Երևան
23 °C
-Սա ինչ աղբ է, հնարավոր չէ՞ սեփական ուժերով հավաքել, տարածքը մաքրել, բահը բերեք, ես կանեմ:
- Ես կմաքրեմ,-մարդկանց շարքերը մի կերպ ճեղքելով առաջ եկավ Միքայելը:
2019 թվականի ապրիլին Գյումրիում վարչապետ Նիկոլ Փաշինյանի և Միքայել Սարգսյանի այս երկխոսությունը եղավ ճակատագրական 14-ամյա տղայի համար: Խոստումը կատարեց, տարածքը մաքրեց:
Խոստումը կատարեց նաև Նիկոլ Փաշինյանը, Միքայելը հրավիրվեց Կառավարություն՝ հանդիպման: Որպես խրախուսանք տղան իր երազած ճագարները ստացավ: Փաշինյանի նվիրած կալիֆորնիական երկու ճագարը Միքայելին տարավ իր նպատակի հետևից:
«Ես պատմեցի, որ տանը ճագար եմ պահում, ու իրենք էլ որոշեցին իմ հոբին վերածել բիզնեսի»,-«Հայկական ժամանակին» իր առաջին քայլերն է ներկայացնում Միքայելը:
Հանդիպումից 3 տարի անց, 17-ամյա գյումրեցի Միքայել Սարգսյանը Հայաստանի ամենափոքր ճագարաբույծն է:
2 ճագարը դարձել է 50, նախկին փոքրիկ բնին փոխարինել է փոքրիկ կոկիկ ֆերման: Ձեռներեցության, ինքնուրույն տնտեսություն վարելու փորձով է Միքայելը մտնում պատանեկություն: Սմարթֆոն էլ ունի, պլանշետ էլ, համակարգիչ էլ կա, չկա սակայն իր տարեկիցներին բնորոշ կախվածությունը:
«Պետք է իրական կյանքում ապրել»,-վստահ է տղան: «Չեմ կարող ազատ կամ վիրտուալ աշխարհում մնալ, աշխատանքն իմ ուժն է, ես չեմ հոգնում:
Ամեն ինչից կօգտվիմ, շատ բնական է, բայց չափի մեջ, կաշխատիմ մնալ կյանքի մեջ: Գործ չկա հասկացություն չկա, կա ուղղակի չաշխատող: Եթե մարդն ունի միտք, դա կարող է գործի վերածել: Հիմա Հայաստանում շատ են միտքը գործ դարձնող նման ծրագրերը»:
Գյումրեցի տղային մեծապես օգնում է Երևանում բնակվող ճագարաբույծ Դավիթ Դավթյանը: Ճագարներին պահել, բազմացնելուց սկսած մինչև կերի ընտրություն ու մթերման նրբություններ: Միքայելն ասում է ամեն ինչ սովորեցնում է:
Տղան իր ճագարներով փորձում է Գյումրու շուկա մտնել, չի ստացվում, բայց ոչ թե մրցակիցներ ունի, այլ ուղիղ հակառակը, ընդհանրապես չկան նման մարդիկ: Խնդիրը մտածողության և նախասիրության մեջ է:
Շիրակի մարզում ճագարի միս ուտում են հիմնականում գյուղաբնակները, այն էլ իրենց պահած սովորական ճագարն են մորթում, պատրաստում: Գյումրեցիները ճագար, գրեթե չեն ուտում, ռեստորանների մենյուներում չկա ճագարի մսով որևէ ուտեստի առաջարկ: Ռեստորանատերերին անձամբ է առաջարկել, հրաժարվել են: Սա, ըստ Միքայելի, հստակ պատճառ ունի:
«Նույնիսկ առաջարկել եմ, որ փոձնական վերցնեն, ռեստորաններն էլի չեն ուզում:
Այստեղ հիմնականում ազատ պահվածքի ճագարի միս են համտեսել, իսկ դա ընդհանրապես նման չէ իսկական ճագարի մսի համին:
Այսինքն մարդիկ մի քանի անգամ փորձելուց հետո կարծիք են կազմում որ ճագարի միսը լավը չԷ, ձիգ է, հոտ ունի»,-բացատրում է գյումրեցի ճագարաբույծը:
Այս պահին Միքայելը ճագարաբույծ Դավթյանի աջակցությամբ իր ճագարների միսը մթերում է Երևանում: Այնտեղ, ասում է, պատկերն այլ է: Ամսական 10 տոննա ճագարի մսի պահանջարկ կա մայրաքաղաքում: Միքայելը, սակայն, վստահ է, որ կարողանալու է նաև Գյումրիում փոխել վերաբերմունքը: Ցանկություն ունի ստեղծել առևտրի և սպասարկման մի տարածք, որտեղ առաջարկվող ամեն բան պատրաստված կլինի ճագարի մսից՝ գրիլ, քաբաբ և այլն: Ներքին շուկա է պետք ձևավորել: Բայց գրագետ ու ամեն նրբություն հաշվի առնելով:
«Գյումրիում եթե ճագարաբուծությամբ էլ զբաղվում են, ապա մի փոքր լավ չեն անում, պատվաստումները բաց են թողնում, անհաջողություն արձանագրում և այդ վերաբերմունքը տարածում ընդհանուր ճագարաբուծության ճյուղի վրա ու հայտարարում, որ չաշխատող գործ է, իզուր տանջանք: Բայց դա այդպես չէ, ուղղակի բացթողումներ այս գործում չպետք է լինեն, իսկ անհաջողությունից վախենալ պետք չէ»,-ընդգծում է Միքայելը:
Այսօր մարդիկ անընդհատ փորձում են օգնություն ստացնալ ու սահմանափակվել դրանով, բայց աղքատությունից դուրս գալու միակ գրավականը դա աշխատանքն է: Միշտ պետք է ռիսկի դիմել, չվախենալ: Անհաջողություններից հենց փորձն է ծնվում, իսկ այդ փորձից՝ արդյունքը:
Իր երեք տարվա աշխատանքի արդյունքում Միքայելը դեռ եկամուտ չունի: Ճագարների մսի վաճառքից ստացված գումարով կարողանում է նրանց համար ընդամենը կեր գնել: Վստահեցնում է՝ չի նահանջելու:
«Առայժմ կռիվ եմ տալիս այս ճյուղի հետ, չեմ ուզում հիասթափվել, եթե նույնիսկ չստացվի, ապա մեր տան համար կպահեմ»,-ասում է տղան:
Միքայելը Գյումրիում կարևոր նոր գործ է սկսել: Բազմակի հաշմանդամություն ունեցող երեխաների «Էմիլի արեգակ» կենտրոնի շահառուներին է ծանոթացնում ճագարաբուծության գաղտնիքներին:
«Երեխաներն եկան ինձ մոտ կոնսուլտացիայի: 2 տարի առաջ ես էի նույն ձևով գնացել Դավիթի մոտ ու դա ինձ համար մեծ նվաճում էր: Հիմա արդեն ինձ մոտ եկան»,-ուրախությամբ տեղեկացնում է մեզ Միքայելն ու նշում՝ նպատակը Գյումրիում մնալն է, բայց եթե զգա Գյումրիում չի հաջողում, ապա կտեղափոխվի Երևան կամ մայրաքաղաքին հարակից մի վայր, կտանի ճագարներին, նպատակ ունի խելացի անասնաֆերմա կառուցել:
Եվ վերջում ի գիտություն բոլոր նրանց համար, ովքեր ճագարի միս չեն օգտագործում: Միքայելն ասում է այն դյուրամարս է, չունի հակացուցումներ, ընդամենը պետք է գրագետ սնված ճիշտ պահված ճագար ընտրել:
Լուսանկարները՝ ՀԺ-ի
Սամսոն Մատինյան
Որպես անհետ կորած որոնվող 56-ամյա տղամարդը հայտնաբերվել է Ջրվեժի ձորում. մարմինը եղել է կենդանիների կողմից հոշոտված
Սահմանը հանձնվելու է սահմանապահներին, ինչ վերաբերում է պաշտպանության ապահովմանը, դա արդեն ուրիշ խնդիր է․ Փաշինյան
Ոսկեպարում ըստ էության արձանագրվել է այն, ինչ մենք պայմանավորվել ենք ոսկեպարցիների հետ․ Նիկոլ Փաշինյան
Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ
Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)
3 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)
Տյումենում ջրհեղեղի գոտուց երկու հազարից ավելի մարդ է տարհանվել
Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան
Գետափնյա գյուղի մոտակա կամրջով երթևեկությունը դեռևս փակ է
Շատ կարևոր է արձանագրել, որ առաջին անգամ Հայաստանի Հանրապետությունն ու Ադրբեջանը հարց են լուծել սեղանի շուրջ․ վարչապետ
Երևանում քամին տանիքի թիթեղներ է պոկել, ծառ տապալել
Արտակարգ դեպք Երևանում․ հիմնական դպրոցներից մեկում 14-ամյա երեխան ատրճանակով կրակել է 15 տարեկան աշակերտների վրա
ՀՀ-ի համար սա խաղաղ և լեգիտիմ ճանապարհով տարածքային ամբողջականության վերականգնման գործընթացի սկիզբ է․ Խաչատրյան
2017-ին «Սևան ազգային պարկ»-ում առանձնապես խոշոր չափով հափշտակությունների, փողերի լվացման բազմադրվագ դեպքը բացահայտվել է
Վիճաբանության ժամանակ 38-ամյա տղան դանակի մի քանի հարված է հասցրել հորը․ վերջինս հիվանդանոցում մահացել է
Արարատի մարզում ապօրինի ընդերքօգտագործման հետևանքով պատճառված 13 մլն 736 հազար դրամի վնասն ամբողջությամբ վերականգնվել է
Դոլարն ու եվրոն կրկին էժանացել են․ ինչ փոփոխություններ է արձանագրել տարադրամի շուկան ապրիլի 20-ին
ՄԱԿ գլխավոր քարտուղարն ուշադիր հետևում է Հայաստանի ու Ադրբեջանի ձեռք բերած սահմանազատման համաձայնությանը և ողջունում
Նյու Յորքի դատարանի դիմաց երիտասարդն ինքնահրկիզվել է (տեսանյութ)
Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է․ Հակոբ Արշակյան
Ողջունում ենք Հայաստանի և Ադրբեջանի՝ Ալմա Աթայի հռչակագիրը սահմանազատման հիմք ընդունելու հայտարարությունը․ Բլինքեն
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
Ոսկեպարի ճանապարհի դելիմիտացիայի հարցն առայժմ օրակարգում չէ․ վարչապետն ականջալուր է եղել ոսկեպարցիների մտահոգությանը
Հայաստան-Ադրբեջան սահմանին ԶՈՒ-ն երբ իր տեղը կզիջի սահմանապահներին․ Հարությունյանն ասաց՝ ինչ քննարկումներ են լինելու
ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան
Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է
Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան
Ռուսաստանը, ՀԱՊԿ-ը չեն ճանաչում Հայաստանի տարածքային ամբողջականությունը. Լավրովի «ինքնախոստովանությունը»
Այս բարդ գործընթացում պետք է լինենք առավել քան զգոն, տուրք չտանք մանիպուլյացիաներին ու կեղծ տեղեկատվությանը․ Մինասյան
Հուսադրող լուրեր կան Հայաստանի և Ադրբեջանի սահմանազատման գործընթացի մեկնարկի վերաբերյալ․ Կլաար
Ովքեր դեմ են փոխհամաձայնեցված սահմանազատմանը, փորձում են պատերազմի մեջ ներքաշել Հայաստանը, վերածել ծայրագավառի․ Չախոյան
Վարչապետը Զառի միջնակարգ դպրոցի աշակերտների հրավերով ներկա է գտնվել «Պապ թագավոր» ներկայացմանը
Եթե Ստեփանակերտում ոչ թե «քֆուրով» որոշում ընդունող, այլ ադեկվատ իշխանություն լիներ, կսահմաներ ԼՂ շփման գիծը․ Աթանեսյան
Մենք ԵՄ-ի հետ սկսում ենք սերտ համագործակցության նոր ճանապարհ․ Արարատ Միրզոյան
Խաղաղության գործընթացը հիմնականում բաղկացած է որոշումներից, որոնք դուրս են «հակամարտելու» տրամաբանությունից․ Թորոսյան
Շուտով հայտնի ուժերը «մետոձիչկաները» կստանան, ու 10 կոպեկանոց լացի նոր եթերաշրջանը կհամարենք բացված․ Ալեքսանյան
Հայաստանը կստանա հնարավորություն սահմանազատման գործընթացը կազմակերպել քաղաքակիրթ և լեգիտիմ ընթացքով․ Ղազարյան
Աշխարհի գավաթ․ մարմնամարզիկ Վահագն Դավթյանը Փարիզի Օլիմպիական խաղերի ուղեգիր է նվաճել
Կողմերը կառաջնորդվեն Ալմա Աթայի 1991թ. հռչակագրով, մի բան, որից Ադրբեջանը արդեն տևական ժամանակ խուսափում էր․ Եղոյան
Հուսանք՝ այցից հետո կհայտնվի մեր հարաբերությունների զարգացման «ճանապարհային քարտեզ»․ Միրզոյանի հարցազրույցը Arab News-ին
© 2024 Հայկական ժամանակ