Ինչի՞ց է վախենում մշակույթի նախարարությունը. գրաքննությունը սովորություն է դառնում

Վերջին օրերին մամուլում տեղեկություններ տարածվեցին այն մասին, որ մշակույթի նախարարությունը արգելել է Եղիշե Չարենցի տուն-թանգարանում անել Վրաստանի նախկին նախագահ, Օդեսայի նախկին նահանգապետ Միխեիլ Սաակաշվիլու ինքնակենսագրական «Ուժերի զարթոնք» գրքի հայերեն թարգմանության շնորհանդեսը, որը պետք է տեղի ունենար փետրվարի 7-ին:

Գրքի թարգմանիչ Միքայել Նահապետյանը նախապես պայմանավորվել էր թանգարանի տնօրեն Անահիտ Ասատրյանի հետ եւ հունվարի 25-ին միջոցառման հրավերի ֆեյսբուքյան իվենթ ստեղծել, սակայն հաջորդ օրը ֆեյսբուքյան իր էջում եւ միջոցառման իվենթի մեկնաբանություններում գրել էր, որ կողմերի կամքից անկախ հանգամանքներում միջոցառումը տեղի չի ունենա Չարենցի տուն թանգարանում՝ նշելով, որ խնդիրը տեխնիկական է:

Նշենք նաեւ, որ միջոցառման իվենթի մեկնաբանություններում իր դժգոհությունն էր հայտնել բնապահպանության նախարարի օգնական Մեսրոպ Եսայանը՝ հարցնելով՝ գրքում չի՞ պատմվում Սաակաշվիլու հակահայ գործունեության մասին ու նշել, թե լավ կլիներ՝ թանգարանի տնօրինությունը Սաակաշվիլու կողմից բանտերում հայտնված ջավախահայերին, Վրաստանում անցանկալի անձ հայտարարված բազմաթիվ գործիչների հատուկ հրավիրեր:

Մեր հարցին՝ խնդիրն իսկապես տեխնիկակա՞ն է, թե՞ նախարարությունից են արգելել, գրքի թարգմանիչ Միքայել Նահապետյանն ասաց, որ իրեն, ընդհանուր առմամբ, ասել են, թե տեխնիկական խնդիրների պատճառով հնարավոր չէ շնորհանդեսն անել Չարենցի տուն-թանգարանում.

«Թանգարանի տնօրինության նկատմամբ ես շատ հարգալից վերաբերմունք ունեմ: Դա հարցի մի կողմն է: Հարցի մյուս կողմն այն է, որ ինձ պարբերաբար շշուկներ են հասնում, որ հրահանգ է եղել նախարարությունից, ինչն, ի դեպ, արդեն մամուլում էլ է տարածվել: Հիմա ինձ, որպես պաշտոնական տեղեկատվություն, ասվել է, որ կան տեխնիկական խնդիրներ, որոնց պատճառով հնարավոր չէ, ինչի մասին ես հայտարարություն եմ տարածել: Ինչ վերաբերում է իմ տպավորություններին՝ ես չեմ կարող միանշանակ ինչ-որ բան ասել: Մի կողմից ինձ շատ հարգարժան մարդուց եղել է պարզաբանում, մյուս կողմից մենք Հայաստանում ունենք նախադեպեր, որ նախարարությունը ուղիղ արգելանք է դրել որեւէ միջոցառման կամ որեւէ բովանդակության ներկայացման հետ կապված՝ ընդ որում՝ վերջին մեկ տարվա ընթացքում: Արդյո՞ք հանրության այն տպավորությունը, որ սա եւս գրաքննության դեպք է՝ լեգիտիմ լինելու իրավունք չունի: Խնդիրը սա է: Այսինքն՝ հնարավոր է, որ արգելելու մասին լուրերը ճիշտ չեն, եւ հնարավոր է՝ ճիշտ են: Եթե դրանք ճիշտ են, ապա սարսափելի է, որ Հայաստանում արդեն սովորություն է դառնում գրաքննությունը: Եթե դրանք ճիշտ չեն, է՛լ ավելի սարսափելի է, որ որդեգրված գործելակերպը հանգեցրել է նրան, որ նման տեղեկատվությունը միանգամայն լեգիտիմ լինելու իրավունք է ստացել»:

Բազմաթիվ հակասական կարծիքներ են տարածվել գրքի մասին, կայքերից մեկն անգամ «Սաակաշվիլու վկաները Հայաստանում» վերնագրով հոդված է հրապարակել՝ գրելով, որ ֆեյսբուքում Սաակաշվիլիի պաշտամունքի արշավ է սկսվել:

«Հայկական ժամանակ»-ի հարցին՝ ինչպե՞ս կմեկնաբանի Վրաստանի նախկին նախագահի հակահայ լինելու մասին մեղադրանքները, Միքայել Նահապետյանը պատասխանեց.

«Նախ սկզբում ասեմ, որ ես Սաակաշվիլու թիմի մասը չեմ, ես Սաակաշվիլու փաստաբանը չեմ, նրա պաշտպանը ու շահերի ներկայացուցիչը չեմ: Երկրորդ. ջավախահայերն իմ ազգակիցներն են, իմ եղբայրներն են: Ջավախքի խնդիրը շատ նուրբ խնդիր է, որի հետ կապված ես չունեմ այն բավարար դիվանագիտական գիտելիքները, որ կարողանամ միանշանակ տեսակետ արտահայտել: Ինչ վերաբերում է թարգմանել կարելի-չի կարելի լինելուն, Սաակաշվիլին հակահայ է կամ հակահայ չէ, այսպես ասեմ. եթե մենք ասում ենք՝ ինչ-որ մեկը հակահայ է եւ հրաժարվում ենք ուսումնասիրել, թե իրենք իրենց խնդիրներն ինչպես են լուծել, որովհետեւ աշխարհում յուրաքանչյուրն ինքն իր խնդիրներն է լուծում, եւ մեր խնդիրը ոչ ոք չի լուծելու, եթե հրաժարվում ենք ուսումնասիրել իրենց փորձը՝ իրենց խնդիրները լուծելու ճանապարհին, դա նշանակում է, որ մենք լռելյայն հակվում ենք այն կարծիքին, որ մեկը, ով հակահայ չէ, կգա ու մեր խնդիրները կլուծի: Նման բան չի լինելու: Հակահայ, թե հայամետ, մեր խնդիրները մենք ենք լուծելու: Ու դրա համար է, որ մեզ պետք է ուսումնասիրել թե՛ հակահայերի, թե՛ հայամետների փորձը: Այդ կարծիքն արտահայտողները թող ասեն՝ ո՞վ է հայամետ. Ջոն Քերին հայամե՞տ է, ռուսական կողմի ներկայացուցիչները հայամե՞տ են: Իսկ այդ մարդիկ տեղեկացվա՞ծ են՝ ռուսական պետական կառավարման ապարատը ոնց է աշխատում, ամերիկյան ապարատը ոնց է աշխատում: Այնպես որ, աբսուրդ է ասել՝ հակահայ է, ականջները փակել այն ինֆորմացիայի առաջ, որը կարող է օգտակար լինել, կարող է ի գիտություն ընդունելու համար պիտանի լինել»: 

Մեր մյուս հարցին, թե ընթերցողն ու քաղաքացին ի՞նչ կարող են ստանալ գրքից, Միքայելն ասաց, որ ամեն մեկը տրված նյութից պետք է իր համար օգուտներ քաղի.

«Ես չեմ կարող ասել՝ մարդիկ ավելի շատ ինչ նախասիրություններ ունեն, որ ոլորտում ավելի շատ գիտելիքներ ու հետաքրքրություններ ունեն: Այս գրքում թե՛ ոստիկանական համակարգի ռեֆորմների մասին է խոսվում, թե՛ տնտեսական, հարկային քաղաքականության, այստեղ նաեւ միջազգային քաղաքականության շրջանակներում հարցեր լուծելու մեխանիզմների ու մեթոդների մասին է խոսվում: Ամեն մեկն իր հետաքրքրությունների սահմանում կարող է օգուտներ քաղել: Հնարավոր է՝ մարդիկ լինեն, ովքեր շատ ավելի խորապես են տեղյակ այս ամենից, եւ իրենց համար որեւէ օգտակար բան չլինի»:

Թարգմանիչը նշում է, որ հայերի ու Հայաստանի մասին շատ քիչ է խոսվում գրքում, միայն մի դրվագում Հայաստանի անունը շոշափվում է այն կոնտեքստում, որ անդրկովկասյան պետությունների հարաբերությունները պիտի խորացվեն, ու այդ առումով շատ կարեւոր է նաեւ Հայաստանի հետ հարաբերությունների մերձեցումը: Մի դեպքում էլ, երբ խոսում է տարածաշրջանում չլուծված հակամարտությունների մասին, տալիս է նաեւ Արցախի անունը՝ չեզոք կոնտեքստում: Մյուս դեպքում հայերի անունը շոշափվում է եւս մի տեղ, որ Թբիլիսին ինչպես հայերի, այնպես էլ ադրբեջանցիների համար շատ կարեւոր կենտրոն է նույնչափ, որքան վրացիների համար:

Միքայել Նահապետյանն ասաց, որ շնորհանդեսն իրականացնելու տեղի համար աջակցություն հայտնողներ շատ կա: Տարբեր մարդիկ առաջարկություններ արել են՝ նույնիսկ հանրային: Վերջինս նշեց, որ խնդիրն այսօր վերջնական կլուծվի:

Գրականագետ Հովիկ Չարխչյանը, սակայն սա գրաքննություն չի համարում: Նրա խոսքով՝ ընդամենը տեղն է փոխվել, եւ շնորհանդեսը, այնուամենայնիվ, կայանալու է.

«Ուղղակի ոչ մի ընդհանրություն չեմ գտնում այդ գրքի ու Չարենցի տուն-թանգարանի միջեւ: Ի՞նչ կապ ունի այդ վայրը քաղաքական բովանդակությամբ գրքի հետ: Կարծում եմ, որ ընդամենը տեղի ընտրությունն էր սխալ կատարվել: Եվ այդ իմաստով փորձել են շտկել սխալը: Տվյալ դեպքում չեմ կարող համարել գրաքննություն՝ հենց միայն այն փաստով, որ գիրքը թարգմանվել ու տպվել է»,- ասաց Հովիկ Չարխչյանը:

Մշակույթի նախարարությունից մեզ ասացին, որ իրենք խնդրի հետ կապ չունեն:

Գրքի թարգմանիչ Միքայել Նահապետյանը տեղեկացնում է, որ շնորհանդեսի նոր տեղի վերաբերյալ իվենթում «going» նշած բոլոր մարդկանց կծանուցեն անձնական հաղորդագրությամբ:

                                                                                      

Տպել
2346 դիտում

ԲԴԽ-ն կարող է վերականգնել և պետք է վերականգնի քաղաքացիների հավատը արդարադատության նկատմամբ․ Խաչատուրյան

Վորլդ Վիժն Հայաստանը բնաիրային աջակցություն կտրամադրի Արցախից տեղափոխված 10.020 շահառուի

Կոնգրեսականը փորձել է զենքով մուտք գործել Կապիտոլիումի շենք

ՀՀ պետական սահմանի հայ-ադրբեջանական շփման գծի ամբողջ երկայնքով շարունակել է պահպանվել կայուն օպերատիվ իրավիճակը

Սուրեն Պապիկյանը և Սերգեյ Կոպիրկինը ծանոթացել են ՀԱԷԿ կայանի արդիականացման աշխատանքներին

Անդրանիկ Փիլոյանն ընդունել է Բելառուսի նորանշանակ դեսպան Ալեքսանդր Կոնյուկին

Արդի տեխնոլոգիաների խմբում զինվորական ծառայության նշանակելու ընտրության նպատակով մրցույթ է հայտարարվել

Եթե ասել է, ենթադրում եմ՝ ինչ-որ հիմքեր ունեցել է. Խաչատուրյանը՝ «վնգստացող դատավորներ» արտահայտության մասին

Դա աննորմալ երեւույթ է. Ջհանգիրյանը՝ «Մարտի 1»-ի գործով նիստերի մասին

Լսելով Ձեր խոսքը՝ վախեցա, մտածեցի՝ մի՞թե ես այդպիսի բան եմ ասել. Ջհանգիրյանը՝ պատգամավորին

Ամբիոնից հայտարարեմ՝ նախագահ եմ, թուրն առնեմ գնամ այնտե՞ղ. Ջհանգիրյանը՝ դատավորներին ճնշելու, ԲԴԽ նախագահ դառնալու մասին

Արտակ Բեգլարյանը Կարմիր խաչի Արցախի գրասենյակի ղեկավարի հետ քննարկել է մարդասիրական մի շարք ծրագրեր

Ռուսաստանի քաղաքներում ձերբակալվել են Նավալնիի կողմնակիցները

ՔՏՀԱ տեսչական մարմինը Մարտունի համայնքում հայտնաբերված խախտման հիմքով դիմել է ՀՀ գլխավոր դատախազություն

Եթե մենք ուզում ենք խաշ ուտենք, կաթ տվող կովին չենք մորթում. Ջհանգիրյանը դեմ է գերագույն դատարանի ստեղծման գաղափարին

ԼՀԿ-ն լքեց ԱԺ նիստերի դահլիճը. ընդդիմությունը չի մասնակցի ԲԴԽ անդամների քվեարկությանը

Արցախում խոր ափսոսանքով ընդունեցինք Պարգև Արքեպիսկոպոս Մարտիրոսյանի ազատվելու լուրը. Ա. Հարությունյան

Ճապոնիան չի միանա միջուկային զենքի արգելքի մասին պայմանագրին

Ջաբրայիլում ականապայթյունային վիրավորումներ է ստացել Ադրբեջանի ականազերծման կենտրոնի աշխատակիցը

Եթե վարույթ հարուցվի, իմ տեսակետը կարտահայտեմ. Ջհանգիրյանը՝ զինված հեղաշրջման կոչեր հնչեցրած անձանց չկալանավորելու մասին

Ինձ թվում էր, որ իմ այնտեղ գնալը նրանք պետք է աղուհացով դիմավորեին․ Ջհանգիրյանը՝ ԲԴԽ նախագահի հայտարարության մասին

ԱՄՆ պետքարտուղարը վերահաստատում է Բայդենի խոստումը Հայոց ցեղասպանության վերաբերյալ

Ավագ դպրոցներում ստեղծվել են բնագիտական առարկաների գծով լաբորատորիաներ․ ԿԳՄՍՆ

Երբեք մեր դատական համակարգին ու դատավորներին այսպիսի վճարունակ կլիենտներ չեն հասել. ԲԴԽ անդամի թեկնածու

Բ. Սահակյանի նախկին թիկնապահի դին հայտնաբերվել է գլխի հրազենային վնասվածքով, հարուցվել է քրգործ. ԱՀ ՔԿ-ն մանրամասնում է

Հարևանությամբ այնպիսի դղյակներ կան, որ մեր տունը գոմի է նման․ Գագիկ Ջհանգիրյանը ՝ իր ունեցվածքի մասին

Ցավոք, նոր իշխանության եկած ուժը դատական համակարգի զտման ուղղությամբ գործնական քայլեր չի արել. Ջհանգիրյան (տեսանյութ)

Դատարանը մերժեց Քոչարյանի գործով Արթուր Դավթյանին եւ մյուս դատախազներին հայտնված բացարկի միջնորդությունը

Ակնկալում եմ, որ առաջ կմղվեն հայ-ամերիկյան բարեկամական հարաբերությունները. Ա. Սարգսյանը շնորհավորել է Ջո Բայդենին

Աշխատանք փնտրողներին կօգնեն դառնալ առավել մրցունակ. վերսկսում է «Զբաղվածության դպրոց» ծրագրի հայտերի ընդունումը

Գիշերը Ստեփանակերտում հայտնաբերվել է Բակո Սահակյանի անվտանգության ծառայության նախկին աշխատակցի դին

Մշակվել է դպրոցներում էլեկտրոնային ուսուցման կարողությունների զարգացման ծրագիր

Ջհանգիրյանն ու Խաչատուրյանը ԱԺ նիստերի դահլիճում են. հրապարակվեց Ջհանգիրյանի կենսագրությունը

ՎՏԲ-Հայաստան Բանկը ֆինանսավորել է «Երևանի շամպայն գինիների գործարան» ԲԲԸ-ին

Պետական սահմանների որոշման գործընթացի ոչ լեգիտիմ լինելու և կոպիտ խախտումների մասին ՄԻՊ-ը դիմել է ԵԱՀԿ-ին, ՄԱԿ-ին, ԵԽ-ին

Խորհրդարանն այսօր ընտրելու է ԲԴԽ նոր անդամների․ մինչ այդ ընդդիմադիրները բողոքի ակցիա են իրականացնում ԱԺ-ի դիմաց

Լուրը, թե պաշտպանության նախարարությունը կրճատել է աշխատակիցների աշխատավարձերը, չի համապատասխանում իրականությանը

Հայաստանի ու Արցախի ղեկավարները ԱԽ խորհրդակցություն են անցկացրել

Google-ը սպառնացել է անջատել ինտերնետի որոնումը Ավստրալիայում

Շուշիի վերաբերյալ Նիկոլ Փաշինյանի խոսքը մանիպուլացվել և խեղաթյուրվել է. տեղեկատվության ստուգման կենտրոն