Ադրբեջանը ԵԽԽՎ-ում նոր գրոհ կանի

01/07/2015 schedule22:16

Հայաստանին Ստրասբուրգում կարծես թե ծանր օրեր են սպասվում ու դատելով ամեն ինչից՝ Ադրբեջանը չի հաշտվի Եվրոպայի խորհրդի խորհրդարանական վեհաժողովում իրար հետեւից կրած երկու անհաջողությունների հետ:

ԵԽԽՎ հայաստանյան պատվիրակությանը երկու անգամ բախտը պարզապես ժպտաց: Նախ՝ «Բռնության աճը Լեռնային Ղարաբաղում եւ Ադրբեջանի մյուս գրավյալ տարածքներում» զեկույցի հեղինակ Ռոբերտ Ուոլթերը մայիսի 7-ին Մեծ Բրիտանիայում տեղի ունեցած խորհրդարանական ընտրություններում պատգամավոր չդարձավ ու զեկույցի պատրաստումը կձգձգվի, այնուհետեւ՝ անցյալ շաբաթ Ադրբեջանի մասին զեկույցից հանվեց «Հայաստանը օկուպացրել է Լեռնային Ղարաբաղը» ձեւակերպումը: Զեկույցի քվեարկությունից հետո Ադրբեջանի պատվիրակության ղեկավար Սամադ Սեիդովը սկսել է գոռալ՝ դուք չեք հասկանում՝ ինչ արեցիք, դուք դեռ պատասխան եք տալու, սա երկակի ստանդարտների կառույց է: 

Երեկ մեզ հայտնի դարձավ, որ Թուրքիայի պատվիրակությունը դիմել է ԵԽԽՎ նախագահին՝ մեծացնելու իր երկրի պատվիրակության կազմը. Թուրքիայի հիմնական կազմն այս պահին 12 հոգանոց է, փոխարինող կազմը եւս՝ 12: Բանն այն է, որ երկրների պատվիրակությունների կազմը կախված է տվյալ երկրի բնակչության թվից, եւ Թուրքիան իր դիմումում հիմնավորել է, որ իր բնակչության թիվն աճել է: Ըստ այդմ՝ Թուրքիան կմեծացնի նաեւ իր անդամավճարը: ԵԽԽՎ-ի տարեկան բյուջեն, ինչպես նշված է նրանց պաշտոնական կայքում, կազմում է 416 միլիոն 981 հազար 300 եվրո, որից Թուրքիայի տարեկան անդամավճարը 13 միլիոն 650 հազար 942 եվրո է: Այժմ, մեր տեղեկություններով, Թուրքիան տարեկան ավելի քան 20 միլիոն եվրո անդամավճար է մուծելու ԵԽԽՎ-ին եւ ըստ ամենայնի՝ կդառնա Ռուսաստանից հետո երկրորդ խոշոր «հարկատուն» ԵԽԽՎ-ում՝ իր բոլոր հետեւանքներով՝ ազդեցության ավելացում, ձայնի ավելացում եւ այլն: Թե ի՞նչ է սա նշանակում՝ թերեւս հարկ չկա մանրամասնելու: Հիշեցնենք ընդամենը, որ ԵԽԽՎ-ում իր նախագահության օրոք Թուրքիայի ներկայիս արտգործնախարար Մեւլութ Չավուշօղլուն ջանք չէր խնայում այդ կառույցում Լեռնային Ղարաբաղի հարցով ենթահանձնաժողովի «վերագործարկման» համար: Ադրբեջանը եւս, բնականաբար, ձեռքերը ծալած չի նստի, եւ արդեն սպառնալիքներ հնչել են: Անցյալ շաբաթ Ադրբեջանի մասին զեկույցի ընդունումից հետո Իլհամ Ալիեւի աշխատակազմի ղեկավարի տեղակալ Նովրուզ Մամեդովը հետեւյալ թվիթը արեց. «ԵԽԽՎ-ն անտարբերություն է ցուցաբերում միջազգային իրավունքի նկատմամբ: Նրանց սկզբունքը հետեւյալն է՝ «ինչպես ուզենք, այնպես էլ կլինի»: Լեռնային Ղարաբաղի վերաբերյալ այդ կառույցի դիրքորոշումը պարզորոշ դա է ցույց տալիս: Դա երկակի չափանիշների եւս մի օրինակ է: Եվրախորհրդի նման դիրքորոշումը կասկածի տակ է դնում այդ կառույցում Ադրբեջանի հետագա մասնակցությունը»: Ադրբեջանը, իր երկրի մասին զեկույցից Ղարաբաղի վերաբերյալ խայտառակ ձեւակերպումը հանելուց հետո, փաստորեն, սպառնում է լքել այդ կառույցը: Երեկ մեզ հետ զրույցում ԵԽԽՎ հայաստանյան պատվիրակության անդամ Նաիրա Զոհրաբյանն ասաց. «Ադրբեջանը համարում է, որ ԵԽ-ն իրեն պարտք է, կներեք այդ կոպիտ ձեւակերպման համար, պարտք է քյաշ փողով, որովհետեւ նրանք միշտ քյաշով են վճարել լոբբիստներին, այդ թվում՝ նաեւ ԵԽԽՎ վերնախավում, եւ դա էր վկայում քվեարկությունից հետո ադրբեջանական պատվիրակության ղեկավար Սամադ Սեիդովի հիստերիկ սպառնալիքը եվրոպացի պատգամավորներին»: Ըստ նրա, Սեիդովի հիստերիկ պահվածքի պատճառով էր նաեւ, որ Ադրբեջանի կողմից վճարված քաղաքացիների մոտ արժանապատվության զգացում արթնացավ եւ հնարավոր եղավ Հայաստանի համար խիստ անընդունելի ձեւակերպումը, որը երբեւէ մեզ վերաբերող որեւէ փաստաթղթում չէր եղել, ուղղակիորեն ամբողջապես հանել: «Ադրբեջանը հիմա շանտաժ է անում, որ կլքի այդ կառույցը, բայց հասկանալի է, որ նրանք ԵԽԽՎ-ից դուրս չեն գա, այլ կփորձեն եռապատկել, քառապատկել իրենց ջանքերը՝ այդ գործին կցելով նաեւ թուրքական պատվիրակությանը»,- մեզ հետ զրույցում ասաց Զոհրաբյանը:

Ինչ վերաբերում է «Բռնության աճը Լեռնային Ղարաբաղում եւ Ադրբեջանի մյուս գրավյալ տարածքներում» խայտառակ վերնագրով զեկույցի հետագա ճակատագրին, Զոհրաբյանը ասաց. «Ակնհայտ է, որ եթե Ուոլթերը չշարունակի իր աշխատանքը որպես լորդ, ԵԽԽՎ քաղաքական հանձնաժողովը, որը գլխավորում է Ադրբեջանի հայտնի լոբբիստ, Իլհամ Ալիեւի մտերմուհի Դորա Բակույանիսը, եւ ողջ քաղաքական հանձնաժողովը, որտեղ Ադրբեջանի լոբբիստները գերակշիռ մաս են կազմում, ինչպես բոլոր հանձնաժողովներում, կանի առավելագույնը՝ Ռոբերտ Ուոլթերին արժանի իրավահաջորդ գտնելու համար, եւ բնականաբար՝ այդ իրավահաջորդը, ամենայն հավանականությամբ, կրկին կլինի Մեծ Բրիտանիայի պատվիրակությունից, որովհետեւ բրիտանացիները հրաշալի փորձ ունեն՝ ստորագրել արդեն իսկ պատրաստի զեկույցների տակ, ինչպես դա 2005 թվականին փառահեղորեն արեց Աթկինսոնը՝ 1416 բանաձեւի տակ ստորագրելով, ըստ էության, որեւէ առնչություն չունենալով այդ զեկույցի նախապատրաստման հետ»: Հիշեցնենք, 1416 բանաձեւը ԼՂ-ի վերաբերյալ մինչ այժմ ԵԽԽՎ ընդունած ամենախայտառակ փաստաթուղթն է, որտեղ հայկական կողմից պահանջվում է հայկական զորքերը դուրս բերել ադրբեջանական գրավյալ տարածքներից: Ի դեպ, «Բռնության աճը Լեռնային Ղարաբաղում եւ Ադրբեջանի մյուս գրավյալ տարածքներում» անվանումով զեկույցի հեղինակ Ռոբերտ Ուոլթերը, ում չէր հաջողվել պատգամավոր ընտրվել, ներկա է եղել ԵԽԽՎ ամառային նստաշրջանում եւ մասնավոր զրույցներում հայտարարել է, որ պատրաստ է աջակցել ԵԽԽՎ-ին՝ զեկույցի պատրաստման ընթացքում: Տեղեկություններ կան նաեւ, որ Ադրբեջանը փորձում է Ղարաբաղի վերաբերյալ նոր փաստաթուղթ դնել շրջանառության մեջ, որն անելու է մոնիտորինգի հանձնաժողովում Ադրբեջանի ջանքերով վերջերս ստեղծված ԵԽ անդամ երկրների միջեւ կոնֆլիկտների կարգավորման հարցով ենթահանձնաժողովի շրջանակներում:

Տպել
2481 դիտում

Որոշ կազմակերպություններ և անհատներ փորձեցին ուղղորդել ջավախքցիների քվեները․ հորդորում ենք կատարել ազնիվ ընտրություն

Առանց մամուլի ու փակ դռների հետևում. Բայդենն ու Էրդողանն առաջին դեմ առ դեմ հանդիպումն են անցկացրել

ԲՀԿ-ի մի խումբ երիտասարդներ փորձել են խոչընդոտել Նիկոլ Փաշինյանի գլխավորած երթը

Անհայտ անձինք ՄԻՊ-ի անունից մոտենում են մարդկանց՝ հարցերով, թե քաղաքական որ ուժին կամ անձին են ձայն տալու

Նուբարաշենի աղբավայրում շարունակվում են հրդեհաշիջման աշխատանքները (տեսանյութ)

Հրդեհ է բռնկվել Զաքյան փողոցում

Կոտայքի և Արագածոտնի մարզերում մեկնարկել է անտառային վնասատուների և հիվանդությունների դեմ ավիացիոն-քիմիական պայքարը

Կապանի քաղաքապետարանի մշակույթի կենտրոնի տնօրենը viber-ում աշխատակիցներին հրահանգել է մասնակցել Քոչարյանի քարոզարշավին

«Ոչ մի բախում». ըստ քաղաքագետի, «եթե ոմանք ընտրություններից հետո իրենց տեղը հանգիստ չնստեն, ուրիշ տեղ կնստեցնեն»

Ուզում ենք տեսնել առաջընթաց գրանցող Հայաստան․ Անահիտ Ավանեսյանը հանդիպել է Լին Թրեյսիի հետ

Ինչո՞վ ենք մենք երախտապարտ ցեղասպան Ռուսաստանին, քա՞ղցր է սպանողի ձեռքը. Վարուժան Ավետիսյան

Հայաստանի հանրային հեռուստաընկերության՝ ԿԸՀ-ին հասցեագրված գրության վերաբերյալ Հանաձնաժողովը դիրքորոշում է հրապարակել

Հեղափոխությունից հետո ես բերել եմ 20 մլրդ դոլար վարկ 1 տոկոսով, որը չեն ընդունել. Ծառուկյան

Քավոր-սանիկ լինելու փաստը շատ է շահարկվում, բայց մոռանում են՝ որպես թիմ ինչ հալածանքներ ենք կրել. Տավուշի մարզպետ

Բաքուն ինքնահաստատվում է ֆուտբոլի հաշվին. անպատժելիության հետևանքները

Մարտունու շրջանում չոր խոտատարածկ է այրվել․ կրակը տարածվել և մասնակի այրել է նաեւ բնակիչներից մեկի գարու արտը

Աստված ինձ երեք անգամ է կյանք տվել.19-ամյա Էրիկ Խաչատրյանն 8 ամսվա գերությունից հետո Հայաստան վերադարձածներից մեկն է

5 անշարժ գույք, «Niva-2121». ընտրակաշառքի գործով կալանավորված ԲՀԿ պատգամավորի թեկնածուի ունեցվածքը

Կառավարման համակարգը թևակոխել է թվայնացման նոր փուլ․ Տիգրան Ավինյան

ՀՀ ոստիկանության պետն իրավունք ունի պարգևատրելու բացառապես ոստիկանության ծառայողներին․ ոստիկանության պարզաբանումը

ԱԻ նախարարի մոտ քննարկվել են պետական ֆինանսավորմամբ հոգեբանական աջակցության ծրագրի առաջին փուլի արդյունքները

Արտակ Բեգլարյանը ԿԽՄԿ առաքելության ղեկավարի հետ քննարկել է Արցախում իրականացվող մարդասիրական ծրագրերը

Ընտրակաշառքի գործով կալանավորված Արմավիրի նախկին քաղաքապետը 55 հազար դոլար եւ 4 մլն դրամ ունի

Մարտունի ԲԿ-ից Ինֆեկցիոն հիվանդանոց տեղափոխվածների թիվը ավելացել է. նրանց վիճակը գնահատվում է թեթև և միջին ծանրության

Տեղի է ունեցել «Ա. Սպենդիարյան-150» հոբելյանական նամականիշի մարման հանդիսավոր արարողություն

Վազգենի արածն անելն այս փուլում եւ ընդհանրապես շատ դժվար գործ է. Արամ Սարգսյան

67-ամյա տղամարդը ձերբակալվել է 7-ամյա աղջնակի նկատմամբ սեքսուալ բնույթի բռնի գործողություններ կատարելու կասկածանքով․ ՔԿ

Հանքավանի հանգստյան գոտիներից մեկում՝ փոքր, կեղտոտ վանդակում, բանտարկված արջ է պահվում. ահազանգ (լուսանկար)

Առուշան Առուշանյանի վերաբերյալ գործի նախաքննությունն ավարտվել է (տեսանյութեր)

Ուսումնական հաստատություններում արգելվում է իրականացնել քաղաքական գործունեություն կամ քարոզչություն. ԿԳՄՍՆ

Վարդենիս-Մեծ Մասրիկ ավտոճանապարհին ավտոմեքենա է այրվել․ տուժածը տարբեր աստիճանի այրվածքներով հոսպիտալացվել է

Կրթական հաստատությունների ավարտական փաստաթղթերը շուտով այլեւս թղթային տարբերակով չեն լինի. Արտակ Պողոսյան

Երևանի կենդանաբանական այգում ծնվել է եվրոպական արու եղնիկ

Հունիսի 15-ին ՔՊ-ի քարոզարշավը կշարունակվի Սյունիքում․ Հանրապետության հրապարակից նախատեսվում է ավտոերթ

Քաղաքացիներն իրենց քվեարկությամբ կարող են ստիպել «Հոկտեմբերի 27-ի» գործի կազմակերպիչներին պատասխան տալ. Փաշինյան

ՏԻՄ ներկայացուցիչներն այցելել են դիրքեր (լուսանկարներ)

Երևանի տրանսպորտային բոլոր թունելների լուսավորությունն արդիականացվել է

Վաղը 3751 դիմորդ միասնական քննություն կհանձնի «Հայոց լեզու» առարկայից

Մայր Աթոռն արձագանքել է Նիկոլ Փաշինյանի հայտարարություններին

Ինչու են ընտրությունները կենաց-մահու կռվի վերածվել. քաղաքագետը՝ 2-րդ փուլի հավանականության, հնարավոր բախումների մասին