Ծառուկյա՞նը Ղալումյանին չի ասել՝ ՀՀԿ մտի

21/08/2015 schedule15:07

Իջեւանի քաղաքապետի թեկնածու, գործող քաղաքապետ, նախկին ԲՀԿ-ական Վարդան Ղալումյանը, որը վերջերս անդամագրվեց ՀՀԿ-ին, երեկ մեզ հետ զրույցում հայտարարեց, թե համոզված է, որ սեպտեմբերի 13-ին նշանակված ընտրություններում մյուս թեկնածուն՝ ՀՀԿ անդամ, Իջեւանի նախկին քաղաքապետ Վարուժան Ներսիսյանը վերջին պահին հանելու է իր թեկնածությունը: 

- Պարոն Ղալումյան, ճի՞շտ է, որ ԲՀԿ նախկին նախագահ Գագիկ Ծառուկյանն է ձեզ ասել, որ ՀՀԿ մտնեք:

- Ոչ, նման բան չկա:

- Իսկ ինչո՞ւ անդամագրվեցիք ՀՀԿ-ին, նախորդ ընտրություններում ԲՀԿ-ն եւ բոլոր ոչ իշխանական ուժերը ձեզ սատարեցին, դուք հաղթեցիք ՀՀԿ-ական գործող քաղաքապետ Վարուժան Ներսիսյանին, եւ բոլորը հայտարարում էին, որ իշխանափոխությունը սկսվում է Իջեւանից:

- Մինչ ԲՀԿ մտնելը ես աշխատել եմ ՀՀԿ-ի հետ տեղական իշխանությունում եւ շատ լավ հարաբերություններ ունեի: ԲՀԿ-ից դուրս գալուց հետո 5-6 ամիս անկուսակցական էի, հետո մտածեցի, որ քաղաքապետը քաղաքական պաշտոն է եւ պետք է կուսակցության մեջ ընդգրկվեմ, որոշեցի ՀՀԿ-ին անդամագրվել: Իսկ նախորդ անգամ, երբ թեկնածությունս առաջադրեցի, ինձ ե՛ւ դաշնակցությունն է սատարել, ե՛ւ ՕԵԿ-ը, եւ ՀԱԿ-ը, ե՛ւ հանրապետական կուսակցության իմ բազմաթիվ ընկերներ, որովհետեւ ընկերությունը ամենաբարձր մակարդակն է:

- Հիմա է՞լ են աջակցելու:

- Իհարկե: Իջեւանի բնակչությունը փոքր է, բոլորը իրար ճանաչում են, բոլորի արժանիքներն էլ գիտեն, հնարավորություններն էլ, ազնվությունն էլ, ընտրության ժամանակ ամեն մարդ մտածում է, որ իր քվեով որոշում եմ իր երեխայի ճակատագիրը, իր քաղաքի ապագան, ու կատարված աշխատանքների գնահատականն է իրականում տալիս: Ընտրություններից հետո արդյունքները կերեւան:

- Վարուժան Ներսիսյանի առաջադրմանը սպասո՞ւմ էիք, թե՞ անակնկալ էր:

- Ինձ համար բացարձակ անակնկալ չէր, ես ամեն րոպե էլ սպասում էի, այլ ուրիշ թեկնածուներ էլ կարող էին առաջադրվել, դա իրենց սահմանադրական իրավունքն է:

- Սպասվում է, որ Իջեւանում թեժ պայքար է ընթանալու, խոսվում է, որ Վարուժան Ներսիսյանին սատարելու է Տավուշի նախկին մարզպետ Արմեն Ղուլարյանը, տեղյա՞կ եք այս խոսակցություններից:

- Այդ ինֆորմացիան սուտ է, նախկին մարզպետը սատարում է ինձ:

- Իսկ ո՞վ է սատարում Ներսիսյանին, նրա հետեւում ինչ-որ մեկը կա՞:

- Չեմ կարող ասել, ես նման ինֆորմացիա չունեմ:

- Հիմա, փաստորեն, դուք երկու հանրապետականներով պայքարելու եք միմյանց դեմ, այսինքն, ներհհկ-ական պայքա՞ր է գնում, ինչ-որ խնդիրներ կա՞ն ներսում:

- Ես առաջադրված եմ հանրապետական կուսակցության կողմից, ինքը ինքնառաջադրվել է:

- Հնարավո՞ր է նրան հեռացնեն ՀՀԿ շարքերից, ինչպես Աբովյանում Պալաչին հեռացրին:

- Այդ հարցին ես չէ, որ պիտի պատասխանեմ:

- Ըստ ձեզ, ինչո՞ւ Վարուժան Ներսիսյանը, որը 4 անգամ եղել է Իջեւանի քաղաքապետ եւ այժմ էլ կադաստրի պետական կոմիտեի Տավուշի ստորաբաժանման ղեկավարն է, կրկին առաջադրվեց:

- Այդ հարցը իրեն տվեք: Մի քանի մարդիկ կան, որոնք, ինձ թվում է, փորձում են մարդկանց մեջ լարվածություն ստեղծել: Քաղաքը խախանդ, նորմալ տրամադրված, չարության մթնոլորտ չկա, միայն կամեցողություն է, ամեն հարցում մեկը մյուսին սատարում է, ընտրությունները, գիտեք, ավելորդ լարվածություն են ստեղծվում: Մարդիկ ունեն բարեկամ, հարազատ, մտերիմներ, որոնք չեն կարող իրենց բարեկամին թողած, մյուս թեկնածուին սատարել...: Բայց ես հավատացնում եմ, որ հաջողությամբ իմ ընտրվելուց հետո քաղաքում նույն խաղաղ մթնոլորտն է լինելու, քաղաքապետարանի դռները բաց են լինելու ե՛ւ իմ ընտրողների առջեւ, ե՛ւ նրա:

- Այսինքն, նա կարո՞ղ է նման մթնոլորտ ստեղծել:

- Դե, կարող է դա մտադրություն է, որ լարվածություն ստեղծվի, բայց  բոլորն էլ գիտակցում են ամեն ինչ:

- Իսկ իրեն ի՞նչ է տալու այդ լարվածությունը, այսինքն, որ նախորդ անգամ պարտվել էր, ուզում եք ասել, հիմա վրե՞ժ է ուզում լուծել:

- Մարդու հոգեբանություն է, մարդ, որը մի անգամ չի ընտրվել, երկրորդ անգամ իր թեկնածությունը առաջադրում է, ստացվում է վրեժ լուծել: Նաեւ հնարավոր է, առաջադրվել է իր մասին հիշեցնելու համար:

- Ասում են, այս ընթացքում դուք եւ Վարուժան Ներսիսյանը ինչ-որ խնդիրներ եք ունեցել իրար հետ՝ հողի հարց, դատական գործեր, լարվածություն ...

- Ճիշտն ասած, նախկին քաղաքապետի մտերիմ մի լրագրողուհի կա, նրա միջոցով սուտի-մուտի ինֆորմացիաներ են տարածում, փորձում են ինձ ներքաշել, շեղել, բայց լուրջ բան չեմ տեսնում, դա բացարձակ նշանակություն չունի:

- Շանսերն ինչպե՞ս եք գնահատում:

- Ես իրեն մրցակից չեմ համարում, ընտրությունները կլինեն, կավարտվեն, կհամոզվեք: Չեմ  էլ կարծում, որ մինչեւ վերջ կմնա: Բացարձակ շանս չունի անցնելու:

- Այսինքն, կարող է հանի՞ թեկնածությունը:

- Ես հաստատ համոզված եմ, որ հանելու է:

- Կարող է ՀՀԿ-ն համոզի՞:

- Կարծում եմ, ինքը կհասկանա, որ իր մնալու անհրաժեշտությունը չկա, որովհետեւ վերջիվերջո կհասկանա, որ ձայն չունի, եթե նախորդ անգամ 3500 ձայն էր հավաքել, կարող է այս անգամ դրա 25 տոկոսը հավաքի: Եւ եթե այդպես լինի, շատ ամոթալի կլինի: Մարդիկ կարողանում են համեմատել կատարված աշխատանքը:

- Այսինքն, ի հեճուկս բոլոր կանխատեսումների, որ Իջեւանում թեժ պայքար է լինելու, ինչպես նախորդ անգամ, դուք նման կանխատեսումներ չունե՞ք:

- Ես նախորդ անգամ էլ այդքան թեժ պայքար չեմ տեսել: Թեժ պայքարը 1700 ձայնի տարբերությամբ չի լինում: Ձայների տարբերությունը փոքր է լինում: Բայց 1700 ձայնի տարբերությունը ի՞նչ թեժ պայքար:

Տպել
3715 դիտում

Արմեն Փամբուխչյանը կզբաղեցնի ԱԻ փոխնախարարի պաշտոնը

Նոր Նորք վարչական շրջանի Վերածննդի այգին բարեկարգվում է, ջրագծի անցկացման աշխատանքներ են տարվում

Դատարանը Միքայել Մինասյանին կալանավորելու որոշում կայացրեց

Չեմ կարծում, որ կհաջողվի հանրային մոբիլիզացիա ապահովել. Ռուբինյանը՝ սպասվող հանրահավաքի մասին

Պոմպակայանի հոսանքազրկման պատճառով սեպտեմբերի 23-ին 6 ժամով կդադարեցվի Արմավիրի մարզի Ակնալիճ գյուղի ջրամատակարարումը

«Այս անիմաստ դատը երկար է տեւելու, զբաղվեք ավելի կարեւոր գործերով». Քոչարյանը՝ իր աջակիցներին

Աղամալ Հարությունյանի դատավճռի բեկանման և գործը նոր քննության ուղարկելու որոշումը բողոքարկվել է Վճռաբեկ դատարան

Սուրեն Պապիկյանը ելույթ է ունեցել ԱԷՄ գործակալության Գլխավոր համաժողովին, հանդիպել ՌՈՍԱՏՈՄ կորպորացիայի տնօրենին

Շրջակա միջավայրի նախարարությունը նոր գլխավոր քարտուղար ունի. ներկայացրել է նախարարը

ԱԱԾ-ն բացահայտել է Արաբկիրի նախկին ղեկավարի կողմից կոռուպցիոն մեխանիզմներով կեղծիք կատարելու, խարդախության դեպք

Շիրակի ՄՓՎ 25 աշխատակիցներ պարգևատրվել են մասնագիտական բարձր պատրաստականության և բարեխիղճ ծառայության համար

«Լուսավոր Հայաստանը» չի սպասում, որ մեկը մի բան հայտարարի, վազի միանա այդ հայտարարությանը. Էդմոն Մարուքյան

«Բյութի օֆ Արմենիա տուր» տուրիստական գործակալության տնօրենի նկատմամբ հայտարարվել է հետախուզում

ՀՊՏՀ դասախոսներն ու ուսանողները բողոքի ցույց էին անում. պահանջում են Դիանա Գալոյանին հաստատել ռեկտորի պաշտոնում

Արամ Ա կաթողիկոսը Անկախության տոնի առթիվ շնորհավորական ուղերձ է հղել Արմեն Սարգսյանին

Հայոց բանակը տարածաշրջանում խաղաղության պահպանման գործում գլխավոր դերակատարում ունի. հանդիպում ՊՆ-ում

Ո՛չ ցեղասպանություններին, այլեւս երբեք. «105 ռոյալ» նախագիծը չի չեղարկվել, այն կարող է Գինեսի գրքում գրանցվել

«Տուֆտուֆիկ»-ի հետ միասին երեխաները ստանում են սեփականության վկայական՝ տան հատակագծով. Սեւակ Մարկոսյան

ԱԺ պատգամավոր Սուրեն Գրիգորյանը գործադիր չի գնա

ԲՀԿ-ն, ՀՅԴ-ն ու «Հայրենիք»-ը ծանուցում են Ազատության հրապարակում սպասվող համապետական հանրահավաքի մասին