Գյումրիում «Լրատուն» մեդիա թանգարանին տարածք չեն տրամադրել, քողարկված մերժել են

11/04/2018 schedule19:55

Մեդիա նախաձեռնությունների կենտրոնը Գյումրիում «Լրատուն» մեդիա-թանգարանի ցուցանմուշների ցուցադրության համար տարածք էր ուզել՝  «Մեդիամարտ ընդդեմ կոռուպցիայի» նախագծի ցուցանմուշների ցուցադրության համար:  Մերժվել էր: «Լրատուն» մեդիա թանգարանի ղեկավար Վահրամ Մարտիրոսյանը կոռեկտ չի համարում բարձրաձայնել, թե ումից եւ ինչ տարածք էին ուզել: Մեր հետ զրույցում նշեց՝ մերժումն ուղղակի չի եղել:Լուսանկարում «Լրատուն» մեդիա թանգարանի ղեկավար Վահրամ Մարտիրոսյանն է

«Գյումրիում էն տեղը, որը նախատեսել էինք, աներեւակայելի գումար պահանջեցին տրամադրելու համար: Նախ, իրենց հաստատության միջանցքը մերժեցին, ուրիշ բան առաջարկեցին, բայց այնպիսի ահռելի գումար պահանջեցին, որ հասկանալի էր, որ դա քաղաքական պատճառներ ունի: Ցուցահանդեսի հասցեատերերն անում են ամեն ինչ, որ ցուցանմուշները չներկայացվեն: Երեւանում էլ էր նույն վիճակը, Գյումրիում էլ եղավ, նաեւ Վանաձոր են գնալու, այնտեղ էլ այդպես կլինի»,- վստահությամբ ասաց Վահրամ Մարտիրոսյանը: 

Ցուցահանդեսը, սակայն, չխոչընդոտվեց Գյումրիում: Ցուցանմուշներն ու հիպերէկրանները տեղադրվեցին ԼՕՖՏ-ում: Դրանք կմնան Գյումրիում մինչեւ ապրիլի 20-ը եւ հասանելի կլինեն բոլոր ցանկացողներին:

«Մեդիամարտ ընդդեմ կոռուպցիայի» նախագծով որպես ցուցանմուշներ ներկայացվում են 1990-ականներից մինչեւ մեր օրերն ընկած ժամանակահատվածում բացահայտված կոռուպցիոն դեպքերն ու սենսացիոն փաստերը: «Անկախության սկզբից ի վեր, մեդիան լուսաբանեց կոռուպցիան սկզբում շատ միամիտ, նույնիսկ կոռուպցիայի բնորոշումը հաճախ շփոթում էին կաշառակերության հետ: Մինչդեռ կոռուպցիան համակարգված է եւ միշտ կապված է իշխանության հետ: Իշխանության հովանավորությամբ է արվում»,- ասաց Վահրամ Մարտիրոսյանը: «Լրատուն»-ը կոռուպցիայի 7 հայտնի դեպք է ներկայացնում:

«Օրինակ, մեկն օֆշորային գործն էր, որի հաջողությունը հարաբերականորեն ԴԱՀԿ-ի Միհրան Պողոսյանի հրաժարականն էր: Ճիշտ է, նա հետագայում հայտնվեց ԱԺ-ում, բայց դա մեր պետության եւ իշխանության մեղքն է, դա մեր պետության պարտությունն էր: Նաեւ գոմեշի մսի սկանդալն է եւ դրան զուգահեռ՝ կոռուպցիան բանակում, կամ Արմենտելն ու մենաշնորհները»:

Ներկայացվող թեմաները քաղվել են լրատվամիջոցների հրապարակումներից եւ տեսանյութերից: Հիմնականում երեւանյան լրատվական դաշտի արտադրանքն է ուսումնասիրված, քանի որ ըստ Մեդիա նախաձեռնությունների կենտրոնի տնօրեն Նունե Սարգսյանի, մարզային ԶԼՄ-ները չեն արձագանքել իրենց պահանջ-խնդրանքներին եւ չեն ներկայացրել տեսանյութեր ու հրապարակումներ:

Լուսանկարում Մեդիա նախաձեռնությունների կենտրոնի տնօրեն Նունե Սարգսյանն է

«Մեդիամարտ ընդդեմ կոռուպցիայի» նախագիծը «Լրատուն» մեդիա թանգարանի երկրորդ ցուցադրությունն է Գյումրիում: «Լրատուն»-ն առաջին ցուցադրությամբ 5 տարի առաջ հենց Գյումրիից է տվել իր գործունեության մեկնարկը՝ «Երկրաշարժ, որը ցնցեց մեդիան» խորագրով ցուցահանդեսով:

Տպել
980 դիտում

Երևան-Թբիլիսի-Երևան օրական 2 չվերթ կիրականացվի. ռուսական կողմը թույլ է տվել նաեւ ՀՀ-ից ուղիղ չվերթներ

Սամվել Ալեքսանյանի ընտանիքին տրամադրված մանկապարտեզի շենքը քաղաքապետարանը հետ է վերցնում

«Ազգային» մարզադաշտը կկառուցվի մինչեւ 2025 թ.

Քաղաքական խորհրդակցություններ Հայաստանի և Գերմանիայի ԱԳ նախարարությունների միջև

Մինչեւ 2025 թ ՀՀ ֆուտբոլի հավաքականը պետք է խաղա աշխարհի կամ Եվրոպայի առաջնությունում. ՀՖՖ-ի նպատակն է

Օրբելյանն անգամ ինձ չէր ճանաչում, այնտեղ որոշումներ կայացնողը միշտ էլ Կիրակոսյանն է եղել. Քրիստինե Նաղդալյան

Երեւանի քաղաքապետն առաջարկում է նվազեցնել ավտոմեքենաների շարժման թույլատրելի արագությունը՝ 60-70 կմ/ժ-ից դարձնել 50 կմ/ժ

ՍԱՊԾ-ն «Ծիրանի» ռեստորանում խախտումներ է հայտնաբերել

Բազում եւ Ազնվաձոր համայնքների ղեկավարները դեմ են Լեռնապատին միանալուն. Վանաձորն ավելի մոտ է ու հարմար

ԵՊԲՀ-ում դրական արդյունքներ են արձանագրվել, խնդիրները եղել են դրվագային. ՊՎԾ ներկայացուցիչ

Ազատությունից զրկման վայրերում առկա են համակարգային բազմաթիվ խնդիրներ. Արման Թաթոյան

Մեր նպատակն է Հայաստանն ավելի ճանաչելի դարձնել ֆուտբոլով. Վանեցյան

Աննա Հակոբյանը Աշոտ Բլեյանի հրավերով այցելել է «Մխիթար Սեբաստացի» կրթահամալիր (լուսանկարներ)

Դավթաշենում երեխաների ճանապարհին մայթ կկառուցվի, իսկ մեկ շաբաթից շահագործման կհանձնվի 220 մ երկարությամբ ճեմուղի

Պրոֆեսիոնալ լիգա ունենալու դեպքում ՀՖՖ-ն 270 մլն դրամ կխնայի. Վանեցյան

Ռուսաստանը վերջնագիր է ներկայացրել ԵԽԽՎ-ին

Շարքային Հայկ Ալավերդյանն իրեն հատկացված ինքնաձիգով ինքն իրեն պատճառել է մահացու հրազենային վնասվածք. ՔԿ

Քաղավիացիայում քննարկվել է Ռուսաստան-Հայաստան օդային փոխադրումների ներկայիս վիճակը

Հայտարարություն մրցույթի մասին

Սեպտեմբերից կներդրվի էլեկտրոնային օրագիր. դրանից օգտվել, թե չէ, կորոշեն ծնողն ու դպրոցը