«Անկախ դիտորդ» հասարակական դաշինքի դիտարկումները՝ կեսօրի դրությամբ

02/04/2017 schedule18:32

Դիտարկված տեղամասային կենտրոնների 77 % դեպքերում մուտքը հարթ չէ, կան աստիճաններ: Թեքահարթակը բացակայում է 70 %-ում, իսկ առկա թեքահարթակների միայն կեսն է համապատասխանում սահմանված չափանիշներին:

Դիտորդները լիովին անմատչելի են գնահատել դիտարկված տեղամասերի 20 %-ը:

Տեսողության կամ լսողության խնդիրներ ունեցող անձանց քվեարկության կազմակերպման համար հատուկ միջոցներ նախատեսված չեն տեղամասերի 49 %-ում: Տեղամասերի 60 %-ում խոշորացույցներ առկա չեն եղել, 83 %-ում չեն եղել մեծ տառատեսակով պաստառներ:

Թեեւ ԿԸՀ որոշմամբ նախատեսվում էր անհրաժեշտության դեպքում կիրառել սուրդոթարգմանություն, այնուամենայնիվ դիտարկված տեղամասերի 1 %-ում են միայն սուրդոթարգմանիչներ նախատեսված եղել:

Դիտարկված տեղամասերի 5 %-ում հանձնաժողովի անդամների գործառույթները վիճակահանության հիման վրա չեն սահմանվել: Իսկ կեսօրի դրությամբ տեղամասերի 9 %-ում վիճակահանությամբ գործառույթների փոփոխության կարգը չի պահպանվել: 8 % դեպքերում հանձնաժողովի նախագահը չի տիրապետել իր գործառույթներին:

Դիտարկված տեղամասերում նկարահանվող քվեասենյակների 5 %-ում քվեախցիկների ներսը նկարահանող սարքի տեսադաշտում է եղել, այսինքն՝ տեսախցիկը կարող է խախտել քվեարկության գաղտնիությունը:

Թեեւ քվեարկության գաղտիության ապահովման նպատակով նախատեսված էր քվեարկությունից առաջ քվեաթերթիկների համար նախատեսված արկղերում նախապես դնել ընտրությունների մասնակից կուսակցություներից եւ դաշինքներից 3-5-ական քվեաթերթիկ, այնուամենայնիվ դիտարկված տեղամասերի 20 %-ում մինչեւ քվեարկությունը սկսվելը չօգտագործված քվեաթերթիկների համար նախատեսված արկղերում քվեաթերթիկներ առկա չեն եղել:

Դիտարկված տեղամասերի 5 %-ում տեխնիկական սարքավորման միջոցով գրանցված ընտրողների բացակայությունը հավաստող (0-ական) տեղեկանք չի տպվել:

Տեղամասի բացումից առաջ կամ բացման հետ կապված խնդիրներ են եղել դիտարկված տեղամասերի 7 %-ում:

Մինչեւ կեսօր տեխնիկական սարքավորման հետ խնդիրներ չեն եղել դիտարկված տեղամասերի 16  %-ում:

Սարքը դժվարությամբ է ընթերցել անձը հաստատող փաստաթուղթը տեղամասերի 32 %-ում:

Մատնահետքերի ընթերցման դժվարություն է եղել դիտարկված տեղամասերի 44 %-ում:

Դիտարկված տեղամասերի 7 %-ում սարքը վառել է դեղին ազդանշան, սակայն տվյալները ձեռքով մուտքագրելուց հետո վառել է կանաչը: Սարքը արգելափակվել է տեղամասերի 6 %-ում:

Դիտարկված տեղամասերի 52 %-ում գրանցվել է միաժամանակ մի քանի անձի մուտք քվեախցիկ, այս թիվը չի ներառում գրանցված օգնողներին:

Դիտարկված տեղամասերի 35 %-ում գրանցվել են ընտրողների կողմից քվեաթերթիկները քվեախցիկներից դուրս լրացնելու դեպքեր:

Դիտարկված տեղամասերի 6 %-ում դիտորդները նկատել են, որ ընտրողներն իրենց քվեաթերթիկները նկարել են:

Քվեարկելուց հետո հանձնաժողովի անդամներին կամ վստահված անձանց իրենց քվեարկության մասին տեղեկացնելու կամ բարձրաձայնելու դեպքեր են արձանագրվել դիտարկված տեղամասերի 15 %-ում:

Դիտարկված տեղամասերի 18 %-ում գտնվել են տեղամասում ներկա գտնվելու իրավունք չունեցող անձինք:

Դիտարկված տեղամասերի 42 %-ում գտնվել են վկայականը տեսանելի չկրող անձինք:

Ինքնուրույն քվեարկելու կարողություն չունեցող անձանց քվեախցիկում օգնողների տվյալները չեն գրանցվել դիտարկված տեղամասերի 17 %-ում:

Դիտարկված տեղամասերի 22 %-ում վստահված անձը կարգադրություններ է տվել ներկաներին՝ իրեն վերագրելով հանձնաժողովի նախագահի լիազորություններ:

Դիտարկված տեղամասերի 28 %-ում արձանագված խախտումները եւ գնահատականները չեն գրանցվել գրանցամատյաններում:

Դիտարկված տեղամասերի 36 %-ում գրանցվել է վիճաբանություն, իսկ մեկ տեղամասում՝ ծեծկռտուք:

Դիտորդների գնահատմամբ՝ հանձանաժողովի անդամների 27 %-ը լավ չի տիրապետել իր գործառույթներին:

«Անկախ դիտորդ» դաշինքի դիտորդների իրավունքները խախտվել են դիտարկված տեղամասերի 5 %-ում:

 

«Անկախ դիտորդ» հասարակական դաշինք

Հելսինկյան Քաղաքացիական Ասամբլեայի Վանաձորի գրասենյակ

Իրազեկ քաղաքացիների միավորում

Մարտունու կանանց համայնքային խորհուրդ 

Գորիսի մամուլի ակումբ

Տպել
8270 դիտում

Զովունիում մեքենան դուրս է եկել հանդիպակաց երթևեկելի գոտի և մխրճվել դեղատան մեջ. վիրավորներ կան

Այս պահին փակ են Վարդենյաց լեռնանցքը, Արագածոտնի և Գեղարքունիքի գյուղամիջյան ճանապարհներ

«Առնո Բաբաջանյան» համերգասրահի փոխտնօրենի նկատմամբ քրեական հետապնդումը դադարեցվել է

Մաշինի դուռը բացվեց ու Փաշինյանն իջավ․ բոլնիսցիները՝ վարչապետի անակնկալ այցի մասին

Մենք կշարունակենք պայքարը, որպեսզի ԻԳԻԼ-ը չբարձրացնի իր գարշելի գլուխը. ԱՄՆ փոխնախագահ

Երեխան ընդունվել է վերջույթների կաթվածով. «Սուրբ Աստվածամայր» Բ/Կ-ն պարզաբանում է փոքրիկի մահը

Գրիպի դեմ պատվաստվողները շատացել են. «Մուրացանում» պատվաստանյութն արագորեն սպառվել է

Մաղթում եմ Ձեզ հաջողություն Ձեր կարեւոր պարտականությունների կատարման գործում. Յագլանդ

ՎՏԲ-Հայաստան Բանկը հայտարարում է Swift դրամային փոխանցումների վերաբերյալ ակցիա՝ նոր հաճախորդների համար

Արման Թաթոյանը Նիդերլանդների դեսպանի հետ քննարկել է Պաշտպանի զեկույցը

Բելգիայի Թագավորության վարչապետ Շառլ Միշելը շնորհավորական ուղերձ է հղել Նիկոլ Փաշինյանին

Ոստիկանության միայն մեկ ստորաբաժանման ծառայության շնորհիվ պետբյուջե է վերադարձվել ավելի քան 708 մլն դրամ

Փրկարարները դուրս են բերել ավտոմեքենան արգելափակումից

Սևանի թերակղզուց դեպի Դիլիջանի թունել ճանապարհահատվածում բուք է

Գրիպով հոսպիտալացվածների 95 տոկոսը երեխաներ են. խուսափելու լավագույն միջոցը պատվաստումն է

ՀՀ և Ադրբեջանի ԱԳ ղեկավարները անդրադարձել են խաղաղ գործընթացին, նաև՝ ժողովուրդների խաղաղությանը

Երեւանի քաղաքապետարանի թեժ գծի համարը փոխվում է, կլինի նաեւ ձայնային հաղորդագրության հնարավորություն

Գյուղատնտեսական տարին պետք է դարձնել մաքսիմալ կանխատեսելի. Նիկոլ Փաշինյան (լուսանկարներ)

Բարեկամավան գյուղում ականի պայթյունից տուժած կա

Ադրբեջանցիները կրկին փորձել են խեղաթյուրել Իրանի բարձրաստիճան պաշտոնյայի հայտարարությունը. փորձագետ