Այսօր ՀՀ տարածքով ցուրտ ճակատ է անցնելու, հնարավոր է ձյուն տեղա նաեւ Երեւանում. Սուրենյան

լուսանկարում՝ աջից. Մարտունի, 16.03.2017 (լուսանկարը՝ Արմինե Քալաշյանի)

Այսօր երեկոյան ժամերին եւ առաջիկա գիշերը Հանրապետության տարածքով անցնելու է հյուսիս-արեւմտյան ցուրտ ճակատ, որի հետեւանքով ջերմաստիճանը կնվազի 2-4 աստիճանով: Այս մասին տեղեկացանք ՀՀ ԱԻՆ «Հիդրոմետ» ծառայության օդերեւութաբանության կենտրոնի պետ Գագիկ Սուրենյանից:

Օդերեւութաբանը հայտնեց, որ սրան հաջորդելու է որոշակի դադար, որից հետո՝ մարտի 22-ի ցերեկը եւ 23-ի գիշերը Սեւ ծովի շրջաններից եւս մեկ ցուրտ ճակատ է անցնելու: Այնուհետեւ մարտի 23-ի ցերեկը այս սառը ճակատը նորից մեր տարածքից դուրս է գալու:

«Արդյունքում ստացվում է, որ այսօր երեկոյան ժամերին եւ առաջիկա գիշերը Հանրապետության տարածքում կանխատեսվում են տեղումներ, վաղը ցերեկը, մարտի 22-ի գիշերը սպասվում է առանց տեղումների եղանակ, 22-ի ցերեկը, 23-ի գիշերը նորից հանրապետության ողջ տարածքում կգրանցվեն տեղումներ: 23-ի ցերեկը կլինի տեղումների դադար»,- հստակեցրեց Գագիկ Սուրենյանը՝ հավելելով, որ տեղումները լեռնային եւ նախալեռնային գոտիներում կլինեն ձյան կամ թաց ձյան տեսքով, եւ միայն շատ ցածրադիր հովտային գոտիներում (հիմնականում Տավուշի, Սյունիքի հովտային գոտիներ, Արարատյան դաշտի ցածրադիր գոտի) կլինի ձնախառն անձրեւ եւ անձրեւ:

Օդերեւութաբանն ընդգծեց, որ հավանականություն կա՝ առաջիկա գիշերը ձյուն կտեղա նաեւ Երեւանի բարձրադիր գոտիներում: Արդյո՞ք տեղումներին կհետեւի մառախուղը՝ այս պահին դեռ դժվար է ասել: Ամեն դեպքում, ըստ Սուրենյանի՝ եթե նույնիսկ մառախուղ լինի ցուրտ ճակատի անցման ժամանակ՝ դա չի կարող լճանալ եւ օրերով պահպանվել Երեւանում, ինչպես դա եղավ փետրվարին:

Ինչ վերաբերում է ջերմաստիճանին. ցուրտ ճակատի անցմամբ պայմանավորված վաղը ցերեկը ջերմաստիճանը կնվազի մոտ 2-4 աստիճանով: 22-ի ցերեկը նվազումը կշարունակվի 1-2 աստիճանով, այնուհետեւ մարտի 24-ից 25-ն ընկած ժամանակահատվածում նորից կբարձրանա այնքան, ինչքան որ նվազել է:

«Արդյունքում վաղը ցերեկը Երեւանում կլինի +8...+10, գիշերային ժամերին՝ -1...+1, իսկ մարտի 24-ից 25-ը ցերեկային ժամերին կլինի մոտ +12...+14, գիշերը դարձյալ -1+1: Այսինքն՝ տաքացումը վերաբերում է ցերեկային ժամերին»,- մանրամասնեց Սուրենյանը:

Մեր հարցին ի պատասխան խոսելով արդեն գրանցված տեղումների մասին՝ ԱԻՆ «Հիդրոմետ» ծառայության օդերեւութաբանության կենտրոնի պետը հավելեց, որ բավականին առատ տեղումներ են գրանցվել՝ որոշ հատվածներում լրացնելով նույնիսկ ամսական նորման:

«Մենք երկու ճակատ ունեցանք՝ մեկը մարտի 16-ին, մյուսը՝ 18-ին: Բավականին առատ տեղումներ ենք ունեցել, հանրապետության առանձին շրջաններում արդեն տեղումների քանակը մոտեցել է ամսական նորմային: Դեռ այսօր ամսի 20-ն է, բայց արդեն նորման լրացված է: Հատկապես Վարդենիսի, Մարտունու հատվածում շատ ուժեղ ձյուն եկավ, տեղումները այս անգամ շատ էին նաեւ Քաջարանում, Գեղարքունիքում, Վայոց ձորում եւ Սյունիքում: Կոտայքի մարզում տեղումները գրանցվել են հատկապես Հրազդան-Ֆանտան հատվածում»,- ասաց Գագիկ Սուրենյանը:

Տպել
15023 դիտում

Գյումրին բոլոր հարցերում յուրահատուկ տեղ ունի․ ԱԺ փոխնախագահ Ալեն Սիմոնյանը մասնակցում է «Քաղաքի օր» միջոցառմանը

Չապնի եւ Սեւաքար գյուղերում անօդաչու թռչող սարքերով հետազոտվել են հրդեհի օջախները․ 110 բնակիչ տարհանվել է

Գյումրիում մեծ տոնախմբություն է. նշվում է քաղաքի օրը (լուսանկարներ)

Երեւանյան բնակարանում հայտնաբերվել է ԱԱԾ նախկին աշխատակցի դին, կողքին՝ ատրճանակ. Shamshyan.com

Էստոնիայի հավաքականի պաշտպանը տեղափոխվեց Ալաշկերտ

«Մալաթիա մոլ»-ի շենքում բռնկված հրդեհի հետեւանքով տուժած բոլոր քաղաքացիները դուրս են գրվել հիվանդանոցներից

Փաշինյանը հրապարակել է իր եւ տիկնոջ լուսանկարը՝ գովազդելով հայկական արտադրության վերնաշապիկները

Հունան Պողոսյանը արտահերթ խորհրդակցություն է հրավիրել՝ Սյունիքի մարզում աննախադեպ հրդեհների առնչությամբ

Արայի լեռան ստորոտում հրդեհաշիջման աշխատանքները շարունակվում են. առկա է 5 ծխացող օջախ

ՊԵԿ-ը 1 մլն 938 հազար դրամով տուգանել է «Ֆլեշ» ընկերությանը

«Պրծնենք, սաղիդ տանելու եմ «Փարվանա», պատիվ տամ». Սամվել Ալեքսանյանը գոհ է հրշեջների աշխատանքից

Մեկ օրում ՀՀ տարածքում գրանցվել է խոտածածկ տարածքներում բռնկված 75 հրդեհ

G7-ի ղեկավարները դեմ են Իրանի՝ միջուկային զենք ունենալուն

Գյումրին պատրաստ է քաղաքի տոնին. միջոցառմանը ներկա է լինելու նաեւ վարչապետ Նիկոլ Փաշինյանը

«Մալաթիա մոլ»-ի շենքում բռնկված հրդեհը մեկուսացվել է. հրդեհաշիջման աշխատանքներին մասնակցում է 13 մարտական հաշվարկ

ԱԻ նախարարը հրդեհի վայրում է. ձևավորվել է 30 հոգուց կազմված աշխատանքային խումբ, աշխատում է 19 մարտական հաշվարկ

Հրդեհի հետևանքով Հանրապետական հիվանդանոց տեղափոխված 2 քաղաքացիները դուրս են գրվել

Վայոց Ձորում վթարի հետևանքով զոհվել է 3 քաղաքացի, եւս 3-ը հիվանդանոցում են

Հրդեհի ծավալը մեծ էր, հարկ համարեցի գալ. Վ. Օսիպյանը ժամանեց հրդեհի վայր ու նկատողություն արեց ոստիկաններին

ՀՀ վարչապետը ելույթ է ունեցել «Քայլ դեպի տուն» ծրագրի փակման արարողության ժամանակ (տեսանյութ)