Կառավարության սպասումները չեն իրականանում. նավթն ու պղինձը էժանանում են

Որքան էլ իշխանությունները հայտարարեն, թե մեր սոցիալ-տնտեսական իրավիճակի բարելավումը իրենք պայմանավորում են տնտեսության մեջ ներդրումներով, արտահանման աճով եւ այլն, գործնականում հիմնական հույսը մասնավոր տրանսֆերտների աճն է եւ պղնձի թանկացումը:

Եթե նույնիսկ կառավարության հայտարարած ծրագրերը ամբողջովին իրականանան եւ այս տարվա ընթացքում իրականանան 850 միլիոն դոլարի օտարերկրյա ներդրումները, կառավարությունը կարողանա իրականացնել այն բոլոր բարեփոխումները, որի մասին հայտարարել է, դա չի կարող թողնել նույն ազդեցությունը մեր սոցիալ- տնտեսական կյանքի վրա, ինչպես մասնավոր տրանսֆերտների աճը: Իհարկե, որակական առումով ներդրումների շնորհիվ արձանագրվող աճը ավելի երկարատեւ է, ավելի հուսալի է, բայց կարճատեւ ժամանակահատվածում դա չի կարող էական ազդեցություն ունենալ սոցիալ- տնտեսական կյանքի վրա:

Տարեկան ՀՀ բնակչությունը ստանում է պետական բյուջեի մուտքերի հետ համեմատելի ծավալների մասնավոր տրանսֆերտներ, որը, կարելի է ասել, հավասարաչափ բաշխվում է բնակչության միջեւ եւ բարձրացնում նրանց գնողունակ պահանջարկը: Դա էլ իր հերթին հանգեցնում է ապրանքների ու ծառայությունների առաջարկի, այսինքն՝ արտադրության աճին: Մի խոսքով, մասնավոր տրանսֆերտների աճը ուղղակիորեն հանգեցնում է թե մակրոտնտեսական ցուցանիշների արագ աճին, եւ թե բնակչության սոցիալական վիճակի բարելավմանը:

Թե՛ ՀՀ կառավարությունը, եւ թե՛ Կենտրոնական բանկը իրենց կանխատեսումներում լավատեսորեն են նայում տրանսֆերտների աճի հեռանկարին: Կարելի է համոզված պնդել, որ տնտեսական բարեհունչ ցուցանիշների կանխատեսումներ անելիս այս կառույցները մտքի մեջ առաջին հերթին ունեն հենց տրանսֆերտների աճի հեռանկարը, եւ հետո միայն ներդրումների աճը, բարեփոխումները եւ այլն, որոնք այսօր ֆանտաստիկայի ոլորտից են: «2017 թ. տնտեսական աճը արագացող կլինի, պայմանավորված ինչպես արտաքին զարգացումներով` մասնավորապես Ռուսաստանի տնտեսության եւ պղնձի համաշխարհային գների վերականգնմամբ, այնպես էլ 2016 թ. իրականացված խթանող հարկաբյուջետային եւ դրամավարկային քաղաքականությամբ»,- նշված է 2017 թվականի պետական բյուջեի բյուջեի ուղերձում:

Իսկ որքանով են իրականանալի սպասումները, թե մասնավոր տրանսֆերտները կաճեն: Անցած տարվա վերջից մինչեւ այս տարվա մարտի վերջը տրանսֆերտները անցած տարվա նույն ժամանակահատվածի համեմատ էականորեն աճել էին, ու թերեւս դա էր հիմք տվել կառավարությանը եւ ԿԲ-ին լավատեսական հեռանկարներ կառուցել: Սակայն ապրիլյան վիճակագրությունը ցույց տվեց, որ այդ աճը ընդամենը ժամանակավոր էր եւ պայմանավորված էր միայն ընտրություններով: Դրանք ավարտվեցին, եւ տրանսֆերտների նվազման դինամիկան, որը կար անցած ավելի քան երկու տարիներին, շարունակվում է:

Միակ գործոնը, որը կարող է ազդել տրանսֆերտների աճին,  նավթի թանկացում է: Տրանսֆերտների ավելի քան 80 տոկոսը Հայաստան է գալիս Ռուսաստանից, իսկ այդ երկրի ֆինանսատնտեսական վիճակը ուղղակիորեն պայմանավորված է հենց նավթի համաշխարհային գնով: Այլ կերպ ասած, մասնավոր տրանսֆերտների ծավալները կաճեն միայն այն դեպքում, երբ նավթը աշխարհում թանկանա: Կա՞ արդյոք նման հեռանկար:

Անցած տարվա նոյեմբերից սկսած՝ նավթը սկսեց թանկանալ եւ կարճ ժամանակահատվածում այն մոտ 47 դոլարից աճեց մինչեւ 56 դոլարի: Տպավորիչ այս 20 տոկոսանոց աճը թերեւս ոգեւորել էր թե ՌԴ, եւ թե ՀՀ իշխանություններին նավթի գնի հետագա եւ կայուն աճ ակնկալելու հարցում: Սակայն այս տարվա փետրվարից նավթի գինը սկսեց աստիճանաբար նվազել եւ երեկ հատեց 50 դոլարի սահմանագիծը: Արդեն երկու օր է, ինչ նավթը 50 դոլարից էժան է: Ընդ որում, սա տեղի է ունենում նավթ արտահանող երկրներից մեկի` Քաթարի դեմ մի շարք երկրների սկսած պատժամիջոցների ֆոնին: Թե՛ ռուսական, եւ թե՛ արեւմտյան վերլուծաբանները արդեն ահազանգ են հնչեցնում, որ առաջիկայում նավթի գինը եթե չնվազի, ապա չի էլ աճելու:

Նավթի էական թանկացում չեղավ նույնիսկ այն ժամանակ, երբ «ՕՊԵԿ»-ի երկրները 9 ամսով երկարաձգեցին նավթի արդյունահանումը սահմանափակելու մասին համաձայնության տեւողության ժամկետը: Սա արդեն ցույց է տալիս, որ գոնե առաջիկայում նավթի գների աճ չի լինելու: Դա էլ իր հերթին նշանակում է, որ Ռուսաստանից մասնավոր տրանսֆերտների աճ չի լինելու: Անգամ կարելի է վստահաբար պնդել, որ տրանսֆերտները նույնիսկ պակասելու են: Խնդիրն այն է, որ դեպի Ռուսաստան արտագնա աշխատանքների մեկնող մեր հայրենակիցների մի մասը որոշում է մնալ Ռուսաստանում, իր ընտանիքն էլ կանչում, տանում է ու այլեւս դրամական փոխանցումներ չի կատարում Հայաստան:

Ինչ վերաբերում է պղնձի գներին, ապա այստեղ կանխատեսումներ ու հաշվարկներ անելը շատ ավելի դժվար է: Եթե կառավարությունն ու ԿԲ-ն կարող են կանխատեսել, որ այդ մետաղի գինը աճելու է եւ կարող են ինչ-որ փաստարկներ ներկայացնել դրա օգտին, ապա կարող են լինել նաեւ հակափաստարկներ: Այլ կերպ ասած, հավանականությունը, որ պղինձը կթանկանա, ճիշտ նույնքան է, որքան հավանականությունը, որ այն կէժանանա: Համենայն դեպս, այս տարվա փետրվարին մեկ տոննա պղնձի գինը համաշխարհային շուկայում հասել էր 6 հազար դոլարի, իսկ հիմա արդեն 5 հազար 600 դոլարի շրջակայքում է:

Մի խոսքով, ի հեճուկս պաշտոնական վիճակագիրների արձանագրած փայլփլուն ցուցանիշների, մեր սոցիալ- տնտեսական կյանքում էական փոփոխություններ չեն լինելու համենայն դեպս մինչեւ տարեվերջ:

Տպել
5108 դիտում

Լեդի Գագայի նոր տեսահոլովակում Փարաջանովի «Նռան գույնը» հիշեցնող պատկերներ կան ու հայերեն բառեր

Մեծամորի ատոմակայանը հրթիռակոծելու Ադրբեջանի մտադրությունն ի ցույց է դնում այդ պետության իրական դեմքը

Մորուքով ՀՀ վարչապետն ու ռուս գործակալները․ ովքե՞ր են գաղտնի փաստաթղթերում հայտնված Կանդիդատը, Սվետլանան ու Միշան

Պարոն Բադասյանը իրեն օրենքից ավելի բարձր դասեց. Հայաստանի ազգային արխիվի աշխատակիցը բաց նամակով դիմել է վարչապետին

«Ֆորդ Տրանզիտ»-ում 5 խմ ապօրինի փայտանյութ է հայտնաբերվել (տեսանյութ)

Աշնանացանի համար նպաստավոր տարի է, սակայն գյուղացիները ոչ միշտ են կարողացել գտնել մատակարարներին

Մայր Տաճարը վերականգնող ճարտարապետները բացահայտել են 4-5-րդ դարերի կղմինդրածածկի շարվածքի տեխնոլոգիան

Արթիկում 440 մ երկարությամբ և 5 մ լայնությամբ փողոցը նորոգվում է տուֆով. ծրագրի արժեքը 41 մլն 232 հազար դրամ է

Ինչպես է վերականգնվում համաշխարհային տնտեսությունը համաճարակից հետո. կանխատեսումներ եւ իրականություն

ԱՄՆ Եվրոպական հրամանատարության կողմից բժշկական պարագաներ են հատկացվել Արմավիրի մարզպետարանին

Ականի պայթյունի հետևանքով Ճամբարակի ԱԿ հոսպիտալացված զինծառայողը տեղափոխվել է Մուրացանի զինվորական հոսպիտալ

Ներկայացումից հետո դերասանը մատուցող է աշխատում այն մարդու մոտ, որը մեկ ժամ առաջ ծափահարում էր իրեն. Ռաֆայել Երանոսյան

Բարձրաշենի միջնակարգ դպրոցն ամբողջությամբ կբարեկարգվի

Սեպտեմբերի 18-ից 22-ը փակ կլինի «Զվարթնոց» պատմամշակութային արգելոց-թանգարանը

Զորամիավորումներում շարունակվում են նորակոչիկ զինծառայողների մարզումները

ՀՀ տարածքում ավտոճանապարհներն անցանելի են. Լարսը բաց է միայն բեռնատարների համար

Հրազդանում նախատեսվում է սանիտարական աղբավայր կառուցել. հանդիպել են Ռոմանոս Պետրոսյանն ու տիկին Ահլամ ԱլՍալամին

Սմբուկի և պղպեղի արտադրությամբ զբաղվող ֆերմերների խնդիրն ամբողջությամբ կարգավորվել է

Ականատես ենք լինում Ադրբեջանում թուրքական ռազմական շարունակական կուտակման. ԱԳ նախարարի հարցազրույցը «ալ-Ախբար» թերթին

Այնթապ գյուղի կամրջի տակ քաղաքացին փամփուշտ և զենք է թողել (տեսանյութ)