Տ. Մարգարյանի շտաբի գույքը համատիրության մեքենան է տեղափոխել. ասում են՝ պատահաբար ստացվեց

Երեւանի քաղաքապետի թեկնածու, գործող քաղաքապետ Տարոն Մարգարյանի` Հակոբ Պարոնյան փողոցում գտնվող ընտրական շտաբի տարածքը, մայիսի 14-ին կայացած ընտրություններից հետո, ազատվում էր: Գույքը դուրս էր բերվում եւ տեղավորվում «Կենտրոն-1» համատիրության գազելում:

Մենք փորձեցինք պարզել, թե ինչու են հանրային միջոցները ծառայեցվում գործող քաղաքապետի նախընտրական քարոզչության նպատակներին: Քաղաքապետարանից առաջարկեցին դիմել հենց համատիրություն:

«Կենտրոն-1» համատիրության նախագահ Սուրեն Ներսիսյանին հարցրինք.

- Պարոն Ներսիսյան, ինչպե՞ս է պատահել, որ Տարոն Մարգարյանի շտաբի գույքը ձեր համատիրության մեքենայով է տեղափոխվել:  Համատիրության մեքենան ի՞նչ գործ ունի դրա հետ:

- Ուրեմն, քանի որ ես տեղյակ չեմ եղել նման հանձնարարական տալուց, ես վարորդի հետ ճշտեցի, ասում է, որ փողոցով անցնում էի, մեկը խնդրեց, որ ինչ-որ սեղան կա, հնարավո՞ր է տեղափոխել, ինքն էլ ասաց՝ մարդուն ուզեցել է օգնել: Այդքան բան: Ես վարորդին կանչել  եմ, խիստ հանձնարարել եմ, որ նման դեպքում նմանատիպ արարք թույլ չտա, նկատողություն եմ տվել, որ մասնավոր գործունեությամբ չզբաղվի:

- Ո՞ւր էին տեղափոխում այդ գույքը:

- Ինչ-որ մի տեղ տեղափոխել է, չգիտեմ: Ես այդքան չհարցրեցի: Ասաց` ինչ-որ մարդ էր խնդրել, տեղափոխել եմ, ես ասացի, որ նմանատիպ գործունեություն սրանից հետո չլինի, դուք պետք է մեքենան օգտագործեք միայն համատիրության կարիքների համար:

- Ձեզ չհետաքրքրե՞ց` ինչքան հեռու է տեղափոխել, ինչքան վառելիք է ծախսել:

- Դե չէ, հիմա վարորդ է, էլի, հո չեմ ընկնելու այդ վարորդին հարցնեմ` ուր ես տարել, ինչ ես արել: Ասաց, որ ներողություն եմ խնդրում, ես էլ ե´ւ գրավոր, ե´ւ բանավոր նկատողություն եմ արել, որպեսզի սրանից հետո նմանատիպ գործունեությամբ չզբաղվի:

- Այսինքն` այդ գույքը համատիրությանը չէ՞ր:

- Ոչ, համատիրությանը չի եղել:

Հավելենք, որ համատիրության միջոցները գոյանում են միայն բնակիչների վճարներից: Նրանք վճարում են շենքերի պահպանության համար` շենքի վերելակի սպասարկում, վթարների, տանիքների կաթոցների վերացում, դիզինֆեկցիա եւ նմանատիպ այլ աշխատանքներ: Վճարները գանձվում են` համաձայն բնակարանի մակերեսի` 1 քմ համար` 20 դրամ, եթե շենքում կա վերելակ եւ 15 դրամ` ոչ վերելակով շենքերի դեպքում: 

Տպել
16532 դիտում

Սոչիում կայծակը հարվածել է ինքնաթիռին վայրէջքի ժամանակ

Նորատուս գյուղի ռեստորանի շոգեբաղնիքը հրդեհվելու հետեւանքով մոխրացել է

Հայաստանի մեծ մասում ձյուն է տեղում, Շիրակի մարզի մի շարք հատվածներում բուք է, Լարսի ճանապարհը՝ փակ

Սյունիքի մարզում Իրանի քաղաքացին իր մեքենայով ընկել է ձորը. նա հոսպիտալացվել է

Թուրք մասնագետները կմեկնեն Ադրբեջան՝ S-300-ներն ուսումնասիրելու համար

73-ամյա Ժորայի ջերմոցում ոստիկանները հայտնաբերել են ավելի քան 12 կիլոգրամ կանեփ

ՀՀ և Վրաստանի վարչապետները Ենոքավանում ոչ ֆորմալ հանդիպում են ունեցել (լուսանկարներ)

Ստեփանծմինդա–Լարս ավտոճանապարհը փակ է տրանսպորտային բոլոր միջոցների համար

Վարչապետին է ներկայացվել Ենոքավանի զարգացման ռազմավարությունը. զբոսաշրջիկների թիվը կհասնի 250 հազարի

Այսօր ու առաջիկա օրերին սպասվում է ձյուն եւ անձրեւ, քամու ուժգնացում, ջերմաստիճանի անկում

Աննա Հակոբյանի պաշտոնական կայքէջը պատրաստ է, մարտի 26-ից կսկսի գործել

Մասիսում մեքենա է այրվել. 12-ամյա երեխան այրվածքներով հոսպիտալացվել է ծայրահեղ ծանր վիճակում

Լոռու կրակոցները տեղի էին ունեցել Շիրակամուտի դաշտում. ոստիկանությունը փնտրում է դեպքի մասնակիցներին

Հայկական կողմն ինտենսիվ աշխատում է Կարեն Ղազարյանին վերադարձնելու ուղղությամբ. նախարարը՝ գերեվարվածի հորը

Հանրապետության մի շարք ավտոճանապարհներին ձյուն է տեղում, Աշոցքում բուք է

Զինծառայողները մասնակցել են համապետական շաբաթօրյակին ու ծառատունկին (լուսանկարներ)

Նորատուս գյուղի ռեստորանային համալիրի շոգեբաղնիքում հրդեհ է բռնկվել

Հայաստանի ֆուտբոլի հավաքականը պարտվեց Եվրո 2020-ի ընտրական 1-ին խաղում

Կրակոցներ Լոռու մարզում. 3 հոգի հիվանդանոցում են, այդ թվում՝ նախկին ու ներկա գյուղապետերը

Փոցխ ու ձեռնոց նաեւ ԵՄ դեսպանին. Պյոտր Սվիտալսկին Գյումրիում միացել YIC-ի շաբաթօրյակին