Երևան
21 °C
Հայաստանում ԱՄՆ դեսպան Ռիչարդ Միլսն արդեն երկար ժամանակ ինչ-որ բան է ուզում հասկացնել Հայաստանի հանրությանը, բայց, թե կոնկրետ ինչ, առայժմ հայտնի չէ: Այս օրերին դեսպանն այցելում է ընտրություններում առաջադրված կուսակցությունների եւ դաշինքների գրասենյակներ, բայց այստեղ չէ խնդիրը:
Ընտրությունների համատեքստում նրա խոսքը հստակ է`պետք է լինեն ազատ, արդար, եւ թափանցիկ ընտրություններ, քաղաքացիները պետք է վստահություն ունենան արդյունքների նկատմամբ, ընտրողները չպետք է վախենան, որ իրենց քվեարկությունը հայտնի կդառնա, ընտրողներին կաշառել չի կարելի եւ այսպես շարունակ:
Ամեն ինչ պարզ է, հասկանալի: ԱՄՆ դեսպանի նկարագրած ընտրությունը իհարկե չի հաջողվի կազմակերպել, սակայն նախորդ ընտրություններից «մեկ քայլ առաջ» անպայման կգրանցվի, ինչը կողջունեն թե՛ Ռիչարդ Միլսը եւ թե՛ միջազգային դիտորդները:
Ավելի երկարաժամկետ կտրվածքով ԱՄՆ կառավարությունը Հայաստանում ընտրությունից էլ կարեւոր առաջնահերթություն ունի. կոռուպցիան: Ահա այստեղ է, որ դեսպանն ինչ-որ բան է ուզում ասել, բայց կամ ինքը լավ չի ասում, կամ՝ մենք լավ չենք հասկանում:
Դեսպանը հաճախ է խոսում կոռուպցիայի թեմայով, նաեւ շուտ-շուտ հանդիպում է վարչապետ Կարեն Կարապետյանի հետ: Ինչպես հայտնի է, նա սուր քննադատության արժանացրեց նախորդ վարչապետի ձեւավորված հակակոռուպցիոն խորհրդի աշխատանքները, ասաց` քանի որ տեմպն ու արդյունքներն իրենց չեն գոհացրել, ԱՄՆ կառավարության խոստացած ֆինանսավորումը չի տրամադրվել:
Ներկայում Կարեն Կարապետյանը ձեռնամուխ է եղել խորհրդի վերակազմավորմանը, զուգահեռաբար նոր ծրագրեր են կազմում, նոր նպատակներով եւ թիրախներով: Ռիչարդ Միլսն ակտիվորեն ներգրավված է աշխատանքներին, եւ ժամանակ առ ժամանակ հարցազրույցներ է տալիս, որոնց միջոցով, ըստ էության, հանրությանը ինֆորմացնում է, թե ինչ է կատարվում:
Վերջին հարցազրույցում մասնավորապես նա ասել էր. «Կոռուպցիայի դեմ պայքարը դժվար է, այն դյուրին գործ չէ: Երբեմն այն ենթադրում է, որ որոշումներ, քայլեր լինեն ամենաազդեցիկ մարդկանց դեմ, ինչը ենթադրում է կտրուկ գործողություններ»: Բացի այդ նա ասել էր, որ կառավարությունում կան կարեւոր գործիչներ, ովքեր լծված են կոռուպցիայի դեմ պայքարի գործին, եւ վարչապետի կողմից կա այս երեւույթի դեմ պայքարելու քաղաքական կամք:
Հարցին՝ ո՞ր պարագայում ֆինանսավորումը կլինի, դեսպանը պատասխանել էր. «Եթե մենք կարողանանք որոշ ծրագրերի վերաբերյալ վարչապետի հետ համաձայնության գալ, պատրաստ կլինենք հակակոռուպցիոն խորհրդի ծրագրերին ֆինանսական կամ տեխնիկական աջակցություն ցուցաբերել: Այժմ այդ հարցերի շուրջ ենք խոսում»:
Վարչապետի պաշտոնը զբաղեցնելուց հետո Կարեն Կարապետյանը դժգոհում է, որ որոշ անձանց դեպքում իր ձեռքերը կապված են եւ ինքը չի կարող պայքարել նրանց դեմ: Այդ մարդկանց շրջանակը բոլորին է հայտնի` Սամվել Ալեքսանյան, Ալեքսանդր (Սաշիկ) Սարգսյան, Գագիկ Ծառուկյան, Միհրան Պողոսյան, Գագիկ Խաչատրյան եւ Սերժ Սարգսյանի անձնական հովանավորությունը վայելող այլ նախկին եւ ներկա պաշտոնյաներ:
Երբ Ռիչարդ Միլսն ասում է, որ կոռուպցիայի դեմ պայքարը ենթադրում է որոշումներ եւ կտրուկ գործողություններ ամենաազդեցիկ մարդկանց դեմ, նկատի ունի այս մարդկանց: Երբ նա ասում է, որ կառավարությունում կան կարեւոր գործիչներ, որ լծված են կոռուպցիայի դեմ պայքարի գործին, նկատի ունի վարչապետին: Իսկ երբ ասում է, որ պատրաստ կլինեն ֆինանսավորել հակակոռուպցիոն նոր խորհուրդը, եթե հնարավոր լինի վարչապետի հետ որոշ ծրագրերի շուրջ համաձայնության գալ, նկատի ունի այնպիսի ծրագրերը, որոնց թիրախում այս մարդիկ են:
Ռիչարդ Միլսի հետեւյալ միտքը, սակայն, որեւէ կերպ չենք կարողանում հասկանալ: «Կոռուպցիան կարող է ազգային անվտանգությանը և ինքնիշխանությանը սպառնալիք լինել, երբ արտաքին ուժերը կարող են ազդեցություն ունենալ որոշակի օղակներում, ոլորտներում: Մենք չենք ցանկանում, որ նման իրավիճակ լինի Հայաստանում: Մենք ուզում ենք, որ լինի ինքնիշխան Հայաստան, որը կարողանում է ինքն իր որոշումներն ընդունել»:
Ի՞նչ է ուզում ասել դեսպանը: Հայաստանում այդ ո՞ր օղակների վրա են արտաքին ուժերը կոռուպցիայի միջոցով ազդեցություն պահպանում եւ որոշումներ պարտադրում: Այդ ի՞նչ որոշում է ընդունել Հայաստանը, որը կասկածի տակ է դնում նրա ինքնիշխանությունը: Եւ ի՞նչ կապ ունեն կոռուպցիայում ներքաշված ամենաազդեցիկ մարդիկ այս որոշումների հետ:
Հայաստանի ինքնիշխանության վրա աչք ունի Ռուսաստանը եւ դեսպանը թերեւս ակնարկում է, որ ՀՀ քաղաքական վերնախավի կոռումպացվածությունը գործիք է ՌԴ ձեռքին մեր երկրում կարեւոր որոշումների վրա ազդելու համար:
Իհարկե, միանգամայն հասկանալի է, որ ԱՄՆ կառավարությունը կցանկանա քանդել այն համակարգը, որի միջոցով Ռուսաստանն ազդում է Հայաստանի որոշումների վրա: Բայց որ կփորձի դա անել Ռուսաստանի մարդու միջոցով, անսպասելի էր. Կարեն Կարապետյանը համարվում է ՌԴ-ի մարդը եւ Հայաստան է ուղարկվել Մոսկվայի է՛լ ավելի մեծ ազդեցությունն ապահովելու համար:
Հետաքրքիր է, վարչապետն ու դեսպանն ավարտե՞լ են հակակոռուպցիոն ծրագրերի աշխատանքը, եւ արդյո՞ք ամենաազդեցիկ մարդիկ հարվածի տակ են, թե՞ ոչ: Լավատեսության հիմքեր, սակայն, չկան: Հաշվի առնելով, որ նրանք կրկնակի ապահովագրված են, քանի որ մի կողմից նրանց հովանավորում է Սերժ Սարգսյանը, մյուս կողմից նրանց հաջող գործունեությամբ մեծապես շահագրգռված է Վլադիմիր Պուտինը, կարելի է կանխատեսել, որ ՀՀ-ում ԱՄՆ-ի հակակոռուպցիոն ջանքերը դատապարտված են:
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ