ՎՏԲ բանկը Տիգրան Ուրիխանյանին 90 միլիոն դրամի վարկ է ներել. Անի Հովհաննիսյանի փաստաբան

Տարեմուտին Սերժ Սարգսյանի տված խոստումը, թե որեւէ լրագրող չի հետապնդվելու, իրականությանը չեն համապատասխանում: Լրագրողների հետ այսօր կայացած հանդիպման ժամանակ այս մասին ասաց Analitik.am կայքի խմբագիր Անի Հովհաննիսյանի փաստաբան Լիպարիտ Սիմոնյանը՝ հավելելով, որ կոնկրետ իր պաշտպանյալը հետապնդվում է:  

Պաշտպանի խոսքով՝ նա համարձակություն է ունեցել բարձրաձայնել ՎՏԲ ռուսական բանկի եւ դրանում ադրբեջանական կապիտալի մասին, ինչի համար այսօր անազատութան մեջ է:

Լիպարիտ Սիմոնյանը հիշեցրեց, որ սկզբում Անի Հովհաննիսյանին մեղադրանք էր առաջադրվել պատգամավոր Տիգրան Ուրիխանյանից եւ ոստիկանության գնդապետ Կարեն Բաբակեխյանից շորթումներ կատարելու համար: «Բայց իրականում Ուրիխանյանն ինքն էր ցանկացել համագործակցել կայքի հետ՝ բանկում ադրբեջանական կապիտալի վերաբերյալ նյութեր ներկայացնելով: Անիի հետ հանդիպումից հետո նա հայտարարել էր, որ խնդրի մասին պետք է խոսի նաեւ Ազգային ժողովում: Սակայն մենք հետո իմանում ենք, որ Տիգրան Ուրիխանյանին նշված բանկում 90 միլիոն դրամի վարկը ներվել է: Նախաքննական մարմինը, սակայն մերժել է հարցի առնչությամբ տվյալներ տրամադրել, ինչից հիմնավոր կասկածներ են ծագում, որ վարկը նրան ներվել է Անի Հովհաննիսյանի դեմ հայց ներկայացնելու համար»,- ընդգծեց պաշտպանը:

Լիպարիտ Սիմոնյանը հիշեցրեց նաեւ, որ Analitik.am կայքի խմբագրի նկատմամբ ՎՏԲ բանկի մեղադրանքի հիմքում դրված է միայն այն հանգամանքը, որ Անիի հետ որեւէ կապ չունեցող մարդիկ շորթման մասին ցուցմունք են տվել:

«Ամեն դեպքում, այս պահի դրությամբ գործն ուղարկվել է Կենտրոն եւ Նորք-Մարաշ վարչական շրջանների ընդհանուր իրավասության դատարան, սակայն դեռ դատական նիստ նշանակված չէ: Կարծում եմ՝ այս ամսվա ընթացքում առաջին նիստը կլինի: Գործը Կենտրոնի դատարանում է՝ դատավոր Արշակ Վարդանյանի վարույթում»,-տեղեկացրեց փաստաբանը:

Լրագրողներից մեկի հարցին՝ ինչ հիմքերով են, ի վերջո Անի Հովհաննիսյանին կալանքի տակ պահում, Լիպարիտ Սիմոնյանը պատասխանեց՝ առանց որեւէ հիմնավորման: Նա նաեւ շեշտեց, որ կայքը հիմա էլ շարունակում է աշխատել եւ հրապարակումներ կատարել ՎՏԲ բանկի եւ դրանում ադրբեջանական կապիտալի վերաբերյալ: Ընդ որում, այդ հրապարակումներում, ըստ պաշտպանի, վիրավորական կամ պատիվը նսեմացնող տարրեր չկան, այլ՝ զուտ ճշմարտություն:

Ասուլիսի ավարտին Անի Հովհաննիսյանի փաստաբանը հույս հայտնեց, որ դատարանն օբյեկտիվ եւ անկախ կլինի, քան քննչական մարմինը եւ զերծ կմնա ՎՏԲ բանկի ճնշումներից:

Հիշեցնենք, որ Անի Հովհաննիսյանը մեղադրվում է ՀՀ ԱԺ պատգամավոր Տիգրան Ուրիխանյանից շորթում կատարելու մեջ: Ինչպես նաեւ ըստ մեղադրանքի՝ լինելով «Անալիտիկ» լրատվական կայքի տնօրեն, շորթում կատարելու ուղղակի դիտավորությամբ լրատվական կայքի գովազդի գծով պատասխանատու Ինգա Կիրակոսյանին օգտագործելու միջոցով կատարել է խոշոր չափերի շորթում` «ՎՏԲ Հայաստան բանկ» ՓԲ ընկերության օրինական շահերին էական վնաս պատճառող տեղեկություններ հրապարակելով եւ նման տեղեկություններ հրապարակելու սպառնալիքով հիշյալ ընկերությունից պահանջել է խոշոր չափի` 1 մլն դրամ գումար:

Անի Հովհաննիսյանը չի ընդունում իրեն առաջադրված մեղադրանքները: Նա կալանքի տակ է գտնվում 2016 թվականի մայիսից՝ «Աբովյան» քրեակատարողական հիմնարկում:

Տպել
7888 դիտում

ՃՏՊ Իոսիֆյան փողոցում. տուժածի վիճակը կայուն ծանր է

Արտակարգ դրությամբ պայմանավորված, Ստեփանծմինդա-Լարս ավտոճանապարհը բաց է միայն բեռնատարների համար

Ստեփանավանի դենդրոպարկի մուտքի մոտ սահմանափակումներ են դրվել. նախօրեին 10 000 մարդ էր այցելել այնտեղ (լուսանկարներ)

Գեղարքունիքի մարզում կորոնավիրուսի 6 նոր դեպք է հաստատվել

Մինչ այս քրեական հետապնդման մարմինների կողմից իրականացված գործողությունները եղել են ու մնում են իրավաչափ. Գոռ Աբրահամյան

Շիրակի մարզում առաջին անգամ սոյա կմշակվի. ծրագիրը փորձնական է

Անցյալի եւ ապագայի միջեւ գիծ պետք է քաշվի, պետք է հասկանալ՝ ինչ է տեղի ունեցել 1996-ին, 1999-ին, 2008-ին...Ա. Ջուլհակյան

Երևանում տերմինալներից գողություն կատարողների խումբ է բռնվել. ձերբակալվել են 22 և 26-ամյա երկու երիտասարդներ

Այգեձոր բնակավայրի «Այգեձորի գոմեր» կոչվող հանդամասում մոտ 5 հա խոտածածկ տարածք է այրվել

ՍԱՏՄ մշտադիտարկումներն ու կրկնայցերը Երեւան քաղաքում. կրկնակի խախտում է թույլ տվել 2 կազմակերպություն

Նախագահը կրթության փորձագետ Անահիտ Բախշյանի հետ խոսել է Լանզարոտի կոնվենցիայի վերաբերյալ իր մտահոգությունների մասին

Հյուրանոցային համալիրի սեփականատիրոջ կազմակերպմամբ տնօրենին զրկել են ազատությունից, ապա ունեզրկել

Ոստիկանությունում Ռուբեն Հայրապետյանին առնչվող նոր քրեական գործ է հարուցվել

Առողջապահության նախարարը հանդիպել է ՀՎԿԱԿ-ի մասնաճյուղերի տնօրեններին

Գալուստ Սահակյանի որդին ներգրավվել է որպես մեղադրյալ ՔԿ-ում քննվող քրեական գործով

Սննդի անվտանգության տեսչական մարմինը մշտադիտարկումներ է իրականացրել Երեւանում․ հայտնաբերվել են մի շարք խախտումներ

ԱԻՆ-ը շրջայց է իրականացնում ՀՀ տարածքում (Տեսանյութ)

ՀՀ վարչապետը ցավակցական հեռագիր է հղել Իսպանիայի կառավարության նախագահին

Նախագահը ստորագրել է սեռական բռնություններից երեխաների պաշտպանության մասին կոնվենցիան վավերացնելու օրենքը և վավերագիրը

Մենք գնում ենք այս ճանապարհով՝ փոխանցելով «կրիր դիմակ, փրկիր կյանքեր» ուղերձը