Քանի որ աշուն է, ճիշտ ժամանակն է հաշվելու «ճտերը»՝ ինչի՞ հասավ ընդդիմությունը կես տարվա բոյկոտի արդյունքում

Խորհրդարանական ընդդիմությունը որոշեց դուրս գալ կես տարվա կամավոր պարապուրդից՝ «քաղաքական բոյկոտ» անունով, ու հայտնի առակի պերսոնաժի պես «զնգր-զնգր դողալով, ծանր-ծանր սողալով» ազդարարեց խորհրդարան վերադառնալու, իր պարտականությունների կատարմանն անցնելու մասին։  

Նկատենք, որ սույն որոշումը հասունացավ ձմեռնամուտին, երբ դրսում մնալն ու գարնանից մինչ խոր աշուն այդպես էլ չզարթնած «լաոյին» (զ)արթնացնելը վերածվելու էր օգոստոսին ձյան առատ տեղումներ ակնկալելու։     

Անհերքելի է, որ քաղաքական համակարգի առողջության, վերարտադրողականության երաշխիքն ու կենսունակության կարեւոր խթանիչներից մեկն էլ որակյալ (բառի ամենաընդգրկուն իմաստով) ընդդիմությունն է։ Խորհրդարանական կառավարման մոդել ունեցող երկրների դեպքում որակյալ ընդդիմությունը պարգեւ է, եթե չասենք՝ «պարտադիր շքեղություն», որին պետք է երկյուղածությամբ վերաբերվի ցանկացած իշխանություն։ Այդպիսի ընդդիմությունը՝ գաղափարական, ծրագրային, պրոֆեսիոնալ որակներով, կադրային բանկով, տաղանդով ու ձեռնահասությամբ իշխանության ռեալ այլընտրանք է՝ «վաղվա իշխանությունը»։

Արդյոք գործող ինստիտուցիոնալ ընդդիմությունը, որը մեր երկրին ու քաղաքական համակարգին «բաժին է հասել» մեր պետականության համար հանգրվանային այս փուլում, հետպատերազմական ընկճախտի պայմաններում, կարո՞ղ է հավակնել «որակյալ ընդդիմություն» տիտղոսին։ Պատասխանը միանշանակ է՝ ոչ։ Եթե այդպիսին լիներ, ապա լայն հանրությունը ընդդիմության վերադարձը կխորհրդանշեր «խնդության ծնծղաներ հնչեցնելով», եթե կուզեք՝ «հալելուիա» երգելով: Մինչդեռ շատերը տեղի ունեցածը բնորոշելու համար ստիպված եղան դիմել հայկական առածանուն՝ մասնավորապես հիշելով գնացած, քոռուփոշման հետ եկածներին բնորոշող հայտնի ասացվածքները։ Դրանցից ամենավայելուչ բառապաշարով շարադրվածը թերեւս այս մեկն է․ «Էշ գնացին, հայվան հետ եկան»։

Արդ, քանի որ աշուն է, ճիշտ ժամանակն է հաշվելու «ճտերը»՝ ինչի՞ հասավ ընդդիմությունը կես տարվա բոյկոտի արդյունքում կամ հետեւանքով։ Իր գերխնդիրը իշխանության ռեյտինգը «մինչեւ քոք մաշեցնելը» հռչակած «Դիմադրության» շարժումը 2018-ի հեղափոխության ակցիաները կապկող փողոցային միջոցառումների հետեւանքով հասավ հակառակին՝ «մինչեւ քոք» մաշեց իր իսկ ռեյտինգը։ 131-ամյա ՀՅԴ-ի եւ 30-նն անց ՀՀԿ-ի քաղաքական նվազ կշիռն այդ ուժերն ուղղորդող նախկին երկու նախագահների ռեւանշիստական ամբիցիաների հետեւանքով վերջնականապես փոշիացվեց, զրոյացավ, որի վերջին արարը նոյեմբերի 5-ին տեղի ունեցած հանրահավաքն էր իր մասնակիցների թվաքանակով։ Փաստորեն, «Հայաստան» եւ «Պատիվ ունեմ» դաշինքների օգտին քվեարկած ավելի քան 336 հազար քաղաքացիներից միայն (առավելագույն ցուցանիշը) 5-7 հազարն էր մասնակցում (ամռան ամիսներին՝ շուրջ 1500-ը) Ֆրանսիայի հրապարակի միջոցառումներին, ինչը նշանակում է, որ այդքան մարդ էր աջակցություն հայտնում այն օրակարգին, որով ընդդիմությունն իրեն գցել էր փողոցները՝ իշխանափոխության։

Ընդդիմությունը, անշո՛ւշտ, իր բոյկոտը հիմնավորում էր՝ դիմելով մանիպուլյացիայի, թե՝ «մեր ընտրողը մեզ քվե է տվել այս իշխանությանը հեռացնելու համար», սակայն «Դիմադրության» շարժման ակցիաների ժամանակ քվե տվածները միակամորեն չպաշտպանեցին իրենց ընտրյալների քաղաքական որոշումը։ Այն պարզ պատճառով, որ մանդատը տրվել էր իշխանության գալու, ոչ թե իշխանության գալ չկարողանալուց հետո վերընտրված, լեգիտիմ իշխանությանն ամեն գնով հեռացնելու համար։

Ի դեպ, իշխանությանը հեռացնելու մասին․ արձանագրենք, որ ընդդիմությունը անկարող գտնվեց ոչ միայն ամբողջական, այլ նաեւ մասնակի իշխանափոխություն անելու՝ վարչապետին անվստահություն հայտնելու սահմանադրական գործիքը կիրառելու հարցում, քանի որ չունի բավարար թվով պատգամավորներ ո՛չ գործընթաց սկսելու, ո՛չ էլ այն հորով-մորով անելու համար։ Սա եւս մեկ արգումենտ է, թե ինչու տիկնայք եւ պարոնայք ընդդիմադիրները որոշեցին քարը փեշներից ու գրպաններից թափել եւ վերադառնալ իրենց հիմնական պարտականությունների կատարմանը՝ հանուն հանրապետության քար քաշելուն (սա չի նշանակում, որ վարչապետին անվստահություն հայտնելու ցեցը դադարելու է կրծել ընդդիմադիրների ներսը)։ 

Եվ վերջապես, իր վեցամսյա անգործությամբ ընդդիմությունը ոչ միայն արժեզրկեց ինքզինքը, այլ նաեւ այն գլխավոր թեզը, որը պաշտպանելու համար էլ դուրս էր եկել փողոց՝ «Արցախը երբեք չի լինելու Ադրբեջանի կազմում»։ Արցախափրկիչները, որոնք կաշվից դուրս էին գալիս քաղաքացիներին համոզելու (ընդհուպ՝ ամոթանք տալով եւ «ջհանդամն» ուղարկելով), որ ներկա գտնվեն իրենց հավաքներին, աշխարհին ու շահագրգիռ լսարանին սխալ «սիգնալներ» ուղարկեցին՝ ցույց տալով, որ ՀՀ-ում այդքան քիչ մարդ է սատարում Արցախի՝ Ադրբեջանի կազմում չլինելուն։ Մինչդեռ հայտնի է, որ ՀՀ-ում «մորից մինչեւ մանուկ» աջակցում են Արցախի անկախության գաղափարին, սակայն գաղափարին աջակցելով հանդերձ՝ չեն աջակցում այն իշխանախոխության գործիք դարձրած ռեւանշիստների խմբակին։  

Այսքանով հանդերձ՝ շեշտենք, որ ողջունելի է խորհրդարան վերադառնալու ընդդիմության որոշումը՝ հաշվի առնելով մեր երկրին այնքան անհրաժեշտ կոնսոլիդացիան, սակայն մի վերապահումով․ եթե ընդդիմադիր գործունեությունը կրկին չի վերածվելու քաղաքական էժան մասխարաության, եթե քաղաքական ծանր, թանձր խոսքի փոխարեն ԱԺ բարձր ամբիոնից կրկին փութաջանորեն չի տիրաժավորվելու «քուչի բազառին» հատուկ խոսույթը՝ «դավաճան», «գործակալ», «հողատու», «կապիտուլյանտ», եթե կառուցողական աշխատանքը վերստին չի փոխարինվելու շիշ շպրտելով, ծեծկռտուք ու լեզվակռիվ հրահրելով, այսինքն՝ «թուրքին մեր վրա խնդացնելով»։ Դատելով «Հայաստան» խմբակցության պատգամավոր Աղվան Վարդանյանի այսօրվա մունաթախառը ելույթից՝ ընդդիմությունը շարունակելու է գնալ մի անգամ արդեն տրորած ճանապարհով։   

Հեղինե Մանուկյան

Տպել
4463 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում