Եզդի դպրոցականները շարունակում են ընդդիմանալ. ծնողները նրանց դպրոց չեն թողնում

Ազատանում բնակվող եզդի դպրոցականները երկրորդ կիսամյակը եւս բոյկոտով սկսեցին: Բայց մեղավորը ոչ թե երեխաներն են, այլ նրաց ծնողները: 10, 11 եւ 12-րդ դասարանցիներին թույլ չեն տալիս դպրոց հաճախել: Խնդիրը ծագեց 2017 թվականի սեպտեմբերից, երբ ՀՀ-ում 12-ամյա կրթությունը դարձավ պարտադիր: Մեծ աշխատանք է տարվել եզդի ծնողների հետ: Ազատանի համայնքապետը, դպրոցի տնօրենը, ազգությամբ եզդի, ազատանաբնակ «Հյուսիսային մարզերի եզդիների միավորում» հկ նախագահ Հուսիկ Ֆերոյանը եւս  բացատրել, փորձել են կրթության կարեւորությունը հասկացնել, բայց՝ անօգուտ: Եզդիները օրենքի վերանայում եւ առանձին կետով իրենց համար այլ մոտեցում են պահանջում:

Դպրոց չհաճախելու իրենց պատճառներ ունեն եզդի ծնողները: Սոցիալականից սկսած մինչեւ նեղ անձնական: Երեխաներին փոքր տարիքում են ամուսնացնում, հենց դրա համար էլ, հատկապես աղջիկներին, դպրոց ուղարկելուց հրաժարվում են: 10-րդ դասարանն արդեն նրանց համար վերջին սահմանն է: Առաջին կիսամյակում դպրոցից լրիվ հրաժարված 7 աշակերտից 5-ին մի կերպ այս կիսամյակ դպրոց են բերել, սակայն բացակայությունների թիվը մեծ է: 7-ից երկուսն ընդհանրապես չեն ներկայացել:

«2-ից մեկն աղջիկ է, լավ էլ սովորում էր, բայց ծնողները չթողեցին, որ գա դասի: Հուսիկն էլ հետները խոսեց, ես նույնիսկ Ազիզ Թամոյանի հեռախոսի համարը տվեցի, որ զանգեն: Բայց հնար չկա, չեն թողնում աղջկան ու վերջ: Մեզ էլ ասեցին, որ դա իրենց ընտանիքի խնդիրն է, էլ չխառնվենք, թե չէ ուրիշ բաներ կբացվեն արդեն»,-մեզ հետ զրույցում փոխանցեց Ազատանի դպրոցի տնօրեն Համլետ Ոսկանյանը:

Առաջին կիսամյակում ուսումից հրաժարված եւս մեկ աշակերտ էլ, ում ծնողների հետ տարված բացատրական աշխատանքներից հետո հնարավոր է եղել կրկին բերել դպրոց, նույն դասարանում կմնա, քանի որ շատ բացակայություն ունի: «Մամյան Ռոմանի 200 ժամն արդեն անցել է, ես չգիտեմ' ոնց է լինելու, ըստ օրենքի' մնալու է նույն դասարանում: Հիմա էլ մի օր գալիս է, հետո էլի չի գալիս»,-ասաց տնօրենը:

Դպրոց հաճախող եւ ներկա պահին 10-րդ դասարանում սովորող եւս մեկ եզդի աշակերտուհի գալիք տարվանից չի շարունակի ուսումը: «Զինան փայլուն աշակերտուհի է, բացառիկ ընդունակություններ ունի, բայց արդեն լսել ենք, որ չեն թողնելու սեպտեմբերից գա դպրոց, երեւի պետք է ամուսնացնեն»:

Եթե չամուսնանան էլ, միեւնույն է, դպրոց չեն հաճախի: Աղջիկները կմնան տանը, կզբաղվեն կենցաղային գործերով, տղաները կանցնեն աշխատանքի, կամ տեղում, կամ  երկրից դուրս: Արտագնա աշխատանքի կմեկնեն:

Ամեն ինչ հարթ է տարրական օղակում: Ազգությամբ եզդի 6 աշակերտ կա, բոլորն էլ պարտաճանաչ են, շատ լավ են սովորում: Խնդիրներն այստեղ ծագում են 9-րդ դասարան հասնելուն պես: Դպրոցում նրանք հայերենից զատ, նաեւ եզդիերեն են սովորում: Հենց նրանց համար հատուկ դասաժամեր եւ ուսուցիչ կա:

Նյութը կարող եք կարդալ «Հայկական ժամանակ» օրաթերթի փետրվարի 2-ի համարում:

Տպել
2442 դիտում

Զինծառայողները մասնակցել են համապետական շաբաթօրյակին ու ծառատունկին (լուսանկարներ)

Նորատուս գյուղի ռեստորանային համալիրի շոգեբաղնիքում հրդեհ է բռնկվել

Հայաստանի ֆուտբոլի հավաքականը պարտվեց Եվրո 2020-ի ընտրական 1-ին խաղում

Կրակոցներ Լոռու մարզում. 3 քաղաքացի տեղափոխվել է հիվանդանոց, որոնցից երկուսը հայր ու որդի են

Փոցխ ու ձեռնոց նաեւ ԵՄ դեսպանին. Պյոտր Սվիտալսկին Գյումրիում միացել YIC-ի շաբաթօրյակին

Վարդենյաց լեռնանցքը կցորդիչով բեռնատարների համար դժվարանցանելի է

Առանձնատնից գողություններ կատարածներն անչափահասներ էին. նրանք ձերբակալվել են

Զինծառայողները եւս մասնակցել են համապետական շաբաթօրյակին

Ոստիկանությունը հայտնաբերել եւ բերման է ենթարկել ավտոլվացման կետից ավտոմեքենա փախցրած անձին

Հայաստանն ընտրվել է ՄԱԿ-ի Կանանց կարգավիճակի հարցերով հանձնաժողովի նախագահող

Համալասարանական հիվանդանոցների ղեկավարները ներկայացրել են կատարված աշխատանքները

ՀԱՊԿ գլխավոր քարտուղարի հարցի շուրջ կառույցի ներսում քննարկումները շարունակվում են. ՀՀ ԱԳՆ

Թուրքիայի նախագահ Ռեջեփ Թայիփ Էրդողանը ապրիլի 8-ին կայցելի Ռուսաստան

Մենք պետք է մեր շրջապատի մաքրությունն ապահովենք ամենօրյա աշխատանքի միջոցով․ Սուրեն Պապիկյան

Ռոբերտ Քոչարյանը 5-րդ գանգատն է ներկայացրել ՄԻԵԴ՝ կալանավորման դեմ բողոքը անհապաղ չքննելու վերաբերյալ

Արցախի պողոտայում բախվել են ավտոմեքենաներ. կա տուժած

Արմավիր քաղաքում լայնամասշտաբ ծառատունկ է իրականացվել․ նպատակ ունեն քաղաքում երկրորդ զբոսայգին հիմնել (լուսանկարներ)

Արտակարգ իրավիճակների նախարարության աշխատակիցները հանրապետության ողջ տարածքում ակտիվ մասնակցել են շաբաթօրյակին

Լոռու մարզի դատախազությունում խորհրդակցություն է եղել բնակարանային գողությունները նվազեցնելու թեմայով

ՀՀ քննչական կոմիտեի աշխատակիցները մասնակցել են համապետական շաբաթօրյակին