Դուք եք ընդունել այդ օրենքը. Դավիթ Հարությունյանը հակադարձում է Կարեն Կարապետյանին

Կառավարության աշխատակազմի ղեկավար-նախարար Դավիթ Հարությունյանն այն պաշտոնյաներից է, որն իշխանական համակարգում հայտնի է իրեն ուղղված հարցերը հնարավորինս շրջանցելու, անուղղակի, իրեն հարմար եւ հարցին ընդհանրապես չհամապատասխանող, երբեմն հեգնախառն, անգամ վիրավորական պատասխաններ տալու սովորությամբ:

Անկախ այն հանգամանքից՝ այդ հարցը նրան պատգամավորները, թե լրագրողներն են ուղղել, կամ, որ այդ հարցի ենթատեքստում առկա մեղադրանքը կարող է արդարացի լինել, չպատասխանելու կամ հարցերը շրջանցելու հարցում, ինչպես ասում են, նա «պրոֆի» է: Պատասխանելու նման «մանիպուլյացիայի» նա դիմեց նաեւ երեկ Ազգային ժողովում լրագրողների հետ հարցուպատասխանի ժամանակ՝ անդրադառնալով ռեյտինգային ընտրակարգի առաջացրած լարվածությանը:

Երբ լրագրողը նրան այդ լարվածության մասին հարց տվեց, նա պատասխանեց, թե տվյալ դեպքում ռեյտինգային տերմինը ճիշտ չէ: Երբ հարցն ավելի կոնկրետացվեց, թե նա չի՞ կարծում, որ այդ ընտրակարգը ներկուսակցական բախումների հնարավորություն է առաջացնում, Հարությունյանը պատասխանեց, թե «ամենեւին խնդիր չի դրված, որ ՀՀԿ-ի թեկնածուները միմյանց դեմ կիրառեն քաղաքականապես ոչ ընդունելի մեթոդներ»: Ու այդպես շարունակ:

Խնդիրն այն է, որ Դավիթ Հարությունյանը նոր Ընտրական օրենսգրքի հիմնական հեղինակն է: Այսինքն, նա Հայաստանում այդ ընտրակարգը ներդնելու գաղափարի հեղինակն է, եւ կոնկրետ ռեյտինգային ընտրակարգի դեմ ուղղված քննադատությունները նաեւ նրան են վերագրվում: Իհարկե, Հարությունյանն այս օրերին լսել է այդ ընտրակարգի նկատմամբ եղած դժգոհություններն ու իրեն ուղղված մեղադրանքները, եւ երեկ նա Ազգային ժողով էր եկել՝ պատրաստ լինելով այդ քննադատություններին վերաբերող հարցերին շրջանցող պատասխաններ տալու եւ մանիպուլյացիաների դիմելու: Բայց որքան էլ նա այդ դժգոհությունների նկատմամբ արտաքուստ անտարբեր կեցվածք էր ընդունել, ակնհայտ էր, որ ներքուստ մտահոգ է հատկապես այն իրողության համար, որ իր ներդրած ընտրակարգին դեմ են հատկապես իր իսկ կուսակցության անդամները, եւ իրեն, թեկուզ անուղղակիորեն, բայց քննադատում են հենց իր գործընկերները: Եվ որ այդ քննադատությունները հնչում են նաեւ Սերժ Սարգսյանի ներկայությամբ:

Օրինակ, Տաշիր գրուպի սեփականատեր Կարեն  Կարապետյանը, որը 2012թ. մեծամասնական ընտրակարգով պատգամավոր էր ընտրվել Տաշիրի տարածաշրջանից, նախօրեին հայտարարել էր, թե կուսակցությունում քննարկումների ժամանակ դեմ է եղել այդ նախագծին: «Բայց ունենք այն, ինչ ունենք: Ժողովուրդը սոված վիճակում, կարծես թե, էլ խնդիր չունի, սաղս գնացել ենք, կոպիտ ասած՝ սաղին իրար դեմ ենք հանելու։ Իսկ հակասություններ, իհարկե, լինելու են։ Մենք թողնելու ենք, գանք, էլի հանգիստ ստեղ նստենք, մարդիկ իրար թշնամի են դառնալու»,- հայտարարել էր նա:

«Ընտրական օրենսգիրքը, այդ թվում համամասնական բաց ցուցակներով քվեարկությունը ընդունվել է ԱԺ-ի կողմից, այդ թվում՝ ՀՀԿ-ի կողմից կողմ քվեարկելով: Նորմալ է, որ կան դեմ կարծիքներ, դա նշանակում է, որ կա բազմակարծություն»,- Կարեն Կարապետյանին ու ԸՕ-ին կողմ քվեարկողներին երեկ հակադարձեց Դավիթ Հարությունյանը:

Հարությունյանի դեմ հնչող քննադատությունները գնալով նոր թափ են ստանում. նշվում է, որ նոր ներդրված համակարգը բոլոր թեկնածուներին իրար դեմ է հանել: ՀՀԿ-ում անգամ խոսակցություններ կան, որ ապրիլյան ընտրություններից հետո ռեյտինգային ընտրակարգը կարող է փոխվել: «Ընտրությունները նրա համար չեն, որ ժողովրդին իրար դեմ հանեն, ժողովրդի ձայների համար պայքարում են թեկնածուները: Կարծում եմ, թեկնածուների միջեւ պայքարը կարող է բերել որոշակի սրացման, եւ ընտրությունը հենց դա է: Որեւէ մեկին եթե թվում է, որ ընտրությունը հաշտ ու համերաշխ կյանք է, այդպես չէ»,- իր ներդրած ընտրակարգից դժգոհողներին ու իրեն քննադատողներին հակադարձեց նա:

Իսկ նախօրեին այդ օրենսգիրքն ու դրա հեղինակներին սուր քննադատության ենթարկեց «Բարգավաճ Հայաստան» խմբակցության պատգամավոր Լյովա Խաչատրյանը, որը ռեյտինգային ընտրակարգով առաջադրվել է Արագածոտնի մարզն ընդգրկող թիվ 7 ընտրատարածքում: «Ես համարում եմ, որ պատերազմող երկրի համար ճոխություն է նման Ընտրական օրենսգիրք ունենալը: Դրա արդյունքում քարոզարշավը դեռ չսկսած՝ արդեն իսկ երկու միջադեպ է եղել: Ես առաջարկում եմ դատական գործընթաց սկսել այդ միջադեպերի առիթով, բայց պատասխանատվության կանչել ոչ թե մասնակիցներին, այլ հրահրողներին, կազմակերպիչներին, այսինքն նման օրենսգիրք գրողներին»,-  երեկ մեզ հետ զրույցում ասաց նա:

«Բարի երթ նրան»,- նորից հակադարձեց Դավիթ Հարությունյանը:

« Չգիտեմ, ով է գրել այդ օրենսգիրքը, բայց առաջարկում եմ, այդ գրողներին պարտադրել ընտրություններին ռեյտինգային համակարգով առաջարկել: Գրողներից մեկին էլ հրավիրում եմ մեզ մոտ, թող գան ու իրենց մաշկի վրա զգան, թե ինչ են արել ժողովրդի գլխին: Պատերազմող ժողովրդին պառակտելը ազգային անվտանգության խնդիր է»,- հավելեց ԲՀԿ-ական պատգամավորը:

«Մեկնաբանություն չունեմ, դա տարածված ընտրական ձեւ է»,- պատասխանեց Հարությունյանը:

Վերջինս հավելեց, թե ընտրություններից հետո ռեյտինգային ընտրակարգը փոխելու որեւէ հիմք չի տեսնում, թեեւ չբացառեց դրա հնարավորությունը: Եվ երեկ նա չդավաճանելով իր մեկ այլ սովորությանը՝ ռեյտինգային ընտրակարգի դեպքում էլ հիշեց Վենետիկի հանձնաժողովին, որին շատ հաճախ հղում է կատարում, երբ անհրաժեշտ է լինում իր հեղինակած որեւէ օրենքի ընդունումը կամ արդարացի լինելը հիմնավորել:

Տպել
7477 դիտում

ԱԱԾ ստորաբաժանման ղեկավարը նախապես փորձել է ՍԴ աշխատակազմի ղեկավարի միջոցով կապ հաստատել անձամբ Հրայր Թովմասյանի հետ

Երեւանում ոստիկանների վրա հարձակում գործած եղբայրները կկալանավորվեն․ դատարանը բավարարել է քննիչի միջնորդությունը

Ճնշում կա՞, թե չկա. «Իմ քայլի» պատգամավորն այդ հարցում վստահում է Հրայր Թովմասյանին

Արցախի պետնախարարն ընդունել է «Հանրային կապերի և տեղեկատվության կենտրոն» ՊՈԱԿ-ի պատվիրակությանը

Օհանավանի բնակիչը հրացանով կրակել է շան ուղղությամբ, դիպել է գյուղի 32-ամյա մի բնակչուհու

ԱԱԾ-ն պարզաբանում է՝ Հ. Թովմասյանի ազգականների հետ կապված ինչ գործողություններ են կատարվել եւ ինչու

Նախագահ Արմեն Սարգսյանը ստորագրել է Ազգային ժողովի ընդունած մի շարք օրենքներ

Պարեկային ոստիկանները բերման են ենթարկել մի տղամարդու, որի մոտ ատրճանակ ու դանակ է եղել (տեսանյութ)

Նիկոլ Փաշինյանի որոշմամբ Էկոնոմիկայի նախարարության գլխավոր քարտուղարն ազատվել է պաշտոնից

Սա իրավաբանություն չի. «Իմ քայլ»-ի պատգամավորը անհիմն է համարում ՍԴ-ի որոշումը

Դիլիջան քաղաքում այրվել են մոտ 4 հա անտառամիջյան չորացած տերևներ, 25 ծառի կոճղ և 2 չորացած ծառ

Երեւանում, «Գրանդ Սպորտ»-ի մոտ բախվել են 3 ավտոմեքենաներ. կա տուժած

Գյումրու «Թռչունյան տան» խնդրից տեղյակ եմ. Ռուբեն Վարդանյանը չի բացառում, որ աջակցություն կտրվի երեխաների կենտրոնին

Քաղբանտարկյալ Նիկոլ Փաշինյանի մոտից անգամ առգրավվել են թուղթն ու գրիչը, տեսակցության իրավունք չի եղել. Կարապետյան

ՆԱՏՕ-ի դիտորդական խումբը գնահատել է ՀՀ ԶՈՒ դաշտային հոսպիտալը

Տեղի ունեցավ Տիգրան Առաքելյանի հոգեհանգստի արարողությունը (տեսանյութ)

Գյումրու ծերանոցը լուծարվեց. աշխատակազմը կառավարության որոշումը բոյկոտում է

Էմանուել Մակրոնը մտադիր է Անգելա Մերկելի և Բորիս Ջոնսոնի հետ միասին հանդիպել Էրդողանին

ՀՀ զինված ուժերում ստեղծվել է կին զինծառայողների խնդիրներն ուսումնասիրող նոր ստորաբաժանում

Ադրբեջանցի հաքերները ՀՀ վարչապետի պաշտոնական կայքի էջերից մեկում գրել են «Ղարաբաղն Ադրբեջան է». Կ. Վրթանեսյան