Ավագ-լեյտենանտ, զորամասի իրավաբան Մաքսիմ Գրիգորյան. մարտի գնաց 39 աստիճան ջերմությամբ

Մեր ժամանակի հերոս ավագ-լեյտենանտ Մաքսիմ Գրիգորյան. 2016թ-ի ապրիլի 2-ին մարտական դիրքի վրա թշնամու հանկարծակի հարձակման ընթացքում ծավալված թեժ ու համառ մարտերի ժամանակ՝ օգնության սահմանապահներին հասնելով Մաքսիմ Գրիգորյանը հերոսաբար նահատակվում է:

2016-ի ապրիլի 1-ի լույս 2-ի գիշերը ադրբեջանական զինուժին հաջողվել էր ներթափանցել Ջաբրայիլի հայտնի Լելե Թեփե բարձունքը։ Այդ բարձրունքի վրա գտնվում էր 112-րդ մարտական դիրքը, որի տղաները անձնվիրաբար կռվեցին հանուն հայրենիքի պաշտպանության։ Ականատեսների խոսքերով՝ զորամասում հենց տեղեկություն ստացվեց, որ լուրջ մարտական գործողություններ են տեղի ունենում, մի քանի սպա արագ առանց այս ու այն կողմ ընկնելու նստեցին մեքենան եւ շարժվեցին դեպի դիրքեր։ Այդ սպաներից մեկը զորամասի իրավաբան, ավագ-լեյտենանտ Մաքսիմ Գրիգորյանն էր։

30-ամյա հերոսը 2016 թվականի ապրիլի 1-ին գնում է Ստեփանակերտ՝ մասնակցելու իրավաբանների ժողովի։ Ջերմություն ուներ՝ 39 աստիճան։ Զանգում է Ստեփանակերտում ապրող քրոջը՝ Նունեին, ասում, որ դեղեր պատրաստի ու թեյ. ժողովից հետո իրենց տուն է գնալու։ Գնում է, խմում, մի քիչ հանգստանում ու վերադառնում տուն։ Գիշերը նորից ջերմում է, իսկ առավոտ ծեգին զանգ ստանում՝ սահմանին վիճակը լարված է։ Տղաներին ասում է, որ իրեն սպասեն, երեք րոպեից իրենց մոտ կլինի։ Զորամասի հինգ սպաներից բաղկացած խումբը (Սուրեն Մելքումյան, Ալեքսան Առաքելյան, Ռոման Պողոսյան, Օնիկ Գրիգորյան, Մաքսիմ Գրիգորյան) օգնության է հասնում Լելե Թեփե բարձունքի 112-րդ մարտական դիրքը պաշտպանող ժամկետայիններին։ Երկար, համառ ու անհավասար պայքարից հետո զոհվում են դիրքի անձնակազմից 12 ժամկետային զինծառայող, 1 պայմանագրային զինծառայող եւ օգնության հասած 5 սպաները։ Նրանց անձնուրաց պայքարի շնորհիվ գունդը ժամանակ ու հնարավորություն ստացավ պատրաստվելու հետ մղել թշնամու հետագա առաջխաղացումը դեպի պաշտպանական շրջանի խորքը։

Մաքսիմ Գրիգորյանը հայտնի է որպես խիստ սպա էր, որը չէր ընդունում հովանավորյալ զինվորներին։

Գրիգորյանը ծնվել է Հադրութի շրջանի Տումի գյուղում։ 1993-2003 թթ. սովորել է Տումիի միջնակարգ դպրոցում։ 2004-2006 թթ. պարտադիր զինվորական ծառայություն է անցել ՊԲ N զորամասում։ 2006-2008 թթ. սովորել է Ստեփանակերտի «Գրիգոր Նարեկացի» համալսարանում։

Ավարտելուց հետո նույն թվականին անցել է պայմանագրային զինվորական ծառայության ՊԲ N զորամասում որպես մոտոհրաձգային վաշտի տեխնիկ։ 2008 թ. սովորել է ՀՀ ՊՆ ենթասպաների դպրոցում՝ ստանալով ենթասպայի կոչում։ 2012 թ. նշանակվել է ՊԲ  Ջաբրայիլի զորամասի հրամանատարի՝ սոցիալ-իրավական աշխատանքների գծով օգնական-սպա՝ ստանալով լեյտենանտի կոչում, իսկ որոշ ժամանակ անց ստացավ՝ ավագ-լեյտենանտի կոչում։

Ծառայության ընթացքում պարգևատրվել է ՀՀ ԶՈՒ «Անբասիր ծառայության» 1-ին աստիճանի, «ՀՀ զինված ուժեր 20 տարի», Արցախի «Մարտական ծառայություն», «Երկրապահ կամավորականների միություն» հկ-ի «Հայաստանի երկրապահ» մեդալներով։

Զոհվել է 2016 թ․ ապրիլի 2-ին՝ մարտական գործողությունների ժամանակ 9-րդ ՊՇ  112 մարտական դիրքը (Վարազաթումբ/Լելե-Թեփե) պաշտպանելիս համածառայակից սպաներ փոխգնդապետներ Ալեքսան Առաքելյանի, Ռոման Պողոսյանի, Օնիկ Գրիգորյանի, մայոր Սուրեն Մելքումյանի հետ միասին։ Նույն դիրքում են զոհվել նաեւ դիրքապահ զինծառայողներ սերժանտներ Ադամ Սահակյանը, Կարեն Ներսիսյանը, կրտսեր սերժանտ Սաշա Գալստյանը, շարքայիններ Ժորա Եսայանը, Բագրատ Ալեքսանյանը, Տիգրան Բերակչյանը, Բարիս Օզմանյանը,  Անդրանիկ Գրիգորյանը։

Ամուսնացած էր, ունի 2 դուստր։ Հետմահու պարգեւատրվել է «Մարտական խաչ» 1-ին աստիճանի շքանշանով, Արցախի «Արիության համար» մեդալով, «Մայրություն» հկ-ի «Մայրական երախտագիտություն Արցախի քաջորդիներին» մեդալով։

Տպել
3185 դիտում

Մանվել Գրիգորյանի խափանման միջոցի հարցով որոշումը կհրապարակվի հունվարի 22-ին

Միջուկային խնդրով Հյուսիսային Կորեայի ավագ բանագնացը ժամանել է Վաշինգտոն

Մայրապետյանի գործով ՄԻԵԴ-ը դիմումատուի իրավունքի խախտում չի արձանագրել. դատախազություն

Դավոսի համաշխարհային համաժողովի կայքում լույս է տեսել Փաշինյանի հոդվածը. նա կմասնակցի համաժողովին

Ավարտվել է Հանրապետության նախագահ Արմեն Սարգսյանի պաշտոնական այցն Արաբական Միացյալ Էմիրություններ

Հաստատվեց ԵԽԽՎ հայաստանյան պատվիրակության կազմը. ղեկավարը Ռուբեն Ռուբինյանն է

Գերմանիայից արտաքսել են Վրաստանի 62 քաղաքացու

Սա նոր Հայաստանն է, որտեղ էականը հասարակության, ոչ թե չինովնիկների կամքն է. բաց նամակ Փաշինյանին

Ձեւավորվեց ԱԺ խորհուրդը. Արարատ Միրզոյանի գլխավորությամբ խորհուրդն արտահերթ նիստ է հրավիրել

Բաքվում հայերի ջարդերը վաղեմության ժամկետ չունեն, Ադրբեջանը պատասխան կտա. հայտարարություն

Ընտրվեցին ԱԺ մշտական հանձնաժողովի նախագահները. ով՝ որքան քվե է ստացել

2018թ. արձանագրվել է սպանության 36 դեպք. նվազագույն ցուցանիշը 1980 թվականից ի վեր. դատախազություն

Արամ Հարությունյանը Հայաստանում է գտնվում. նրա պաշտպանը հաստատեց, որ նրան չեն թույլատրել լքել երկիրը

Մեզ սպասվում է դինամիկ, շահագրգիռ ու արդյունավետ աշխատանք ԱԺ-ում. Լենա Նազարյան

Տիկնիկայինի աշխատակիցները բողոքում են Ռուբեն Բաբայանից. նրանք դիմելու են դատարան

Վերջնական որոշում այս պահին չկա. Միրզոյանը՝ կառավարության կառուցվածքի նախագծի մասին

Իշխանությունն արդեն լուծել է իր առջեւ դրված թիվ մեկ մարտահրավերը. ԱԺ նախագահը՝ Միքայել Մինասյանին

Սարքում ես Կիկոսի մահը. Գագիկ Ծառուկյանը՝ Հրանտ Մարգարյանին

Մենք հնդկահավերի ֆերմա չունենք. Մանուկյանի որդին՝ աղմուկ հանած հնդկահավերի մասին

Լեւոն Երանոսյանի կողմից պաշտոնեական լիազորություններն անցնելու փաստով նոր քրեական գործ է հարուցվել