«Քաղաքացիական պայմանագիրը» հավակնում է դառնալ Հայաստանի միակ ընդդիմությունը

31/05/2016 schedule10:26

Երեկ «Քաղաքացիական պայմանագիր» կուսակցության անդամները նշում էին իրենց կուսակցության հիմնադրման մեկ տարին:

Անցյալ տարի մայիսի 30-ին Երեւանի «Էլիթ փլազա» համալիրում տեղի ունեցավ կուսակցության հիմնադիր համաժողովը, որի ժամանակ ընդունվեց  կուսակցության ծրագիրը եւ ընտրվեց Վարչությունն ու Վերահսկող հանձնաժողովը: Վարչությունը 13 անդամից է բաղկացած, որոնց թվում են պատգամավոր Նիկոլ Փաշինյանն ու «Սասուն» ջոկատի հրամանատար Սասուն Միքայելյանը: Կուսակցության կազմում այլ հայտնի քաղաքական դեմքեր չկան: Փոխարենը այս կուսակցությունը հարուստ է մինչ կուսակցական դառնալը ակտիվ քաղաքացիական կյանք վարած եւ հասարակական սեկտորում հեղինակություն վայելող երիտասարդ դեմքերով: Վերջիններս երեկ օրը սկսել էին «ֆեյսբուքում» իրենց կուսակցությանը նվիրված շնորհավորական գրառումներով, ու նրանց մեծ մասի գրառումներում մեկ ընդհանրություն կար. բոլորը զարմացած էին, որ դարձել են կուսակցական:

Ավելի ուշ կուսակցության կայքէջում կուսակցության մեկամյակին նվիրված տեղեկատվություն հայտնվեց, որտեղ ասվում էր, որ կուսակցությունը թեեւ որոշակի դժվարություններով, բայց շարժվում է իր առաջ դրված խնդիրների լուծման ուղղությամբ:

«Քաղաքացիական պայմանագիր» կուսակցությունն այս պահին ունի շուրջ 20 տարածքային կազմակերպություն, կուսակցականներ եւ համախոհներ Հայաստանի բոլոր մարզերում, շատ համայնքներում, իրականացրել է մոտ 100 այց Հայաստանի բոլոր մարզեր, ՔՊ պատվիրակությունը եղել է Սփյուռքում՝ ներքաղաքական զարգացումներում մասնակից դարձնելով նաեւ արտերկրում գտնվող մեր հայրենակիցներին»,-ասվում էր հաղորդագրության մեջ:

Երեկ մեր հարցերին պատասխանեց կուսակցության վարչության նախագահ Արայիկ Հարությունյանը:

- Պարոն Հարությունյան, կուսակցության 1-ամյակին նվիրված ձեր հաղորդագրության մեջ դժվարությունների մասին է խոսվում: Որո՞նք են այդ դժվարությունները:

- Առաջին հերթին դրանք կապված են ռեսուրսների ներգրավման հետ: Մենք ասել ենք, որ ձեւավորում ենք ինստիտուցիոնալ ընդդիմություն, որն ունի մի շարք կարեւոր բաղադրիչներ: Այն, ինչ որ ասում ենք, որոշակի իմաստով նոր է մեր իրականության համար: Ընդդիմությունը մեզանում նախկինում սկսել է ակտիվանալ ընտրություններից մի քանի ամիս առաջ, եւ այդ տրամաբանությունը մեր հանրության համար հասկանալի է եղել: Հասարակությունը պատրաստ է եղել այդ մի քանի ամիսների ընթացքում ակտիվ մասնակցություն ցուցաբերել: Մենք ասում ենք, որ ընտրություններին պետք է սկսել պատրաստվել հաջորդ ընտրություններից անմիջապես հետո: Սա հասարակության համար բավականին խորթ է եւ այս առումով, այնուամենայնիվ, մենք խնդիրներ ունենք: Մարդիկ սովորել են նախկին տրամաբանությանը՝ ակտիվանալ վերջին ամիսներին:

- Ձեր հաղորդագրության մեջ նաեւ թվեր էիք նշել, չէիք նշել, սակայն, թե կուսակցության անդամների թիվը այս մեկ տարվա ընթացքում որքան է դարձել: Միտումնավո՞ր եք բաց թողել: Եթե կարելի է՝ հրապարակեք այն:

- Միտումնավոր չէինք բաց թողել: Այս պահին ունենք ավելի քան 2000 անդամ, բայց այս առումով ես կուզեի մի շեշտադրում անել. կուսակցությունը մարդկանց ամեն կերպ ներգրավելու արշավ չի իրականացնում: Շատ ավելի արդյունավետ է, երբ մարդիկ գաղափարապես են գալիս: Այս գործընթացը, կարծում եմ, ավելի մեծ թափ կստանա առաջիկա  ամիսների ընթացքում, երբ աշնանը ՏԻՄ, ապա նաեւ՝ համապետական ընտրություններին ավելի շատ կմոտենանք: Այս առումով նաեւ կկարողանանք լուծել 6000 վստահված անձերի ներգրավման խնդիրը, որը մեր հիմնական նախագծերից մեկն է եւ մարդկային բավականին մեծ ռեսուրսներ է պահանջում:

- Պարոն Հարությունյան, այս մեկ տարվա ընթացքում էլի են նոր կուսակցություններ ստեղծվել, գուցե դեռ էլի կստեղծվեն, ո՞րն է երաշխիքը, որ ձեր կուսակցությունը այդ իմաստով չի լինի հերթականը:

- Այս մեկ տարվա ընթացքում գործընթացները այնպես են գնում, որ որեւէ միտում չկա, թե «Քաղաքացիական պայմանագիրը» կդառնա հերթականը: Իհարկե, բավականին մեծ ջանք ու եռանդ է պահանջվում, բայց կուսակցության վարչությունում եւ կուսակցականների մեջ կա կամք մեր բոլոր նախագծերն ու ծրագիրը կյանքի կոչելու համար:

Մեկ տարեկան այս կուսակցության ծրագրերն ու առհասարակ քաղաքական բառապաշարը բավական հավակնոտ են: Կուսակցության հիմնարար փաստաթղթով անդամագրվողները պարտավորվում են չարտագաղթել Հայաստանից, իսկ  կուսակցության ծրագրում կարեւորվում է Հայաստանից  տեսանելի արտագաղթի դադարեցումը, «Հին եւ Նոր Սփյուռքը ներկայացնող հայերի՝ դեպի Հայաստանի Հանրապետություն հայրենադարձության հարաճուն գործընթացի հարուցումը»: Կուսակցության ծրագրում է նաեւ «իշխանությունը ստանձնելու ընդունակ հասարակական-քաղաքական թիմի ձեւավորումը եւ այդ թիմի կողմից իշխանության եւ դրանից բխող պատասխանատվության ստանձնումը՝ սույն պայմանագրում շարադրված խնդիրների իրականացման նպատակով»:

Իսկ կուսակցության վարչության անդամ, պատգամավոր Նիկոլ Փաշինյանը Ազգային ժողովի ամբիոնից վերջերս հայտարարեց, որ Հայաստանում պետք է լինի մեկ ընդդիմություն, եւ իրենց կուսակցությունը հավակնում է դառնալ այդ ընդդիմությունը: Նախօրեին Փաշինյանը հյուրընկալվել էր Սաթիկ Սեյրանյանի «Ռէվոլյուցիա» հաղորդմանը, որի ժամանակ պարզաբանեց, թե ինչ նկատի ունի մեկ ընդդիմություն ասելով: «Հայաստանում 20-ամյա քաղաքական օրակարգի հարց է, թե ինչ պետք է լինի, որպեսզի տեղի ունենա իշխանափոխություն: Այդ հարցի պատասխանը մենք գտել ենք, կամ մենք առաջարկում ենք հանրությանը հետեւյալ բանաձեւը. պետք է գոյություն ունենա այնպիսի մեկ ընդդիմություն, որ հանրությունը ընդդիմություն ասելով՝ հասկանա կոնկրետ ուժի»,- ասաց նա: Հարցին, թե ժողովուրդը ինչպես պետք է կողմնորոշվի` որն է այդ մեկ ընդդիմությունը, որն է կեղծ ընդդիմությունը,  Փաշինյանի պատասխանից, ըստ էության, բխում էր, որ ժողովուրդը ամեն ինչ շատ լավ գիտի, քանի որ երրորդ հանրապետության պատմության ընթացքում  քաղաքական պրոցեսները տեղի են ունեցել բոլորի աչքի առաջ:

Կուսակցության ծրագրում կուսակցության անդամի պարտավորությունների 3. բ) կետը սահմանում է. «Հայաստանի Հանրապետության, Լեռնային Ղարաբաղի Հանրապետության դեմ լայնածավալ ռազմական հարձակման պարագայում, ըստ անհրաժեշտության, զինվորագրվել Հայրենիքի պաշտպանության գործին, ինչը նշանակում է՝ որպես կամավոր մեկնել ռազմական գործողությունների գոտի կամ զբաղված լինել գործունեության այնպիսի տեսակով, որն ուղղակիորեն ծառայում է Հայաստանի ռազմական հաջողության ապահովմանը»:  Հիշեցնենք, մայիսի 20-ին «ՔՊ»-ի ֆեյսբուքյան էջում լուր տեղադրվեց, որ կուսակցության կամավորական ջոկատը ՀՀ ԶՈՒ N զորամասում մարտական-մարտավարական վարժանք անցնելուց հետո զինվորական առաջադրանք է իրականացրել ԼՂՀ ՊԲ առաջնագծում: Նիկոլ Փաշինյանն էլ իր ֆեյսբուքյան էջով հայտնեց, որ Մարտակերտի խրամատներում բանաստեղծություն է գրել: Ստորեւ ներկայացնում ենք բանաստեղծությունը՝ կից գրառմամբ.

«Այս բանաստեղծությունը, որ ծնվել է ԼՂՀ Մարտակերտի շրջանի տարածքում գտնվող մեր խրամատներում, որտեղից երեւում էր Տիգրանակերտը (նաեւ Միրբաշիրը)` նվիրում եմ Հայոց բանակին, Ղարաբաղյան ազատամարտի բոլոր մասնակիցներին եւ նահատակներին:

Հայոց զորքը հարթավայրում 

Տիգրանի քաղաքի լանջերից
Հորիզոնն է ծփում անսահման,
Դարեր անց մենք այստեղ ենք նորից,
Մենք կանգնած ենք հեռվին հանդիման։

Մեր սարերը, մեր բախտն ու մեր լացը,
Մենք ճեղքել ենք, հաղթել ենք նրանց,
Հորիզոնը այստեղ, մեր դիմաց է,
Թիկունքում` մեր արտերը կանաչ։

Մեր հայացքը այլեւս ազատ է,
Ոչ մի պատ չի բանտում միտքը մեր,
Հեռուները մոտիկ, հարազատ են,
Մենք զինվոր ենք, հաղթող ենք ու տեր։

«Այս հողի մեջ ոգուս զարկերակն է,
Այս հողով իմ արյունն է հոսում։
Ես պատռել եմ զոհի հին կտակը,
Հաղթողի նոր խոսքեր եմ խոսում.

Մեր հայացքը այլեւս ազատ է,
Ոչ մի պատ չի բանտում միտքը մեր,
Հեռուները մոտիկ, հարազատ են,
Մենք զինվոր ենք, հաղթող ենք ու տեր»։

Արցախ, 19 մայիսի, 2016թ.»:

«Ռէվոլյուցիա»-ի ժամանակ խոսելով այս բանաստեղծության մասին, Փաշինյանն ասաց, որ դրա ամենակարեւոր միտքը հետեւյալն է. Ռոբերտ Աբաջյանը եւ մյուս զոհված տղաները, ովքեր ապրիլյան պատերազմի ժամանակ կասեցրել են աշխարհաքաղաքական մեծ դավադրություն ընդդեմ Արցախի եւ Հայաստանի, ովքեր հաղթել են ԱՄՆ-ին, ՌԴ-ին, ԵՄ-ին եւ Թուրքիային, հերոսությունից առաջ իրենց գիտակցության մեջ ճեղքել են փոքրության կոմպլեքսը.

«Եթե իրենց գիտակցության մեջ նրանք լինեին փոքր, խեղճ, անօգնական ազգի եւ պետության ներկայացուցիչ, նրանք դա չէին կարողանա անել, եւ նրանց անձնազոհությունը մեզ պետք է ստիպի եւ պարտադրի, որ մենք ճեղքենք փոքրի պատնեշը: Մենք փոքր չենք այլեւս, եւ այդ տղաները  մեր ազգի, ժողովրդի մեծության վկայությունն են»:

Հ.Գ. «ՔՊ»-ի անդամները մեկամյակի առիթով  երեկ  իրենց համակիրներին շնորհավորեցին հատուկ ֆոտոսեսիայով:

Տպել
5036 դիտում

Սև լիճ տեղանքում ադրբեջանական գործողություններն անհանդուրժելի են, դա ոտնձգություն է ՀՀ տարածքի նկատմամբ. Նիկոլ Փաշինյան

Շնորհակալություն, որ անաչառ եք. Շիրակի մարզպետն ամփոփեց աշխատանքային 100 օրը

Արբեջանական զինվորականների ներկայությունը Սև լճի տարածքում կոպտորեն խախտում է ՀՀ սահմանային բնակիչների իրավունքները․ ՄԻՊ

ВАЗ 2107 մակնիշի ավտոմեքենան մխրճվել է ՊՆ-ին պատկանող բեռնատարի մեջ․ կան վիրավորներ․ Shamshyan

Գազայում ավերվել է 16-հարկանի երկնաքերը. պաղեստինա-իսրայելական հրթիռակոծությունները չեն դադարում (տեսանյութ, լուսանկար)

Նիկոլ Փաշինյանի գլխավորությամբ տեղի է ունենում Անվտանգության խորհրդի նիստ

Տավուշում հանգիստ է․ Ստյոպա Սաֆարյանը գտնվել է «թուրքի պոստից» 300-500 մետր հեռավորության վրա

Ոսկեպար-Բաղանիս-Ոսկեվան սահմանային հատվածում կրակահերթեր տեղի չեն ունեցել. Info chechk

Դուք վստա՞հ եք, որ վառելիք չկար. եթե «Երեւանի ավտոբուս» ՓԲԸ-ն պարտքը չտա, «ՍԻՓԻԷՍ ՕԻԼ» ՍՊԸ-ն կդիմի դատարան

Սյունիքի մարզպետարանը հորդորում է մարզպետին չվերագրել խոսքեր, որոնք իրականում նա չի ասել

Հայտնի են Չեմպիոնների լիգայի և Եվրոպայի լիգայի եզրափակիչների մրցավարական կազմերը

Նիկոլ Փաշինյանը դատապարտելի է համարել Ադրբեջանի կողմից եռակողմ հայտարարությունների խախտման փորձերը

Սերգեյ Շոյգուն բանակցություններ է վարել Հայաստանի պաշտպանության նախարարի հետ

Երկրորդ զորամիավորումում մեկնարկել են հրամանատարաշտաբային զորավարժություններ

Աչքերս փակ, թե բաց, միշտ բարի լույս եմ ասելու իմ քաղաքին. Գյումրին հրաժեշտ տվեց Հասմիկ Կիրակոսյանին (լուսանկարներ)

Ադրբեջանցիների կողմից մեր ջուրը թունավորելու մասին լուրերը կեղծ են. Սիսիանի ԲԿ տնօրենը՝ վարակի հարյուրավոր դեպքերի մասին

ՄԻԵԴ Մեծ պալատը կքննի Հայաստանի և Ադրբեջանի փոխադարձ բողոքները

Ծանրամարտի երիտասարդների աշխարհի առաջնությունում Հայաստանի 7 ներկայացուցիչ հանդես կգա

Արարատ Միրզոյանի գլխավորած պատվիրակությունը հանդիպել է Լիտվայի վարչապետ Ինգրիդա Շիմոնիտեին

Կառավարությունը ԱԱԾ-ին Կապանում եւ Գորիսում հողամասեր կհատկացնի պաշտպանության ամրապնդման համար

Քիչ առաջ եմ իջել Սեւ լճից. ադրբեջանցիները մտածված եկել, սահմանը խախտել են, հիմա պիտի գնան իրենց տեղերը. Սյունիքի մարզպետ

«Ձեր ներկայությունը մեզ ուժ է տալիս». քաղաքապետը Աղվան Չատինյանին հանձնել է Երևանի պատվավոր քաղաքացու կոչումը

Հայաստանի և Վրաստանի ԱԳ նախարարներն անդրադարձել են տարածաշրջանային անվտանգության և փոխկապակցվածության հարցերի

«Դոն Պիպոյի» թիկնապահի սպանության գործով խուզարկություն Այգեշատի գյուղապետի տանը, հայտնաբերվել է թմրանյութ.shamshyan.com

Ժողովուրդը պետք է հստակ ասի «ոչ» բոլոր ժամանակներում երկիրը ապականած և ապագան վիժեցրած ուժերին․ Նորայր Նորիկյան

5-րդ զորամիավորումում հայտարարվել է ուսումնական տագնապ․ ՊՆ

Քաղաքական հայտ ներկայացրած բանդան պետության ներսում կազմակերպված մեդիաօպերացիա է իրականացնում ժողովրդի դեմ. Հովհաննիսյան

Առաջարկվում է աշխատողին արձակուրդ տրամադրել նաեւ մինչեւ վեց ամիս լրանալը, արձակուրդ չտրամադրելու դեպքում տուժանք վճարել

Տիգրան Ուրիխանյանը և Արա Աբրահամյանն այսօր հուշագիր կստորագրեն․ Աբրահամյանը «Ալյանս» կուսակցության ցուցակո՞ւմ կլինի

Վրաստանի վարչապետ Իրակլի Ղարիբաշվիլին Տիգրան Ավինյանի հետ այցելել է Ծիծեռնակաբերդ

ԶՈՒ ԳՇ պատվիրակությունը Մոսկվայում մասնակցել է զորավարժության նախապատրաստման բանակցություններին

Կենտրոն վարչական շրջանը ղեկավար չունի. թաղապետին փոխարինողը ձերբակալված է, իսկ թաղապետն արձակուրդից չի վերադառնում

Մեղրաձոր համայնքի նախկին ղեկավարը չարաշահել է պաշտոնեական դիրքը․ քրեական գործն ուղարկվել դատարան

Առկա ամբողջ արտադրանքը կարտահանվի ԱՄՆ. Վահան Քերոբյանն այցելել է չրագործական ընկերություն և պիստակի այգի

Հայաստանի հետ սահմանին ադրբեջանցի է պայթել ականի վրա

Հայ-վրացական գործընկերությունը մեր տարածաշրջանում կայունության ապահովման կարևորագույն երաշխիքներից է. Նիկոլ Փաշինյան

«Իրազեկ քաղաքացիների միավորումը» ներկայացնում է նոր նախագիծ՝ Reforms.am կայքը

Արա Այվազյանն իր ռուս գործընկերոջը տեղեկացրել է Հայաստանի պետական սահմանին տեղի ունեցած վերջին միջադեպի մասին

Պետք է աջակցենք իրար մեր պետությունների զարգացումն ապահովելու գործում. Փաշինյանի և Ղարիբաշվիլիի առանձնազրույցը

«Քաղաքացիական պայմանագիր» կուսակցության Շիրակի մարզային շտաբը կղեկավարի Շիրակի մարզպետը. ի՞նչ պահանջներ են առաջադրված