Ազգային փոքրամասնությունները վրդովված են կառավարման նոր համակարգից. նամակ պատգամավորներին

12/03/2018 schedule08:55

ՀՀ տարածքում ապրող ազգային փորամասնությունները վրդովված են ՀՀ նոր կառավարման համակարգից ու դրանից բխող փոփոխություններից: Իրենց բողոքը նրանք արտահայտել են ՀՀ ԱԺ բոլոր պատգամավորներին ուղղված բաց նամակով:

Հարգելի ՀՀ ԱԺ պատգամավորներ, ՀՀ ԱԺ նախագահ և ՀՀ Արդարադատության նախարար,

Մենք՝ ՀՀ ազգային փոքրամասնությունների ներկայացուցիչնեռը, անհանգստացած ենք այն հանգամանքով, որ Հայաստանի Հանրապետությունը, դառնալով Խորհրդարանական Հանրապետություն, ցավոք նվազեցնում է մեր ձեռք բերած իրավունքները և հնարավորություները։

Տարիներ առաջ ստեղծվել են ազգային փոքրամասնություններով զբաղվող երկու մարմիններ՝ ՀՀ Նախագահի աշխատակազմին առընթեր ՀՀ ազգային փոքրամասնությունների ազգային-մշակութային կազմակերպությունների համակարգող խորհուրդ (այսուհետ՝ Համակարգող խորհուրդ, որը ակտիվ գործում է մինչև այսօր) և Հանրային խորհրդի ազգային փոքրամասնությունների հարցերի հանձնաժողով (այսուհետ՝ հանձնաժողով, որը չի գործում՝ մեռած մարմին է)։ Սակայն տվյալ պահին ՀՀ օրենսդրության մեր մասով կատարված փոփոխությունները հանգեցնում են նրան, որ ակտիվ գործող մարմինը վերացվում է, իսկ մեռած մարմինը փորձում են վերակենդանացնել։

Հիշեցնենք, որ ելնելով ՀՀ-ում ազգային փոքրամասնությունների պաշտպանվածությունն ապահովելու, նրանց միջհամայնքային հարաբերություններն ակտիվացնելու, ինչպես նաև հատուկ կրթամշակութային, իրավական և այլ խնդիրների նկատմամբ պետական հոգածությունն առավել արդյունավետ դարձնելու անհրաժեշտությունից՝ 2000թ. հունիսի 15-ին ՀՀ Նախագահն իր կարգադրությամբ ստեղծեց Համակարգող խորհուրդ, ինչը բավականին առաջընթաց ունեցավ ազգային փոքրամասնությունների համայնքների զարգացման գործում։ Մեզ ՀՀ իշխանությունների պաշտպանություն և աջակցություն է պետք, իսկ, լուծարելով ակտիվ գործող Համակարգող խորհուրդը, Դուք մեզ զրկում եք այդ ամենից։

Քանի որ մեզ վերաբերվող ՀՀ օրենքների նախագծերը մշակում է ՀՀ Արդարադատության նախարարությունը, դիմում ենք նաև Ձեզ, պարոն ՀՀ Արդարադատության նախարար խնդրանքով՝ չնվազեցնել մեր կարգավիճակը՝ հանել «Հանրային խորհրդի մասին» ՀՀ օրենքի նախագծի, Հոդված 6, 16-րդ կետի, 10- րդ մասը. «16․ Հանրային խորհրդի մշտական հանձնաժողովները և դրանց գործունեության ոլորտներն են՝ ․․․․ 10) ազգային փոքրամասնությունների հարցերի հանձնաժողով (ազգային փոքրամասնությունների խնդիրներ)»։ Իսկ «Ազգային փոքրամասնությունների մասին» ՀՀ օրենքի նախագծում ամրագրել Վարչապետին առընթեր Ազգային փոքրամասնությունների Համակարգող խորհրդի ստեղծումը, ինչը ՀԱՄԱՐԺԵՔ կլինի Ձեր կողմից լուծարվող Համակարգող խորհրդին։

ՀՀ Սահմանադրությունը չի սահմանափակում ՀՀ Վարչապետին առընթեր խորհրդներ ստեղծելու։

ՀՀ Նախագահի աշխատակազմին առընթեր ՀՀ ազգային փոքրամասնությունների համակարգող խորհրրդի անդամներ՝

Իրինա Սագրադովա-Գասպարյան Ասորական համայնք

Իրինա Պոգոսյան-Տաբոլիչ Բելառուսական համայնք

Գալինա Գավրիլովիչ Բելառուսական համայնք

Վիկտոր Վուխրեր Գերմանական համայնք

Մարտին Մինասյան Գերմանական համայնք

Լիանա Հարությունյան Լեհական համայնք

Դջուլիա Դոմբայան Լեհական համայնք

Աննա Հարությունյան Ուկրաինական համայնք

Սերգեյ Ռաչկո Ուկրաինական համայնք

Ռիմա Վարժապետյան Հրեական համայնք

Վիլլի Վայներ Հրեական համայնք

Աիդա Հարությունյան Ռուսական համայնք

Մարինա Կամիսիդի-Գալստյան Հունական համայնք

Սվետլանա Նամչևաձե Վրացական համայնք

Տպել
1855 դիտում

Մխիթարյանը գոլ է խփում «Ռոմայում» նորամուտի խաղում (տեսանյութ)

Սլավիկ Գալստյանը դարձավ ըմբշամարտի աշխարհի առաջնության բրոնզե մեդալակիր

Հենրիխ Մխիթարյանը «Ռոմա»-ի մեկնարկային կազմում է

Վանաձորում 32-ամյա տղամադրու վրա կրակոցներ արձակած, նրան վիրավորած կասկածյալը հայտնաբերվել է

ՀՀ զբոսաշրջության կոմիտեն հորդորում է խուսափել մոտ օրերս դեպի Արագած վերելքներ իրականացնելուց

Արթուր Ալեքսանյանն ապահովեց Տոկիո-2020-ի ուղեգիրը. ըմբշամարտի աշխարհի առաջնություն

Շուշիում մկրտվել են Ապրիլյան պատերազմում զոհված հերոսների հարազատները

Նիկոլ Փաշինյանը ցավակցական հեռագիր է հղել Մեծի Տանն Կիլիկիո Կաթողիկոս Արամ Ա-ին՝ մոր մահվան կապակցությամբ

Մեկնարկեց մարդու իրավունքների երկրորդ փառատոնը․ միջոցառումներ կանցկացվեն նաև Վանաձորում․ լուսանկարներ

Վրաերթ Կոտայքի մարզում. տուժածը հիվանդանոցում մահացել է

Զինված հարձակում՝ Կյոկուշին ֆեդերացիայի նախագահի նկատմամբ. Արման Բաբաջանյանն ահազանգում է

Երևանում տեղադրվել են պլաստիկ շշերի համար նախատեսված 4 սորտավորման ամաններ

Երևանի Արցախի պողոտայի տներից մեկում հրդեհ է բռնկվել, տուժածներ չկան

ԱՀ պետնախարարը հանդիպել է «Հայոց պետականության անցյալը, ներկան ու ապագան» միջազգային գիտաժողովի մասնակիցներին

1 մլն արժողությամբ 1,5 մետրանոց հեռուստացույցը կարող է ազդեցություն ունենալ. որ դեպքերում են զրկվում նպաստից

Հայաստան է ժամանել Քուվեյթի շեյխուհի Հուսա Սաբահ Ալ-Սալեմ Ալ-Սաբահը

Արցախի հիվանդանոցը կդառնա համալսարանական հիվանդանոց

Ապօրինի ծառահատում և զենք-զինամթերքի հայտնաբերում․ Իջևանի ոստիկանների բացահայտումը

Երևանում տեղի ունեցած խոշոր վթարից տուժած 2 երեխաները ստացել են առաջին բուժօգնություն եւ տուն են գնացել

30-ն անց աղջիկներին տանջող հարցերից է՝ «Տանը մնացի՞». Թամարա Պետրոսյանը նոր մոնո ներկայացմամբ հանդես կա