավելի լայն՝ նկատի ունեմ ժողովրդավարական արժեքների դավանող տարբեր քաղաքական ուժերի հարթակ ստեղծել, դա է նպատակը:

- Դա նույնը չէ՞, ինչ ստեղծել է Նիկոլ Փաշինյանը արտախորհրդարանական ուժերի հետ:

- Ո՛չ, Փաշինյանի մոտ հավաքվել են այն ուժերը, որոնք Հայաստանի ինքնիշխանությանը դեմ են խոսում, այսինքն՝ կողմնակից են Ռուսաստանի հետ միավորվելուն: Դա բացարձակ էդպես չէ:

- Ձեզ մոտ հավաքվելու են արեւմտամետնե՞րը:

- Ո՛չ, արտաքին կողմնորոշումը չի հարցը: Հարցը ինքնիշխանությունն է՝ էդ ուժերը գնահատո՞ւմ են Հայաստանի ինքնիշխանությունը, թե՞ Հայաստանը տեսնում են այլ պետությունների կազմում: Կամ ժողովրդավարությունը համարում են արժե՞ք, թե՞ բռնապետության են ձգտում:

- Մեկ-երկու այդպիսի ուժի անուն կնշե՞ք:

- Այդ ուժերը մեկ-երկուսը չեն, շատ են, բայց անուն չեմ կարող տալ՝ մինչեւ չհանդիպեմ էդ մարդկանց հետ, չհամաձայնեցնեմ:

- Սուրեն Սահակյանի եւ ձեր միաժամանակ դուրս գալը կուսակցությունից զուգադիպությո՞ւն էր ընդամենը:

- Կուսակցության զարգացման վեկտորի խնդիր կար: Այդ քննարկման ընթացքում կար տարաձայնություն իմ եւ Սուրեն Սահակյանի մեջ, բայց հիմա այդ տարաձայնությունը, ըստ էության, էլ չկա, որովհետեւ մենք երկուսս էլ այդ կուսակցության մեջ չենք:

- Ինչպե՞ս է փոխվում այդ վեկտորը:

- Կուսակցության զարգացման մասով: Տարբերակները տարբեր են, հաճախ իրար հակասող, եւ այդ առումով պետք է կուսակցությունը որոշում կայացնի՝ ինչպե՞ս է զարգանում. 1. շարունակո՞ւմ է հարաբերվել կառավարող ուժի հետ այն ֆորմատով, որը կառավարող ուժն է առաջարկում, 2. շարունակում է համագործակցել արտախորհրդարանական ուժերի հե՞տ, թե՞ ոչ, 3. մասնակցում է ՏԻՄ ընտրությունների՞ն, թե՞ բոյկոտում է դրանք՝ հայտարարելով, որ դրանք ժողովրդավար չեն, ռեսուրսների պայքար են: Հազար ու մի հարց կա, որով պետք է կողմնորոշվի:

Հիշեցնենք՝ «Քաղաքացու որոշում» սոցիալ-դեմոկրատական կուսակցությունը հիմնադրվեց 2018-ին՝ Հայաստանում տեղի ունեցած հեղափոխությունից հետո: Նախկին ռեժիմի ապօրինությունների դեմ պայքարած մի խումբ ակտիվիստներ, հիմնադրելով այն, մասնակցեցին 2018-ի խորհրդարանական արտահերթ ընտրություններին. կուսակցության ցուցակը գլխավորում էր այն ժամանակ գործադիր մարմնի քարտուղար Սուրեն Սահակյանը:

Այդ ժամանակ ՔՈ օգտին քվեարկեց 8514 մարդ կամ ձայների 0,68%-ը: Մեծ թափով իր գործունեությունը սկսած եւ նորարար մտքերով քաղաքական դաշտ ոգեւորություն ու թարմություն բերած կուսակցությունը նույնքան արագ էլ կորցրեց իր հեղինակությունը: Այս տարվա հունիսի 20-ի ընտրություններում ՔՈ-ն ստացավ 3775 ձայն կամ ընդհանուր ձայների 0.3 տոկոսը: Սա ավելի քան 2 անգամ քիչ էր, քան 2018-ի ձայները, բայց որ այս իրավիճակը կբերեր կուսակցության փլուզման, ինչպես շատերը գնահատում են Սահակյանի ու Միսկարյանի հեռանալը, առնվազն սպասելի չէր:

Տպել
4804 դիտում

Հայաստանը շահագրգռված է կոմունիկացիաների բացմամբ. վարչապետն ընդունել է Ռուսաստանի փոխվարչապետին (լուսանկարներ)

Պերմի համալսարանում կրակոցների հետևանքով վիրավորում է ստացել 28 մարդ. ՌԴ ՔԿ-ն նոր տվյալներ է հայտնել (տեսանյութ)

Մահացել է արձակագիր, թարգմանիչ, ՀՀ վաստակավոր արտիստուհի Անահիտ Թոփչյանը

Անկախության տոնի առիթով Մայր Աթոռ Սուրբ Էջմիածնում եւ թեմերի առաջնորդանիստ եկեղեցիներում կկատարվի Հանրապետական մաղթանք

ՀՀ տարածքով դեպի Նախիջեւան միջանցք բացելու հարց չի քննարկվում. ՌԴ փոխվարչապետ

ՀՀ-ի եւ ՌԴ-ի միջեւ ապրանքաշրջանառությունն աճել է 16 տոկոսով՝ կազմելով 1.9 մլրդ դոլար․ փոխվարչապետ

Պերմի համալսարանում ուսանողը կրակ է բացել, կան զոհեր եւ վիրավորներ (լուսանկարներ)

Նիդերլանդներում դանակահարության հետեւանքով սպանվել են «Հայկական բարեգործական ընդհանուր միության» 2 կանայք. ՀԲԸՄ

Հայաստանում կարտադրվի «Սպուտնիկ Լայթ» պատվաստանյութ. Մհեր Գրիգորյան

«Տուր պատճառ»․ Իվետա Մուկուչյանի նոր տեսահոլովակն ու ոճային կերպարը

Հաստատվել է կորոնավիրուսի 342 նոր դեպք, առողջացել՝ 490 քաղաքացի

Երևանի և 7 մարզերի որոշ հասցեներում մի քանի ժամ լույս չի լինի

Կորոնավիրուսի դեմ պատվաստումային գործընթացը շարունակվում է

Որոշ դեպքերում տեսանք նաև ուսուցչական այլ որակ, այն որակը, որ կուզեի երբեք չտեսնել մեր դպրոցներում․ Ժաննա Անդրեասյան

Եթե կառավարությունը չնշեր անկախության տոնը, նույն մարդիկ ասելու էին՝ ոչ մի կերպ չեն նշում մեր պետության Անկախության տոնը

Մարտիրոսյանը 4th Sharjah Masters մրցաշարի առաջատարին զիջում է մեկ միավոր

Տաթևիկ Ստեփանյանը կարևորել է երեխաների՝ ընտանիքում ապրելու հիմնարար իրավունքների իրացման մեխանիզմների կատարելագործումը

«Արևիկ» ազգային պարկի տարածքում հրդեհաշիջման աշխատանքները վերսկսվել են

Նիկոլ Փաշինյանը պարգևներ է հանձնել «ՀՀ վարչապետի գավաթի» հաղթողներին (լուսանկարներ)

Բանակայինների աշխարհի առաջնությունում հայ բռնցքամարտիկը հաղթել է ադրբեջանցուն, վերջինս գլխիկոր հեռացել է (տեսանյութ)

Թեհրանի Ս․ Սարգիս եկեղեցում տեղի է ունեցել ՀՀ պետական դրոշի օրհնության և Սուրբ պատարագի արարողություն

Կրալուպի Նադ Վլտավոու քաղաքի պուրակում Հայոց ցեղասպանության զոհերի հիշատակին նվիրված խաչքար է կանգնեցվել

Հանրապետության տարբեր տարածքներում բռնկված հրդեհների վերաբերյալ ստացվել է 24 ահազանգ

Երասխում կտեղադրվի ՀՀ-ում ամենամեծ դրոշը (լուսանկար)

Ադրբեջանական կողմը վերադարձրել է Քասախ համայնքի երկու բնակիչներին. ԱԱԾ

Պարզվել է՝ որպես ադրբեջանցի լրտեսներ բերման ենթարկված 3 անձինք Իրանից ժամանած զբոսաշրջիկներ են. ոստիկանություն

Աշխարհի 25 ամենահարուստ ընտանիքների ընդհանուր կարողությունը կազմում է 1.7 տրիլիոն դոլար․ ովքեր են նրանք

Ալավերդու չգործող պղնձաձուլարանում 183 աշխատակից ևս 2 ամիս աշխատավարձ կստանա. պատգամավոր

Անթիլիասի Մայրավանքում կատարվել է ՀՀ վերանկախացման 30-ամյակի Գոհաբանական մաղթանք

Արման Ծառուկյանը նոկաուտի է ենթարկել ամերիկացի մրցակցին (տեսանյութ)

Մակրոնը չեղարկել է Շվեյցարիա կատարելիք այցը. արգելվել են նաև բոլոր բարձր մակարդակի շփումները

«Հայրենիքիս հետ». երգ՝ նվիրված ՀՀ անկախության 30-ամյակին (տեսանյութ)

Պետական եկամուտների կոմիտեի բոուլինգի թիմը հաղթող է ճանաչվել պետական հիմնարկների բոուլինգի մրցաշարում

Դադարեցվել է Երևանի մի շարք հասցեների գազամատակարարումը

Առաջիկա օրերին ՀՀ որոշ շրջաններում սպասվում են ամպրոպ և անձրև. ջերմաստիճանը կբարձրանա

Թբիլիսիի հայկական թատրոնը Բաթումիում 2 ներկայացում կխաղա

Այսօր պատվաստված քաղաքացիները ստացել են Երևանի Դրամատիկական թատրոնի ներկայացման տոմսեր

Վրաստանում կորոնավիրուսից վերջին 24 ժամվա ընթացքում մահացել է 43 հիվանդ

Վախճանվել է անվանի գիտնական Էդվարդ Չուբարյանը

Չարենցի Կամար հուշարձանի վրա անհայտ անձանց կողմից արվել են գրություններ (լուսանկարներ)