Կարեն Գիլոյանն ընդունել է աշխարհի և Եվրոպայի պատանեկան առաջնությունների մեդալակիր ըմբիշներին

ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանն այսօր ընդունել է Հայաստանի ազատ և հունահռոմեական ոճի ըմբշամարտի պատանեկան և երիտասարդական հավաքականների ներկայացուցիչներին: Այս մասին տեղեկացնում է ՀՀ ԿԳՄՍՆ-ն:

Պատանի և երիտասարդ ըմբիշները վերջերս մասնակցել են Եվրոպայի երիտասարդների, Եվրոպայի մինչև 15 տարեկանների, ինչպես նաև աշխարհի մինչև 17 տարեկանների առաջնություններին ու մի շարք մեդալներ նվաճել:

Հանդիպմանը ներկա են եղել Հայաստանի ըմբշամարտի ֆեդերացիայի նախագահ Ռոբերտ Խաչատրյանը, գլխավոր քարտուղար Արայիկ Բաղդադյանը, պատանեկան և երիտասարդական հավաքականների մարզիչներն ու մարզիկները:

ԿԳՄՍ նախարարի տեղակալ Կարեն Գիլոյանը շնորհավորել է մեդալակիր մարզիկներին ու շնորհակալություն հայտնել նրանց կատարած աշխատանքի համար. «Շնորհակալ եմ նաև ձեր մարզիչներին ու ֆեդերացիայի ղեկավարությանը: Իսկապես պատկառելի քանակի մեդալներ կան, և ես շատ ուրախ եմ, որ պետությունն արդեն կարողանում է ինչ-որ չափով այդ արդյունքներին համապատասխան գնահատական տալ»:

Կարեն Գիլոյանը նաև տեղեկացրել է՝ երիտասարդ ըմբիշները ևս ներառված են Փարիզ-2024-ի ծրագրի մեջ, որի շրջանակում աշխարհի և Եվրոպայի առաջնությունների հաղթողները, մրցանակակիրները, ինչպես նաև օլիմպիական խաղերում, աշխարհի առաջնություններում 4-8-րդ տեղը գրաված մարզիկները պետական նպաստներ են ստանալու. «Բժշկական օգնության մասին էլ, հավանաբար, արդեն տեղյակ եք: Թանկարժեք, հրատապ բուժօգնությունից սկսած մինչև ամենատարրական միջամտությունը ձեզ համար այսուհետ անվճար կլինի: Մոսկվայից հրավիրված երկու շատ բարձրակարգ վնասվածքաբան է աշխատում «Սուրբ Գրիգոր Լուսավորիչ» բժշկական կենտրոնի սպորտային բժշկության բաժանմունքում: Կենտրոնը նաև հագեցած է ամենաժամանակակից բժշկական սարքավորումներով: Անում ենք հնարավորը, որ այլևս խնդիրներ չունենաք: Ձեզանից մնում է միայն լավագույնս մարզվել, պայքարել և նախ Ձեզ, ապա երկրի համար տիտղոսներ և մեդալներ նվաճել: Առաջիկա մրցումներում էլ հաջողություն եմ մաղթում բոլորիդ: Ամեն ինչ ձեր ձեռքերում է»:

Հայաստանի ըմբշամարտի ֆեդերացիայի նախագահ Ռոբերտ Խաչատրյանն էլ շնորհակալություն է հայտնել ԿԳՄՍ նախարարությանը՝ իրենց խնդիրներին արձագանքելու և հնարավորինս արագ լուծում տալու համար. «Գիտեմ, որ անում եք այն ամենը, ինչ Ձեզնից կախված է: Հասկանում ենք նաև, որ այս ծանր ժամանակներում շատ բարդություններ կան, և բոլոր հարցերն անմիջապես հնարավոր չէ լուծել»:

Ռոբերտ Խաչատրյանը շնորհակալություն է հայտնել նաև երիտասարդ ըմբիշներին՝ դժվարին ժամանակներում մեդալներ նվաճելու և մեր ազգին ուրախություն պարգևելու համար:

Հիշեցնենք՝ Հայաստանի հունահռոմեական ոճի ըմբշամարտի երիտասարդական հավաքականը 1 ոսկե, 1 արծաթե և 2 բրոնզե մեդալ էր նվաճել Հռոմում անցկացված երիտասարդական ԵԱ-ում։ Հունահռոմեական ոճի ըմբիշներից ոսկե մեդալակիր էր դարձել 60 կգ քաշային Սուրեն Աղաջանյանը, արծաթե մեդալ էր նվաճել Աշոտ Խաչատրյանը (67 կգ), իսկ 87 կգ քաշային Վիգեն Նազարյանն ու 130 կգ քաշային Ալբերտ Վարդանյանը դարձել էին բրոնզե մեդալակիրներ։

Ազատ ոճայիններն էլ 3 ոսկե, մեկ արծաթե և մեկ բրոնզե մեդալ էին նվաճել։ Երիտասարդական ԵԱ-ի հաղթողի տիտղոսը նվաճել էին 70 կգ քաշային Հայկ Պապիկյանը, 79 կգ քաշային Մուշեղ Մկրտչյանը և 125 կգ քաշային Լյովա Գևորգյանը։ Արծաթե մեդալակիր էր դարձել 57 կգ քաշային Հարություն Հովհաննիսյանը, իսկ պատվո հարթակի երրորդ աստիճանին կանգնել էր 61 կգ քաշային Հայկ Աբրահամյանը։

Զագրեբում անցկացված Եվրոպայի մինչև 15 տարեկանների առաջնությունում Հայաստանի ազատ և հունահռոմեական ոճի պատանի ըմբիշները 4 արծաթե և 2 բրոնզե մեդալ էին նվաճել: Հայաստանի երեք ներկայացուցիչ՝ 44 կգ քաշային Գագիկ Ղազարյանը, 57 կգ քաշային Հայկ Ավանեսյանն ու 75 կգ քաշային Սահակ Հովհաննիսյանը կանգնել էին պատվո հարթակի երկրորդ աստիճանին՝ դառնալով արծաթե մեդալակիրներ: Արմեն Պապիկյանը (38 կգ) և Տիգրան Ըխտոյանն (48 կգ) էլ բրոնզե մեդալներ էին նվաճել:

Հայաստանի հունահռոմեական ոճի ըմբշամարտի Մ15 տարեկանների հավաքականի կազմում էլ մեդալ էր նվաճել միայն 41 կգ քաշային Յուրի Մխիթարյանը՝ դառնալով արծաթե մեդալակիր:

Հայաստանի ազատ ոճի ըմբշամարտի մինչև 17 տարեկանների հավաքականն էլ երկու բրոնզե մեդալ էր նվաճել Հռոմում անցկացված աշխարհի առաջնությունում: Պատվո հարթակի երրորդ աստիճանին կանգնել էին Արման Հարությունյանը (45 կգ) և Ռազմիկ Եփրեմյանը (71 կգ): Հունահռոմեականների կազմում ոսկե մեդալակիր էր դարձել Գասպար Տերտերյանը (60 կգ ), իսկ բրոնզե մեդալակիր՝ 71 կգ քաշային Արարատ Վարդերեսյանը:

Տպել
306 դիտում

«Կապիտուլյացիոն փաստաթո՞ւղթ», թե՞ ելույթներ. «Կիկոսի մահը» հեքիաթի մոտիվներով

Լեռնանիստ գյուղի դաշտերն այրվել են

Ադրբեջանի ԶՈՒ-ն դաժանաբար սպանել է վիրավոր հայ զինծառայողներին, վայրագ կերպով վարվել զոհերի մարմինների հետ․ Մարտիկյան

Ժամը 22:00-ի դրությամբ հայ-ադրբեջանական սահմանին իրադրության փոփոխություն չի արձանագրվել

Սյունիքում իրավիճակը շարունակում է մնալ հարաբերականորեն հանգիստ․ Դավիթ Դանիելյան

Կարևոր է՝ ռուս-թուրք-ադրբեջանական թակարդից դուրս գալով՝ այժմ էլ չընկնենք Արևմուտք-Ադրբեջան հյուսած ծուղակը. Բաբաջանյան

Հայկական կողմը գիտի, թե որտեղ քանի դի կա, սակայն դուրս բերելու փորձերը հանդիպել են Ադրբեջանի ԶՈՒ ուժեղ կրակին․ Մարտիկյան

Հոխիկյանը, ԵՊՀ-ին մեղադրելով քաղաքական պատվեր կատարելու մեջ, ինքն է քաղաքականացման առերևույթ քայլ կատարում. Գրիգորյան

Ծաղկունք գյուղում տնակ է հրդեհվել

Հայկական ԶՈՒ-ն սպասում է հակառակորդին դիմակայելու և ջախջախելու․ Առաքել Մարտիկյան

ՌԴ-ից մեծ թվով անձանց ներհոսքն ինչ ազդեցություն կունենա Հայաստանում ժողովրդագրական աճի վրա

Հայաստանն Ադրբեջանին մի քանի անգամ արդեն առաջարկել է զորքերի հայելային հետքաշում

Ադրբեջանական ԶՈՒ-ին Վարդենիսի ուղղությամբ հաջողվել է գրավել մի քանի մարտական դիրք. ԳՇ պետի տեղակալ

Հայաստանը ՀԱՊԿ զորավարժություններին ուժեր չի ուղարկելու․ ՌԴ ԱԳՆ-ն արձագանքել է այս որոշմանը

ՀԱՊԿ-ում մնալով՝ նշանակում է տալ այն, ինչը պահանջում է Ադրբեջանը՝ սկսած «Զանգեզուրի միջանցքից» և անկլավներից. քաղաքագետ

ՀՀ ՄԻՊ-ը Լեյլա Կայաչիկին է ներկայացրել այս օրերին տեղահանված 7600 անձի կենսապայմանների ապահովման անհրաժեշտությունը

Քննարկվել են Ներքին գործերի նախարարության ֆունկցիոնալ և ռեսուրսների կառավարմանն առնչվող հարցեր

Գեղարքունիքի մարզի Ծաղկաշեն գյուղին հարակից սարերում այրվել է խոտածածկույթ

Վահրամ Դումանյանը մասնակցել է ՅՈՒՆԵՍԿՕ-ի «Մշակութային քաղաքականության և կայուն զարգացման համաշխարհային համաժողովին»

Խորհրդակցություններ Հայաստանի և Չեխիայի ԱԳՆ-ների միջև. քննարկվել են երկկողմ օրակարգին առնչվող հարցեր

ՊԵԿ նախագահը և ԱՄՀ պատվիրակության ղեկավարը քննարկել են համագործակցությանն առնչվող հարցեր

ՀՀ նախագահը և Սլովակիայի նորանշանակ դեսպանը կարևորել են գործարար կապերի ակտիվացման անհրաժեշտությունը (տեսանյութ)

Նիկոլ Փաշինյանն ընդունել է Ստանիսլավ Զասին

Դատախազությունում ևս մեկ պաշտոնանկություն է եղել

Հայտնի են երեկ ադրբեջանական սադրանքի հետևանքով զոհված զինծառայողների անունները

Զորքերի հետքաշումն ելման դիրքեր խնդիրները լուծելու միակ հուսալի հիմքն է. Հայաստանում ՌԴ դեսպան

Հայտնի են «100 գաղափար Հայաստանի համար» մրցույթի անվանակարգերը

Արձագանք՝ տեղահանված անձանց կարիքներին

«Ամերիկացի բարի սամարացիները» հաղթող է ճանաչվել Կաննի համաշխարհային կինոփառատոնում

Կասեցվել է հանրային սննդի օբյեկտի արտադրական գործունեությունը

Ցավում ենք ևս 3 հայ զինվորի մահվան կապակցությամբ. ՀՀ-ում Ֆրանսիայի դեսպանություն

Եռաբլուրում ոստիկանների կողմից զոհված զինվորների ծնողներին բերման ենթարկելու դեպքով նախաձեռնվել է քրեական վարույթ․ ՔԿ

ՀՖՖ-ն և Խոակին Կապառոսը դադարեցնում են համագործակցությունը

ԱԽ քարտուղարը Լաուրա Կուպերին է ներկայացրել Ադրբեջանի կողմից ՀՀ ինքնիշխան տարածքի նկատմամբ ձեռնարկած լայնածավալ ագրեսիան

Գագարին գյուղի սկզբնամասում այրվել է 15 հա խոտածածկույթ

Օդի ջերմաստիճանը հոկտեմբերի 01-02-ը աստիճանաբար կնվազի 4-7 աստիճանով

Տեղադրվել է Հայկոյի արձանը. երգչի մահվան տարելիցի առթիվ հրապարակվել են նրան նվիրված նոր երգեր

Կդադարեցվի Գորիսի մի շարք հասցեների գազամատակարարումը

Որոշվել է հերթական պլանային վարժական հավաքներ հայտարարել. ՊՆ-ն մանրամասնում է՝ ովքեր են մասնակցելու դրանց

Լին Թրեյսին Սյունիքի մարզում հանդիպել է տեղահանված անձանց հետ