ԵԱՏՄ մատոռով ԽՍՀՄ. մենք տուտ պրիչո՞մ

28/09/2017 schedule09:51

 

Եվրասիական տնտեսական միությանը Հայաստանի անդամակցության օգուտներն ու վնասները ուսումնասիրելու նպատակով Ազգային ժողովում ժամանակավոր հանձնաժողով ստեղծելու «Ելք» խմբակցության առաջարկը մերժվեց խորհրդարանական մյուս խմբակցությունների կողմից:

Իսկ առաջարկվում էր ընդամենը, եթե պարզ արտահայտվենք, ստեղծել մի հարթակ՝ քննարկելու համար, թե ինչ է տվել Հայաստանին ԵԱՏՄ-ն, կամ ինչ է խլել, որն է օգուտը, որն է վնասը...: Մյուս խմբակցությունները ցույց տվեցին, որ նույնիսկ չեն ուզում քննարկել: Թե ինչ ձեւակերպումներով են հրաժարվում, դա արդեն կարեւոր չէ: Չեն ուզում եւ վերջ:

Ինչո՞ւ: Շատ պարզ: Այդ թեմայով ցանկացած քննարկում հանգեցնելու է մեկ արդյունքի՝ ԵԱՏՄ-ն վնասաբեր է Հայաստանի համար: Առնվազն տնտեսական տեսանկյունից: Ու դա շատ հեշտ է ապացուցել:

Թերեւս, դա է պատճառը, որ որեւէ գերատեսչություն մինչ օրս չի կազմել գոնե մեկ վերլուծություն, որը ցույց կտար, թե ինչպես է Հայաստանի տնտեսության վրա դրական ազդեցություն թողել ԵԱՏՄ-ն: Դա արդեն իսկ ապացուցում է ԵԱՏՄ-ի, այսպես ասենք, ոչ այնքան օգտակարությունը: Ցանկացած վերլուծություն ցույց կտար, որ վնասները շատ ավելի են, քան՝ օգուտները:

Բայց կա մի փաստաթուղթ, որը ոչ պաշտոնապես եւ նեղ շրջանակների համար մշակել էր կառավարությունը: Այդ փաստաթուղթը, բնականաբար, չի հրապարակվել պաշտոնապես: Հեռավոր 2013 թվականին, երբ Սերժ Սարգսյանը Սոչիում Պուտինի հետ հանդիպումից անմիջապես հետո հայտարարեց, թե Հայաստանը անդամակցելու է ԵԱՏՄ-ին, կառավարությունը համեմատական տվյալներ ամփոփեց, թե որքան է կազմում ոչ ԵԱՏՄ անդամ երկրներից ԵԱՏՄ անդամ երկրներ ներմուծվող ապրանքների մաքսատուրքը, եւ որքան է նույն ապրանքների մաքսատուրքը Հայաստան ներմուծելիս այն ժամանակ, երբ դեռ այդ կառույցի անդամը չէինք: 

Ու պարզվեց, որ ներմուծվող ապրանքների թերեւս 95 տոկոսի մաքսատուրքերը 2-2.5 անգամ ավելի բարձր են: Եվ այդ մաքսատուրքերը կիրառվելու էին նաեւ երրորդ երկրներից Հայաստան ներմուծվող ապրանքների վրա: Մոտ 750 զգայուն ապրանքների վրա ԵԱՏՄ-ական բարձր մաքսատուրքերի կիրառումը Հայաստանի պարագայում հետաձգվեց որոշ ժամանակով: Որոշ ապրանքների դեպքում՝ 5, որոշների դեպքում 7 տարի եւ այլն: Հիմա մենք դեռ գտնվում ենք այդ ռեժիմում:

Բերենք մի քանի օրինակ, եւ պարզ կդառնա, թե ինչի մասին է խոսքը: Ըստ կառավարության պատրաստած վերը նշված փաստաթղթի, տարեկան Հայաստան էր ներկրվում մոտ 41 միլիոն դոլարի թռչնամիս եւ դրա հետ կապված մթերքներ: Ոչ ԵԱՏՄ-ական Հայաստանում այդ ապրանքների վրա կիրառվում էր 10 տոկոս մաքսատուրք: Երբ կանցնի մեր մաքսատուրքերի արտոնյալ ռեժիմը, այդ ապրանքները ներկրելիս մաքսատուրքը կկազմի 25 տոկոս՝ 2.5 անգամ ավելի:

Խոզի մսի պարագայում ցուցանիշները հետեւյալն էին: Ներկրվում էր տարեկան մոտ 25 միլիոն դոլարի ապրանք, 10 տոկոս մաքսատուրքով, բայց հետագայում մաքսատուրքը կկազմի արդեն 15-20 տոկոս: Նույնը՝ պանիրների, բանջարեղենի, թեյերի, ցորենի, ձեթի, կարագի, մարգարինի, սերմերի, պարարտանյութերի, լվացող նյութերի, շինանյութերի, տարատեսակ քիմիական ապրանքների, ավտոդողերի, փայտանյութի, թղթի ու ստվարաթղթի, կտորեղենի, մետաղական կոնստրուկցիաների, տուրբինների, գյուղտեխնիկայի, ավտոմեքենաների եւ այլն, եւ այսպես շարունակ: 

Կան որոշ ապրանքներ, որոնց դեպքում մաքսատուրքերը ավելանում են նույնիսկ 8 անգամ: Ինչպես օրինակ՝ շաքարինը կամ օգտագործված ավտոմեքենաներինը: Ինչո՞վ է դա ձեռնտու մեզ: Ինչո՞ւ են ԵԱՏՄ-ում գործում այդքան բարձր մաքսատուրքեր: Ամբողջ խնդիրն այն է, որ նման բարձր մաքսատուրքերը ծառայում են միայն Ռուսաստանի շահերին, որը, ասենք, ավտոմեքենա է արտադրում եւ դրանով իսկ իբր պաշտպանում է իր ներքին արտադրողին: Մի կողմ թողնենք այն փաստը, որ դեռ Խորհրդային Միությունն էր նույն կերպ «պաշտպանում» իր ներքին արտադրողին, բայց նույնիսկ այդ պարագայում արտադրված ավտոմեքենաները «ԵՐԱԶ-ից» «Մոսկվիչից» ու «06»-ից ավելի լավը չէին դառնում ու հիմա էլ այդ «պաշտպանությունը» ոչ մի կերպ չի նպաստում ռուսական ավտոմեքենաների մրցունակության ավելացմանը: Ասենք թե պաշտպանում է, մեզ ի՞նչ: Ինչո՞ւ պետք է Հայաստանը, չունենալով սեփական ավտոմեքենաների արտադրություն, ավելի բարձր մաքսատուրքով ավտոմեքենաներ ներկրի: Որպես ի՞նչ: Մեր քաղաքացիները եվրոպական մեքենա գնելու համար պետք է ավելի շատ վճարեն, ինչ է թե Ռուսաստանը պաշտպանում է իր «Մոսկվիչն» ու «06»-ը:

Կամ կաթնամթերքի վրա նման բարձր մաքսատուրքեր դնելը: Ունենալով լայնարձակ, գրեթե անսահմանափակ տարածքներ, որոնք ուղղակի թաղված են կանաչի մեջ՝ Ռուսաստանը չի կարողանում արտադրել բավական քանակությամբ կաթ եւ բավարարել սեփական պահանջները: Դրա հետ մեկտեղ իր մոտ արտադրված կաթնամթերքը ավելի քիչ է մրցունակ, քան՝ թանկ ու կրակ Եվրոպայում արտադրածը: Ինչ ուզում են թող անեն Ռուսաստանում Բելառուսում կամ Ղազախստանում. մենք «տուտ պրի չոմ»:

Սեփական արտադրողին բարձր մաքսատուրքերով իբր պաշտպանելը, որը իբր պետք է խթանի սեփական արտադրությունը, իբր դարձնի այն ավելի մրցունակ... չի աշխատում: Տարբեր երկրներ պատմական տարբեր ժամանակաշրջաններում փորձել են դա: Մի որոշ ժամանակ դա մի ինչ- որ արդյունք տվել է, սակայն երբ շուկաները բացվել են, պարզվել է, որ այդ երկրներում տնտեսություն, բառիս բովանդակային իմաստով, գոյություն չունի: Խորհրդային Միությունը դրա ամենավառ ապացույցն է:

Ու հիմա Հայաստանը անդամակցում է այդ նոր «ԽՍՀՄ»-ին: Եվ այս տեսանկյունից բոլորովին բնական է, որ իշխանական ու մերձիշխանական ուժերը խուսափում են նույնիսկ քննարկել այդ թեման: Անգամ մակերեսային քննարկումը ցույց կտա, որ ԵԱՏՄ-ին անդամակցելով, Հայաստանը դատապարտել է իր տնտեսությունը այն նույն վիճակին, որում հայտնվեց ԽՍՀՄ փլուզումից հետո: Ու ամենավատն այն է, որ չկա նման հարց՝ կփլուզվի, թե՝ չէ, հարցն այն է, թե երբ կփլուզվի «ԵԱՏՄ մատոռով» այդ ԽՍՀՄ-ն:

Տպել
7827 դիտում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները