Փաշինյանը ռազմաարդյունաբերական համալիրի զարգացման տարբերակ է առաջարկում (տեսանյութ)

Վերջին 10-12 տարիներին ՀՀ-ում 5-6 կառավարություն է փոխվել, բայց տնտեսական մոդելը չի փոխվել:

Այս մասին խորհրդարանում՝ 2017թ.-ի բյուջեի նախագծի քննարկմանն ասաց ԱԺ ընդդիմադիր պատգամավոր Նիկոլ Փաշինյանը՝ մանրամասնելով, թե որն է այդ մոդելը.

«Այն հիմնված է հետեւյալի վրա, որ մեր ընդերքը արտահանենք, քաղաքացիներին ուղարկենք խոպան, որ այնտեղից տրանսֆերտ ուղարկեն, ու այս 2 գործառույթից առաջացած գումարները դնենք շրջանառության մեջ»,- ասաց նա:

«Քանի դեռ այս տնտեսական մոդելն է գործում, պարզ է, որ ՀՀ-ի տնտեսությունը կախված է լինելու արտաքին շոկերից: Մի հարց է մնում պարզելու՝ հանքաքարի միջազգային գինը որքա՞ն է, քանի՞ հոգի է խոպան գնացել, ընդեղ գործերը ո՞նց են, ինչքա՞ն փող կուղարկի: Իրավիճակն այսպես է լինելու, քանի դեռ ՀՀ-ում չկա արդյունաբերություն»,- ասաց պատգամավորը:

Ըստ Փաշինյանի՝ առաջին հերթին պետք է  բնական ճանապարհով ռազմարդյունաբերությունը զարգացնել է, որի համար ռազմարդյունաբերական համալիրից Կառավարությունը գնումների ծավալը պետք է ավելացնի 1, 2, 3%-ի չափով:

«Այսինքն՝ պետք է Կառավարությանը պարտադրել, որ տեղում գտնի ռեսուրսներ եւ տեղում արտադրվի, պլյուս՝ 1-2 % պետք է տեխնոլոգիաների մշակմանը հատկացվի»,- ասաց Նիկոլ Փաշինյանը:

Պատգամավորն անդրադարձավ նաեւ հետախուզվողների խնդրին, որոնց մեծ մասը, ըստ պատգամավորի՝ բանակից խուսափողներն են, եւ որոնց զգալի մասը արտերկրում ուսում է ստացել եւ ներգրավված է բարձր տեխնոլոգիաների ոլորտում:

«Պետք է նոր մոտեցում ցուցաբերենք, գտնենք էդ մարդկանց եւ օրենքով ամրագրենք, որ օրինակ՝ 5 ամսվա, 6 ամսվա, մեկ տարի կամավոր ծառայություն են իրականացնում ռազմարդյունաբերության համալիրի համար, եւ ՀՀ-ն այդ մարդկանց հետ իր հաշիվները փակված է համարում»,- ասաց Փաշինյանը՝ հավելելով, որ այդ մարդիկ կարող են այդ գործն անել ոչ թե ՀՀ վերադառնալով, այլ օրինակ Բեռլինում՝ համակարգի դիմաց նստած: 

Պատգամավորը խոսեց սպառման անկման ցուցանիշների մասին, ըստ որոնց 2015-ին  6% անկում է եղել.
«Բայց ոչ մեկ չի ասում, որ 2012-ից հետո 31 մլրդ դրամ պետությունը հանել է բյուջեից ու տվել Ոստիկանության արտաբյուջե եւ մասնավոր ինչ-որ «Սեքյուրիթի դրիմ» ընկերությանը»,- ասաց նա՝ ընդգծելով, որ արագաչափերը ո՛չ տուժածների թվի, ո՛չ էլ երթեւեկության կանոնների վրա ոչ մի պոզիտիվ ազդեցություն չեն ունեցել:

«31 միլիարդ դրամ հանել ենք մարդկանց գրպանից, ի՞նչ պետք է աներ էդ մարդը, գնար թաղի խանութից առեւտուր աներ, ռեստորան գնար, չգիտեմ՝ ինչ-որ ռեալ տնտեսության մեջ ներդրում աներ: Մենք չենք թողել մարդուն էրեխուն կոշիկ առնի, ասել ենք չէ, պետք է Ոստիկանության արտաբյուջետային ֆոնդին փող տաս, որի կեսը գնա «Սեքյուրիթի դրիմին, կեսն էլ գնա՝ եսիմ ինչին»,- ասաց նա:
Նիկոլ Փաշինյանը խոսեց նաեւ  ծառայողական ավտոմեքենաների խնդրի մասին՝ ասելով, որ պետությունը դրա համար ավելի շատ փող է ծախսում, քան սահմանապահ գյուղերի՝ մոտ 200 մլն դրամ:
«Զարմանալի պետություն ենք՝ Երեւանի քաղաքապետարանի տրանսպորտի վարչության պետին ծառայողական մեքենա ենք տալիս, ասում ենք՝ գնա գործի, արի տուն: Մինչդեռ էդ մարդու աշխատանքն ավտոբուսի մեջ է, երթուղայինի մեջ է, բացատրեք՝ իրեն ինչի՞ ենք տալիս: Տրանսպորտի նախարարության պաշտոնյանին «Տոյոտա քեմրի» ենք տալիս, ասում գնա մարզ, իրա գործն էդ ավտոբուսների մեջ նստելն է, որ գնա տեսնի, ոնց են էդ մարդիկ գնում, գալիս: ՀՀ-ում պետք է 30-35 ծառայողական մեքենա լինի՝ հատուկ պահպանության ենթակա պաշտոնյաների համար»,- ասաց Փաշինյանը:

Ելույթի վերջում պատգամավորը խոսեց վարկավորման տոկոսների մտահոգությունների մասին.
«Շատ մտահոգություններ են հայտնվում, որ վարկավորման տոկոսները շատ ընկել են, վերջերս էլ լսել եմ, որ ընկերություններ կան, որոնք որոշել են հուղարկավորման ծառայությունների վարկավորում իրականացնել, եթե այդ որոշումն իրականացվի, կարծում եմ՝ վարկավորման տոկոսների կտրուկ աճ կունենանք»:

Տպել
25076 դիտում

Առաջիկա օրերին սպասվում է անձրև եւ ամպրոպ

850 հազար դոլարի ներդրում Կոտայքի մարզում (տեսանյութ)

Դատական համակարգի փոփոխությունը հանրային պահանջ է, հետեւաբար հակառակը լինել չի կարող․ Արթուր Ավագյան

Հրդեհ է բռնկվել Շիրակի մարզի Անուշավան գյուղի տներից մեկում. ամբողջությամբ այրվել է տան տանիքը

Հայաստանի ֆուտբոլի ֆեդերացիայի գործկոմը որոշումներ է ընդունել

Ոստիկանները Վանաձորում չարաշահումներ են բացահայտել․ համայնքին պատճառվել է մոտ 16․9 մլն դրամի վնաս

Հադրութի վարչակազմի ղեկավարն ազատվել է պաշտոնից. Բակո Սահակյանը ներկայացրել է նոր ղեկավարին

ՀՀ գլխավոր շտաբի պետն ընդունել է Կարմիր խաչի միջազգային կոմիտեի պատվիրակությանը

Փամբակ գյուղի բնակիչն ապօրինաբար ծառեր է հատել, օգտագործել տան ջեռուցման համար

Տաշիր համայնքում երեխաները հնարավորություն կունենան բացահայտել իրենց տաղանդները․ Սուրեն Պապիկյան

Վ․ Օսիպյանը խորհրդակցություն է անցկացրել ԿՀԴՊ եւ ՔՀ գլխավոր վարչությունների անձնակազմի հետ. տրվել են հանձնարարականներ

Սա Հայաստանի ժողովրդավարացման ժամանակն է. Լենա Նազարյանի հոդվածը՝ անցումային արդարադատության մասին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 120 անգամ

Երեւանի «Տաշիր Պիցցա» արագ սննդի կենտրոններից մեկում հրդեհ է բռնկվել

Ռոբերտ Քոչարյանն այսօր «Իզմիրլյան» բժշկական կենտրոնում է եղել

Շաբաթ օրը ստացված կարելի է համարել, քանի որ fake news-ի ֆաբրիկայի «հեղինակները» գերազանցեցին իրենց․ Աննա Նաղդալյան

Մարկ Փրիթչարդի հետ քննարկվել են բարձր տեխնոլոգիաների եւ ճանապարհաշինության ոլորտներում գործակցության հնարավորությունները

Ադրբեջանում հայերի նկատմամբ ռասիստական դրսեւորումներն անհնար դարձրին Մխիթարյանի մեկնելը Բաքու. ՀՀ ԱԳՆ մեկնաբանությունը

Համաշխարհային մաքսային կազմակերպության փորձագետները տպավորված են վերջին 10 տարիներին ՀՀ ՊԵԿ-ում տեղի ունեցած առաջընթացից

ՊԵԿ նախագահ Դավիթ Անանյանն արձակուրդ է գնում, նրան կփոխարինի Ռաֆիկ Մաշադյանը