Երևան
11 °C
Բելառուսի ազգային իրավական ինտերնետային պորտալում փաստաթուղթ է հրապարակվել, ըստ որի՝ համաբելառուսական ժողովրդական ժողովի պատվիրակները հավանություն են տվել Ազգային անվտանգության հայեցակարգին և ռազմական դոկտրինին, որը նախատեսում է ՀԱՊԿ անդամ երկրներին ռազմական օգնություն ցուցաբերելու հնարավորություն նրանց դեմ ագրեսիայի դեպքում։
Փաստաթղթում մի քանի կետեր են նշված, որոնցից առանձնանում է հիմնականում այն, որ Բելառուսը Միութենական պետության անդամ երկրներից որևէ մեկի նկատմամբ ուժի կիրառումը կհամարի ոտնձգություն և համապատասխան միջոցներ կձեռնարկի։ Բացի դրանից՝ նախատեսում է ՀԱՊԿ Հավաքական խաղաղապահ ուժերին կոնտինգենտի տրամադրում կազմակերպության անդամների տարածքում խաղաղապահ գործողություններին մասնակցելու համար։
Եվրոպական կուսակցության նախագահ Տիգրան Խզմալյանի կարծիքով՝ այս փաստաթուղթն ու դրա բովանդակությունը միանշանակ Ռուսաստանը փորձելու է փաթաթել նաև Հայաստանի վզին, որը մեզ համար մահաբեր կլինի։
«Սա ընդամենը սակարկություն է։ Հասկանալի է, որ Ռուսաստանի բարեկամական երկրների ցանկը շատ չէ, և Բելառուսում էլ անգամ եթե հարցումներ անեն, ժողովուրդը չի ցանկանա մտնել այդ բարեկամների շարք։ Հիմա փորձ է արվում Ադրբեջանին ևս ներքաշել «բարեկամների» մեջ։ 2020 թվականից մինչև օրս ՌԴ-ն գնում է այդ քայլերի ուղղությամբ, և սա մահաբեր վտանգ կլինի Հայաստանի համար»,- «Հայկական ժամանակ»-ի հետ զրույցում ասում է նա։
Վերջինս նկատում է՝ դոկտրինը միանշանակ ընդունվել է Ռուսաստանի նախաձեռնությամբ։
Ինչ վերաբերվում է «Միութենական երկրներ» ձևակերպմանը, Խզմալյանը նկատում է․ «Ռուսաստանը, եթե որևէ բան է ընդունում, դրանք որպես կանոն միայն այն փաստաթղթերն են, որոնք ինքն է գրում։ Պուտինյան ռեժիմի դեքում այդպես է։ Այս պարագայում հոգնակիով խոսել ու դա արտահայտել թղթի վրա բնորոշ է միայն ՌԴ-ին։ Հոգնակիությունը ռուսական քաղաքականության մասն է կազմում, երբ անգամ ռուս կայսրն էր իր մասին խոսում հոգնակիով։ Գուցե իրենց մոտ արդեն զառանցանք է սկսվել, որ կարող են Հայաստանին էլ ներքաշել այդ միութենականության կազմում, բայց ես չեմ կարծում, որ դա պետք է քննարկենք»։
Եվրոպական կուսակցության ղեկավարի կարծիքով՝ Ռուսաստանը տարածաշրջանում մարտավարություն է որդեգրել, որը արտացոլվելու է նմանատիպ փաստաթղթերի, որոշումների կամ այլ գործողությունների տեսքով:
«Դա առաջին հերթին երևում է Վրաստանում հայտնի օրենքի քննարկման ընթացքում (- խմբ խոսքը «Օտարերկրյա գործակալների» մասին օրինագծի մասին է, որի դեմ բողոքի ակցիաներ են տեղի ունենում Թբիլիսում), մեզ մոտ այդ քայլերը դեռևս բացահայտ չեն արվում։ Նույնը վերաբերում է նաև Ադրբեջանին, որի համար նրանց տրվեց Արցախը։ Այսինքն՝ այս բոլորի նպատակը, որքան հնարավոր է, շատ հետաձգել Վրաստանի և Հայաստանի եվրաինտեգրումը։ Պուտինը մեկ նպատակ ունի՝ այդ հետաձգումներով հասնել նոյեմբեր ամսվան, երբ, նրա կանխատեսումներով, ԱՄՆ նախագահ նորից կընտրվի Թրամփը, որի հետ ինքը մեծ հույսեր է կապում»,- կարծում է Խզմալյանը:
Հարցին՝ փաստաթղթում արձանագրելով ՀԱՊԿ անդամ երկրներին խաղաղապահ ուժերի տրամադրման պատրաստակամությունը՝ Բելառուսն ու Ռուսաստանը Հայաստանին կրկին հիշեցնում են այդ առաջա՞րկը, որը վաղուց ՀՀ-ն մերժել է, զրուցակիցը չի բացառում․ «Գործ ունենք նախադեպի սկզբունքի հետ։ Մեր պատմական դառը ու թարմ փորձը ցույց տվեց, որ ՌԴ խաղաղապահները, օրինակ, պատժիչ զորք են 11-րդ բանակից վերացված։ Այսինքն՝ մի զորախումբ են, որը սպառնալից է Հայաստանի պետականության համար, իրենց վտանգը նրանք ապացուցեցին Արցախում։ Այստեղ Հայաստանը պետք է գործի աստվածաշնչյան հին սկզբունքով․ չարի հետ չպետք է առնչություն ունենալ։ Այն պետք է շրջանցել ու ոչ մի դեպքում չվաճառել նրան հոգին ու շահերը։ Մեր երկրում դա ուշ են հասկացել՝ տասնամյակներով մեր ներքին ու արտաքին քաղաքականությունը ՌԴ-ի հետ կապելով»։
Եվրոպական կուսակցության ղեկավարը կարևորում է՝ Հայաստանը այժմ իր առջև լուրջ խնդիրներ ունի, քան տվյալ փաստաթղթի մասին մտածելն է․ 40 օր առաջ հստակ առաջարկ է եղել, որը հաստատվել է նաև 20 օր առաջ Բրյուսելում տեղի ունեցած գագաթնաժողովում, երբ Հայաստանին առաջարկվել է անդամակցել Եվրամիությանը։ Ըստ քաղաքագետի՝ այժմ ՀՀ իշխանությունները պետք է մտածեն այդ առաջարկները ընդունելու և ՀԱՊԿ-ից դուրս գալու մասին, որքան էլ պարտադրանք լինի դոկտրինի վերաբերյալ։
Հայտնի են «Եվրատեսիլի» եզրափակիչ անցած առաջին 10 երկրները. Ադրբեջանը չի անցել եզրափակիչ
Գևորգ Պապոյանը կգործուղվի ԱՄՆ
Առաջին անգամ Լոռու մարզում հայտնաբերվել է հազվագյուտ սև արագիլի բույն (լուսանկար)
Հայկական բժշկական ասոցիացիան չի միացել Բագրատ սրբազանի շարժմանը. հայտարարություն
Շինհրապարակներում հայտնաբերվել են սահմանված չափորոշիչների խախտումներ (տեսանյութ)
ՄԱԿ-ի գլխավոր քարտուղարը դիմել է Իսրայելին
Եթե գյուղապետերը չեն գտնում, որ փրկության խնդիր կա, ի՞նչ են կասեցնում և ո՞ւմ են փրկում. Սաֆարյան
Հայտնաբերվել է հրազենային վնասվածքով պայմանագրային զինծառայողի դի
Բախվել են մեքենաներ, կան տուժածներ (լուսանկար)
Չի բացառվում, որ մայիսի 9-ին Ռոբերտ Քոչարյանը՝ կաթողիկոսի ուղեկցությամբ, գա հրապարակ. Անի Խաչատրյան
Երկրաշարժ Հայաստանի տարածքում
Բելառուսն ակնթարթորեն կպատասխանի իր դեմ ցանկացած ռազմական ագրեսիայի. Լուկաշենկո
22-ամյա երիտասարդը մարմնական վնասվածքներ է հասցրել շտապօգնության բժշկին և վարորդին
Ինչպես է Բագրատ արքեպիսկոպոսի աջակից Վանեցյանը մեկնում Հայաստանից
Ֆինանսների նախարարի գլխավորած պատվիրակությունը շարունակել է հանդիպումները ԱԶԲ 57-րդ տարեկան հանդիպման շրջանակներում
Վերընտրվելուց հետո Պուտինը ստորագրել է ավանդական դարձած առաջին հրամանագրերը
Երևանում ավտոբուս է հրդեհվել
Որդին բութ գործիքով հարվածներ է հասցրել 83-ամյա մորը, որը հիվանդանոցում մահացել է
Ոստիկանները հեռացել են Կիրանցից
Կիրանցի և Ոսկեպարի վարչական ղեկավարները մանրամասներ են հայտնել սահմանազատման գործընթացի մասին
Ալիևն ու Ռայիսին կմասնակցեն Իրանի և Ադրբեջանի սահմանին կառուցված ամբարտակի բացմանը
Լարսը բեռնատարների համար փակ է
Հայաստանի պետական սիմֆոնիկ նվագախումբը հյուրախաղերով հանդես կգա ԱՄՆ-ում
Միրզոյանը Հունգարիայի ԱԺ փոխխոսնակի հետ մտքեր է փոխանակել տարածաշրջանային անվտանգային հարցերի շուրջ
ԱԱՏՄ-ն ստացել է տեղեկություններ, որ որոշ գործատուներ աշխատողներին պարտադրում են մասնակցել երթերի. ինչ պետք է իմանալ
Ոսկեպարի եկեղեցին գտնվում է ՀՀ ինքնիշխան տարածքում. Փաշինյանը՝ սահմանազատման արդյունքների մասին
Վարչապետը IWF նախագահին վստահեցրել է՝ կարվի ամեն ինչ՝ ծանրամարտի առաջնությունը բարձր մակարդակով կազմակերպելու համար
Խոշոր ավտովթար Շիրակի մարզում. հոսպիտալացվել է 6 քաղաքացի
Թուրքիայում ավելի քան 6 տարի ժամկետով 13 քուրդ քաղաքական գործիչ է դատապարտվել
Սրբազանի գլխավորած քարավանը 2 տարի առաջ «ցրցամ են տվել», հիմա կոորդինացնում են «նախկինները». Հարություն Մկրտչյան
Վեհափառն ասաց՝ գործող վարչապետը պետք է հեռանա, Ռոբերտ Քոչարյանը՝ ստանձնի պաշտոնը. Բաբաջանյանը զրույց է բացահայտել
Հայտնի են 4-րդ, 9-րդ և 12-րդ դասարանների աշակերտների ավարտական քննությունների օրերը
Վենետիկի հանձնաժողովի ներկայացուցիչների հետ քննարկվել է «Ազգային փոքրամասնությունների մասին» օրենքի նախագիծը
Ծանրամարտի աշխարհի 2027-ի առաջնությունն առաջինն է օլիմպիական մարզաձևից, որն անցկացվելու է Հայաստանում. Հարությունյան
Այո՛, ասել եմ՝ ձեռքերս կկտրեմ, այդ վերսիայով փաստաթուղթը չեմ ստորագրի, հիմա շատ կարևոր՝ էական բան է փոխվել. Փաշինյան
Զենքի գործադրմամբ խուլիգանություն Ամերիկյան համալսարանի մոտ. նախաձեռնվել է քրեական վարույթ, հայտնի է մեղադրվողը
Մհեր Գրիգորյանը և Իվանա Ժիվկովիչը քննարկել են Հայաստանում ՄԱԶԾ կողմից իրականացվող ծրագրերը
Մենք որդեգրել ենք Հայաստանում ինստիտուցիոնալ բարեփոխումների քաղաքականություն. Սիմոնյանը՝ Իվանա Ժիվկովիչին
ՀՀ-ում ԵՄ դիտորդական առաքելության կարգավիճակի մասին համաձայնագիրը մտել է ուժի մեջ
Պուտինը հինգերորդ անգամ պաշտոնապես ստանձնեց Ռուսաստանի Դաշնության նախագահի պաշտոնը (լուսանկարներ)
© 2024 Հայկական ժամանակ