Ինչո՞ւ Խաչատուրովը, ի՞նչ ազդեցություն նա կարող է ունենալ ՀԱՊԿ-ում

14/04/2017 schedule22:38

«ՀԱՊԿ գլխավոր քարտուղարի պաշտոնում Յուրի Խաչատուրովի նշանակումով Հայաստանը ավելի լուրջ դերակատարում կամ մասնակցություն կունենա ՀԱՊԿ-ում որոշումների կայացման գործընթացի վրա, ինչը հույս է տալիս, որ այդ կառույցը վերջապես կդառնա տարածաշրջանում անվտանգություն ապահովելու քաղաքական գործոն»,- մեզ հետ զրույցում այս մասին հայտարարեց քաղաքագետ Հրանտ Մելիք-Շահնազարյանը:

Ըստ նրա՝ Խաչատուրովի նշանակումը կարեւոր է նաեւ այն իմաստով, որ երկու տարի տեւող վեճը լուծվեց Հայաստանի առաջարկած տարբերակով: «Սա կարեւոր է, որովհետեւ Հայաստանը նախորդ տարի եղել է ՀԱՊԿ նախագահող երկիր, մեր նախագահության ընթացքում մշակել ենք կազմակերպության զարգացման ռազմավարություն եւ հիմա Խաչատուրովի նշանակումը հնարավորոթյուն կտա այդ ռազմավարությունը կյանքի կոչելուն ուղղված քայլեր անելու: Բացի դրանից՝ Հայաստանը ավելի լուրջ դերակատարում կամ մասնակցություն կունենա ՀԱՊԿ-ում որոշումների կայացման գործընթացի վրա եւ այս ամենը իհարկե ինչ-որ չափով հույս է տալիս, որ այդ կառույցը վերջապես կդառնա տարածաշրջանում անվտանգություն ապահովելու քաղաքական գործոն: Կամ գոնե եթե չդառնա՝ ինչ-որ չափով կմեծանա դրա դերակատարությունը, ինչը մինչ այս այդպես չի եղել»,- ընդգծեց քաղաքագետը:

Մեր հարցին՝ կարծում եք Խաչատուրովը կկարողանա՞ ազդել որոշումների վրա եւ անհրաժեշտության դեպքում Ադրբեջանի գործողությունների վերաբերյալ կոշտ հայտարարություններ անել՝ Մելիք-Շահնազարյանը պատասխանեց.

«Խաչատուրովը ազդեցիկ, ընկալելի, հասկանալի գործիչ է հենց հետխորհրդային տարածաշրջանի ռազմական գործիչների համար: Նա ժամանակին եղել է խորհրդային բանակի սպա եւ մարդ է, ով ունի այդ կապը, փորձը եւ ինքնուրույն լինելու կամ որոշակի դերակատարում ունեցող քարտուղար լինելու համար: Բայց դրան զուգահեռ պետք է հասկանալ, որ ՀԱՊԿ-ն մի կառույց է, որտեղ որոշումները ընդունվում են կոլեկտիվ ձեւով եւ կան պետություններ, որոնք մեղմ ասած Ադրբեջանի հետ ավելի լավ հարաբերություններ ունեն, քան Հայաստանի հետ: Այսինքն այս տեսակետից չենք կարող ասել, որ Խաչատուրովի նշանակումով ՀԱՊԿ-ն միանշանակ դիրքորոշում կունենա ղարաբաղա-ադրբեջանական հակամարտության մեջ, բայց կարող ենք ասել, որ հնարավոր է դնել տարածաշրջանում կայունության ապահովմանը նպաստող քաղաքականության հիմքերը»:

Պատասխանելով մեր հարցին, թե ինչպե՞ս ստացվեց, որ ի վերջո Բելառուսն ու Ղազախստանը երկար դիմադրելուց հետո «թույլ տվեցին» ՀՀ ներկայացուցչի նշանակումը՝ քաղաքագետն ասաց, որ այդ պետությունները չէին կարող ՀԱՊԿ անդամ չհանդիսացող Ադրբեջանի շահերը սպասարկել այնքան ժամանակ, մինչեւ դա հասցներ կառույցի գործունեության խաթարմանը:

Հիշեցնենք, որ բավական երկար ժամանակ հայկական կողմը ՀԱՊԿ գլխավոր քարտուղարի պաշտոնում առաջարկել էր Խաչատուրովի թեկնածությունը, սակայն կառույցի անդամ երկրները չէին հաստատում՝ կոնսենսուսի բացակայության պատճառով: Հայկական կողմը պնդում էր, որ պետք է գործի ռոտացիայի սկզբունքը, եւ ՀԱՊԿ-ի ղեկավարությունն իրեն հանձնվի։ Այսօր պաշտոնապես հայտնի դարձավ, որ Խաչատուրովը նշանակվել է ՀԱՊԿ գլխավոր քարտուղարի պաշտոնում:

Տպել
5724 դիտում

Վրաստան մուտքի արգելքը շարունակում է ուժի մեջ մնալ. բացառություն են բեռնափոխադրումները

Երեւանում «Toyota Camry»-ն բախվել է մայթեզրի արգելապատնեշին և շրջվել

ԵԱՏՄ անդամ բոլոր պետությունները համաձայնեցրել են հայկական կողմի առաջարկը. ի՞նչ են քննարկելու վարչապետները Երեւանում

Գաղտնի երդմնակալություն, միջազգային սպառնալիքներ, շարունակվող ցույցեր ու ձերբակալումներ. Բելառուսն այսօր (լուսանկարներ)

Քանդակները վերականգնման կարիք ունեն, բայց դրա համար հայտարարված երեք մրցույթին էլ ոչ ոք չի մասնակցել

Աշակերտների որոշ խմբերի համար դպրոցում դիմակ կրելը պարտադիր չի լինի. ուղեցույցը վերանայվել է

Մոսկվայում տեղի է ունեցել հանդիպում հուլիսյան դեպքերի հետևանքով կալանքի տակ գտնվող ՀՀ քաղաքացիների իրավապաշտպանների հետ

Լեդի Գագայի՝ փարաջանովյան դրվագներով հոլովակը փորձ է մարդկանց սթափեցնելու. Կարինե Հակոբյան

Մարմաշենում 21-ամյա երիտասարդի սպանության համար մեղադրվողը ազատ չի արձակվի. դատարանը մերժել է միջնորդությունը

Քիչ էր մնում անակնկալը փչացնեիք. ԱՆ խորհրդականը հրապարակել է պարգևատրված բուժաշխատողների ցանկը, որի մեջ է նաև «Նորք»-ը

Արգավանդ համայնքում երեք հակակարկտային կայան է տեղադրվել

Ստուգումներ մարտական հենակետերում. ՊՆ

Շիրակի մարզում կորոնավիրուս է հաստատվել 28 ուսուցչի մոտ. մեկուսացված է 186 աշակերտ

Ներկայացվել է ավիաընկերությունների ցանկը, որոնցով ճամփորդելիս պարտադիր է ՊՇՌ հետազոտության պատասխանի առկայությունը

Վանաձորի կենտրոնում խանութ է պայթեցվել (լուսանկարներ)

Տեղի է ունեցել «Հին Երևան» կառուցապատման ծրագիրը համակարգող աշխատանքային խմբի նիստը

Գործադո՞ւլ, թե՞ բողոքի ակցիա ՀՊՏՀ-ում ու ի՞նչ է սահմանում Աշխատանքային օրենսգիրքը

Երևանի վարչական շրջաններում ապօրինի շինություններ են ապամոնտաժվել

Երեք տասնամյակ շարունակ Թուրքիան մերժում է Հայաստանի՝ դեպի ծով ելք ունենալու իրավունքը. Զոհրաբ Մնացականյանի ելույթը

Էդգար Բաբայանը ցանկանում է կարիերան շարունակել Դանիայից դուրս