Ֆինանսական խնդիրներ ունեցող ՖԻՄԱ-ն ՀՀ առաջնությունում ուզում է մրցանակային տեղ գրավել

31/10/2017 schedule19:19

Հայաստանի ֆիզիկական կուլտուրայի եւ սպորտի պետական ինստիտուտը (ՀՖԿՍՊԻ) ներկայացնող ՖԻՄԱ-ի առջեւ ՀՀ բասկետբոլի նորաստեղծ կանոնավոր առաջնությունում՝ Ա լիգայում, մրցանակային տեղ զբաղեցնելու առաջադրանք կա: Խաղացողներն իրենց լավագույնս դրսեւորելու մեծ ցանկություն ունեն: Armtimes.com-ի հետ զրույցում գլխավոր մարզիչ Դրաստամատ Մուրադյանը նշեց, որ վստահ է, որ իրենք պոտենցիալ ունեն:

«Նպատակը լավագույն եռյակում հայտնվելն է, եւ մեր առջեւ դրված խնդիրն իրականացնելու հնարավորություն ունենք»,- ասաց նա:

«Ուրարտու»-ՖԻՄԱ՝ Ա լիգա՝ 1-ին տուր

Իր նպատակին ՖԻՄԱ-ն աշխատելու է հասնել ինստիտուտի ուսանողներով: Հիմնականում 18-19 տարեկան բասկետբոլիստներ են: Ամենամեծը 23 տարեկան է: Մեծ մասը ՀՀ հավաքականներում չի խաղացել: Ազգային ընտրանու կազմում հադես գալու փորձ 2 հոգի ունեն:

«2 հոգի ունենք, որ այս տարի ընդգրկված են եղել մինչեւ 18 տարեկանների հավաքականում եւ մասնակցել են Եվրոպայի 18 տարեկանների C դիվիզիոնի առաջնությանը»,- ասում է Մուրադյանը:

Մասնագետը, որն ինստիտուտի մարզական ակումբի բասկետբոլի թիմերի հետ աշխատում է 2008 թվականից, նշում է, որ առայժմ իրենց չեն կարող թույլ տալ արտասահմանից մարզիկներ հրավիրել: Պետք է փորձեն բավարարվել տեղացի խաղացողներով, քանի որ լեգեոներներ բերելը թանկ է:

«Դա մեծ ֆինանսների հետ է կապված: Ներկա պահին միայն դա է խոչընդոտը, որ լեգեոներներ չունենք»,- ասում է մարզիչը:

Ֆինանսական խնդիրները միայն խաղացողներ ձեռք բերելու հարցում չէ, որ խոչընդոտ են: Նման պայմաններում ՖԻՄԱ-ն չի կարողանա եվրագավաթներում հանդես գալ, եթե հանկարծ Հայաստանի առաջնությունում ուղեգիր նվաճի:

«Ներկա պահին հնարավորություն չունենք: Եթե մրցանակային տեղ գրավենք, ինչը եվրագավաթներին մասնակցելու հնարավորություն կտա, կփորձենք հովանավորներ ներգրավել: Հիմա էլ ենք աշխատում հովանավորներ գտնելու ուղղությամբ: Տեսնենք՝ ինչ կստացվի»,- ասում է մարզիչը:

Առայժմ կարողացել են լուծել միայն մարզահագուստի հարցը (լուսանկարներում սպիտակ մարզահագուստով ՖԻՄԱ-ն է): Այն մարզահագուստը, որը կրում են հանդիպումների ժամանակ, տրամադրել է Հայաստանի բասկետբոլի ֆեդերացիան: Մարզումային մարզահագուստ դեռ պետք է գտնեն:

Ա լիգայում 2 տուր է կայացել: 1-ինում ՖԻՄԱ-ն հյուրընկալվելիս 68:88 հաշվով պարտվել է «Ուրարտուին»: 2-րդում սեփական հարկի տակ հաղթել է «Շիրակին» (76:75):

Լուսանկարները՝ Հակոբ Բերբերյանի 

Տպել
1644 դիտում

200 ժամ հարկադիր աշխատանք. դատարանն անփոփոխ է թողել Արմեն Ջիգարխանյանի նախկին կնոջ դատավճիռը

Հեռացավ՝ իր հետ տանելով ավանդապաշտության ողջ դարաշրջան. Հասմիկ Պապյանը՝ Լագերֆելդի մասին

Կյանքից հեռացել է բարերար Ալեք Մանուկյանի դուստրը՝ Լուիզ Մանուկյան-Սիմոնը

Պատահական անցորդներին գրքեր են նվիրում նախարարներն ու վարչապետը (տեսանյութ)

Դատախազությունը բողոք կներկայացնի քրեական հեղինակություններ Նորատուցի Ալիկի եւ Չարբախցի Գեղամի դատավճռի դեմ

Արգենտինայի փոխնախագահը հայտնել է ՀՀ պաշտոնական այց կատարելու ցանկության մասին

Սեդրակ Քոչարյանին առաջարկել են ցուցմունք տալ, սակայն նա չի ցանկացել

Ղազարավան գյուղում բռնկված հրդեհը մեծ վնասներ է պատճառել

12-ամյա Հրաչյա Բադասյանը որոնվում է որպես անհետ կորած (տեսանյութ)

ԵՊՀ ռեկտորը չարաշահում է իր պաշտոնը. Restart

Փակ են Շիրակի ու Արագածոտնի մարզի շուրջ 20 գյուղերի միջհամայնքային ճանապարհներ

Նիկոլ Փաշինյանն ու Աննա Հակոբյանը գրքեր են նվիրում քաղաքացիներին (տեսանյութ)

Ոստիկանությունը նախկին պատգամավորին խորհուրդ է տալիս ձեռնպահ մնալ զուտ «ցնցող» բան գրած լինելու գայթակղությունից

Վճարեք կասեմ. Ֆլեշի Բարսեղը Սերժ Սարգսյանի հետ վերջին անգամ հանդիպելու մասին հարցին ի պատասխան

Գյումրու 2 մարզաուսումնական հաստատություններում 32.4 մլն դրամի վատնում կատարելու դեպքերով հարուցվել են քրգործեր

Մարտի 4-ից կհայտարարվի Հանրային հեռուստառադիոընկերության նախագահի մրցույթը. «Ա1+»-ի տնօրենը՝ իսկական Հանրայինի մասին

Հանդիպել են Լիբանանում ՀՀ դեսպանն ու երկրի վարչապետը

Աշտարակ քաղաքում վագոն-տնակ է հրդեհվել

«Արարատ» ակումբը դատական կարգով թիմի բժշկի պարտքը վերադարձրել է, ֆուտբոլիստը դեռ սպասում է

Ռուս սահմանապահն իր շան օգնությամբ գտել է Սյունիքում կորած քաղաքացու մարմինը